بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ءبىر ميلليون ەرەكشە نان رەسەيلىكتەردىڭ داستارقانىنان ورىن الدى

”ىلە نانى“ ەۆروپا بازارىنىڭ قاقپاسىن اشتى

2021.11.17 15:55     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى ءجازيرا نەسىپبەك، ەرىكتى ءتىلشى لي يافىڭ 11 - ايدىڭ 15 - كۇنى قورعاستان حابارلايدى. ءبىر اۆتوموبيل، 2 اۆتوموبيل، 3 اۆتوموبيل... 11 - ايدىڭ 13 - كۇنى ءبىر ميلليون ىلە نان ونىمدەرىن تولتىرا تيەگەن جۇك اۆتوموبيلدەرى قورعاس شەكارا وتكەلى كەدەنىنەن ءوتىپ، تۇڭعىش رەت رەسەيگە ەكسپورت ەتىلىپ، العاش رەت ەۆروپا ەلدەرى بازارىنا كىردى.

  ”سىزدەردىڭ تالاپتارىڭىز بويىنشا جابىلعان ءبىر ميلليون ماي توقاشتى بۇگىن اۆتوموبيلمەن جونەلتتىك، مەجەمەن 5 كۇننەن كەيىن رەسەيگە جەتەدى“. ”جارايدى، كوپ راقىمەت! بۇل كۇندەرى رەسەيدە سىزدەردىڭ ناندارىڭىزعا دەگەن سۇرانىس كۇن سايىن ارتىپ كەلەدى، بىزدە تاعى بىرنەشە تاپسىرىس بار...“. سول كۇنى قورعاس نان كاسىپ سالاسى باقشاسىنىڭ اۆتوموبيلگە تيەۋ ورنىندا قورعاس جين - ي حالىقارالىق ساۋدا (توبى) شەكتى سەرىكتەستىگىنىڭ باسالقاسى يۇي چىڭجۇڭ قول تەلەفوندا بەينە كەسكىن ارقىلى رەسەيلىك ساۋداگەر ۆالۆا سەكسەيۆپەن تۇڭعىش توپتاعى نان ونىمدەرىن تيەۋ، كەدەننەن وتكىزۋ جاعدايى جونىندە اڭگىمەلەستى.

  جاقىنعى 2 جىلدا ىلە قازاق اۆتونوميالى وبلىسى كىشكەنتاي توقاش ارقىلى ءىرى كاسىپ سالاسىن جانداندىرۋدان جازباي، 12 نان كاسىپ سالاسى باقشاسى قۇرىلىسىن ۇزدىكسىز جەدەلدەتىپ، ىلە نان كاسىپ سالاسىنىڭ كولەمدەنگەن، بازارلانعان ەرەكشە باسىمدىققا يە كاسىپ سالاسىن دامىتۋ جولىنا بىرتىندەپ ءتۇسۋىن ىلگەرىلەتتى. ساناققا قاراعاندا، بيىل جىل باسىنان بەرى نان كاسىپ سالاسىنىڭ ساتىلىم كىرىسى جيىنى 717 ميلليون يۋانعا جەتىپ، تۇتاس كاسىپ سالاسى تىزبەگى 15 مىڭنان استام ادامدى جۇمىستانۋعا باستادى.

  قورعاس نان كاسىپ سالاسى باقشاسىندا 100دەن استام جۇمىسشى توناردا قاربالاس نان جاۋىپ جاتتى. كۇنجۇت نان، ماي نان... الۋان ءتۇرلى دامدەگى ىلە ناندارى شەبەرلەردىڭ قولىمەن پىشىندەلىپ، تونارعا ءتۇسىپ، پىسىپ شىعىپ جاتتى.

  ”التىنداي سارى توقاشتا ناننىڭ حوش ءيىسى دە، بالكۇلشەنىڭ ءتىل ۇيىرەتىن ءدامى دە بار“. ناۋباي زبيىرام ىبىرايىم ماي توقاشتى بىرنەشە ناۋبايمەن بىرگە تاپقىرلاعاندىعىن ايتتى.

  بيىل جىل باسىنان بەرى ىلە نان كاسىپ سالاسى باقشاسىنىڭ شوعىرلى باسىمدىعىنا سۇيەنىپ، حالىقارا جانە ەل ءىشى سىندى ”ەكى بازارعا، ەكى ءتۇرلى بايلىققا“ تالداۋ جاساپ، ءونىم ەرەكشەلىگىن كورنەكتىلەندىرىپ، ”نان +“ ۇلگىسىن ءتۇيىندى تۇردە ارقاۋ ەتىپ، نان ءتۇرىن، ءدامىن، ولشەمىن زەرتتەپ اشۋدى جانە وعان جاڭالىق ەنگىزۋدى كۇشەيتىپ، ىلە نانىنىڭ مەملەكەت قاقپاسىنان شىعۋ اياق الىسىن جەدەلدەتتى. 2020 - جىلى 6 - ايدا ورتا ازيا بازارىنا باعىتتالعان قورعاس نان كاسىپ سالاسى باقشاسى اشىلدى، بۇل ىلە وبلىسىنىڭ جەرگىلىكتى نان ونىمدەرى بايلىعى مەن شەكارا وتكەلىنىڭ شەكارا اتتاعان ساۋدا باسىمدىعىنا سۇيەنىپ، ”ارنا ەكونوميكاسىنان“ ”شەكارا وتكەلى ەكونوميكاسىنا“، ”ناقتى تۇلعالىق ەكونوميكاعا“ بۇرىلىس جاساۋىن ىلگەرىلەتۋدەگى ناقتى شاراسى.

  تانىستىرۋعا قاراعاندا، جەرگىلىكتى ورىنداعى نان كاسىبىنىڭ كولەمى كۇنىنە 3 ميلليون 100 مىڭعا جەتكەن. تەك وتكەن ءبىر اپتادا قورعاس نان كاسىپ باقشاسى ورتا ازياعا، ەۆروپا ەلدەرىنە 5 ميلليون 700 مىڭ ەرەكشە نان ونىمدەرىن ەكسپورت ەتىپ، جەكە ەكسپورت رەكوردىن جاڭالادى. باقشا رايونى مەن عىلمي زەرتتەۋ ورىندارىنىڭ ءوندىرۋ، وقىتۋ، زەرتتەۋ سەلبەستىگىنىڭ ارقاسىندا، ءداستۇرلى نان جابۋ ونەرى مەن قاقتاۋ تەحنولوگياسىن ورگانيكالى ۇشتاستىرىپ، 70 تۇردەن استام الۋان ءتۇرلى ءدامدى ىلە نان ونىمدەرىن زەرتتەپ اشىپ، نان ونىمدەرىنىڭ شەتەل تۇتىنۋشىلارىنا ۇيلەسىمدىلىگى مەن ونىمدەرىنىڭ وزىندىك قوسىمشا قۇنىن جوعارىلاتتى، سونىمەن بىرگە، تىرەكتى سىرتقى ساۋدا كاسىپورىندارىن ەنگىزۋ ارقىلى سىرتقا ساتىلاتىن نان ونىمدەرىن زەرتتەپ اشۋعا قاتىناستىرىپ، سەلبەستىك ۇلگىسىندە جاڭالىق اشىپ، ىلە نان كاسىبى باياندى دامۋعا يە بولدى.

  قورعاس ەكونوميكالىق اشۋ رايونى پارتيا قىزمەتى كوميتەتىنىڭ مۇشەسى، باسقارۋ كوميتەتىنىڭ ورىنباسار مەڭگەرۋشىسى جاڭ يۇڭنيڭ تىلشىگە: قورعاس ىلە نان ونىمدەرىن جەلىلەس اشۋ تەبىنىن اناعۇرلىم ارتتىرىپ، كاسىپ تىزبەگىن جان - جاقتى كەڭەيتىپ، جىل سوڭىندا 300 ميلليون يۋاننان استام ءونىم قۇنىن ورىنداۋعا كۇش سالادى، - دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار