بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جاڭا جورىقتا ەكپىندەي العا ىلگەرىلەپ، جاڭا داۋىردە ۇلەس قوسامىز

− شينجياڭدا تۇراتىن ازاتتىق ارميا مەن قارۋلى ساقشى اسكەري بولىمدەرىندەگى وفيتسەر - جاۋىنگەرلەر پارتيا 19 - كەزەكتى ورتالىق كوميتەتى التىنشى جالپ-ى ءماجىلىسىنىڭ رۋحىن قىزۋ مەرەيمەن تالقىلادى

انار بۇلت / شينجياڭ گازەتىنىڭ تىلشىلەرى

2021.11.19 19:10     كەلۋ قاينارى : شينجياڭ گازەتى

  تاريحتى اينا ەتىپ، بولاشاققا جول اشتى، بەرىلە شوگەلدىكپەن ىستەپ، ەرلىكپەن العا تارتتى. بىرنەشە كۇننەن بەرى شينجياڭدا تۇراتىن ازاتتىق ارميا مەن قارۋلى ساقشى اسكەري بولىمدەرىندەگى كوماندير - جاۋىنگەرلەر كوپ ءتۇرلى فورمامەن پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەندى، كوپشىلىك بەكەم تۇردە مىنانى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، كۇشتى شوعىرلاندىرا اسكەر جاتتىقتىرىپ، سوعىسقا دايىندالىپ، بورىشتى ءونىمدى اتقارىپ، جىگەرلەنە ءورىس اشا العا ىلگەرىلەپ، پارتيانىڭ قولباسشىلىعىنا قۇلاق اسۋ، كۇرەس جۇرگىزىپ ارميانى قۇدىرەتتەندىرۋ ەرىك - كۇشىن ونان ارى ۇيىستىرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋ ءۇشىن قاجىماي - تالماي كۇرەس جۇرگىزىپ، پارتيا 20 - قۇرىلتايىنىڭ اشىلۋىن ۇزدىك ناتيجەمەن قارسى الامىز.

  وتانىمىزدىڭ باتىس سولتۇستىك شەكاراسىندا تۇراتىن شينجياڭ اسكەري رايونى بەلگىلى اتقىشتار تۋانى وفيتسەر - جاۋىنگەرلەردى ينتەرنەت، تەلەۆيزور سياقتىلار ارقىلى جالپى ءماجىلىستىڭ رۋحىن ۇيرەنۋگە دەر كەزىندە ۇيىمداستىردى. ۇيرەنۋ بارىسىندا كوپشىلىك مىنانى شىنايى سەزىندى: پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى ماڭىزدى تاريحي كەزەڭدە اشىلعان ءبىر رەتكى كەلەلى تاريحي ماڭىزعا يە ءماجىلىس. ءماجىلىس قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» − جاڭا داۋىردەگى جۇڭگو كوممۋنيستەرىنىڭ اۋەلگى ماقسات پەن بورىشتى ەستە بەرىك ساقتاپ، جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى، تاريحتى اينا ەتىپ، بولاشاققا جول اشىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنىڭ ارەكەت باعدارناماسى، ونىڭ بۇكىل پارتيانى جاڭا داۋىردەگى جاڭا جورىقتا اناعۇرلىم زور داڭققا قول جەتكىزۋگە ىنتالاندىراتىندىعى داۋسىز.

  ءبىر مەملەكەت، ءبىر ساياسي پارتيا جونىنەن العاندا، باسشىلىق ۇيتقى توتەنشە ماڭىزدى. وسى اتقىشتار تۋانىنىڭ تۋانجاڭى چياڭ جين بىلاي دەدى: پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي ءۇردىستى ىلگەرىلەتۋ جونىنەن شەشۋشى ماڭىزعا يە.

  قارۋلى ساقشى شينجياڭ باس اترەتى جاڭا اسكەرلەر 4 - تۋانىندا جاڭا اسكەرلەر جاتتىعۋ الاڭىنان قايتا سالا جالپى ءماجىلىستىڭ رۋحىن ۇيرەنۋگە كىرىسىپ كەتتى.

  جاڭا اسكەرلەر 4 - تۋانىنىڭ وفيتسەر - جاۋىنگەرلەرى بىلاي دەپ قارادى: پارتيانىڭ حالىققا باسشىلىق ەتىپ قول جەتكىزگەن ۇلى تابىستارى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش - قۋات ازىرلەدى. جوعارى مەكتەپ وقۋشىسى اسكەر لين پەيسىن تەبىرەنىپ بىلاي دەدى: ”پارتيا 18 - قۇرىلتايىنان بەرى مەملەكەت قورعانىسى جانە ارميا قۇرىلىسىندا حالىق ارمياسى جالپى تۇلعالىق، توڭكەرىستىك قايتا سومدالۋدى جۇزەگە اسىرىپ، قايراتقا قايتا ءمىنىپ، تاعى دا ساپارعا اتتانىپ، مەملەكەت قورعانىسى ناقتى قۋاتى مەن ەكونوميكالىق ناقتى قۋات بىردەي جوعارىلادى، حالىق ارمياسى جاڭا داۋىردەگى بورىش - مىندەتىن باتىلدىقپەن اتقارىپ، قايسار كۇرەسكەرلىك رۋح پەن ءىس جۇزىندىك ارەكەت ارقىلى مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعادى. ۇلى تابىس جۇرت كوڭىلىن سەرپىلتىپ، مەنىڭ ارمياعا قاتىناسىپ، وتان ءۇمىتىن اقتاۋ سەنىمىمدى ونان ارى بەكەمدەي ءتۇستى“.

  كۇنلۇن تاۋىنىڭ قويناۋىندا شينجياڭ اسكەري رايونى بەلگىلى زەڭبىرەكشىلەر لۇيىنىڭ وفيتسەر - جاۋىنگەرلەرى جالپى ءماجىلىس رۋحىن مۇقيات ۇيرەندى ءارى ۇيرەنۋ اسەرلەرىن ءبولىستى. وسى لۇيدىڭ بەلگىلى ليانىنىڭ جەتەكشىسى حۋ جىڭياڭ جالپى ءماجىلىس دارىپتەگەن پارتيا حالىققا باسشىلىق ەتىپ ۇلى كۇرەس جۇرگىزىپ توپتاعان 10 جاقتاعى باعالى تاريحي تاجىريبەدەن تەرەڭ اسەر الدى، ول بىلاي دەدى: ”بۇل ۇزاق ۋاقىتتىق امالياتتى باستان كەشىرىپ توپتاعان باعالى تاجىريبە، پارتيا مەن حالىق بىرگە جاراتقان رۋحاني بايلىق. ونى، ءسوز جوق، بارىنشا قاستەرلەۋىمىز، وعان ۇزاق ۋاقىت تاباندى بولۋىمىز ءارى ارميانى قۇدىرەتتەندىرۋ امالياتى بارىسىندا وسى باعالى تاجىريبەلەردى ۇزدىكسىز بايىتۋىمىز جانە دامىتۋىمىز كەرەك“.

  جالپى ءماجىلىس رۋحىن ۇيرەنىپ، ۇلى تابىستى سەزىنىپ، اسكەر جاتتىقتىرۋ ىنتاسىن قاۋلاتتى. قۇمدى ءشول، قۇبا تۇزدە وقۋ - جاتتىعۋ مىندەتىن اتقارىپ جاتقان شينجياڭ اسكەري رايونى بەلگىلى تۋانىنىڭ وفيتسەر - جاۋىنگەرلەرى جاتتىعۋ ارەدىگىندە جالپى ءماجىلىس رۋحىن مۇقيات ۇيرەندى. بەلگىلى زەڭبىرەكشىلەر ليانىنىڭ جەتەكشىسى دياۋ شياۋفي بىلاي دەدى: تۇرعان جەردىڭ شارت - جاعدايى جاپالى، ءبىز ”بىرىنشىدەن، جاپادان قورىقپاۋ، ەكىنشىدەن، ولىمنەن قورىقپاۋ“ رۋحىن اسقاقتاتىپ، ناقتى سوعىستىق جاتتىعۋعا بار پەيىلىمىزبەن كىرىسىپ، ىسىلعان شەبەرلىگىمىزدى ۇزدىكسىز شىڭداپ، بۇيرىق بەرىلىسىمەن جەتىپ كەلۋدى، كەلە سالىسىمەن شايقاسا الۋدى، شايقاسسا، ءسوزسىز، جەڭىپ شىعۋدى شىن مانىندە ورىندايمىز.

  تەڭىز دەڭگەيىنەن ورتاشا بيىكتىگى 4000 مەتر كەلەتىن پامير ۇستىرتىندە قارۋلى ساقشى شينجياڭ باس اترەتى بەلگىلى اتويشى تارماق اترەتى دالادا تۇراقتاپ جاتتىعۋ امالياتىمەن ۇشتاستىرىپ، يكەمدى تۇردە كوپ ءتۇرلى ءتاسىل قولدانىپ جالپى ءماجىلىس رۋحىن ۇيرەندى. وفيتسەر - جاۋىنگەرلەر مىنانى ءبىلدىردى: اسكەر جاتتىقتىرىپ، سوعىسقا دايىندالۋدى جاپپاي كۇشەيتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋداعى ستراتەگيالىق قابىلەتتى جوعارىلاتىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزەمىز.

  ۇلى ارمان ەكپىندەي ىلگەرىلەۋگە جىگەرلەندىرەدى. تيانشان الابىنداعى اسكەري كازارمالارداعى قالىڭ وفيتسەر - جاۋىنگەرلەردىڭ بويلارىن اسقاق سەزىم كەرنەدى. شينجياڭ اسكەري رايونى بەلگىلى شەكارا قورعانىس ليانىنىڭ جەتەكشىسى دۋ چيلين بىلاي دەدى: ”ءبىز، ءسوزسىز، يدەيا مەن ارەكەتتى جالپى ءماجىلىس رۋحىمەن بىرلىككە كەلتىرىپ، پارتيا ورتالىق كوميتەتى مەن ءتوراعا شي جينپيڭنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، اۋەلگى ماقساتتى، بورىشتى ەستە بەرىك ساقتاپ، بار زەيىن - زەردەمەن اسكەر جاتتىقتىرىپ، سوعىسقا دايىندالىپ، وتانىمىزدىڭ باتىس قاقپاسىن ادالدىقپەن ويداعىداي قورعاپ، اناعۇرلىم اسقاق بەينەمەن جاڭا جورىققا قادام تاستاپ، جاڭا داۋىردە ۇلەس قوسامىز“.

  (ءتىلشى جاڭ يانفاڭ، قاتىناسقان تىلشىلەر ۋاڭ نا، ياڭ شۋحان، ەرىكتى تىلشىلەر حۋ جيزۇڭ، چىن ميڭ، جاۋ شينيۇي)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار