شي جينپيڭ ا ق ش - تىڭ زۇڭتۇڭى بايدەنمەن بەينە ەكراندا ديدارلاستى
2021.11.17 17:12 كەلۋ قاينارى : حالىق تورابى
مەملەكەت ءتوراعاسى شي جينپيڭ 11 - ايدىڭ 16 - كۇنى تۇستەن بۇرىن بەيجيڭدە ا ق ش - تىڭ زۇڭتۇڭى بايدەنمەن بەينە ەكراندا ديدارلاستى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن.
مەملەكەت ءتوراعاسى شي جينپيڭ 11 - ايدىڭ 16 - كۇنى تۇستەن بۇرىن بەيجيڭدە ا ق ش - تىڭ زۇڭتۇڭى بايدەنمەن بەينە ەكراندا ديدارلاستى.
سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن.
«حالىق گازەتى»، 11 - ايدىڭ 16 - كۇنى، بەيجيڭ (ءتىلشى ۋاڭ يۋان). مەملەكەت ءتوراعاسى شي جينپيڭ 11 - ايدىڭ 16 - كۇنى تۇستەن بۇرىن ا ق ش - تىڭ زۇڭتۇڭى بايدەنمەن بەينە ەكراندا ديدارلاستى. ەكى جاق جۇڭگو - ا ق ش قاتىناسىنىڭ دامۋىنا ساياتىن ستراتەگيالىق، جالپى جاعدايلىق، ءتۇبىرلى ماسەلەلەر، سونداي - اق ورتاق كوڭىل ءبولىپ وتىرعان ماڭىزدى ماسەلەلەر جونىندە تولىق، ىشكەرىلەي پىكىر اۋىستىردى جانە اۋىس – كۇيىس جاسادى.
شي جينپيڭ مىنالاردى اتاپ كورسەتتى: قازىر جۇڭگو مەن ا ق ش - تىڭ دامۋى شەشۋشى كەزەڭدە تۇر، ادامزاتتىڭ «جەر شارى قىستاعى» دا كوپتەگەن سىن - سايىسقا ءدوپ كەلىپ وتىر. جۇڭگو مەن ا ق ش دۇنيە جۇزىندەگى الدىڭعى ەكى ءىرى ەكونوميكالىق تۇلعا جانە بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى رەتىندە، قارىم - قاتىناس پەن سەلبەستىكتى كۇشەيتىپ، ءوز ەلدەرىمىزدىڭ ىستەرىن ويداعىداي ىستەۋمەن بىرگە، وتەۋگە ءتيىستى حالىقارالىق جاۋاپكەرلىكتى دە ارقالاپ، ادامزاتتىڭ بەيبىتشىلىگى مەن دامۋى سىندى وسكەلەڭ ءىستى بىرگە ىلگەرىلەتۋى كەرەك. بۇل − جۇڭگو مەن ا ق ش - تىڭ جانە دۇنيە جۇزىندەگى ءار ەل حالقىنىڭ ورتاق تىلەگى ءارى جۇڭگو مەن ا ق ش - تىڭ ەكى ەل باسشىلارىنىڭ ورتاق بورىشى.
شي جينپيڭ مىنالاردى دارىپتەدى: جۇڭگو مەن ا ق ش - تىڭ وزىندىك دامۋىن ىلگەرىلەتىپ، كليمات وزگەرىسى، جاڭا تيپتى ايدارشا ۆيرۋس وكپە قابىنۋ ىندەتى سياقتى دۇنيە جۇزىلىك سىن – سايىسقا ءونىمدى توتەپ بەرۋدى قامتىعان بەيبىت، ورنىقتى حالىقارالىق ورتانى قورعاۋ اقاۋسىز، ورنىقتى جۇڭگو - ا ق ش قاتىناسىن قاجەت ەتەدى. جۇڭگو مەن ا ق ش ءوزارا قۇرمەت ەتۋى، بەيبىت قاتار تۇرۋى، سەلبەسىپ تەڭ يگىلىككە كەنەلۋى كەرەك. مەن زۇڭتۇڭ مىرزامەن بىرگە ورتاق تانىم قالىپتاستىرىپ، بەلسەنە ارەكەتتەنىپ، جۇڭگو - ا ق ش قاتىناسىنىڭ بەلسەنە العا دامۋىنا جەتەكشىلىك ەتۋدى قالايمىن. بۇل − ەكى ەل حالىقتارىن باقىتقا كەنەلتۋدىڭ قاجەتى ءارى حالىقارالىق قوعامنىڭ ءۇمىتى.
شي جينپيڭ مىنالاردى اتاپ كورسەتتى: وتكەن 50 جىلدا حالىقارالىق قاتىناستاعى ەڭ ماڭىزدى وقيعا جۇڭگو - ا ق ش قاتىناسىنىڭ قالپىنا كەلۋى جانە دامۋى بولىپ، ەكى ەل مەن دۇنيە جۇزىنە باقىت جاراتتى. الداعى 50 جىلداعى حالىقارالىق قاتىناستاعى ەڭ ماڭىزدى ءىس جۇڭگو مەن ا ق ش - تىڭ دۇرىس قارىم - قاتىناس جولىن تابۋى بولىپ تابىلادى. تاريح ءادىل، ءبىر ساياساتشىنىڭ ىستەگەن ءىسى، ارتىقشىلىقتارى مەن جەتەرسىزدىكتەرىنە قاراماستان، تاريحتا جازىلۋى كەرەك. زۇڭتۇڭ مىرزانىڭ ساياسي باسشىلىق قابىلەتىن ساۋلەلەندىرىپ، ا ق ش - تىڭ جۇڭگوعا قاراتقان ساياساتىنىڭ اقىلعا سيىمدى بولۋ، ناقتى ءىس ىستەۋ ارناسىنا ءتۇسۋىن ىلگەرىلەتۋىن ءۇمىت ەتەمىن.
شي جينپيڭ مىنالاردى دارىپتەدى: جۇڭگو - ا ق ش قاتىناسىنىڭ دامۋ تاجىريبەلەرى مەن ساباقتارىن قورىتىندىلاعاندا، جاڭا داۋىردەگى جۇڭگو - ا ق ش قارىم - قاتىناسىندا مىناداي 3 پرينسيپتە تاباندى بولۋ كەرەك: ءبىرىنشى، ءوزارا قۇرمەت ەتۋ. ءبىر - ءبىرىنىڭ قوعامدىق ءتۇزىمى مەن دامۋ جولىنا قۇرمەت ەتىپ، قارسى جاقتىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىنە قۇرمەت ەتىپ، وزدەرىنىڭ دامۋ ۇقىعىنا قۇرمەت ەتىپ، تەڭ تۇرعىدا مامىلە جاساپ، الاۋىزدىقتاردى تىزگىندەپ، پارىقتاردى ساقتاپ، ورتاقتىققا ۇمتىلۋ كەرەك. ەكىنشى، بەيبىت قاتار تۇرۋ. قاقتىعىسپاۋ، قارسىلاسپاۋ − ەكى جاق، ءسوز جوق، تاباندى بولۋعا ءتيىستى تومەنگى شەك، ا ق ش جاق جۇڭگو مەن ا ق ش «بىرگە ءومىر سۇرە الادى» دەگەندى ورتاعا قويدى، مۇنى «بەيبىت قاتار تۇرۋىنا بولادى» دەپ تولىقتىرعان ءجون. ءۇشىنشى، سەلبەسىپ تەڭ يگىلىكتەنۋ. جۇڭگو مەن ا ق ش - تىڭ مۇددەسى ىشكەرىلەي توعىسسا، سەلبەستىك ەكى جاققا دا ءتيىمدى بولادى، قاقتىعىس ەكى جاققا دا زيان جەتكىزەدى. جەر شارىنىڭ كولەمى جەتكىلىكتى، جۇڭگو مەن ا ق ش - تىڭ ءوز الدىنا جانە بىرگە دامۋىنا مۇمكىندىك بەرەدى. ءبىر - بىرىنە پايدا جەتكىزۋدە، ءبىر - بىرىنە تيىمدىلىك جاساۋدا تاباندى بولىپ، نولدىك جيىنتىق ويىنىن ويناماۋ، سەن ۇتىلىپ، مەن ۇتامىن دەمەۋ كەرەك.
شي جينپيڭ مىنالاردى دارىپتەدى: جۇڭگو مەن ا ق ش مىناداي ءتورت جاقتاعى الدىمەن ويلاستىرىلاتىن ىستەردى كۇش سالا ىلگەرىلەتۋى كەرەك: ءبىرىنشى، ءىرى ەلدەردىڭ جاۋاپكەرلىگىن ايگىلەپ، حالىقارالىق قوعامدى كورنەكتى سىن - سايىسقا سەلبەسە وتىرىپ توتەپ بەرۋگە جەتەكتەۋ كەرەك. بۇل جاعىندا جۇڭگو مەن ا ق ش - تىڭ سەلبەستىگى بەساسپاپ بولماۋى مۇمكىن، ءبىراق جۇڭگو مەن ا ق ش - تىڭ سەلبەستىگى بولماسا، استە بولمايدى. جۇڭگو جاق العا قويعان دۇنيە جۇزىلىك باستاما ا ق ش - قا اشىق ۇستالادى، ا ق ش - تىڭ دا وسىلاي ىستەۋىن ءۇمىت ەتەمىن. ەكىنشى، تەڭدىك، ءوزارا تيىمدىلىك رۋحى بويىنشا، ءار دارەجەلى، ءار سالاداعى بارىس - كەلىستى ىلگەرىلەتىپ، جۇڭگو - ا ق ش قاتىناسىنا ءتىپتى دە كوپ وڭ ەنەرگيا قوسۋ كەرەك. مەن ءتۇرلى تاسىلدەر ارقىلى زۇڭتۇڭ مىرزامەن بايلانىستى ساقتاپ، جۇڭگو - ا ق ش قاتىناسىنا ايقىن باعدار كورسەتىپ، قوزعاۋشى كۇش قوسۋدى قالايمىن. جۇڭگو مەن ا ق ش - تىڭ ەكونوميكا، ەنەرگيا، ەكى ارميا، زاڭ اتقارۋ، وقۋ - اعارتۋ، عىلىم - تەحنيكا، ينتەرنەت، قورشاعان ورتانى قورعاۋ، جەرگىلىكتى ورىن سياقتى كوپتەگەن سالاسىندا كەڭ كولەمدى ورتاق مۇددەسى ءومىر ءسۇرىپ وتىر، ءبىر - ءبىرىنىڭ كەمىن تولىقتاپ، ارتىقشىلىعىن قابىلداپ، جەتەرسىزدىگىن تولىقتاپ، جۇڭگو مەن ا ق ش سەلبەستىگىنىڭ «بالكۇلشەسىن» مولىقتىرۋى كەرەك. جۇڭگو مەن ا ق ش ەكى ەلدىڭ ديپلوماتيا حاۋىپسىزدىگى، ەكونوميكا - ساۋدا، قازىنا، كليمات وزگەرىسى توبى سياقتى پىكىرلەسۋ ارنالارى مەن مەحانيزم تۇعىرلارىنان پايدالانىپ، ناقتى سەلبەستىكتى ىلگەرىلەتىپ، ناقتى ماسەلەلەردى شەشۋىنە بولادى. ءۇشىنشى، الاۋىزدىقتار مەن ۇرىمتال ماسەلەلەردى سىندارلى تاسىلمەن مەڭگەرىپ، جۇڭگو - ا ق ش قاتىناسىنىڭ رەليستەن شىعىپ مەڭگەرۋسىز كەتۋىنەن ساقتانۋ كەرەك. جۇڭگو مەن ا ق ش - تا الاۋىزدىقتىڭ بولۋى وتە تابيعي، مۇنداعى شەشۋشى ءتۇيىن − سىندارلى باسقارۋ - مەڭگەرۋ، كەڭەيتىپ جىبەرۋدەن، شيەلەنىسۋدەن ساقتانۋ. جۇڭگو، ارينە، ءوزىنىڭ يەلىك ۇقىعىن، حاۋىپسىزدىگىن، دامۋ مۇددەسىن قورعايدى، ا ق ش - تىڭ وسىعان قاتىستى ماسەلەلەردى بايىپتىلىقپەن ءبىر جاقتى ەتۋىن ءۇمىت ەتەدى. ءتورتىنشى، كەلەلى حالىقارالىق جانە وڭىرلىك قولامتالى ماسەلەلەردە سايكەسۋ مەن سەلبەسۋدى كۇشەيتىپ، دۇنيە ءجۇزىن اناعۇرلىم كوپ الەۋمەتتىك ونىمدەرمەن قامداۋ كەرەك. دۇنيە ءجۇزى ونشالىقتى تىنىش ەمەس، جۇڭگو مەن ا ق ش حالىقارالىق قوعاممەن بىرگە دۇنيە ءجۇزىنىڭ بەيبىتشىلىگىن بىرگە قورعاۋى، دۇنيە ءجۇزىنىڭ دامۋىن جەبەۋى، ءادىل، ۇيلەسىمدى حالىقارالىق ءتارتىپتى قورعاۋى كەرەك.
شي جينپيڭ مىنالاردى دارىپتەدى: جۇڭگو مەن ا ق ش − تەڭىزدە جۇزگەن ەكى الىپ كەمە، ءبىز رولدى مىقتى يگەرىپ، جۇڭگو مەن ا ق ش - تىڭ الىپ كەمەلەرىنىڭ تولقىن جارا بىرگە ىلگەرىلەۋىنە مۇمكىندىك جاساۋىمىز، جولدان تايماۋىمىز، جىلدامدىقتان ايرىلماۋىمىز كەرەك، سوعىلىسۋىمىزعا ءتىپتى دە بولمايدى.
شي جينپيڭ جۇڭگونىڭ دامۋ جولى مەن ستراتەگيالىق ويىن تانىستىردى. شي جينپيڭ مىنالاردى اتاپ كورسەتتى: ءبىز جاڭا عانا ج ك پ 19 - كەزەكتى ورتالىق كوميتەتىنىڭ التىنشى جالپى ءماجىلىسىن اشىپ، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلادىق. 100 جىلدان بەرى جۇڭگو كوممۋنيستىك پارتياسىنىڭ اۋەلگى ماقساتى مەن بورىشى جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ بولدى. ءبىز بۇل جاعىندا اسا زور تابىستارعا قول جەتكىزدىك، ءبىراق ءالى دە جەتكىلىكسىز، ءالى دە ۇزدىكسىز كۇش سالۋىمىز كەرەك. مەن مىندەتكە وتىرعان كەزدە حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز دەپ اشىق ايتقان ەدىم. جۇڭگو حالقىنىڭ تاماشا تۇرمىسقا دەگەن تالپىنىسى − جۇڭگونىڭ دامۋىنداعى ەڭ ۇلكەن ىشكى قوزعاۋشى كۇش، تابيعي تاريحي بەتالىس، كىمدە - كىمنىڭ وسى تاريحي بەتالىستى توسقىسى كەلسە، جۇڭگو حالقى وعان كونبەيدى ءارى وسى بەتالىستى توسۋعا مۇلدە بولمايدى. جۇڭگونىڭ باسشىسى رەتىندە، مەنىڭ ءبىر ميلليارد 400 ميلليون جۇڭگو حالقىنا قىزمەت ەتىپ، ولارمەن بىرگە تاماشا تۇرمىس جاراتا الۋىم − كەلەلى سايىس ءارى كەلەلى جاۋاپكەرلىك. مەن «وزىممەن ساناسپاي حالىقتىڭ ءۇمىتىن اقتايمىن» دەگەن پوزيتسيا ۇستانامىن.
شي جينپيڭ مىنالاردى اتاپ كورسەتتى: جۇڭگو حالقى ەجەلدەن بەيبىتشىلىكتى سۇيەدى، تاتۋلىقتى قاستەرلەيدى. جۇڭحۋا ۇلتىنىڭ قانىندا باسقالارعا شاپقىنشىلىق جاسايتىن، باسقالاردى باسىنىپ، زورەكەر بولاتىن گەن جوق. جاڭا جۇڭگو قۇرىلعاننان بەرى ءبىز ىرىقتى تۇردە سوعىس نەمەسە قاقتىعىس قوزعامادىق، باسقا ەلدەردىڭ ءبىر سۇيەم جەرىن باسىپ العان جوقپىز. جۇڭگودا تۇتاس دۇنيە جۇزىنە ءوز جولىن دارىپتەۋ ويى جوق، كەرىسىنشە ءبىز ءار ەلدى ءوز ەلىنىڭ مەملەكەت جاعدايىنا ۇيلەسەتىن دامۋ جولىن تابۋعا شابىتتاندىرىپ كەلەمىز.
شي جينپيڭ مىنالاردى دارىپتەدى: سىرتقا ەسىك اشۋ − جۇڭگونىڭ نەگىزگى مەملەكەت ساياساتى جانە ايقىن بەلگىسى. جۇڭگونىڭ جوعارى دەڭگەيدە ەسىك اشۋدى كەڭەيتۋ بەكىمى وزگەرمەيدى، دۇنيە جۇزىمەن دامۋ ورايىنان تەڭ يگىلىكتەنۋ بەكىمى وزگەرمەيدى، ەكونوميكانىڭ جاھاندانۋىنىڭ اناعۇرلىم اشىق، قامتىمدى، جالپىعا ءتيىمدى، باربار، تەڭ يگىلىككە كەنەلەتىن باعىتقا قاراي دامۋىن ىلگەرىلەتۋ بەكىمى دە وزگەرمەيدى. ءبىزدىڭ جاڭا دامۋ جاعدايىن قالىپتاستىرۋدى العا قويۋداعى ماقساتىمىز ەل ءىشى بازارىن كەڭەيتىپ، اناعۇرلىم كەڭ اۋماقتا، اناعۇرلىم كەڭ كولەمدە ىشكى – سىرتقى قوس اينالىمدى قالىپتاستىرىپ، اناعۇرلىم بازارلانعان، زاڭمەن باسقارىلاتىن، حالىقارالانعان تيجارات - ساۋدا ورتاسىن قالىپتاستىرۋ بولىپ تابىلادى. بۇل، ءسوز جوق، ءار ەلگە اناعۇرلىم ۇلكەن بازار ازىرلەپ، اناعۇرلىم كوپ وراي جاراتادى.
شي جينپيڭ مىنالاردى دارىپتەدى: جۇڭگو بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىقتارىن دارىپتەيدى. يدەولوگيانى ايىرۋدىڭ، لاگەرگە ءبولۋدىڭ، توپ قۇرىپ قارسىلاسۋدىڭ سوڭى، ءسوز جوق، دۇنيە ءجۇزىنىڭ سورىن قايناتادى. قىرعي قاباقتىق سوعىستىڭ زاردابى ءالى ۇمىت بولا قويعان جوق. ا ق ش - تىڭ «جاڭا قىرعي قاباقتىق سوعىس» جۇرگىزبەۋدى ناقتاپ تياناقتاندىرۋىن ءۇمىت ەتەمىن.
شي جينپيڭ جۇڭگونىڭ تايۋان ماسەلەسىندەگى پرينسيپتىك مايدانىن پايىمدادى. شي جينپيڭ مىنالاردى دارىپتەدى: تايۋان بۇعازىنىڭ جاعدايى جاڭا كەزەكتى شيەلەنىسۋگە ءدوپ كەلدى، مۇنىڭ سەبەبى تايۋان بيلەۋشىلەرىنىڭ «ا ق ش - قا سۇيەنىپ دەربەستىكتى كوزدەۋگە» قايتا - قايتا ۇرىنعانىندا، ال ا ق ش - تاعى كەيبىرەۋلەردىڭ ادەيى «تايۋان ارقىلى جۇڭگونى شاۋجايلاماق» بولعانىندا. بۇل اۋقىم توتەنشە حاۋىپتى، وتپەن ويناعاندىق سانالادى، ال وتپەن ويناعاندار، ءسوز جوق، ءوزىن - ءوزى قۇرتىپ تىنادى. ءبىر جۇڭگو پرينسيبى جانە جۇڭگو مەن ا ق ش - تىڭ ءۇش بىرلەسكەن مازمۇنداماسى − جۇڭگو - ا ق ش قاتىناسىنىڭ ساياسي نەگىزى. ءار كەزەكتى ا ق ش ۇكىمەتى بۇعان ايقىن ۋادە بەرگەن. تايۋان ماسەلەسىنىڭ ناعىز قازىرگى جاعدايى مەن ءبىر جۇڭگونىڭ وزەكتى مازمۇنى: دۇنيە جۇزىندە ءبىر عانا جۇڭگو بار، تايۋان − جۇڭگونىڭ ءبىر بولەگى، جۇڭحۋا حالىق رەسپۋبليكاسى ۇكىمەتى − جۇڭگوعا ۋاكىلدىك ەتەتىن بىردەن - ءبىر زاڭدى ۇكىمەت. جۇڭگونىڭ بۇكىلدەي بىرلىككە كەلۋى − بۇكىل جۇڭحۋا ۇلاندارىنىڭ ورتاق تىلەگى. بىزدە سابىرلىلىق بار، ەڭ زور ادالدىقپەن، ەڭ زور قۇلشىنىسپەن بەيبىت جولمەن بىرلىككە كەلۋ بولاشاعىنا قول جەتكىزۋدى قالايمىز، ءبىراق ەگەر «تايۋان تاۋەلسىزدىگى» بولشەكتەۋشى كۇشتەرى ارانداتۋشىلىق ىستەپ، ىرىقسىز كۇيگە تۇسىرەتىن بولسا، ءتىپتى قىزىل سىزىقتان اتتايتىن بولسا، ءبىز كەسكىن شارا قولدانۋعا ءماجبۇر بولامىز.
شي جينپيڭ مىنالاردى دارىپتەدى: وركەنيەت باي مازمۇندى، دەموكراتيا دا باي مازمۇندى. دەموكراتيا بۇكىل دۇنيە جۇزىندە ءبىر ۇلگى، ءبىر ولشەمدە بولاتىنداي ارنايى جاسالعان ءونىم ەمەس. ءبىر ەلدىڭ دەموكراتيالى بولعان - بولماعانىن سول ەلدىڭ حالقى ءوزى باعالاۋى كەرەك. دەموكراتيا فورماسىنىڭ ۇقساماۋىنا بايلانىستى شەتكە قاعىلاتىن بولسا، مۇنىڭ ءوزى دەموكراتياسىز ارەكەت بولىپ تابىلادى. ءبىز ءوزارا قۇرمەت ەتۋ نەگىزىندە ادامدىق ۇقىق ماسەلەسى جونىندە پىكىرلەسۋدى قالايمىز، ءبىراق ءبىز ادامدىق ۇقىق ماسەلەسىنەن پايدالانىپ باسقا ەلدەردىڭ ىشكى ىسىنە كيلىگۋدى قۇپتامايمىز.
شي جينپيڭ مىنالاردى اتاپ كورسەتتى: جۇڭگو مەن ا ق ش بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، بىرلەسكەن مەملەكەتتەر ۇيىمى ەرەجەسىنىڭ ماقساتى مەن پرينسيبىن نەگىز ەتكەن حالىقارالىق قاتىناستىڭ نەگىزگى ولشەمىن قورعاۋى كەرەك. ەگەر جۇڭگو مەن ا ق ش - تىڭ سەلبەستىگى بولماسا، كوپ جاقتىلىق كەمەلدى بولمايدى.
جۇڭگو مەن ا ق ش - تىڭ ەكونوميكا - ساۋدا قاتىناسى جونىندە شي جينپيڭ مىنالاردى اتاپ كورسەتتى: جۇڭگو مەن ا ق ش - تىڭ ەكونوميكا - ساۋدا قاتىناسىنىڭ ءمانى − ءوزارا پايدا جەتكىزىپ، تەڭ يگىلىككە كەنەلۋ، ساۋدا - ساتىقتى كەڭەسۋدە جۇڭگو مەن ا ق ش - تىڭ ەكونوميكا - ساۋدا ماسەلەسىن ساياسيلاندىرماۋ كەرەك. ەكى جاق سەلبەستىكتىڭ «بالكۇلشەسىن» مولىقتىرۋى كەرەك. جۇڭگو ا ق ش - تىڭ ونەركاسىپ - ساۋدا سالاسىنداعى قايراتكەرلەردىڭ جۇڭگوعا كەلۋگە قولايلىلىق جاساۋ تالاپ - تىلەگىنە ءمان بەرىپ، دارەجەسى جوعارىلاتىلعان «جىلدام ارنانى» اتقارۋعا قوسىلدى، مۇنىڭ جۇڭگو مەن ا ق ش - تىڭ ەكونوميكا - ساۋدا بارىس - كەلىسىن ونان ارى جەبەپ، ەكى ەل ەكونوميكاسىنىڭ قالپىنا كەلۋىنە دەم بەرەتىنىنە سەنەمىن. ا ق ش جاق مەملەكەت حاۋىپسىزدىگى ۇعىمىنان بەتالدى پايدالانىپ جانە ونى جالپىلاندىرىپ جۇڭگو كاسىپورىندارىنا سوققى بەرۋدى توقتاتۋى كەرەك. جۇڭگو مەن ا ق ش ماكرولىق ەكونوميكالىق ساياسات جاعىندا بايلانىستى ساقتاپ، دۇنيە ءجۇزى ەكونوميكاسىنىڭ قالپىنا كەلۋىن قولداۋى جانە ەكونوميكا، فينانس حاۋىپ - قاتەرىنەن ساقتانۋى كەرەك. ا ق ش ەل ىشىندەگى ماكرولىق ساياساتتىڭ سىرتقا بەتالۋ اسەرىنە ءمان بەرىپ، جاۋاپكەرلىك ارقالايتىن ماكرولىق شارۋاشىلىق ساياساتىن قولدانۋى كەرەك.
ەنەرگيا حاۋىپسىزدىگى ماسەلەسى جونىندە شي جينپيڭ مىنالاردى اتاپ كورسەتتى: جۇڭگو مەن ا ق ش حالىقارالىق قوعامنىڭ دۇنيە ءجۇزىنىڭ ەنەرگيا حاۋىپسىزدىگىن بىرگە قورعاۋىن دارىپتەپ، تابيعي گاز جانە جاڭا ەنەرگيا سالاسىنداعى سەلبەستىكتى كۇشەيتىپ، حالىقارالىق قوعاممەن بىرگە دۇنيە جۇزىلىك كاسىپ تىزبەگى مە قامداۋ تىزبەگىنىڭ حاۋىپسىزدىگىن، ورنىقتىلىعىن قورعاۋى كەرەك.
كليمات وزگەرىسى ماسەلەسى جونىندە شي جينپيڭ مىنالاردى اتاپ كورسەتتى: جۇڭگو مەن ا ق ش كەزىندە كليمات وزگەرىسىنە توتەپ بەرۋ جونىندەگى «پاريج كەلىسىمىن» قول ۇستاسا جەبەگەن بولاتىن، قازىر ەكى ەل جاسىل، تومەن كومىرتەكتى ەكونوميكاعا قاراي بۇرىلىس جاساۋدا، كليمات وزگەرىسىنىڭ جۇڭگو مەن ا ق ش - تىڭ جاڭا سەلبەستىگىنىڭ كورىنەۋ تۇيىنىنە اينالۋى ابدەن مۇمكىن. مەن تۇنىق سۋ، جاسىل تاۋ − باعالى بايلىق دەگەندى العا قويدىم، ەكولوگيالىق ورتانى كوز قاراشىعىمىزداي قورعاپ، ەكولوگيالىق ورتاعا ومىرىمىزدەي مامىلە جاساۋىمىز كەرەك. قازىر ەكولوگيالىق وركەنيەت ۇستانىمى جۇڭگودا بارشا جۇرتقا جالپىلاسىپ، قوعامدىق ورتاق تانىمعا اينالدى. جۇڭگو تاريحتاعى ەڭ قىسقا ۋاقىت ىشىندە بۇكىل جەر شارىنداعى كومىرتەگىن ىعىستىرۋدىڭ ەڭ جوعارى كۇشەمەلىلىگىنىڭ تومەندەۋ مولشەرىن ورىندايدى، بۇل ءۇشىن توتەنشە جاپالى قۇلشىنىستار جاساۋعا تۋرا كەلەدى. جۇڭگو ايتقاندى ورىنداۋعا، ارەكەتتە ناتيجە شىعارۋعا ءمان بەرەدى، ايتقاندى ورىنداۋ كەرەك، ورىنداي المايتىندى ايتپاۋ كەرەك. جۇڭگو − ءالى دە دۇنيە جۇزىندەگى ەڭ ءىرى وركەندەپ كەلە جاتقان ەل، دامۋدىڭ بىركەلكى، تولىق بولماۋى ماسەلەسى توتەنشە كورنەكتى. ءار ەل ورتاق، ءبىراق پارىقتى جاۋاپكەرلىك پرينسيبىندە تاباندى بولىپ، كليمات وزگەرىسىنە توتەپ بەرۋگە جانە حالىق تۇرمىسىن قامتاماسىز ەتۋگە تەڭ ءمان بەرۋى كەرەك. جازعىرۋ، ءبىر - بىرىنە يتەرمەلەۋ ازىراق، ىنتىماق، سەلبەستىك كوبىرەك بولعانى ءجون. ۇراندى سالىستىرۋ، ونان دا ماڭىزدىسى ارەكەتتى سالىستىرۋ كەرەك. دامىعان ەلدەر تاريحي جاۋاپكەرلىك پەن وتەۋگە ءتيىستى بورىشتارىن مۇقيات وتەۋى، ونىڭ ۇستىنە ساياساتتىڭ ورنىقتىلىعىن ساقتاۋى كەرەك.
الەۋمەتتىك دەنساۋلىق ساقتاۋ حاۋىپسىزدىگى ماسەلەسى جونىندە شي جينپيڭ مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى ادامزات قوعامىنىڭ تاعدىرلاس ورتاق تۇلعا ەكەنىن تاعى ءبىر رەت دالەلدەدى. ادام ومىرىنەن ماڭىزدى ەشتەڭە بولماق ەمەس. ىنتىماق، سەلبەستىك − حالىقارالىق قوعامنىڭ ىندەتتى جەڭۋدەگى ەڭ پارمەندى قارۋى. اۋىر ىندەت عىلمي پوزيتسياعا مۇقتاج، اۋرۋ ماسەلەسىن ساياسيلاندىرۋدىڭ اۋىر زاردابىنان باسقا تيتتەي دە پايداسى جوق. بۇكىل دۇنيە جۇزىندگگى ىندەتكە قارسى اتتانۋداعى كەزەك كۇتتىرمەيتىن مىندەت ۆاكسينانىڭ قىزىل سيفرىن شەشىپ، «ۆاكسينا جىلعاسىن» جويۋ بولىپ تابىلادى. مەن وتكەن جىلى ىندەت كۇرت پايدا بولعان العاشقى مەزگىلدە جاڭا تيپتى ايدارشا ۆيرۋس ۆاكسيناسىن دۇنيە جۇزىلىك الەۋمەتتىك ءونىمى ەتۋدى ورتاعا قويدىم ءارى تاياۋدا بۇكىل دۇني جۇزىلىك ۆاكسينا سەلبەستىگى باستاماسىن ورتاعا قويدىم. جۇڭگو ەڭ الدىمەن مۇقتاج بولىپ وتىرعان وركەندەپ كەلە جاتقان ەلدەردى ۆاكسينامەن قامدادى، جيىنى ءبىر ميلليارد 700 ميلليوننان استام ۆاكسينا مەن اۋەلگى سۇيىقتىقتى بەردى. ءبىز وركەندەپ كەلە جاتقان ەلدەردىڭ قاجەتىن ويلاستىرىپ، جىلۋعا بەرۋ مولشەرىن تاعى دا ارتتىرامىز. جاڭا تيپتى ايدارشا ۆيرۋس وكپە قابىنۋ ىندەتى ادامزات ءدوپ كەلگەن ەڭ سوڭعى الەۋمەتتىك دەنساۋلىق ساقتاۋ داعدارىسى ەمەس. جۇڭگو مەن ا ق ش دۇنيە جۇزىلىك الەۋمەتتىك دەنساۋلىق ساقتاۋ جانە ىندەتتەن ساقتانۋ - تىزگىندەۋ سەلبەستىك مەحانيزمىن ورناتۋدى دارىپتەپ، حالىقارالىق اۋىس - كۇيىس پەن سەلبەستىكتى ورىستەتۋدى ىلگەرىلەتۋى كەرەك.
بايدەن مىنانى ءبىلدىردى: ا ق ش - جۇڭگو قاتىناسى − دۇنيە جۇزىندەگى ەڭ ماڭىزدى ەكى جاقتى قاتىناس. ا ق ش پەن جۇڭگو دۇنيە جۇزىندەگى ەكى ءىرى ەل رەتىندە، ا ق ش پەن جۇڭگو جانە دۇنيە ءجۇزى حالقى جونىنەن دە جاۋاپكەرلىك ارقالايدى. ەكى جاق بۇكپەسىز پىكىرلەسۋ ارقىلى ءبىر – ءبىرىنىڭ وي - نيەتىن ءتۇسىنۋدى كۇشەيتىپ، ەكى ەل باسەكەسىنىڭ ءادىل، اقاۋسىز بولۋىنا كەپىلدىك ەتۋى، قاقتىعىسقا ۋشىعىپ كەتۋىنەن ساقتانۋى كەرەك. مەن ءتوراعا شي جينپيڭنىڭ ايتقاندارىن قۇپتايمىن، تاريح ءادىل، ا ق ش - جۇڭگو قاتىناسىن تەك ويداعىداي جۇرگىزۋگە بولادى، قيراتۋعا بولمايدى. جۇڭگو 5 مىڭ جىلدان استام ۋاقىتتىڭ الدىندا ءىرى ەلگە اينالعان بولاتىن. مەن مىنانى ايقىن قايتالاي دارىپتەيمىن: ا ق ش جۇڭگونىڭ ءتۇزىلىسىن وزگەرتۋگە ۇرىنبايدى، وداقتىق قاتىناستى كۇشەيتۋ ارقىلى جۇڭگوعا قارسى تۇرۋعا ۇرىنبايدى، جۇڭگومەن قاقتىعىسۋدى قالامايدى. ا ق ش ۇكىمەتى ۇزاق ۋاقىت بويى ءبىر جۇڭگو ساياساتىن دايەكتى اتقارۋعا كۇش سالىپ، «تايۋان تاۋەلسىزدىگىن» قولدامايدى، تايۋان بۇعازى رايونىنىڭ بەيبىتشىلىك پەن ورنىقتىلىقتى ساقتاۋىن ءۇمىت ەتەدى. ا ق ش جاق جۇڭگو جاقپەن ءوزارا قۇرمەت ەتىپ، بەيبىت قاتار تۇرىپ، تىلدەسۋدى كۇشەيتىپ، قاتە تۇسىنىكتەردى ازايتىپ، الاۋىزدىقتاردى سىندارلى تاسىلمەن ۇيلەسىمدى ءبىر جاقتى ەتىپ، ا ق ش پەن جۇڭگونىڭ مۇددەسى بىردەي سالالاردا سەلبەستىكتى كۇشەيتىپ، جاڭا تيپتى ايدارشا ۆيرۋس وكپە قابىنۋ ىندەتى، كليمات وزگەرىسى سياقتى دۇنيە جۇزىلىك سايىسقا بىرگە توتەپ بەرىپ، ەكى ەل حالىقتارىنىڭ ءتىپتى دە تاماشا تۇرمىس كەشىرۋىنە مۇمكىندىك جاساۋدى قالايدى. جاس ۇرپاقتارىمىزدى كوبىرەك ارالاسىپ، ءبىر - ءبىرىنىڭ مادەنيەتىن ءتۇسىنىپ، سول ارقىلى بۇل دۇنيەنى ونان ارى كورىكتەندىرۋگە شابىتتاندىرۋىمىز كەرەك.
ەكى جاق تاعى اۋعانستان، يران يادرو ماسەلەسى جانە كورەي تۇبەگىنىڭ جاعدايى سياقتى باسقا دا ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە پىكىر اۋىستىردى.
ەكى ەل باسشىلارى دا بىلاي دەپ قارادى: وسى رەتكى ديدارلاسۋ بۇكپەسىز، سىندارلى، ماندىك سيپاتقا يە ءارى ءونىمدى بولدى، بۇل ەكى جاقتىڭ ءوزارا ءتۇسىنىسۋىن كۇشەيتۋگە ءتيىمدى، حالىقارالىق قوعامنىڭ جۇڭگو - ا ق ش قاتىناسى جونىندەگى ۇنامدى مەجەسىن ارتتىرىپ، جۇڭگو - ا ق ش ەلدەرى مەن دۇنيە جۇزىنە پارمەندى سيگنال بەردى. ەكى جاق ءتۇرلى تاسىلدەر ارقىلى تىعىز بايلانىستى ۇزدىكسىز جالعاستىرىپ، جۇڭگو - ا ق ش قاتىناسىنىڭ اقاۋسىز، ورنىقتى دامۋدىڭ دۇرىس ارناسىنا قايتا ورالۋىن ىلگەرىلەتىپ، جۇڭگو - ا ق ش ەكى ەل حالىقتارى مەن دۇنيە جۇزىندەگى ءار ەل حالىقتارىنا باقىت جاراتۋعا قوسىلدى.
ديڭ شۋەشياڭ، ليۋ حى، ياڭ جيەچى، ۋاڭ ي قاتارلىلار ديدارلاسۋدا بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
