شينجياڭ دۇمبە ءبيداي ەگۋ مىندەتىن جاپپاي ورىندادى
جالپى 12 ميلليون 850 مىڭ 400 مۋ جەرگە دۇمبە ءبيداي ەگىلدى
2021.11.19 19:12 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ليۋ ي 11 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، تاياۋدا شينجياڭ 2021 - جىلعى دۇمبە ءبيداي ەگۋ مىندەتىن جاپپاي ورىنداپ، جالپى 12 ميلليون 850 مىڭ 400 مۋ جەرگە (مۇنىڭ ىشىندە جەرگىلىكتى ورىن 11 ميلليون 827 مىڭ 400 مۋ، بيڭتۋان ءبىر ميلليون 23 مىڭ مۋ) دۇمبە ءبيداي ەگىپ، جالپى ەگىلگەن جەر اۋدانى بىلتىرعى سايكەس مەزگىلدەگىدەن جوعارى بولىپ، تۇقىم سىڭىرىلگەن جەر اۋدانى بىلتىرعى ناقتى تۇقىم سىڭىرىلگەن جەر اۋدانىنان تومەن بولماۋ قىزمەت نىساناسىن ورىنداعان.
تانىستىرۋعا قاراعاندا، بيىل تۇتاس رايونىمىزدا دۇمبە ءبيداي ەگۋ اياق الىسى بىلتىرعىمەن نەگىزىنەن قارايلاس بولعان، وڭتۇستىك شينجياڭ ءوڭىرى الدىمەن ورىنداعان، ەگۋ كولەمىنەن الىپ قاراعاندا، وڭتۇستىك شينجياڭ (جەرگىلىكتى ورىن) 8 ميلليون 297 مىڭ 200 مۋ جەرگە، سولتۇستىك شينجياڭ (جەرگىلىكتى ورىن) 3 ميلليون 530 مىڭ 200 مۋ جەرگە تۇقىم سىڭىرگەن. سولتۇستىك شينجياڭ ءوڭىرى نەگىزگى ەگىس اتىزدارىن الدىمەن ءبيداي وندىرىسىنە پايدالانۋعا ءتۇيىندى تۇردە كەپىلدىك ەتىپ، استىق ءوندىرىسىن ارتتىرۋدى باعدار ەتكەن ەگىمشىلىك قۇرىلىمىن رەتتەۋدى ىلگەرىلەتكەن. وڭتۇستىك شينجياڭ ءوڭىرى جەمىس ورمانى مەن استىق ءوندىرىسىن اناعۇرلىم ءبىر تۇتاس جوسپارلاپ، ءبيدايدى مۇمكىندىكتىڭ بارىنشا بوس جەرلەر مەن جوعارى ولشەمدى ەگىس اتىزدارىنا ەگىپ، باستان - اياق ولشەمدى، ماشينالى بولۋدى جۇزەگە اسىرىپ، بىرلىك ءونىم دەڭگەيىن جوعارىلاتۋعا كۇش سالدى.
بيىل اۆتونوميالى رايون استىق حاۋىپسىزدىگىنە پارتيا مەن ۇكىمەت بىردەي جاۋاپتى بولۋدى اتقارعان تۇڭعىش جىل، ايماقتار (وبلىس، قالا) دۇمبە ءبيداي ەگۋ قىزمەتىنە باسا ءمان بەرىپ، ىندەتتەن ساقتانۋ - تىزگىندەۋ قىزمەتىن جاقسى ىستەۋمەن بىرگە، جۇمىس مىندەتىن ۇيلەسىمدى ورنالاستىرىپ، اۋىل شارۋاشىلىق ماشينالارىنىڭ ”نەگىزگى كۇشتىك“ رولىن تولىق ساۋلەلەندىرىپ، ورىلىپ بولعان جەرگە قايتا ەگىپ، دۇمبە ءبيداي ەگۋ اياق الىسى مەن جۇمىس ساپاسىنا شىن مانىندە كەپىلدىك ەتتى. جەر - جەر دۇمبە ءبيداي ءوندىرىسى ساياساتى ”كەشەندى شارالارىن“ بەلسەندى، ويداعىداي اتقارۋ ارقىلى شارۋالار سىندى ءوندىرىس نەگىزگى تۇلعالارىن دۇمبە ءبيداي ەگۋگە جۇمىلدىرىپ، دۇمبە ءبيداي ەگىلگەن جەر اۋدانىن ورنىقتىرۋعا جانە كەڭەيتۋگە كۇش سالدى.
سونىمەن قاتار، رايونىمىزداعى اۋىل شارۋاشىلىعى، اۋىل - قىستاق، قازىنا سياقتى تاراۋلار مەملەكەتتىڭ قاتىستى تاراۋلارىمەن ىرىقتى تۇردە سايكەسىپ، شينجياڭنىڭ دۇمبە ءبيداي ەگۋ قوسىمشا قاراجاتى شاماسىن ارتتىرۋعا، قوسىمشا قاراجات ولشەمىن جوعارىلاتۋعا بەلسەنە قول جەتكىزىپ، شارۋالاردىڭ دۇمبە ءبيداي ەگۋ بەلسەندىلىگىن ارتتىردى. دامۋ جانە رەفورما، قامداۋ - ساۋدا سياقتى تاراۋلار اۋىل شارۋاشىلىق ماتەريالدارىمەن قامداۋ قىزمەتىن كۇش سالا ويداعىداي يگەرىپ، سالەركا، تۇقىم، حيميالىق تىڭايتقىش سياقتى اۋىل شارۋاشىلىق ماتەريالى ونىمدەرىمەن قامداۋدىڭ ورنىقتى، باعانىڭ تۇراقتى بولۋىنا شىنايى كەپىلدىك ەتتى. بيىل دۇمبە ءبيداي ەككەن كەزدە تۇتاس رايونىمىزدا اۋىل شارۋاشىلىق ماتەريالدارىمەن قامداۋ جەتكىلىكتى، باعا ورنىقتى بولىپ، دۇمبە ءبيداي ەگۋ قىزمەتى پارمەندى قامتاماسىزداندىرىلدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
