ج ك پ ورتالىق كوميتەتى ۇقتىرۋ شىعارىپ
پارتيانىڭ 20 - قۇرىلتايىنا ۋاكىل سايلاۋ قىزمەتىن جايعاستىردى
2021.11.20 11:20 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 18 - كۇنى، بەيجيڭ. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 20 - قۇرىلتايىن 2022 - جىلدىڭ سوڭعى جارتىسىندا بەيجيڭدە اشۋدى ۇيعاردى. تاياۋدا ج ك پ ورتالىق كوميتەتى «پارتيانىڭ 20 – قۇرىلتايىنا ۋاكىل سايلاۋ قىزمەتى جونىندەگى ۇقتىرۋدى» باسىپ تاراتىپ، 20 – قۇرىلتايعا ۋاكىل سايلاۋ قىزمەتىنە جاپپاي جايعاستىرۋ جاسادى. ورتالىق كوميتەتتىڭ ۇيىمداستىرۋ ءبولىمى تاياۋدا ءماجىلىس اشىپ، وسى قىزمەت جونىندە ناقتى ورنالاستىرۋ جاسادى.
پارتيانىڭ 20 – قۇرىلتايى − پارتيامىز جاپپاي سوتسياليستىك وسىزاماندانعان مەملەكەت قۇرۋعا قادام تاستاعان، ەكىنشى 100 جىلدىق كۇرەس نىساناسىنا تىڭ جورىق جاساعان ماڭىزدى ساتتە اشىلاتىن اسا ماڭىزدى قۇرىلتاي، پارتيا مەن مەملەكەتتىڭ ساياسي ومىرىندەگى ءىرى ءىس. 20 - قۇرىلتاي ۋاكىلدەرىن سايلاۋ قىزمەتىن مۇقيات جاقسى ىستەۋ − ءماجىلىستى ويداعىداي اشۋدىڭ ماڭىزدى نەگىزى. پارتيا ورتالىق كوميتەتى 20 - قۇرىلتاي ۋاكىلدەرىن سايلاۋ قىزمەتىنە ايرىقشا ءمان بەرۋدە، باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن جانە ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، ارناۋلى زەرتتەۋ جۇرگىزىپ، وسى قىزمەتتى ويداعىداي ىستەۋدىڭ جالپى تالابى مەن نىسانا - مىندەتتەرىن تۇراقتاندىرىپ، ءار دارەجەلى پارتيا ۇيىمدارىنان ساياسي جاۋاپكەرلىكتى شىنايى ارقالاپ، قىزمەت جاۋاپكەرلىگىن مۇقيات اتقارىپ، دەن قويا ۇيىمداستىرىپ اتقارىپ، ۋاكىلدەردى سايلاۋ قىزمەتىنىڭ ءساتتى ورىندالۋىنا كەپىلدىك ەتۋدى تالاپ ەتتى.
پارتيا ورتالىق كوميتەتى 20 - قۇرىلتايدىڭ ۋاكىلدەر سانىن 2 مىڭ 300 دەپ تۇراقتاندىردى، ولار بۇكىل ەلدەگى 38 سايلاۋ ورنىنان سايلانىپ شىعادى. 20 – قۇرىلتايدىڭ ۋاكىلدەرىن سايلاۋ قىزمەتىن ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ۋستاۆىن ءتۇبىرلى تياناق ەتۋدە تاباندى بولىپ، پارتيانىڭ سيپاتى مەن نەگىزگى ماقساتىندا تاباندى بولىپ، پارتيانىڭ جالپى بەتتىك باسشىلىعىندا تاباندى بولىپ جانە ونى كۇشەيتىپ، پارتيا ىشىندەگى دەموكراتيانى تولىق ساۋلەلەندىرىپ، تولىمدىلىق شارتىن، سايلاۋ بارىسىن، سايلاۋ ءتارتىبىن قاتايتىپ، 20 - قۇرىلتايعا سايلانعان ۋاكىلدەردىڭ ساپاسىىنىڭ ۇزدىك، قۇرىلىمىنىڭ ۇيلەسىمدى، قامتۋ كولەمىنىڭ كەڭ، پارتيا مۇشەلەرى قولدايتىن بولۋىنا كەپىلدىك ەتۋ كەرەك.
پارتيا ورتالىق كوميتەتى مىنانى العا قويدى: 20 - قۇرىلتايدىڭ ۋاكىلدەرى − كوممۋنيستىك پارتيا مۇشەلەرى اراسىنداعى تاڭداۋلى ەلەمەنتتەر. كانديداتتاردىڭ ساياسي وتكەلىن قاتاڭ يگەرىپ، ساياسي ولشەمدى ماڭداي الدى ورىنعا قويۋدا تاباندى بولىپ، كانديداتتاردىڭ مۇرات - سەنىمىن، ساياسي قاسيەتىن جانە ءمورالدىق سومدالۋىن كورنەكتىلەندىرە تەكسەرىپ، كانديداتتاردىڭ ساياسي تۇجىرىم جاساۋ قابىلەتىن، ساياسي اڭعارۋ قابىلەتىن، ساياسي اتقارۋ قابىلەتىن، «ءتورت تانىمدى» كۇشەيتۋ، «ءتورت سەنىمدى» بەكەمدەۋ، «ەكىنى قورعاۋدى» ورىنداۋ سياقتى جاقتارداعى بەينەلەرىن باسا ۇعىسىپ، ساياسيدا تولىمسىز بولعاندارىن ءبىر داۋىسپەن تەرىستەۋ كەرەك. كانديداتتاردىڭ پاكتىك وتكەلىن قاتاڭ يگەرىپ، «تورتكە يە بولۋ» تالابىن مۇقيات تياناقتاندىرىپ، سارالاپ تەكسەرۋدى قاتايتىپ، «ماسەلەسى بارلاردىڭ كورسەتىلۋىنەن»، «ماسەلەسى بارلاردىڭ سايلانۋىنان» باتىل ساقتانۋ كەرەك. ۋاكىلدەر قۇرىلىمىن ونان ارى ساپالىلاندىرۋ، ءار دارەجەلى پارتيالى باسشى كادرلاردان تىس، ءوندىرىس پەن قىزمەتتىڭ ءبىرىنشى شەبىندەگى پارتيا مۇشەلەرىن دە قامتىپ، ءوندىرىس پەن قىزمەتتىڭ ءبىرىنشى شەبىندەگى ۋاكىلدەردىڭ سالىستىرماسىنا كەپىلدىك ەتۋ، جۇمىسشى، شارۋالار جانە كاسىپتىك - تەحنيكالىق قىزمەتكەرلەر اراسىنداعى وزات، ۇلگىلى ادامداردى ۋاكىل رەتىندە كورسەتۋگە ءمان بەرۋ؛ ايەل پارتيا مۇشەلەرى مەن از ۇلت پارتيا مۇشەلەرى ۋاكىلدەرى بەلگىلى سالىستىرمانى يەلەيتىن بولۋ كەرەك. ەكونوميكا، عىلىم - تەحنيكا، قورعانىس، ساياسي - زاڭ، وقۋ - اعارتۋ، ۇگىت، مادەنيەت، دەنساۋلىق ساقتاۋ، دەنەتاربيە جانە قوعامدىق باسقارۋ سياقتى جاقتارداعى ۋاكىلدەر قامتىلۋ كەرەك.
پارتيا ورتالىق كوميتەتى مىنانى تالاپ ەتتى: 20 - قۇرىلتاي ۋاكىلدەرىن سايلاۋدا تومەننەن جوعارىلاۋ، جوعارى مەن تومەندى ۇشتاستىرۋ، قايتا - قايتا اقىلداسۋ، دارەجە بويىنشا سارالاۋ ءادىسى قولدانىلادى. ۇگىت - تاربيەنى ىشكەرىلەي ورىستەتىپ، نەگىزگى ساتى پارتيا ۇيىمدارى مەن پارتيا مۇشەلەرىن ۋاكىل كانديداتتارىن كورسەتۋگە كەڭ كولەمدە جۇمىلدىرىپ، كوپ ساندى پارتيا ۇيىمدارى مەن پارتيا مۇشەلەرىنىڭ پىكىرىنە ساي، دارەجە بويىنشا سارالاپ، ۇزدىكتەرىن تاڭداۋ كەرەك. ۇيىمدىق تەكسەرۋدى قاتايتىپ، پارىقتى سان بويىنشا تەكسەرىپ جانە تەكسەرۋ جونىندە الدىن الا حابارلاندىرۋ شىعارىپ، نەگىزگى ساتى پارتيا ۇيىمدارىنىڭ، پارتيا قۇرىلتايى ۋاكىلدەرىنىڭ، پارتيا مۇشەلەرىنىڭ جانە بۇقارانىڭ پىكىرىن تولىق تىڭداۋ كەرەك. قۇرىلتاي سايلاۋىن مۇقيات جاقسى ىستەۋ، ۋاكىلدەردى پارىقتى سانمەن سايلاۋ، پارىقتى سانمەن سايلاۋدىڭ سالىستىرماسى %15 تەن جوعارى بولۋ كەرەك.
پارتيا ورتالىق كوميتەتى مىنانى دارىپتەدى: ءار دارەجەلى پارتيا ۇيىمدارى باسشىلىقتى شىنايى كۇشەيتىپ، جان - جاقتى ورنالاستىرۋ جاساپ، وسكەلەڭ ساياسي جاۋاپكەرلىك سەزىممەن جانە قاتاڭ دا ەگجەي - تەگجەيلى قىزمەت ستيلىمەن 20 - قۇرىلتاي ۋاكىلدەرىن سايلاۋ قىزمەتىن تىڭعىلىقتى ىستەۋى كەرەك. ساياسي ءتارتىپتى، ۇيىمدىق ءتارتىپتى جانە سايلاۋ ءتارتىبىن قاتايتىپ، حۋنان ولكەسىنىڭ حىڭياڭ قالاسى، سىچۋان ولكەسىنىڭ نانچۇڭ قالاسى، لياۋنيڭ ولكەسى سياقتى جەرلەردە تۋىلعان داۋىس جيناۋ، پارامەن سايلانۋ، سايلاۋدى ءبۇلدىرۋ دەلولارىنان تولىق پايدالانىپ ساقتاندىرۋ تاربيەسىن ورىستەتىپ، ساباق قابىلداۋ، عيبىرات الۋ كەرەك. ۋاكىلدەردى سايلاۋ قىزمەتىنىڭ جالپى بارىسىن باقىلاۋدى كۇشەيتىپ، بەلگىلەمەگە، تارتىپكە، زاڭعا قايشى ماسەلەلەرگە استە جول بەرمەي، بايقالعان زامان باتىل تەكسەرىپ ءبىر جاقتى ەتىپ، ستيلى پاك، سالتى دۇرىس بولۋعا كەپىلدىك ەتۋ كەرەك. ۇيرەنۋ، ۇگىتتەۋ، ۇيىمداستىرۋ، اتتانىسقا كەلتىرۋ، كورسەتۋ، ۇسىنۋ، ماجىلىستە سايلاۋ، ءتارتىپتى قاتايتۋ سياقتى قىزمەتتەردى ويداعىداي ىستەپ، ۋاكىلدەردى سايلاۋ بارىسىن شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ بارىسىنا اينالدىرىپ، جاڭا داۋىردەگى پارتيا قۇرىلىسىنىڭ جالپى تالابى مەن جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋ، تياناقتاندىرۋ بارىسىنا اينالدىرىپ، مۇرات - سەنىم تاربيەسى مەن پارتيالىلىق، پارتيا ستيلى، پارتيا ءتارتىبى، پارتيا تاريحى تاربيەسى بارىسىنا اينالدىرىپ، پارتيا ىشىندەگى ساياسي تۇرمىستىڭ جاندى امالياتىنا جانە دەموكراتيالىق ورتالىقتاندىرۋ ءتۇزىمى تاربيەسىنىڭ بارىسىنا اينالدىرىپ، پارتيانىڭ جاسامپازدىق، ۇيىسقىشتىق، جاۋىنگەرلىك قۋاتىن ونان ارى كۇشەيتىپ، قالىڭ پارتيا مۇشەلەرىن، كادرلاردى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋعا جۇمىلدىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قيىندىقتاردى جەڭىپ، ءورىس اشا ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىڭ دا اناعۇرلىم زور ۇلەس قوسۋ كەرەك.
20 - قۇرىلتايدىڭ ۋاكىلدەرىن سايلاۋ قىزمەتى قازىردەن باستالادى، كەلەر جىلى 6 - ايدىڭ سوڭىنان بۇرىن اياقتالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
