بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ءۇي شارۋاسى دا ەڭبەك رەتىندە ەسكەرىلۋى كەرەك

فۋجيان ولكەسى شاڭحاڭ اۋدانىندا ءۇي شارۋاسىنداعى ايەل اجىراسقان كەزدە 20 مىڭ يۋان ەكونوميكالىق تولەم الدى

2021.11.18 16:29     كەلۋ قاينارى : حالىق تورابى

  حالىق گازەتىنىڭ حابارى. وتباسىندا ايەل ادامنىڭ ۇزاق جىل بويى پەرزەنتتەرىن تاربيەلەۋگە تەر توگىپ، وتباسى شارۋاسىن ىستەۋى ايەل ادام ىستەۋگە ءتيىستى ءىس دەپ قارالماستان، ەڭبەك رەتىندە ەسكەرىلۋى كەرەك. جۋىردا فۋجيان ولكەسى شاڭحاڭ اۋداندىق حالىق سوتى ازاماتتىق زاڭنامانى قولدانىپ، نەكەدەن اجىراسۋ ىسىندە وتباسى شارۋاسىنا قاتىستى تولەم بەرۋ دەلوسىن قاراپ، ەر جاق ايەل جاققا 20 مىڭ يۋان ەكونوميكالىق تولەم بەرۋى كەرەك دەگەن ۇكىم شىعاردى.

  تالاپكەر لياۋ X ايىپكەر لەي X مەن 2015 – جىلى 12 – ايدا ۇيلەنۋگە تىزىمدەلگەن، ۇيلەنگەننەن كەيىن ەكەۋى ءبىر ۇل، ءبىر قىزدى بولعان، ەر جاق اۋىل – قىستاقتا جۇمىس ىستەپ، ايەل جاق وتباسىندا پەرزەنتتەرىن باققان. بىرگە تۇرمىس كەشىرگەن مەزگىلدە، ەكى جاق وتباسىنىڭ ەكونوميكاسى، تۇرمىس جاقتارىنداعى ۇساق ىستەرگە بولا ۇنەمى شارماياقتاسىپ، وتباسىلىق قارىم – قاتىناسى بەرەكەلى بولماي كەلگەن، ەرلى – زايىپتى ەكەۋى اراسىنداعى قايشىلىق پەن ارازدىق كۇننەن – كۇنگە تەرەڭدەگەن. 2021 – جىلى ايەل جاق لياۋ X ەرلى – زايىپتىلىق سۇيىسپەنشىلىك بۇكىلدەي بۇزىلدى دەگەن سەبەپپەن سوتقا نەكەدەن اجىراسۋ ءوتىنىشىن بەرگەن ءارى لەي X دان ەكونوميكالىق تولەم الۋدى تالاپ ەتكەن. سوت بارىسىندا لەي X اجىراسۋعا ماقۇل بولاتىنىن، ءبىراق ايەل جاقتىڭ وتباسى شارۋاسىن ىستەگەنىنە تولەم بەرمەيتىنىن ايتقان.

  سوت مەكەمەسى تەرگەۋ جۇرگىزگەننەن كەيىن، لياۋ X، لەي X ەكى جاق تا ەرلى – زايىپتىلىق سۇيىسپەنشىلىكتىڭ بۇزىلعانىن مويىنداپ، ەكەۋى دە اجىراسۋعا ماقۇل بولعان. لەي X ۇزاق ۋاقىت بويى اۋىل – قىستاقتاعى نەگىزگى ساتىدا قىزمەت ىستەپ، پەرزەنتتەرىن باعىپ – قاعۋعا بولگەن ۋاقىتى ءبىرشاما از بولعان، لياۋ X باستىسى وتباسىندا پەرزەنتتەرىنە قاراپ، وتباسى شارۋاسى جانە ەكى پەرزەنتىن ماپەلەۋدە ءبىرشاما كوپ بورىش اتقارىپ، لەي X دىڭ قىزمەتىنە قولايلى شارت – جاعداي ازىرلەگەن، لياۋ X ءوزىن – ءوزى جەتىلدىرۋ جانە قىزمەت تاڭداۋ، كىرىس قابىلەتى جاقتاردا بەلگىلى دەڭگەيدە بوداۋ بەرگەن. ەكى جاقتىڭ وتباسىن قۇرعان ۋاقىتى، جەرگىلىكتى ورىننىڭ تۇرمىستىق دەڭگەيى جانە لەي X دىڭ ەكونوميكالىق جاعدايى سياقتى ءىس جۇزىندىك جاعدايلاردى ويلاستىرا وتىرىپ، ايىپكەر لەي X تالاپكەر لياۋ X عا وتباسى شارۋاسىن ىستەگەنى ءۇشىن 20 مىڭ يۋان ەكونوميكالىق تولەم بەرۋى كەرەك دەپ قاراعان. ۇكىم جاريالانعاننان كەيىن، ەكى جاق تا جوعارىلاپ ارىزدانباعان، بۇل دەلوداعى ۇكىم زاڭدى كۇشكە يە بولعان. (چىن ليفىڭ، جاڭ چۇنميڭ، لي لينيۇن)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار