شي جينپيڭ يزرايلدىڭ زۇڭتۇڭى گەرتسوگپەن تەلەفوندا سويلەستى
2021.11.18 17:15 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 17 - كۇنى، بەيجيڭ. مەملەكەت ءتوراعاسى شي جينپيڭ 11 - ايدىڭ 17 - كۇنى يزرايلدىڭ زۇڭتۇڭى گەرتسوگپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭحۋا ۇلتى دا، ەۆرەي ۇلتى دا ۇزاق تاريحقا جانە وركەنيەتكە يە، ەكى جاقتىڭ دوستىق بارىس - كەلىسىنىڭ تاريحى ۇزاق، ەستە ساقتاۋعا تاتيتىن كوپتەگەن اسەرلى اڭگىمەمىز بار. جۇڭگو مەن يزرايل ديپلوماتيالىق قاتىناس ورناتقاننان بەرى ەكى جاق يەلىك ۇقىققا قۇرمەت ەتۋ، ءبىر - ءبىرىنىڭ ىشكى ىسىنە ارالاسپاۋ سياقتى ماڭىزدى پرينسيپتەردە تاباندى بولىپ، ەكى ەل قاتىناسى جەدەل، اقاۋسىز دامىپ، ءار سالاداعى ناقتى سەلبەستىكتە بەلسەندى تابىستارعا قول جەتكىزىلدى. جۇڭگو جۇڭگو مەن يزرايلدىڭ قاتىناسىنا ايرىقشا ءمان بەرەدى، يزرايلمەن كەلەر جىلى ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىن قۇتتىقتاۋدى وراي ەتىپ، جۇڭگو مەن يزرايلدىڭ جاسامپاز جالپى بەتتىك سەرىكتەستىك قاتىناسىنىڭ باياندى، اقاۋسىز، ورنىقتى دامۋىن ىلگەرىلەتىپ، ەكى ەل حالىقتارىنا ءتىپتى دە زور باقىت جاراتۋدى قالايدى.
شي جينپيڭ بىلاي دەپ دارىپتەدى: جۇڭگو مەن يزرايل ەكونوميكالىق ابزالدىق جاعىندا ءبىرىن - ءبىرى تولىقتايدى، ءوزارا تيىمدىلىك جەتكىزىپ، تەڭ يگىلىككە كەنەلەتىن سەلبەستىكتى ابدەن جاساي الادى. كەيبىر جۇڭگو كاسىپورىندارى يزرايلدىڭ نەگىزدىك قۇرىلعى قۇرىلىسىنا بەلسەنە ات سالىستى، يزرايلدىڭ كوپتەگەن جاسامپاز كاسىپورىندارى جۇڭگوعا كەلىپ ىرگە تەۋىپ دامىدى، ەكى جاق سەلبەسىپ حايفا جاڭا پورتى، جۇڭگو - يزرايل چاڭجوۋ جاڭالىق اشۋ باقشاسى، شاڭحاي جاڭالىق اشۋ باقشاسى سياقتى بوگەنايلىق نىسانداردى قۇردى، جاڭالىق اشۋ ەكى ەل قاتىناسىنىڭ كورىنەۋ تۇيىنىنە جانە دەمەۋشىسىنە اينالدى. جۇڭگو يزرايلمەن عىلىم - تەحنيكا، اۋىل شارۋاشىلىعى، ەمدەۋ، دەنساۋلىق ساقتاۋ سياقتى سالالارداعى سەلبەستىكتى تەرەڭدەتىپ، مادەنيەت، وقۋ - اعارتۋ، ساياحات، دەنەتاربيە سياقتى سالالارداعى اۋىس - كۇيىس پەن سەلبەستىكتى كەڭەيتىپ، ەكى ەل دوستىعىنىڭ حالىقتىق نەگىزىن بەكەمدەۋدى قالايدى. يزرايلدىڭ دۇنيە جۇزىلىك دامۋ باستاماسىنا بەلسەنە ات سالىسۋىن قارسى الامىز.
گەرتسوگ مىنانى ءبىلدىردى: يزرايل جۇڭگو جاقتىڭ ۇزاق تاريحى مەن شۇعىلالى مادەنيەتىنە وسكەلەڭ قۇرمەت ەتەدى، جۇڭگو حالقىنىڭ ءتوراعا شي جينپيڭنىڭ ەرەن باسشىلىعىندا دامۋ جەتىستىكتەرىنە قول جەتكىزگەنىنە شىن جۇرەكتەن سۇيىنەدى. يزرايل حالقى جۇڭگو حالقىنىڭ ەۆرەي بوسقىندارىنا كورسەتكەن قاستەرلى كومەگىن ماڭگى ۇمىتپايدى. يزرايل ءبىر جۇڭگو ساياساتىن تاباندىلىقپەن اتقارىپ، يزرايل - جۇڭگو دوستىق قاتىناسىن تەرەڭدەتۋگە كۇش سالادى. يزرايل جۇڭگومەن بىرگە ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىن قۇتتىقتاۋ جەلىلەس قيمىلدارىن ويداعىداي وتكىزىپ، عىلىم - تەحنيكا، جاڭالىق اشۋ، ەكونوميكا، اۋىل شارۋاشىلىعى، دەنەتاربيە سياقتى سالالارداعى اۋىس - كۇيىس پەن سەلبەستىكتى كۇشەيتۋدى قالايدى.
ەكى جاق ورتا شىعىس رايونىنىڭ جاعدايى جونىندە پىكىر الماستىردى. شي جينپيڭ مىنالاردى دارىپتەدى: جۇڭگو اۋەلدەن يزرايل، پالەستين ەكى جاقتىڭ «ەكى ەل جوباسى» نەگىزىندە، تىلدەسۋ، كەلىسسوز وتكىزۋ ارقىلى بەيبىت قاتار تۇرۋدى جۇزەگە اسىرۋىن دارىپتەپ كەلەدى. جۇڭگو باستان - اياق ورتا شىعىس بەيبىتشىلىگىنىڭ قورعاۋشىسى، ورتا شىعىس دامۋىنىڭ قۇرۋشىسى بولادى. جۇڭگو حالىقارالىق قوعاممەن بىرگە ورتا شىعىستىڭ حاۋىپسىزدىگى مەن ورنىقتىلىعىن، دامۋى مەن گۇلدەنۋىن جەبەۋ جولىندا تىنباي قۇلشىنۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
