ءىرىپ - شىرىگەن ەرلى - زايىپتىلار: چاڭدى قالالىق پارتكومنىڭ شۋجيى ياڭ يۇيۋىن مەن ونىڭ ايەلىنە ءبىر كۇندە حابارلاندىرۋ شىعارىپ تەكسەردى
2021.11.19 15:24 كەلۋ قاينارى : حالىق تورابى
سوڭعى جىلداردان بەرى تەكسەرىپ ءبىر جاقتى ەتىلگەن باسشى كادرلاردىڭ تارتىپكە، زاڭعا قايشىلىق جاساۋ دەلولارىندا ءىرىپ ـ شىرىگەن «ەرلى ـ زايىپتىلاردىڭ» مىسالدارى دا از ەمەس.
11 - ايدىڭ 18 - كۇنى تۇستەن كەيىن حۋنان ولكەلىك ءتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى تورابىنىڭ «حۋنانداعى ستيل -ءتارتىپ» جونىندە ەكى حابارلاندىرۋ جاريالادى: چاڭدى قالالىق پارتكومنىڭ شۋجيى ياڭ ي-ۋىنگە تارتىپكە، زاڭعا اۋىر قايشىلىق جاساۋ كۇمانى تاعىلىپ، قازىر ولكەلىك ءتارتىپ تەكسەرۋ كوميتەتىنىڭ، باقىلاۋ ـ تەكسەرۋ كوميتەتىنىڭ ءتارتىپ تەكسەرۋى مەن باقىلاۋ ـ تەكسەرۋىن قابىلداۋدا؛ چاڭشا قالالىق قوعام حاۋىپسىزدىگى مەكەمەسى پارتكومىنىڭ ورىنباسار شۋجيى، ورىنباسار مەكەمە باستىعى لي شياڭجياڭ تارتىپكە، زاڭعا اۋىر قايشىلىق جاساۋ كۇمانىمەن ولكەلىك ءتارتىپ تەكسەرۋ كوميتەتىنىڭ، باقىلاۋ ـ تەكسەرۋ كوميتەتىنىڭ بەكىتۋىمەن قازىر چاڭدى قالالىق ءتارتىپ تەكسەرۋ كوميتەتىنىڭ، باقىلاۋ ـ تەكسەرۋ كوميتەتىنىڭ ءتارتىپ تەكسەرۋى مەن باقىلاۋ ـ تەكسەرۋىن قابىلداۋدا.
پىڭپاي اقپاراتى (www.thepaper.cn) ءتىلشىسىنىڭ حۋناننىڭ جەرگىلىكتى ءمان - جايىن بىلەتىن بىرنەشە قايراتكەردەن ۇعىسۋىنشا، ياڭ ي-ۋىن مەن لي شياڭجياڭ ەرلى - زايىپتى ەكەن.
رەسمي جاقتىڭ قىسقاشا ءومىر بايانىندا كورسەتىلۋىنشە، ياڭ ي-ۋىن، ەر، حانزۋ، 1966 ـ جىلى 7 ـ ايدا تۋعان، حۋنان ولكەسىنىڭ ميلو اۋدانىنان، 1987 ـ جىلى 8 ـ ايدا قىزمەتكە قاتىناسقان، 1991 ـ جىلى 6 ـ ايدا جۇڭگو كوممۋنيستىك پارتياسىنا مۇشە بولعان. ول ۇزاق ۋاقىت چاڭشادا قىزمەت ىستەگەن، 2007 - جىلى 10 - ايدان باستاپ چاڭشا اۋدانىنىڭ اكىمى بولعان، 2008 - جىلى 2 - ايدان باستاپ چاڭشا ەكونوميكالىق اشۋ رايونى باسقارۋ كوميتەتىنىڭ مەڭگەرۋشىسى، چاڭشا اۋدانىنىڭ اكىمى بولعان، 2009 - جىلى 1- ايدان باستاپ چاڭشا ەكونوميكالىق اشۋ رايونى باسقارۋ كوميتەتىنىڭ مەڭگەرۋشىسى، چاڭشا اۋداندىق پارتكومنىڭ شۋجيى بولعان، 2009 - جىلى 7 - ايدان باستاپ چاڭشا ەكونوميكالىق اشۋ رايونى پارتيا قىزمەتى كوميتەتىنىڭ شۋجيى، چاڭشا اۋداندىق پارتكومنىڭ شۋجيى بولعان.
2016 ـ جىلى 3 - ايدان 2021 ـ جىلى 4- ايعا دەيىن ياڭ ي-ۋىن لوۋدي قالالىق پارتكومنىڭ ورىنباسار شۋجيى، ۋاقىتتىق قالا باستىعى، قالا باستىعى بولعان، 2021 ـ جىلى 4 - ايدان وسى حابارلاندىرۋ شىعارىلىپ تەكسەرۋگە الىنعانعا دەيىن چاڭدى قالالىق پارتكومنىڭ شۋجيى بولعان.
لي شياڭجياڭ، ايەل، حانزۋ، 1965 ـ جىلى 12 - ايدا تۋعان، حۋنان ولكەسىنىڭ ليۋياڭ اۋدانىنان، 1986 ـ جىلى 10 - ايدا جۇڭگو كوممۋنيستىك پارتياسىنا مۇشە بولعان، 1987 ـ جىلى 9 - ايدا قىزمەتكە قاتىناسقان.
ياڭ ي – ۋىن چاڭشادا قىزمەت ىستەگەن كەزدە، لي شياڭجياڭ چاڭشا قالالىق قوعام حاۋىپسىزدىگى جۇيەسىندە ساتى بويىنشا ءوسىرىلىپ، 2006 ـ جىلى 7 - ايدان 2020 ـ جىلى 6 - ايعا دەيىن چاڭشا قالالىق قوعام حاۋىپسىزدىگى مەكەمەسى پارتكومىنىڭ مۇشەسى، ساياسي ءبولىمىنىڭ مەڭگەرۋشىسى، پارتكومنىڭ مۇشەسى، ورىنباسار مەكەمە باستىعى بولعان. 2020 ـ جىلى 6 ـ ايدا ول چاڭشا قالالىق قوعام حاۋىپسىزدىگى مەكەمەسى پارتكومىنىڭ ورىنباسار شۋجيى، ورىنباسار مەكەمە باستىعى بولعان.
ايتا كەتۋگە تاتيتىنى، ۇكىمەت جاقتىڭ حابارلاندىرۋىندا بىلاي دەپ اتاپ كورسەتىلدى: لي شياڭجياڭ حۋنان ولكەلىك ءتارتىپ تەكسەرۋ كوميتەتى، باقىلاۋ ـ تەكسەرۋ كوميتەتىنىڭ بەلگىلەۋىمەن چاڭدى قالالىق ءتارتىپ تەكسەرۋ كوميتەتى، باقىلاۋ ـ تەكسەرۋ كوميتەتىنىڭ ءتارتىپ تەكسەرۋى مەن باقىلاۋ ـ تەكسەرۋىن قابىلداۋدا.
ءىس جۇزىندە، «ەرلى - زايىپتىلار» شىرىكتەسۋ جاعدايى وماقاسقان كادرلار ىشىندە ءجيى كەزدەسەدى، مۇنىڭ ىشىندە ەكى ادامنىڭ ۇلىق بولىپ اكىمشىلىكپەن اينالىسۋ مىسالى از ەمەس.
مىسالى، پىڭپاي اقپاراتىنىڭ بۇرىنعى ءبىر حابارىنا قاراعاندا، سىچۋان ولكەسى داجوۋ قالالىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى قاتارلى مىندەتتەردى وتەگەن مەي رۇڭ جانە ونىڭ كۇيەۋى، كەزىندە گۋاڭ - ان قالالىق ساياسي كەڭەستىڭ ءتوراعاسى قاتارلى مىندەتتەردە بولعان شياۋ لەي ەكەۋى جەكە - جەكە 2020 - جىلى 9 - ايدىڭ 1- كۇنى جانە 2021 - جىلى 1 - ايدىڭ 5 - كۇنى حابارلاندىرۋ شىعارىپ تەكسەرىلگەن بولاتىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
