شينجياڭدا قازاقستانداعى شينجياڭدىق چياۋباۋلار مەن وقۋشىلاردىڭ ۋاكىلدەرىمەن بەينە كەسكىندى اۋىس – كۇيىس ءماجىلىسى وتكىزىلدى
وتانىمىز بەن مەكەنىمىزدىڭ دامۋىنا ۇلەس قوسامىز، كۇش سالامىز
2021.11.22 16:11 كەلۋ قاينارى : حالىق تورابى
تيانشان تورى – شينجياڭ گازەتىنىڭ ءتىلشىسى جاڭ يانفاڭ حابارلايدى. 11 – ايدىڭ 19 – كۇنى جۇڭگو شينجياڭداعى قاتىستى تاراۋلاردىڭ قازاقستانداعى شينجياڭدىق چياۋباۋلار مەن وقۋشىلاردىڭ ۋاكىلدەرىمەن وتكىزگەن بەينە كەسكىندى اۋىس – كۇيىس ءماجىلىسى ۇرىمجىدە اشىلدى.
بۇل رەتكى بەينە كەسكىندى اۋىس – كۇيىس ءماجىلىسىن شينجياڭ شەتەلمەن دوستىق ورناتۋ بىرلەستىگى جانە جۇڭگونىڭ قازاقستاندا تۇراتىن باس ەلشىلىگى بىرگە ۇيىمداستىرعان، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن جانە جۇڭگونىڭ قازاقستاندا تۇراتىن باس ەلشىسى جاڭ شياۋ ماجىلىسكە قاتىناستى ءارى ءسوز سويلەدى. قازاقستانداعى شينجياڭدىق چياۋباۋلار مەن وقۋشىلاردىڭ ۋاكىلدەرى شينجياڭداعى تۋىستارىمەن بەينە كەسكىن ارقىلى جۇزدەسىپ، ساعىنىشتى كوڭىل – كۇيلەرىن بايانداپ، شينجياڭنىڭ دامۋى مەن وزگەرىسىن اڭگىمەلەدى.
نۇرلان ءابىلماجىن مىنانى ءبىلدىردى: شينجياڭ — ەجەلدەن بەرى جۇڭگونىڭ ايرىلماس ءبىر بولىگى. پارتيا ورتالىق كوميتەتىنىڭ پارمەندى باسشىلىعىندا، شينجياڭداعى ءار ۇلت ىنتىماقتاسا كۇرەس جۇرگىزىپ، بىرگە كوركەيىپ – گۇلدەندى جانە دامىدى، شينجياڭدا ەكونوميكا مەن قوعام دامۋى جانە حالىق تۇرمىسىن جاقسارتۋ جاقتارىندا بۇرىن – سوڭدى بولىپ كورمەگەن ناتيجەلەرگە قول جەتكىزىلدى. جۋىرداعى جىلداردان بەرى، ا ق ش باستاعان باتىستاعى جۇڭگوعا قارسى كۇشتەر شينجياڭداعى ءار ۇلت حالقىنىڭ تاماشا تۇرمىسقا كەنەلگەنى سىندى شىندىقپەن ساناسپاي، شينجياڭعا قاتىستى ءتۇرلى وسەك - اياڭداردى تاراتتى. قازاقستانداعى شينجياڭدىق چياۋباۋلار مەن وقۋشىلاردىڭ كوپىرلىك، دانەكەرلىك رولىن تولىق ساۋلەلەندىرىپ، جۇڭگو حيكاياسىن، شينجياڭ حيكاياسىن ويداعىداي بايانداپ، جىبەك جولى ەكونوميكالىق بەلدەۋىندەگى وزەكتى رايوندى كوركەيتۋگە بەلسەندى اتسالىسىپ، وتانىمىز بەن مەكەنىمىزدى دامىتۋعا اقىل – پاراساتتارىن ارناپ، كۇش قوسۋىن ءۇمىت ەتەمىز.
باس ەلشى جاڭ شياۋ بىلاي دەدى: پارتيانىڭ 18 – قۇرىلتايىنان بەرى، شينجياڭدا ءتۇرلى قىزمەتتەر جالپى بەتتىك العا باستى، بەس جىلعا جۋىق ۋاقىتتان بەرى زورلىقتى كۇش، لاڭكەستىك دەلولارى تۋىلمادى، جۇڭگو مەن قازاقستاننىڭ قارىم – قاتىناسىنىڭ جەدەل دامۋىن شينجياڭنىڭ كوركەيىپ – گۇلدەنۋى مەن ورنىقتىلىعىنان بولە قاراۋعا كەلمەيدى، جۇڭگو مەن قازاقستان ەكى ەلدىڭ كوپتەگەن ماڭىزدى سەلبەستىكتەرىنىڭ بارلىعى شينجياڭنان باستالعان، شينجياڭنىڭ قاتىناسۋىنان دا ايىرىلا المايدى. قازاقستانداعى حۋاچياۋلاردىڭ باستان – اياق وڭ ەنەرگيا جەتكىزىپ، جۇڭگو مەن قازاقستاننىڭ ءارقايسىنىڭ دامۋىن بۇلدىرەتىن، جۇڭگو مەن قازاقستاننىڭ قارىم – قاتىناسىن بۇلدىرەتىن جات نيەتتى كۇشتەرمەن باتىلدىقپەن كۇرەس جۇرگىزىپ، جۇڭگو مەن قازاقستاننىڭ قارىم – قاتىناسىنىڭ دامۋىنا، شينجياڭنىڭ دامۋىنا ۇزدىكسىز ۇلەس قوسۋىن ءۇمىت ەتەمىز.
«جۋىرداعى جىلداردان بەرى ءۇرىمجىنىڭ نەگىزدىك قۇرىلعىلار قۇرىلىسى اناعۇرلىم كەمەلدەندى، ساياحات كاسىبى شالقىدى، بارلىق جەردەن كوركەيىپ – گۇلدەنگەن، ورنىقتى جاعدايدى كورۋگە بولادى» ... بەينە كەسكىندى اۋىس – كۇيىس ماجىلىسىندە، قازاقستان KIMEP داشۋەسىندە وقىپ جاتقان سۇڭقار ازات ۇرىمجىدەگى اناسىمەن ينتەرنەت ارقىلى «جۇزدەستى»، اناسىنىڭ اتا مەكەندەگى وزگەرىستەردى اڭگىمەلەگەنىن ەستىپ، قاتتى اسەرلەندى. ول: مەن جاقسى ۇيرەنىپ، جۇڭگو حيكاياسىن، شينجياڭ حيكاياسىن ويداعىداي اڭگىمەلەپ، ساباقتاستارىما شينجياڭنىڭ ناعىز تاماشا كوركىن تانىستىرىپ، وقۋ تاۋىسقان سوڭ اتا – مەكەنىمە ۇلەس قوسامىن، — دەدى.
قازاقستان «جەبەۋ» حۋاچياۋ، حۋارىندار بىرلەستىگىنىڭ ءتوراعاسى ومارالى ادىلبەك شينجياڭداعى تۋىستارىمەن بەينە كەسكىندى ارقىلى سويلەسكەندە، جەلپىنگەن بەينەدە: پارتيا 19 – كەزەكتى ورتالىق كوميتەتى التىنشى جالپى ءماجىلىسىنىڭ اشىلۋى قازاقستانداعى حۋاچياۋلار مەن حۋارىنداردى ەرەكشە شابىتتاندىردى. وتانىمىزدىڭ قۇدىرەتتەنۋى، شينجياڭنىڭ كۇننەن – كۇنگە كوركەيۋى پارتيا ورتالىق كوميتەتىنىڭ پارمەندى باسشىلىعىندا، ءار ۇلت حالقى ىنتىماقتاسا كۇرەس جۇرگىزۋ ارقىلى شينجياڭنىڭ بولاشاعى اناعۇرلىم تاماشا بولاتىندىعى جونىندە كوپشىلىكتىڭ سەنىمىن نىعايتتى.
بەينە كەسكىندى اۋىس – كۇيىس ماجىلىسىندە ينتەرنەتتە بايلانىس جاساۋ ءتاسىلى ارقىلى كوكتوعاي اۋدانىنىڭ قىستاق كادرى مالشىلاردىڭ كوشى – قوننان كەيىنگى ءوندىرىس – تۇرمىس جاعدايىن تانىستىردى، اقىندار ايتىسىنىڭ مۇراگەرى از ۇلتتاردىڭ ءداستۇرلى مادەنيەتىن قورعاۋ جانە وعان مۇراگەرلىك ەتۋ جاعدايىن تانىستىردى، ءدىن سالاسىنداعى وقىتۋشى – قىزمەتكەر ءدىني سەنىم ەركىندىگى ۇقىعىنىڭ قۇرمەتتەلۋگە جانە قورعاۋعا يە بولعانىن تانىستىردى، قاتىستى مامان مەملەكەتتىڭ از ۇلت دارىندىلارىن تاربيەلەۋ جاعدايىن تانىستىرىپ، ناقتى دالەلدەرمەن شينجياڭعا قاتىستى وتىرىك – وسەكتەرگە تويتارىس جاسادى.
اۆتونوميالى رايوندىق ساياسي كەڭەستىڭ ورىنباسار ءتوراعاسى نۇرىم سىمايىلقان قاتارلىلار اۋىس – كۇيىس ماجىلىسىنە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
