بار امالدى قولدانىپ ناقتى ءىس ءبىتىرىپ، سوتتا جەڭگەندەردىڭ اقشاسىن الۋىنا شارت – جاعداي جاراتادى
ەڭ جوعارى حالىق سوتى بۇكىل ەلىمىز كولەمىندەگى سوت مەكەمەلەرىندە حالىققا ءونىمدى جۇمىس اتقارۋ ارناۋلى ارەكەتىن ورىستەتەدى
2021.11.19 18:22 كەلۋ قاينارى : حالىق تورابى
حالىق سوتى گازەتىنىڭ ءتىلشىسى جياڭ پەيشان حابارلايدى. اتقارۋ ءىسى تەڭدىك پەن ادىلدىكتىڭ «ەڭ سوڭعى ءبىر كيلومەترىنە» سايادى، حالىق جۇرتشىلىعىنىڭ ءادىلياعا دەگەن سەنىمى مەن ريزالىعىنا سايادى. جۋىردا ءتىلشىنىڭ ۇعىسۋىنشا، ەڭ جوعارى حالىق سوتى مەكەمەسى 10 – ايدىڭ ورتا شەنىنەن 12 – ايدىڭ سوڭىنا دەيىن، بۇكىل ەلىمىزدەگى سوت مەكەمەلەرىندە «بۇقارا ءۇشىن ناقتى ءىس تىندىرامىن» اتىنداعى حالىق ءۇشىن ءونىمدى جۇمىس اتقارۋ ارناۋلى ارەكەتىن ورىستەتۋدى ماقۇلداعان.
ۇعىسۋعا قاراعاندا، بۇل رەتكى ارناۋلى ارەكەتتىڭ باستى ءتۇيىنى ءۇش ءتۇرلى دەلولاردىڭ اتقارىلۋى مەن شەشىلۋىنە نازار سالۋ ەكەن. ءبىرىنشى، ارىز – شاعىمعا قاتىستى ارىز – ارمان دەلولارىن ناقتى شەشىم ەتۋ. قاراماعىنداعى وڭىردەگى حالىق بۇقاراسىنىڭ اڭىسى كۇشتى بولعان، ۇزاق ۋاقىتتان بەرى شەشىلمەي كەلگەن اتقارۋعا ساياتىن ارىز – ارمان دەلولارىنا تۇرگە ءبولىپ شارا قولدانىپ، ءوتىنىشى ۇيلەسىمدى بولعاندارىنىڭ ماسەلەسىن شەشىم ەتۋگە، ءوتىنىشى نەگىزسىز بولعاندارىنا قاتىستى زاڭداردى دۇرىس تۇسىندىرۋگە، تۇرمىسىندا قيىنشىلىعى بارلارعا ءادىليالىق كومەك بەرۋ قاتارلى جولدارمەن كومەكتەسۋگە، زاڭعا قايشى اتقارىلعان دەلولاردى بەلگىلەمەگە، تارتىپكە ساي ءبىرجاقتى ەتۋگە كۇش سالادى.
ەكىنشى، 100 مىڭ يۋاننان تومەن شاعىن سوماعا قاتىستى دەلولاردىڭ، سونداي – اق حالىق شارۋاشىلىعىنا قاتىستى دەلولاردىڭ ءدال اتقارىلۋىن ىلگەرىلەتەدى. دەلو تۇرعىزۋدا الدىمەن ويلاستىرۋ، اتقارۋدا الدىمەن ويلاستىرۋ، اتقارۋعا قاتىستى قاراجاتقا ناق اقشا بەرۋدى الدىمەن ويلاستىرۋ قاتارلىلارعا تاباندى بولىپ، تۇتىنۋعا شەكتەمە قويۋ، سەنىمدىلىكتەن ايرىلعاندار قاتارىنا قوسۋ، ءتىنتۋ جۇرگىزۋ، ماجبۇرلەپ اكەلۋ، اقشالاي ايىپ سالۋ، اتقارۋدان باس تارتۋ قىلمىسىن قۋزاستىرۋ قاتارلى ماجبۇرلەۋ شارالارىن تولىق، ويداعىداي پايدالانىپ، اتقارۋدان تايساقتاعانداردى، اتقارۋعا قارسىلىق كورسەتكەندەردى جازالاۋ تەبىنىن ارتتىرادى. اتقارۋعا بۇيىرىلعان ادامنىڭ شىنىمەن دە اتقارۋ قۋاتى بولماعان، اتقارۋدى ءوتىنىش ەتكەن ادامنىڭ تۇرمىسى قيىنشىلىققا ءدوپ كەلگەن ازاماتتىق ىستەر دەلوسىنا ءادىليالىق كومەك مەحانيزمىن تولىق قولدانىپ، ءوتىنىش بەرۋشىگە دەر كەزىندە كومەك بەرەدى.
ءۇشىنشى، شاعىن، ميكرو كاسىپورىندارعا، فينانس سالاسىنا، پارتيا - ۇكىمەت ورگاندارىنا ساياتىن جانە «قارا - سۇرقيا كۇشتەردىڭ» قازىنا - مۇلكىنە ساياتىن اتقارۋ ىستەرىن ىلگەرىلەتۋ قاتارلى ءتۇرلى دەلولارداعى اتقارۋدى ءدال ورىنداۋ. زاڭ بويىنشا ءادىل، ىزگى نيەتتى ءارى وركەنيەتتى اتقارۋ تانىمىندا تاباندى بولىپ، تەپە - تەڭ قورعاۋ تالابىن تياناقتاندىرىپ، شاعىن، ميكرو كاسىپورىنداردىڭ سوتتا جەڭگەننەن كەيىنگى ۇقىق - مۇددەسىنە كەپىلدىك ەتەدى. فينانسقا قاتىستى دەلولارعا شوعىرلى اتقارۋ جۇرگىزۋ ارقىلى، فينانس حاۋىپسىزدىگىنەن ساقتانۋ جانە ونى شەشىم ەتۋدى ورىستەتەدى؛ بىرلەسكەن مەحانيزمنىڭ بىرىككەن كۇشىن ىسكە قوسۋ ارقىلى قاراماعىنداعى وڭىرلەردەگى پارتيا - ۇكىمەت ورگاندارىنا ساياتىن دەلولاردى شەشىم ەتىپ، بارلىعىن اتقارىپ بولۋعا كۇش سالادى؛ ورتالىق كوميتەتتىڭ «دەلولاردى اداقتاۋ»، «قارا - سۇرقيا كۇشتەرگە ساياتىن قاراجاتتى اداقتاۋ» تالاپتارىن تياناقتاندىرىپ، دەلومەن بىرگە جوتكەلگەن «قارا - سۇرقيا كۇشتەرگە» ساياتىن مال - مۇلىكتى زاڭ بويىنشا تۇگەلدەي ءدال ءبىرجاقتى ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
