الدىڭعى 3 ماۋسىمدا شينجياڭدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 256 ميلليارد 123 ميلليون يۋان بولدى
2021.11.16 17:28 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى حي حۇڭۋي 11 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق ساناق مەكەمەسىنەن ۇعىسۋعا قاراعاندا، بيىل الدىڭعى 3 ماۋسىمدا رايونىمىزدىڭ تۇتىنۋ بۇيىمدارىنىڭ بازارداعى اينالىمى ورنىقتى بولىپ، ۇزدىكسىز جاندانۋ جاعدايى جارىققا شىعىپ، بۇكىل رايوندا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 256 ميلليارد 123 ميلليون يۋان بولىپ، سايكەس مەزگىلدەگىدەن ％24.6 ارتىپ، بۇكىل ەلدىڭ ورتاشا ارتۋ جىلدامدىعىنان 8.2 پايىز جوعارى بولعان. مۇنىڭ ىشىندە سوماسى شەكتى كولەمنەن جوعارى ورىنداردىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 110 ميلليارد 929 ميلليون يۋان بولىپ، سايكەس مەزگىلدەگىدەن ％27.7ارتقان.
الدىڭعى 3 ماۋسىمدا رايونىمىزدىڭ قالا، اۋىلدارىندا بازار جەدەل جاقسارىپ، استىق، ماي، ازىق - تۇلىك تۇرلەرى، سۋ ونىمدەرى تۇرلەرى، كوكونىس تۇرلەرى، سۋسىن تۇرلەرى سياقتى نەگىزگى تۇرمىستىق تاۋارلاردىڭ ساتىلۋىنىڭ ارتۋى ءبىرشاما تەز بولدى. ءداستۇرلى كاسىپورىنداردىڭ ينتەرنەت جەلىسىندە تىكە تاراتۋ ارقىلى ساتۋ، سىرتتان تاماق جەتكىزىپ بەرۋ ارقىلى ساتۋ، توپتىق تاماقتاندىرۋ ارقىلى قىزمەت وتەۋ، جاناسپاي قىزمەت وتەۋ سياقتى جاڭاشا ساتۋ ۇلگىسىنىڭ ونىمدىلىگى كورنەكتىلەنىپ، ينتەرنەت جەلىسىندە تۇتىنۋدىڭ يەلەگەن سالىستىرماسى كۇن سايىن ارتتى. بۇكىل رايوندا سوماسى شەكتى كولەمنەن جوعارى تولايىم، بولشەك ساتۋ كاسىپورىندارىنىڭ الەۋمەتتىك توردا ساتقان تاۋارلارىنىڭ جيىنتىعى سايكەس مەزگىلدەگىدەن ％90.4 ارتتى؛ بۇكىل رايوندا سوماسى شەكتى كولەمنەن جوعارى قوناقجاي جانە اس - سۋ كاسىبى ورىندارىنىڭ الەۋمەتتىك توردا جۇزەگە اسىرعان قوناق ءۇي كىرىسى جيىنتىعى سايكەس مەزگىلدەگىدەن ％134.1 ارتىپ، تاماق اقىسى كىرىسى جيىنتىعى سايكەس مەزگىلدەگىدەن ％41.4 ارتتى.
تومەنگى نەگىزدىك سان قاباتتاسقان اۆتوكولىكتى تۇتىنۋدى جەدەلدەتۋ ساياساتى سياقتى فاكتورلاردىڭ ىقپالىندا، اۆتوكولىك تۇتىنۋدا جەدەل ارتۋ جاعدايى جارىققا شىقتى. الدىڭعى 3 ماۋسىمدا اۆتوكولىكتەردىڭ بولشەك ساتىلۋ سوماسى 38 ميلليارد 810 ميلليون يۋان بولىپ، سايكەس مەزگىلدەگىدەن ％36.9 ارتتى؛ مۇنايدىڭ جانە مۇنايدان جاسالعان ونىمدەردىڭ بولشەك ساتىلۋ سوماسى 26 ميلليارد 699 ميلليون يۋان بولىپ، سايكەس مەزگىلدەگىدەن ％39.6 ارتتى. اۆتونوميالى رايوننىڭ ساۋدا تاراۋلارى ءتۇيىندى دۇكەندەردى تيىمدىلىك جاساپ ساتۋدى جەدەلدەتۋ قيمىلىن تىنباي ورىستەتۋگە ۇزدىكسىز جەتەكتەدى، قۇرىلىس جانە اشەكەيلەۋ ماتەريالدارى، ءۇي ەلەكتر جابدىقتارى جانە دىبىس - كەسكىن جابدىقتارى سالاسىندا ءبىرشاما زور ارتۋ جارىققا شىقتى.
بيىل جىل باسىنان بەرى اۆتونوميالى رايوندىق ساۋدا مەڭگەرمەسى ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن مىقتاپ ارقاۋ ەتىپ، ساۋدانى، بازاردى قالپىنا كەلتىرۋ جىلدامدىعىن جەدەلدەتۋدى ىلگەرىلەتۋ، ساتۋدى دەمەۋ قيمىلىن ورىستەتۋ، تۇتىنۋ تۇعىرى قۇرىلىسىن جەدەلدەتۋ، اۋىل - قىستاق اينالىم ونىمدىلىگىن جوعارىلاتۋ، اۋىل - قىستاق تۇتىنۋىن كەڭەيتۋدى جەبەۋ سياقتى تۇتىنۋدى جەبەۋ ساياساتتارىن اتقارىپ، بەلسەندى ناتيجەگە قول جەتكىزدى.
اۆتونوميالى رايوندىق ساۋدا مەڭگەرمەسىنىڭ ورىنباسار باستىعى ليۋ بين مىنالاردى ءبىلدىردى: كەلەر قادامدا ءتۇيىندى كاسىپورىندارمەن جانە فينانس قۇرىلىمدارىمەن بىرلەسىپ تۇتىنۋدى دەمەۋ جەلىلەس قيمىلدارىن ۇزدىكسىز ورىستەتىپ، ەرەكشەلىگى ايقىن، تۇتىنۋ جاندانعان، شوعىرلى تۇتىنۋ ءونىمى كورنەكتى، مادەنيەت رايى قويۋ، ايگىلى ماركا داڭقى ءبىرشاما جوعارى كەشكى ەكونوميكا ۇلگى كوشە رايوندارىنان ءبىر توبىن جەتىلدىرىپ، ينتەرنەت جەلىسىندە تۇتىنۋدى جەدەلدەتۋ قيمىلىن ورىستەتىپ، اۋىل شارۋاشىلىعى ەرەكشە ونىمدەرى تۇتىنۋ ارناسىن كەڭەيتىپ، تۇتىنۋ كومەسكى كۇشىن جارىققا شىعارۋدى جەدەلدەتەمىز.
4 - ماۋسىمدا رايونىمىزدا قوعامدىق تۇتىنۋ بۇيىمدارىنىڭ بولشەك ساتىلۋ سوماسىندا ۇزدىكسىز ارتۋ، ورنىقتىلىق بارىسىندا ىلگەرىلەۋ سىندى دامۋ جاعدايى اۋەلگىدەي جارىققا شىعادى دەپ مەجەلەنۋدە.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
