شي جينپيڭنىڭ ماڭىزدى شىعارمالارىنىڭ شاڭحاي سەلبەستىك ۇيىمىنداعى ەلدەر تىلدەرىندەگى باسىلىمدارىن تانىستىرۋ جينالىسى بەيجيڭدە وتكىزىلدى
2021.11.18 17:25 كەلۋ قاينارى : حالىق تورابى
«حالىق گازەتى»، 11 - ايدىڭ 17 - كۇنى، بەيجيڭ. شي جينپيڭنىڭ ماڭىزدى شىعارمالارىنىڭ شاڭحاي سەلبەستىك ۇيىمىنداعى ەلدەر تىلدەرىندەگى باسىلىمدارىن تانىستىرۋ جينالىسى 11 - ايدىڭ 17 - كۇنى بەيجيڭدە وتكىزىلدى. «شي جينپيڭ ەل باسقارۋ جونىندە» اتتى كىتاپتىڭ 1 - تومىنىڭ ءۇندى، پۋشتۋ، داري، سينگال، وزبەك تىلدەرىندەگى نۇسقالارى، 2 – تومىنىڭ وزبەك تىلىندەگى نۇسقاسى جانە «جىجياڭ جاڭا لەبىزدەرىنىڭ»، «شي جينپيڭ ‹ءبىر بەلدەۋ، ءبىر جول› جونىندەنىڭ» ورىس تىلىندەگى نۇسقاسى سياقتى 8 ءتۇرلى جاڭا كىتاپ تانىستىرۋ جينالىسىندا تۇڭعىش رەت تاراتىلدى.
ج ك پ ورتالىق كوميتەتى ۇگىت ءبولىمى باستىعىنىڭ ورىنباسارى، مەملەكەتتىك كەڭەس اقپارات كەڭسەسىنىڭ مەڭگەرۋشىسى شۇي لين ارناۋ سوزىندە مىنانى ءبىلدىردى: بۇل رەتكى تانىستىرۋ جينالىسى ج ك پ 19 - كەزەكتى ورتالىق كوميتەتى التىنشى جالپى ءماجىلىسىنىڭ جەڭىسپەن جابىلۋىنا تۋرا كەلدى، ءسات ساعاتى ەرەكشە، ماڭىزى وتە زور. التىنشى جالپى ءماجىلىس پارتيامىزدىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن تەرەڭ قورىتىندىلادى، 100 جىلدىق كۇرەستىڭ تەتىگى پارتيادا، پارتيانىڭ كۇش - قۋاتىنىڭ تەتىگى ۇيىتقىدا. باس شۋجي شي جينپيڭ − پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى، جۇڭگو حالقىنىڭ شىن جۇرەكتەن قولداپ - قۋاتتاعان كوسەمى، «شي جينپيڭ ەل باسقارۋ جونىندە» سياقتى ماڭىزدى شىعارمالار − جۇڭگو حالقى توتەنشە قاستەرلەيتىن يدەيالىق اسىل قازىنا. باس شۋجي شي جينپيڭنىڭ ماڭىزدى شىعارمالارىندا شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جارىققا شىعۋىنىڭ وركەنى، امالياتتىق قاينارى، دامۋىنىڭ تامىرى جانە باستى مازمۇنى شوعىرلى بەينەلەنگەن، وندا بەرىك حالىقتىق مايدان، قاراپايىم حالىقتىق سۇيىسپەنشىلىك قامتىلعان، جاڭا تاريحي شارت - جاعدايداعى جۇڭگو كوممۋنيستىك پارتياسىنىڭ وزىندىك قۇرىلىس زاڭدىلىعى مەن كوممۋنيستىك پارتيانىڭ بيلىك جۇرگىزۋ زاڭدىلىعى جونىندەگى تەرەڭ تانىم ايگىلەنگەن، جۇڭگو كوممۋنيستىك پارتياسىنىڭ دۇنيە ءجۇزىنىڭ ۇلى بىرلىگىن كوزدەيتىن، جۇڭگونىڭ ءوزىنىڭ جاڭا دامۋىمەن دۇنيە جۇزىنە جاڭا وراي جاراتاتىن اشىق پەيىلى ايگىلەنگەن. بۇل شىعارمالار شاڭحاي سەلبەستىك ۇيىمىنداعى ءار ەلدىڭ جۇڭگو كوممۋنيستىك پارتياسىن تۇسىنۋىنە، جاڭا داۋىردەگى جۇڭگونى تۇسىنۋىنە ماڭىزدى «يدەيا تەرەزەسىن» اشتى.
شاڭحاي سەلبەستىك ۇيىمىنىڭ باس حاتشىسى ۆلاديمير يماموۆيچ نوروۆ قاتارلى شەتەلدىك سيلى قوناقتار ارناۋ سوزدەرىندە مىنانى ءبىلدىردى: ءتوراعا شي جينپيڭنىڭ ماڭىزدى شىعارمالارىندا جۇڭگونىڭ دامۋ ۇستانىمى، ىشكى - سىرتقى ساياساتى پايىمدالىپ، ءتوراعا شي جينپيڭنىڭ ەل باسقارۋ يدەياسى مەن ستراتەگياسى تولىق بەينەلەنگەن، بۇل شىعارمالار − زامانىمىزداعى جۇڭگوعا تالداۋ جاساۋدىڭ «كىلتى»، ونان جۇڭگونى اناعۇرلىم جاقسى وقىپ، جۇڭگو باسشىلارىنىڭ ەل باسقارۋ، رەفورمانى ىلگەرىلەتۋ ۇلى جوباسىن ءتۇسىنىپ، جۇڭگونىڭ فيلوسوفياسىن، تاريحىن جانە مادەنيەتىن بىلەمىز، سونداي - اق جۇڭگونىڭ تاجىريبەلەرىن ۇيرەنۋىمىزگە سەپتىگىن تيگىزەدى.
تانىستىرۋ جينالىسىن ج ك پ ورتالىق كوميتەتىنىڭ ۇگىت ءبولىمى، جۇڭگو شەتەل تىلدەرى مەكەمەسى باس بولىپ ۇيىمداستىردى، شاڭحاي سەلبەستىك ۇيىمىنىڭ حاتشىلار باسقارماسى، شەتەل تىلدەرى باسپاسى جانە جۇڭگو شەتەل تىلدەرى مەكەمەسىنىڭ ورتا، شىعىس ەۆروپا جانە ورتا، وڭتۇستىك ازيا تاراتۋ ورتالىعى (حالىق سۋرەتتى جۋرنالى مەكەمەسى) جاۋاپتى بولىپ وتكىزدى. جۇڭگو ۇكىمەتىنىڭ ەۆروپا - ازيا ىستەرى بويىنشا ەرەكشە ۋاكىلى لي حۇي، جۇڭگو شەتەل تىلدەرى مەكەمەسىنىڭ باستىعى دۋ جانيۋان، رەسەي، قىرعىزستان، تاجىكستان، شريلانكا سياقتى ەلدەردىڭ جۇڭگوداعى ەلشىلەرى جانە جۇڭگولىق، شەتەلدىك سيلى قوناقتار قيمىلعا قاتىناستى.
قيمىلدا جۇڭگولىق، شەتەلدىك سيلى قوناقتار تۇڭعىش تاراتىلعان جاڭا كىتاپتىڭ شىمىلدىعىن اشتى. جۇڭگو جاق تاعى شەتەلدىك سيلى قوناقتارعا جاڭا كىتاپ ۇسىندى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
