چۇي ۋانتيڭنىڭ شەشەسى ءبىرىنشى سوتتا مەرزىمسىز قاماۋ جازاسىنا ۇكىم ەتىلدى!
2021.11.18 15:58 كەلۋ قاينارى : حالىق تورابى
2021 ـ جىلى 11 ـ ايدىڭ 17 ـ كۇنى تۇستەن بۇرىن، حيلۇڭجياڭ ولكەسى حاربين قالالىق ورتا دارەجەلى حالىق سوت مەكەمەسى حاربين قالالىق قالا ـ قالاشىقتاندىرۋ قۇرىلىسىنا باسشىلىق ەتۋ گرۋپپاسى كەڭسەسىنىڭ بۇرىنعى مەڭگەرۋشىسى جاڭ ميڭجيەنىڭ پارا الۋ، قىزمەت ۇقىعىنان الباتى پايدالانۋ دەلوسىنا اشىق ۇكىم شىعارىپ، پارا الۋ قىلمىسى بويىنشا جاڭ ميڭجيەنى مەرزىمسىز قاماق جازاسىنا ۇكىم ەتىپ، ساياسي ۇقىعىنان ومىرلىك ماحۇرىم ەتتى، وعان قوسا بارلىق جەكەلىك مال ـ مۇلكىن ءمۇسادىرالادى؛ ۇقىعىنان بەتالدى پايدالانۋ قىلمىسى بويىنشا 10 جىلدىق مەرزىمدى قاماق جازاسىنا ۇكىم ەتىپ، مەرزىمسىز قاماق جازاسىن اتقارىپ، ساياسي ۇقىعىنان ومىرلىك ماحۇرىم ەتۋدى، وعان قوسا بارلىق جەكەلىك مال ـ مۇلكىن تۇگەلدەي ءمۇسادىرالاۋدى ۇيعاردى. پارا الۋ قىلمىسى بويىنشا ۋاڭ شاۋيۇيعا 14 جىلدىق مەرزىمدى قاماق جازاسى، وعان قوسا 3 ميلليون يۋان اقشالاي ايىپ جازاسى كەسىلەدى. دەلوعا قاتىستى زاڭعا قايشى تابىسىن جانە ءوسىمىن ءمۇسادىرالاپ، قايتارىپ الاتىن بولدى.
سوت مەكەمەسى قاراۋ ارقىلى 2009 - جىلدان 2011 - جىلعا دەيىن، ايىپكەر جاڭ ميڭجيە حاربين قالاسى داۋلي رايوندىق ۇكىمەتتىڭ ورىنباسار باستىعى، قوسىمشا داۋلي رايونى ءتۇزىلىس رەفورماسى باسشىلىق گرۋپپاسىنىڭ باستىعى بولعان كەزدە، مەملەكەت مەنشىگىندەگى كاسىپورىن حاربين قالاسىنىڭ بۇرىنعى ەگىمشىلىك - باعىمشىلىق الاڭىن بىرىكتىرىپ ساتىپ الۋ بارىسىندا، سونداي - اق حاربين قالاسى حاربين - چيچيحار تەمىر جولى جولاۋشى تاسىمال ارناۋلى لەنياسى ينجەنەريا قۇرىلىسىنا باسشىلىق ەتۋ گرۋپپاسى كەڭسەسىنەن، حاربين قالالىق جەر زاپاسى ورتالىعى قالا قۇرىلىسىنا قارجى قوسۋ توبى شەكتى سەرىكتەستىگىنەن حاربين قالاسىنىڭ بۇرىنعى ەگىمشىلىك - باعىمشىلىق الاڭىنىڭ ءبىر ءبولىم جەرىن ساتىپ الۋ، ساقتاۋ بارىسىندا، كوڭىلگە قاراپ جولدان تايىپ، قىزمەت ۇقىعىنان بەتالدى پايدالانىپ، جەر تولەم اقشاسىن بىرىكتىرىپ ساتىپ الۋشى ورىن بەلگىلەمەگە قايشىلىق جاساپ العان، ءبىر ءبولىم قىزمەتكەرلەردى ورنالاستىرۋ اقشاسىن بەلگىلەمەگە قايشىلىق جاساپ ىستەتكەن، الەۋمەتتىك مال - مۇلىك زيانى جيىنى 232 ميلليون 590 مىڭ يۋاننان اسقان.
2011 - جىلى 11 - ايدان 2012 - جىلى 7 - ايعا دەيىن، ايىپكەر جاڭ ميڭجيە قىزمەت قولايلىلىعىنان پايدالانىپ بىرىكتىرىپ ساتىپ الۋشى ورىنعا پايدا جەتكىزگەننەن كەيىن، الدىمەن قارىز اقشا الۋ دەگەن اتپەن سول ورىننىڭ ءىس جۇزىندە مەڭگەرىپ وتىرعان ادامنان 5 ميلليون يۋان حالىق اقشاسىن سۇرايدى، كەيىن ۋاڭ شاۋيۇيمەن بىرگە وسى ناقتى مەڭگەرىپ وتىرعان ادامنان حاربين قالاسىنىڭ بۇرىنعى ەگىمشىلىك - باعىمشىلىق الاڭى جەرىنە قاتىستى وسى ورىننىڭ %50 جارنا ۇقىعىن تالاپ ەتەدى، حالىق اقشاسىنا سىندىرعاندا 93 ميلليون 170 مىڭ يۋاننان استام بولادى. دەلو تۋىلعاننان كەيىن، دەلو ءبىر جاقتى ەتۋ ورگانى جوعارىداعى ورىنداردىڭ مال ـ مۇلكىن جانە جاڭ ميڭجيە مەن ۋاڭ شاۋيۇيدىڭ زاڭسىز تاپقان ءبىر ءبولىم اقشاسىن، زاتتارىن زاڭ بويىنشا ۇستاپ قالادى، مۇزداتادى.
حاربين قالالىق ورتا دارەجەلى حالىق سوت مەكەمەسى بىلاي دەپ قارادى: ايىپكەر جاڭ ميڭجيەنىڭ ارەكەتى پارا الۋ قىلمىسىنا، قىزمەت ۇقىعىنان بەتالدى پايدالانۋ قىلمىسىنا جاتادى؛ ايىپكەر ۋاڭ شاۋيۇيدىڭ ارەكەتى پارا الۋ قىلمىسىنا جاتادى، ولاردى زاڭ بويىنشا جازالاۋ كەرەك. سوت وسى بويىنشا جوعارىداعى ۇكىمىن شىعارادى.
اقپارات قۇرالدارىنىڭ حابارىنا قاراعاندا، جاڭ ميڭجيە ءانشى چۇي ۋانتيڭنىڭ شەشەسى ەكەن. چۇي ۋانتيڭ تاياۋ جىلداردان بەرى نەگىزىنەن شەتەلدە تۇرادى ەكەن، 2020 ـ جىلى 9 - ايدا ول ميكروبلوگتا جاڭ ميڭجيەنىڭ دەلوسىن تىلگە تيەك ەتىپ، توراپتاستاردىڭ نازارىن اۋدارعان بولاتىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
