وزىق جاساۋ كاسىبى بازاسىن جەدەل قۇردى، الدىڭعى 3 توقساندا جاساۋ كاسىبىنىڭ ارتقان قۇنى 3 تريلليون يۋاننان استى
جياڭسۋ ولكەسى ناقتى ەكونوميكانىڭ ابزالدىعىن بەكەمدەدى («14 – بەسجىلدىق» جوبا مەزگىلىندە وسىلاي باستاما اشتىق)
«حالىق گازەتىنىڭ» تىلشىلەرى حى سۇڭ، ياۋ شۋەچيڭ
2021.11.22 16:22 كەلۋ قاينارى : حالىق تورابى
بيىل 6 - ايدا شۇيگۇڭ توبى وندىرگەن 300 توننالىق اۋىر تۇرپاتتى كران شەتەل بازارىنا ءساتتى كىردى. «شەتەلدەردىڭ ينجەنەريالىق ماشينا بويىنشا جوعارى دەڭگەيلى بازارىنا كىرۋدىڭ تەتىگى تاپسىرىس بويىنشا دارالىققا يە ەتىپ جاساپ بەرۋدە». شۇيگۇڭ توبى قۇرىلىس ماشينالارى شەكتى جارنا سەرىكتەستىگى باس جوراسىنىڭ ورىنباسارى سۇن جيانجۇڭ بىلاي دەپ تانىستىردى: ءونىم جەرگىلىكتى ورىننىڭ قۇرىلىس جۇرگىزۋ ەرەكشەلىگى مەن پايدالانۋ ادەتىنە ۇيلەسۋى ءارى قاريدارلار العا قويعان 40 نەشە ءتۇرلى تەحنيكالىق جاڭا تالاپتى قاناعاتتاندىرۋى كەرەك، مۇنىڭ ىشىندە قۇرىلىمدىق بولشەكتەردى دانەكەرلەۋ ءتىپتى دە ماڭىزدى.
شۇيگۇڭ توبىنىڭ كران زەردەلى ءوندىرىس سەحىنا كىرگەندە، دانەكەرلەگىش مەحانيكالىق قولدىڭ دانەكەرلەۋ ورنىن قالت جىبەرمەي سەزىپ، دانەكەرلەۋ مىلتىعىنىڭ تۇرعىسىن ۇزدىكسىز رەتتەپ، ءبىر رەت دانەكەرلەپ، قوس بەتتى قالىپتاپ جاتقانىن كوردىك. قازىر شۇيگۇڭ كران ونىمدەرىنىڭ قۇرىلىمدىق بولشەكتەرىنىڭ بارلىق شەشۋشى دانەكەرلەۋ ساڭلاۋى تۇگەلدەي زەردەلىلەنگەن قۇلتەمىر دانەكەرلەگىش ارقىلى دانەكەرلەنەدى، تەكسەرۋدىڭ تولىمدىلىق شاماسى %100 كە جەتتى. بيىل 1 - ايدان 10 - ايعا دەيىن ارنايى تاپسىرىس بويىنشا جاسالعان شۇيگۇڭ كراندارىنىڭ ساتۋ مولشەرى %235 ارتتى.
شۇيگۇڭنىڭ دامۋ ساپاسىنىڭ جوعارىلاۋى − جياڭسۋدىڭ جاساۋ كاسىبىندەگى قۋاتتى ولكە قۇرۋعا كۇش سالىپ، ناقتى ەكونوميكانىڭ ابزالدىعىن بەكەمدەۋىنىڭ ىقشام كورىنىسى. بيىل الدىڭعى 3 توقساندا جياڭسۋدىڭ جاساۋ كاسىبىنىڭ ارتقان قۇنى 3 تريلليون يۋاننان اسىپ، سايكەس مەزگىلدەگىدەن %14.2 ارتىپ، ەكونوميكانىڭ جالپى مولشەرىندەگى سالىستىرماسى %35.8 كە جەتتى.
2017 - جىلى 12 - ايدا باس شۋجي شي جينپيڭ شۇيگۇڭ توبىنىڭ اۋىر تۇرپاتتى مەحانيكا شەكتى سەرىكتەستىگىندە قىزمەت تەكسەرگەندە بىلاي دەپ اتاپ كورسەتتى: «ءسوز جوق، ناقتى ەكونوميكانى دامىتۋعا، زورايتۋعا باستان - اياق ايرىقشا ءمان بەرۋ، ناقتى ەكونوميكانى يگەرۋدە، ءسوز جوق، جاساۋ كاسىبىن ويداعىداي يگەرۋ كەرەك. جابدىق جاساۋ كاسىبى − جاساۋ كاسىبىنىڭ تىرەگى، ۇسىنىلىمدى ارتتىرىپ، زەرتتەۋ - اشۋدى كۇشەيتىپ، دامۋدى جەدەلدەتىپ، دۇنيە ءجۇزىنىڭ بيىك تۇرعىسىن قۇلشىنا يەلەپ، تەحنيكالىق ءسوز سويلەۋ ۇقىعىن مەڭگەرىپ، ەلىمىزدى وسى زامانعى جابدىق جاساۋ كاسىبىندەگى ءىرى ەلگە اينالدىرۋ كەرەك».
«14 – بەسجىلدىق» جوبا مەن 2035 - جىلعى بولاشاقتىق نىسانا باعدارلاماسىندا دەربەس مەڭگەرۋدە، حاۋىپسىز، جوعارى ءونىمدى بولۋدا تاباندى بولىپ، كاسىپ نەگىزىن جوعارى دەڭگەيلەندىرۋدى، كاسىپ تىزبەگىن وسىزامانداندىرۋدى ىلگەرىلەتىپ، جاساۋ كاسىبىنىڭ سالىستىرماسىن نەگىزىنەن ورنىقتىرۋ كۇيىن جالعاستىرىپ، جاساۋ كاسىبىنىڭ باسەكەلىك ابزالدىعىن كۇشەيتىپ، جاساۋ كاسىبىنىڭ ساپالى دامۋىن ىلگەرىلەتۋ ورتاعا قويىلدى.
«جياڭسۋ عىلىم - تەحنيكا، وقۋ - اعارتۋ دارىندىلارى مەن كاسىپ سالاسى مىعىم بولۋداي قوس ابزالدىقتى تولىق ساۋلەلەندىرىپ، جاڭالىق اشۋ تىزبەگى مەن كاسىپ تىزبەگىن ۇشتاستىرۋدى كۇشەيتىپ، ناقتى ەكونوميكانىڭ نىعايۋىن، كۇشەيۋىن، ساپالىلانۋىن جەبەپ، بۇكىل ەلدەگى ماڭىزدى جاڭالىق اشۋ بيىگىنە، دارىندىلار بيىگىنە، كاسىپ سالاسى بيىگىنە جەدەل اينالادى» دەدى جياڭسۋ ولكەلىك پارتكومداعى نەگىزگى جاۋاپتى جولداس. جاساۋ كاسىبىنىڭ كولەمى بۇكىل ەلدىكىنىڭ 8/1 ىن ۇستايتىن جياڭسۋ ولكەسى «14 - بەسجىلدىق» مەزگىلىندە بۇكىل دۇنيە جۇزىلىك ىقپالعا يە كاسىپ عىلىم - تەحنيكاسىندا جاڭالىق جاراتۋ ورتالىعىن، حالىقارالىق باسەكەلىك قۋاتقا يە وزىق جاساۋ كاسىبى بازاسىن نەگىزىنەن قۇرۋدى ايقىن العا قويدى. «14 – بەسجىلدىقتىڭ» باستاما جىلىندا جياڭسۋ ولكەسى وزىق جاساۋ كاسىبى شوعىرى مەن كاسىپ تىزبەگىن جەتىلدىرۋدى جەتەكشى ەتىپ، جاساۋ كاسىبىنىڭ وزەكتى باسەكەلىك قۋاتىن كۇش سالا جوعارىلاتتى.
− ءبىر جاعىنان، ارتىقشىلىقتى سومداپ، وزىق جاساۋ كاسىبى شوعىرىن جەتىلدىرىپ، زورايتىپ، كاسىپ تىزبەگى مەن قامداۋ تىزبەگىنىڭ ساپالىلانۋىن، دارەجەسىنىڭ جوعارىلاۋىن جەدەلدەتتى.
بيىل 6 - ايدىڭ سوڭىندا سۋجوۋ بيولوگيالىق ءدارى - دارمەك كاسىپ باقشاسىنداعى شيندا بيولوگيالىق ءدارى جاساۋ شەكتى سەرىكتەستىگىنەن مىناداي قۋانىشتى حابار تارالدى: سەرىكتەستىك زەرتتەپ جاساعان انتيدەنە ءدارىسى «دابوشۋ» ەلىمىزدە 4 ءتۇرلى اۋرۋدى ەمدەۋگە بولاتىن ءدارى قاتارىنا قوسىلدى. سەرىكتەستىكتىڭ اعا عالىمى چىن بيڭلياڭ بىلاي دەپ تانىستىردى: سەرىكتەستىكتىڭ ىرگە تەپكەنىنە ەندى عانا 2 جىل بولدى، جاڭا دارىلەر تاجىريبەحانادا زەرتتەلىپ جاتىر، باقشا رايونى زاۆود ءۇيىن وكىلەتتى سالىپ، ءوندىرۋ، كاسىپ جەتىلدىرۋ نەگىزىن ەنگىزىپ جانە جوعارى، تومەنگى اعارداعى كاسىپورىندارعا كوتەرمەگە الۋ ۇلگىسىندە قىزمەت وتەپ، كاسىپ تىزبەگىنىڭ شەشۋشى بۋىندارىن تولىقتادى.
نازاردى ينتەگرالدى تىزبەك، بيولوگيالىق ءدارى - دارمەك، زات تورابى، قۇرىلىس ماشينالارى سياقتى وزىق جاساۋ كاسىبى شوعىرى مەن زەردەلى ەلەكتر تورابى، اۆتوكولىك تورابى، ونەركاسىپ ينتەرنەتى سياقتى ءتۇيىندى كاسىپ تىزبەگىنە اۋداردى، جياڭسۋ ولكەسى «ءوندىرىستى كۇشەيتۋ تىزبەگى» سىندى 3 جىلدىق ارەكەت جوسپارىن جەدەل اتقارىپ، كاسىپ تىزبەگى مەن قامداۋ تىزبەگىنىڭ دەربەس مەڭگەرۋ قۋاتى مەن وسىزاماندانۋ دەڭگەيىن جوعارىلاتتى.
بيىل جىل باسىنان بەرى جياڭسۋ ولكەسى مەملەكەتتىك بيولوگيالىق ءدارى - دارمەك تەحنيكاسىندا جاڭالىق اشۋ ورتالىعىنىڭ سۋجوۋعا ىرگە تەبۋىن ىلگەرىلەتىپ، بيولوگيالىق ءدارى - دارمەكتىڭ وزەكتى شيكىزات ماتەريالدارىن جالپىلىق جاساۋ تەكشەسىن قۇرۋدى باستاپ، چاڭجياڭ اتىراۋىنداعى بيولوگيالىق ءدارى - دارمەك كاسىپ تىزبەگى وداعىن باستاماشىلدىقپەن قۇرىپ، دارىندى، قۇرىلىم، تۇعىر، كاپيتال ءبىر تۇلعالانعان كاسىپتىك جاڭالىق اشۋ ەكولوگياسىن جەدەل ورناتىپ، دۇنيە جۇزىلىك دەڭگەيدەگى بيولوگيالىق ءدارى - دارمەك كاسىبىنىڭ ىقپالدى ورنىن قالىپتاستىردى. شيندا سەرىكتەستىگى تۇرعان سۋجوۋ بيولوگيالىق ءدارى - دارمەك كاسىپ باقشاسى بيىل 10 - ايدىڭ سوڭىنا دەيىن 85 جاڭا ءدارىنى كلينيكالىق تاجىريبەگە ەنگىزۋگە رۇقسات الدى، مۇنىڭ 77 ءدارى 1 – تۇردەگى جاڭا ءدارى سانالادى. بيىل 1 - ايدان 9 - ايعا دەيىن جياڭسۋ ولكەسىنىڭ بيولوگيالىق ءدارى - دارمەك جاساۋ كاسىبىنىڭ ءونىم قۇنى 330 ميلليارد يۋاننان اسىپ، بىلتىرعى سول تۇستاعىدان %12.9 ارتتى.
− ءبىر جاعىنان، ولقىلىقتاردى تولىقتاپ، كاسىپ نەگىزىن قايتا جاساۋ ينجەنەرياسى مەن ساپاسىن جوعارىلاتۋ ارەكەتىن ىلگەرىلەتىپ، كاسىپ تىزبەگىنىڭ بوگەلۋ ءتۇيىنىن اشىپ، كاسىپ تىزبەگى مەن قامداۋ تىزبەگىنىڭ، جاڭالىق اشۋ تىزبەگىنىڭ، قارجى تىزبەگىنىڭ، دارىندىلار تىزبەگىنىڭ ىشكەرىلەي توعىسۋىن، اينالىم ىركىلىسسىزدىگىن ىلگەرىلەتتى.
مەتال ۇنتاعىن ۋكول ەتىپ قويۋ تەحنيكاسىن زەرتتەپ جاساپ، قول تەلەفون كارتوچكاسى ناۋاشىعى، كەسكىن تۇسىرگىش سورەسى سياقتى «وتە كىشكەنە» ءۇش ولشەمدى ميكرو بولشەكتەردى توپ - توبىمەن جاسادى، بۇل − جياڭسۋ جيڭيان عىلىم - تەحنيكا شەكتى جارنا سەرىكتىگىنىڭ قول ونەرى. بۇل ونىمدەردىڭ ساپاسىن قالاي تەكسەرەدى؟ سەرىكتەستىكتىڭ باس جوراسى ۋاڭ ميڭشي بىلاي دەپ تانىستىردى: بۇرىن نەگىزىنەن 3 مىڭنان استام جۇمىسشى ميكروسكوپپەن ءبىر - بىرلەپ كورەتىن، قازىر دەربەس زەرتتەپ جاساعان «5G + AI كورۋ تۇيسىگىن تەكسەرۋ جابدىعىنا» سۇيەنىپ، سۋرەتكە الۋ، تەكسەرۋ، تۇجىرىمداۋ، جيناقتاۋ، ەسەپتەۋ جۇمىستارىن ورىنداپ بولۋعا ورتا ەسەپپەن 1.4 سەكۋند قانا ۋاقىت كەتەدى، بۇل قولمەن ىستەۋدەن 10 ەسە تەز، دالدىك شاماسى دە %2 جوعارىلادى، وزىندىك قۇن بارىنشا تومەندەتىلىپ، ساپالى ءونىم شاماسى جوعارىلاتىلدى.
«ءىرى ساندى مالىمەت + ابزالدىققا يە كاسىپ تىزبەگى» ارەكەتىن ىشكەرىلەي اتقارۋدان «5G + ونەركاسىپ ينتەرنەتىنىڭ» توعىسپالى دامۋىن تىڭعىلىقتى ىلگەرىلەتۋگە دەيىن، جياڭسۋ ولكەسى جاپپاي سيفرلاندىرىلعان زەردەلى جاساۋدىڭ جاڭا كارتيناسىن كۇش سالا اشتى. قازىر جياڭسۋ ولكەسىندە بۇلتتىق جۇيە تۇعىرىنا قوسىلعان كاسىپورىن 300 مىڭنان استى.
اكىمشىلىك دارەجە ورناتپاي، «اعا عالىم جاۋاپتى بولۋ ءتۇزىمى» جونىندە ىزدەنىس جاساپ، بازارلاندىرۋ مەحانيزمى بويىنشا جۇمىس جۇرگىزدى ... جياڭسۋ ولكەسىنىڭ نەگىزدىك زەرتتەۋ ءتۇزىلىسى، مەحانيزمى رەفورماسىنىڭ «سىناق اتىزى» رەتىندە زىجينشان تاجىريبەحاناسى دەربەس مەڭگەرۋدى ارقاۋ ەتىپ، جوعارى دەڭگەيلى جەتەكشىلىكتى كورنەكتىلەندىرىپ، ءتول جاسامپازدىقتى كۇشەيتىپ، مىڭنان استام ادامنان قۇرالعان عىلمي زەرتتەۋ قوسىنىن ۇيىستىردى.
توراپ تۇيىندەرى اراسىنداعى ۋاقىت 30 ميللي سەكۋندتان كىشى، تەربەلىس 5 ميللي سەكۋندتان كىشى، تەرمينالدان تەرمينالعا دەيىنگى سەنىمدىلىك %99.9 − گىلي ەلەكتر جابدىقتارى سەرىكتەستىگى مەن زىجينشان تاجىريبەحاناسى سەلبەسىپ قۇرعان «بولاشاق تورابى» گىلي ەلەكتر جابدىقتارىن نانجيڭنەن جۋحايعا دەيىنگى ساپالى سىرتقى تورمەن قامداپ، ءوندىرىس جانە كەسكىن ساندى مالىمەتتەرىن جەتكىزۋ ونىمدىلىگىن جوعارىلاتىپ، كاسىپ تىزبەگىنىڭ ءارقايسى بۋىنىنىڭ تولىق سايكەسۋىنە مۇمكىندىك جاسادى.
«بولاشاق تورابى» جاساۋ كاسىبى ءۇشىن دۇنيەگە كەلگەن. جينشان تاجىريبەحاناسىنىڭ مەڭگەرۋشىسى ليۋ يۇنجيە بىلاي دەدى: بيىل 6 - ايدا تۇڭعىش رەت جاريالانعان مەڭگەرۋ جۇيەسى بيولوگيالىق ءدارى جاساۋ، ەلەكتروندىق ينفورماتسيا سياقتى كاسىپتەردە «ساپالى سىرتقى توراپ نەگىزىندەگى كاسىپ تىزبەكتەرىنىڭ سايكەسىپ جاساۋى» سياقتى 6 ءتۇرلى جاسامپاز قولدانىس جاعدايىن جۇزەگە اسىردى.
ءتۇزىلىس، مەحانيزم رەفورماسىن تەرەڭدەتىپ، ءوندىرۋ، وقىتۋ، زەرتتەۋدىڭ ىشكەرىلەي توعىسۋىن ىلگەرىلەتتى، جياڭسۋ ولكەسى شەشۋشى، وزەكتى تەحنيكاداعى ولقىلىقتاردى كۇش سالا تولىقتاپ، جاڭالىق اشۋ ارقىلى دەم بەرۋگە سۇيەنەتىن اناعۇرلىم كوپ جەتەكشىلىك سيپاتقا يە دامۋدىڭ جاڭا ابزالدىعىن سومدادى. بيىل الدىڭعى 3 توقساندا جياڭسۋ ولكەسىنىڭ جوعارى تەحنيكالى جاساۋ كاسىبىنىڭ ارتقان قۇنى سايكەس مەزگىلدەگىدەن %19.4 ارتىپ، كولەم قالىپتاستىرعان ونەركاسىپتىڭ ورتاشا دەڭگەيىنەن 3.6 پايىز جوعارى بولدى. الدىڭعى 3 توقساندا جياڭسۋ ولكەسىنىڭ جوعارى، جاڭا تەحنيكا كاسىبىنىڭ ءونىم قۇنى سايكەس مەزگىلدەگىدەن %25.0 ارتىپ، 2 جىلدا ورتا ەسەپپەن %14.8 ارتتى؛ كولەم قالىپتاستىرعان ونەركاسىپ ءونىم قۇنىنداعى سالىستىرماسى %48.1 بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
