دۇنيە جۇزىنە شىنايى شينجياڭدى كورسەتتى
− 2021 · جۇڭگو شينجياڭ دامۋ تالقى مىنبەرىنەن جەتكەن ءۇن
انار بۇلت / شينجياڭ گازەتىنىڭ ءتىلشىسى لي ياڭ
2021.11.17 15:59 كەلۋ قاينارى : شينجياڭ گازەتى
دۇنيە ءجۇزىنىڭ شينجياڭنىڭ قازىرگى دامۋ جاعدايى جونىندەگى تۇسىنىگىن ارتتىرىپ، شينجياڭنىڭ جوعارى ساپالى دامۋىن ىلگەرىلەتىپ، دامۋ ورايىن بىرگە قاراستىرىپ، اقىل - پاراسات جەتىستىكتەرىنەن بىرگە يگىلىكتەنۋ ءۇشىن، مەملەكەتتىك كەڭەس اقپارات كەڭسەسى مەن اۆتونوميالى رايوندىق حالىق ۇكىمەتى 2021 · جۇڭگو شينجياڭ دامۋ تالقى مىنبەرىن بىرگە وتكىزدى. جۇڭگولىق، شەتەلدىك سيلى قوناقتاردىڭ نازارىندا شينجياڭنىڭ شىنايى كەلبەتى قانداي؟ ءتىلشى تالقى مىنبەرىنەن جەتكەن ۇندەردى سارالاپ، نازارلارىڭىزعا ۇسىنادى.
ارگەنتينانىڭ جۇڭگودا تۇراتىن باس ەلشىسى نيۋ ۋاڭداۋ:
شينجياڭنىڭ گۇلدەنىپ - كوركەيگەندىگىن، دامىعاندىعىن كوزبەن كورگەنگە نە جەتسىن
10 جىلدىڭ الدىندا - اق جۇڭگوعا قاتىستى زەرتتەۋلەرمەن شۇعىلدانا باستادىم ءارى بۇل قاتاردا 5 كىتاپ شىعاردىم. مەن جۇڭگونىڭ 18 ولكە، اۆتونوميالى رايون، قالاسىندا بولدىم، جۇڭگونىڭ بايتاق دالاسىندا ءار ۇلت جاراسىمدى قاتار ءومىر سۇرگەن تاماشا اۋقىم مەنى وزىنە ايرىقشا باۋرادى. ءساتى ءتۇسىپ شينجياڭدا ساپاردا بولىپ، شينجياڭنىڭ دا ءدال وسىنداي ەكەندىگىن تەرەڭ سەزىندىم.
وزگەشە وڭىرلىك ابزالدىلىق بولعاندىقتان، شينجياڭ ”ءبىر بەلدەۋ، ءبىر جول“ قۇرىلىسىندا توتەنشە شەشۋشى رولعا يە. ”ءبىر بەلدەۋ، ءبىر جول“ اياسىنداعى 3 ەكونوميكالىق ءدالىز شينجياڭنان وتەدى، شينجياڭ 3 ەكونوميكالىق ءدالىز ارقىلى بوحاي شىعاناعى، چاڭجياڭ اتىراۋى، جۋجياڭ اتىراۋى سياقتى ەكونوميكاسى كوركەيگەن وڭىرلەرمەن جالعاسىپ وتىر. ”ءبىر بەلدەۋ، ءبىر جول“ شينجياڭنىڭ دامۋىنا ماڭىزدى ىقپال جاسايدى.
مەن شينجياڭدا كوپتەگەن كاسىپورىندارعا بارىپ، قوي ەتىنەن، جەمىس - جيدەكتەن جانە جاڭا كوكونىستەردەن ءدام تاتتىم، ايتپاقشى، تاعى ءدامدى نان دا بار. شينجياڭنىڭ ەگىن، مال شارۋاشىلىعى مەن عىلىم - تەحنيكاسىنىڭ دامۋى ماعان تەرەڭ اسەر قالدىردى. وسى جاقتاردا ارگەنتينا مەن جۇڭگونىڭ شينجياڭىنىڭ سەلبەستىگىنىڭ دە وراسان زور بولاشاعى بار. ەلەكتر جەتكىزۋ، كەرنەۋ وزگەرتۋ، نەگىزدىك قۇرىلعى قۇرىلىسى جاعىندا ارگەنتينا ەرەكشە ترانسفورماتور سەرىكتەستىگىمەن تاماشا سەلبەستىك جاساسقان بولاتىن. ارگەنتينانىڭ قوي ەتىنىڭ، ۇنىنىڭ، ءسۇت ونىمدەرىنىڭ ساپاسى ەلدەن ەرەك، ال بۇلارعا شينجياڭدا سۇرانىس مول، سول سەبەپتى ەگىن، مال شارۋاشىلىعى جاعىندا دا اسا زور سەلبەستىك ءورىسى بار.
شينجياڭنىڭ گۇلدەنىپ - كوركەيگەندىگىن، دامىعاندىعىن كوزبەن كورگەنگە نە جەتسىن. كوپشىلىكتىڭ شينجياڭعا بارىپ كورىپ، شىندىقتى سويلەتكەنى ءجون.
لاوستىڭ جۇڭگودا تۇراتىن باس ەلشىسى كامفاۋ ىنتاۆان:
جاراسىمدى، ورنىقتى شينجياڭ ”ءبىر بەلدەۋ، ءبىر جول“ قۇرىلىسىنا ماڭىزدى قامتاماسىزدىق ۇسىندى
”ءبىر بەلدەۋ، ءبىر جول“ باستاماسىندا شينجياڭ جۇڭگونىڭ باتىس بولىگىندەگى سىرتقا ەسىك اشۋدىڭ ماڭىزدى تەرەزەسىنە اينالدى. جاڭا جۇڭگو قۇرىلۋدان بۇرىن شينجياڭنىڭ ەكونوميكاسى نەگىزىنەن ەگىن شارۋاشىلىعىن، مال شارۋاشىلىعىن نەگىز ەتكەن، وندىرگىش كۇشى سالىستىرمالى تۇردە مەشەۋ ەدى، تەمىر جول دا، ءىرى ەگىس الاڭى دا بولعان جوق. وتكەن 70 نەشە جىلدا جۇڭگو كوممۋنيستىك پارتياسىنىڭ باسشىلىعىندا شينجياڭ حالقى وراسان زور قۇلشىنىس جاساپ، كورىكتى مەكەندى بىرگە كوركەيتتى.
شينجياڭ اۋىل شارۋاشىلىعىن ماشينالاندىرۋ، سۋ ۇنەمدەپ سۋارۋ سياقتى جاقتاردا شاپشاڭ دامىپ، كاسىپ سالاسى تىزبەگى كەمەلدەنىپ، جاڭا ەنەرگيا، جاڭا ماتەريال، جابدىق جاساۋ سياقتى جاقتاردا جۇڭگونىڭ ەل ىشىندە، ءتىپتى، دۇنيە جۇزىندە جەتەكشى ورىنعا شىقتى. كوپتەگەن كورىكتى قالالار قۇبا ءتۇز، قۇمدى شولدە ايشىقتالىپ، وسىزاماندانعان قاتىناس - تاسىمال جۇيەسى قۇرىلدى. وسى تابىستاردىڭ بارلىعى جۇڭگو كوممۋنيستىك پارتياسىنىڭ باسشىلىعىنىڭ ارقاسى.
شينجياڭدا ءالى ساپاردا بولماعانىممەن، شينجياڭنىڭ بايىرعى جىبەك جولىندا ماڭىزدى رول اتقارعاندىعىن بىلەمىن. بيىل لاوس پەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعى ءارى لاوس - جۇڭگو دوستىق جىلى. قوعامى جاراسىمدى، ورنىقتى، ەكونوميكاسى تەز قارقىنمەن دامىعان شينجياڭ ”ءبىر بەلدەۋ، ءبىر جول“ قۇرىلىسىنا ماڭىزدى قامتاماسىزدىق ازىرلەدى، ”ءبىر بەلدەۋ، ءبىر جول“ باستاماسى اياسىنداعى لاوس - جۇڭگو سەلبەستىك نىساندارى دا وسىنىڭ يگىلىگىنە كەنەلدى.
جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىنىڭ ورىنباسار باستىعى لۋ سايرۇڭ:
شينجياڭنىڭ دامۋى جۇڭگو دامۋىنىڭ جاندى كارتيناسى
شينجياڭنىڭ دامۋى جۇڭگو دامۋىنىڭ جاندى كارتيناسى. مەنىڭشە، شينجياڭنىڭ دامۋ تابىستارى بارشاعا ايان، دامۋ بەت الىسى بوگەۋ بەرمەيدى. ءار ۇلت حالقى قاجىرلى ەڭبەگىنە سۇيەنىپ، بۇرىنعى قۇبا ءتۇز، ءشول دالانى وسىزاماندانعان كورىكتى مەكەن ەتىپ قۇرىپ شىعىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا ءوتتى. شينجياڭنىڭ دامۋى ءار ۇلتتىڭ ىرىس - قۇتىن ارتتىرۋدى ءتۇبىرلى تياناق ەتەدى، ونىڭ بولاشاعى نۇرلى. اناعۇرلىم جاراسىمدى، ورنىقتى، اناعۇرلىم گۇلدەنگەن، دامىعان شينجياڭ قۇرۋ شينجياڭداعى ءار ۇلت حالقىنىڭ ءتۇبىرلى مۇددەسىنە ۇيلەسەدى، ول بۇكىل ەل حالقىنىڭ ورتاق تىلەگى، ونان دا ماڭىزدىسى، جۇڭحۋا ۇلتىنىڭ ۇلى گۇلدەنۋىنىڭ ماڭىزدى مازمۇنى. كوپشىلىكتىڭ شينجياڭنىڭ جەر - جەرىنە بارىپ ارالاپ كورۋىن، شينجياڭنىڭ دامۋىنا، شينجياڭداعى ءار ۇلت حالقىنىڭ ورتاق مۇددەسىن جۇزەگە اسىرۋعا ءتيىمدى بولۋ تۇرعىسىن نەگىزگە الا وتىرىپ، شينجياڭدا بولعان شىنايى اڭگىمەلەردى حابارلاپ، شينجياڭداعى ءار ۇلت حالقىنىڭ شينجياڭنىڭ جاراسىمدىلىعى مەن ورنىقتىلىعى ءۇشىن قاجىماي - تالماي قۇلشىنعاندىعىن ايگىلەۋىن قارسى الامىز.
اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى شۇي گۇيشياڭ:
شينجياڭنىڭ ىستەگەن ىستەرىنە ەشقانداي ايىپ تاعۋعا كەلمەيدى
شينجياڭ حالىقتى وزەك ەتكەن دامۋ ۇستانىمىنا باستان - اياق تاباندى بولىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتتى، بەلگىلەگەن ءبىر قىدىرۋ ساياساتتىق شارالاردىڭ بارلىعى وسىنداي جەتەكشى يدەيا نەگىزىندە ورىستەتىلدى، اماليات مۇنىڭ ءونىمدى ەكەندىگىن دالەلدەدى. مۇنداي ۇستانىم مەن ءادىس ادامزات قوعامىنىڭ ورتاق قۇندىلىق ۇستانىمىنا ۇيلەسەدى، شينجياڭنىڭ ەكونوميكالىق، قوعامدىق دامۋىنىڭ ءىس جۇزىندىگىنە ۇيلەسەدى، شينجياڭداعى ءار ۇلت بۇقاراسىنىڭ باقىتتى تۇرمىس كەشىرۋ سىندى تاماشا تىلەگىنە ۇيلەسەدى، بۇعان كىنا تاعۋ ءجونسىز. شينجياڭ ىستەگەن ىستەردىڭ بارلىعى اق جارقىن، ورىندى، بۇكپەسىز، بۇل − ادامگەرشىلىكتىڭ بيىك تۇرعىسى. امەريكا مەن باتىستاعى كەيبىر ەلدەر ”شينجياڭ ارقىلى جۇڭگونى شاۋجايلاۋ“ ماقساتىن كوزدەپ، شينجياڭعا شابۋىل جاساپ، كۇيە جاقتى، مۇندا ەشقانداي قيسىن جوق، ءىس جۇزىندە، ولار ادامزاتتىق اقيقاتتىڭ، ادىلەتتىڭ تومەنگى شەگىنە سايىس جاريالاپ وتىر، ونىڭ ىسكە اسۋى مۇمكىن ەمەس.
شينجياڭ داشۋەسىنىڭ ورىنباسار باستىعى زۇلايات سىمايىل:
”ءبىر بەلدەۋ، ءبىر جول“ ارقىلى شينجياڭنىڭ جوعارى دارەجەلى وقۋ - اعارتۋىنىڭ دامۋىن ىلگەرىلەتەمىز
2021 - جىلعا دەيىن اۆتونوميالى رايون 30 نەشە مەملەكەتكە ۇكىمەت اتىنان 1000نان استام وقۋشى، زەرتتەۋشى جىبەردى، توڭىرەكتەگى 7 مەملەكەتتە 10 كۇڭزى شۋەيۋانىن قۇرىپ، ”جۇڭگونىڭ شينجياڭىنا كەلىپ وقۋ جوسپارى“ بويىنشا 11 مىڭنان استام شەتەلدىك وقۋشى قابىلدادى، تاربيەلەدى؛ جىبەك جولى ەكونوميكالىق بەلدەۋى جاڭالىق اشۋ ارقىلى دامۋعا دەم بەرۋ سىناق رايونى، ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسىندا كەلەلى ىلگەرىلەۋشىلىككە قول جەتتى. بولاشاقتا جۇڭگونىڭ شينجياڭى ”ءبىر بەلدەۋ، ءبىر جول“ بويىنداعى جانە توڭىرەكتەگى ەلدەرمەن ەكى جاقتى، كوپ جاقتى اۋىس - كۇيىس پەن سەلبەستىكتى ونان ارى تەرەڭدەتىپ، شينجياڭنىڭ جوعارى دارەجەلى وقۋ - اعارتۋىنىڭ ىشكەرىلەي دامۋىن ىلگەرىلەتەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
