«قىزىل ءءتۇستى قۋعىنداۋ بۇيرىعى تۇسىرىلگەن ءجۇز ادامنىڭ» قاتارىنداعى قىلمىس كۇماندىسى شۇي جيننىڭ قيانات جاساۋ، پارا الۋدان تۇسىرگەن زاڭسىز تابىسىن ءمۇسادىرالاۋ ءءوتىنىشى دەلوسىنا ءءبىرىنشى سوتتا ۇكىم شىعارىلدى
2021.11.17 16:01 كەلۋ قاينارى : حالىق تورابى
شينحۋا اگەنتتىگىنىڭ 11 - ايدىڭ 16 - كۇنى ۋحاننان بەرگەن حابارى. 2021 - جىلى 11 - ايدىڭ 15 – كۇنى، حۋبەي ولكەسى ۋحان قالالىق ورتا دارەجەلى حالىق سوت مەكەمەسى «قىزىل ءءتۇستى قۋعىنداۋ بۇيرىعى تۇسىرىلگەن ءجۇز ادامنىڭ» قاتارىنداعى قىلمىس كۇماندىسى شۇي جيننىڭ قيانات جاساۋ، پارا الۋدان تۇسىرگەن زاڭسىز تابىسىن ءمۇسادىرالاۋ وتىنىشىنە اشىق ۇكىم جاريالاپ، ۋحان قالاسى حۋاڭيۇي رايونى گۋكوۋ بالىقشىلىق الاڭىنداعى مەملەكەت مەنشىگىندەگى780.67 مۋ جەردەن پايدالانۋ ۇقىعىن جانە پارا الۋدان تاپقان 8ءۇيدى، 3 كولىك ورنىن جانە ءءبىر اۋدي جەڭىل اۆتوموبيلىن تاركىلەۋ جونىندە كەسىم جاسادى.
تەكسەرۋ ارقىلى بىلاي دەپ انىقتالدى: 2006 - جىلدان 2007 - جىلعا دەيىن قىلمىس كۇماندىسى شۇي جين ۋحان قالاسى حۋاڭيۇي رايونىنىڭ باستىعى بولعان قىزمەت قولايلىلىعىنان پايدالانىپ، باسقالارمەن استاسىپ، قاتىستى ادامداردى جەردى تەگىستەۋ ينجەنەرياسىن جالعاننان جاساۋ، قاتىستى قۇرىلىس ماتەريالدارىن جالعاننان جاساۋ سياقتى تاسىلدەر ارقىلى مەملەكەت مەنشىگىندەگى ءبىر تريلليون 979 ميلليارد 300 ميلليون يۋان حالىق اقشاسىن الداپ الىپ، باسقالاردىڭ ءىس جۇزىندىك تىزگىندەگەن سەرىكتىگى العان 780.67 مۋ مەملەكەت مەنشىگىندەگى جەردەن پايدالانۋ ۇقىعىن ساتىپ بەرۋ اقىسىن تولەۋگە جۇمساعان. 2006 - جىلدان 2009 - جىلعا دەيىن، شۇي جين ۋحان قالاسى حۋاڭيۇي رايونىنىڭ باستىعى بولعان قىزمەت قولايلىلىعىنان پايدالانىپ، باسقالاردىڭ ءىس جۇزىندىك مەڭگەرۋىندەگى سەرىكتىكتىڭ جەردى وتكەرمەلەۋ، ساۋدا نىسانى سياقتى ىستەرىندە كومەك كورسەتكەن. 2006 - جىلى 10 - ايدان 2011 - جىلى 5 - ايعا دەيىن دەيىن، شۇي جيننىڭ كوپ رەت باسقالاردان العان مال - مۇلكى 63 ميلليون 810 مىڭ يۋان، شياڭگاڭ اقشاسى 88 ميلليون 870 مىڭ يۋان، ا ق ش دوللارى 2 ميلليون 550 مىڭ يۋاننان اسقان. مۇنىڭ ىشىندە ءبىر ءبولىم اقشانى 8 ءۇي، 3 اۆتوكولىك ورنىن جانە ءبىر اۋدي جەڭىل اۆتوكولىگىن ساتىپ الۋعا جۇمساعان، ءبىر ءبولىم اقشا شۇي جين بەلگىلەگەن جاقىن تۋىستارى مەن قاتىستى ادامداردىڭ شەكارا سىرتىنداعى ەسەبىنە اۋدارىلعان. شۇي جين 2011 – جىلى 5 - ايدىڭ 19 - كۇنى شەتەلگە قاشىپ كەتكەن، كۇنى بۇگىنگە دەيىن دەلوسى جابىلماعان.
ۋحان قالالىق ورتا دارەجەلى حالىق سوت مەكەمەسى بىلاي دەپ قارايدى: بۇل دەلودا قىلمىس كۇماندىسى شۇي جيننىڭ قياناتشىلدىق، پاراقورلىق قىلمىسىن وتكىزگەندىگىن دالەلدەيتىن دالەل - ىسپات بار، قۋعىندالعانىنا ءبىر جىلدان كەيىن سوتقا كەلمەگەن، پروكۋراتۋرا ورگانى تاركىلەۋدى ءوتىنىش ەتكەن مال - مۇلىك شۇي جيننىڭ زاڭسىز تابىسى، زاڭ بويىنشا زاڭسىز تابىسىن تاركىلەۋ ءتارتىبى بويىنشا تاركىلەۋ كەسىمىن قولدانۋ كەرەك. سوندىقتان سوت جوعارىداعى كەسىمدى جاسادى.
ۋحان قالالىق حالىق قۇرىلتايىنىڭ ۋاكىلى، ساياسي كەڭەس مۇشەسى، اقپارات تىلشىلەرى جانە ءار سالا بۇقاراسىنان 20عا جۋىق ادام سوت تەرگەۋىن سىرتتاي تىڭدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
