”شينجياڭ جاقسى جەر“ اتىنداعى بەيجيڭ شەتەل تىلدەرى داشۋەسى ارناۋلى بەينە ەكران اۋىس - كۇيىس ءماجىلىسى وتكىزىلدى
”جەرگىلىكتى ورىنداعى ادامدار باقىتتى، شۋاقتى، سەنىمدى تۇرمىس كەشىرۋدە ەكەن“
2021.11.22 16:31 كەلۋ قاينارى : شينجياڭ گازەتى
انار بۇلت∕ شينجياڭ گازەتىنىڭ ءتىلشىسى ۋاڭ نا 11 - ايدىڭ 19 - كۇنى ۇرىمجىدەن حابارلايدى. ”شينجياڭ جاقسى جەر“ اتىنداعى بەيجيڭ شەتەل تىلدەرى داشۋەسى ارناۋلى بەينە ەكران اۋىس - كۇيىس ءماجىلىسى 11 - ايدىڭ 19 - كۇنى بەيجيڭدە جانە ۇرىمجىدە ءبىر ۋاقىتتا وتكىزىلدى، رەسەي، پاكيستان، كورەيا سياقتى 30عا جۋىق مەملەكەتتەن كەلگەن جۇڭگوداعى شەتەلدىك وقىتۋشىلار مەن جۇڭگودا وقىپ جاتقان شەتەلدىك وقۋشىلار بەينە ەكران بايلانىسى ارقىلى شينجياڭدى ”ارالاپ“، بۇل ارانىڭ جەرگىلىكتى سالت - ساناسىن، تاريحي مادەنيەتىن تاماشالاپ، ءار ۇلت بۇقاراسىنىڭ ءۇنىن تىڭدادى.
اۋىس - كۇيىس ماجىلىسىندە اۆتونوميالى رايوندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ءزۇمىرات وبۇل شينجياڭنىڭ ورنىقتىلىق، دامۋ جاعدايىن تانىستىرىپ بىلاي دەدى: تاياۋ جىلداردان بەرى شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىسقا قول جەتكىزدى، الايدا ءىشىنارا ەلدەردەگى جۇڭگوعا قارسى كۇشتەر شينجياڭعا ساياتىن كەڭەستىك تاقىرىپتارىن ورشەلەنە دابىرالاپ، شينجياڭنىڭ وبرازىنا كۇيە جاعىپ، شينجياڭنىڭ گۇلدەنۋىن، ورنىقتىلىعىن بۇلدىرۋگە ۇرىندى. فاكت پەن شىندىق الدىندا جۇڭگوعا قارسى كۇشتەردىڭ ويدان قيىستىرعان شينجياڭعا ساياتىن ءتۇرلى وسەك - اياڭدارى مەن جالعان ينفورماتسيالارى تويتارىسسىز - اق توزىپ جوعالادى، ولاردىڭ قاسكۇنەمدىگى مۇلدە ىسكە اسپايدى. كوپشىلىكتىڭ شينجياڭعا كەلىپ ساياحاتتاپ جانە ەكسكۋرسيادا، ساپاردا بولىپ، جاراسىمدى، كورىكتى، گۇلدەنگەن، دامىعان شينجياڭدى شىنايى سەزىنۋىن قارسى الامىز.
بەيجيڭ شەتەل تىلدەرى داشۋەسى پارتكومىنىڭ ورىنباسار شۋجيى، ورىنباسار مەكتەپ باستىعى جيا ۋىنجيان مىنالاردى ءبىلدىردى: شينجياڭ حاۋىپسىز، ورنىقتى، قوعامى جاراسىمدى، دامىعان جاقسى جەر، ەكونوميكاسى دامىعان، حالىق تۇرمىسى ۇزدىكسىز جاقسارعان جاقسى جەر ءارى ءدىني سەنىم ەركىندىگى بار، مادەنيەتتە ءوزارا اۋىس - كۇيىس جاساعان جاقسى جەر، وسى رەتكى بەينە ەكران اۋىس - كۇيىس ءماجىلىسىنىڭ بەيجيڭ شەتەل تىلدەرى داشۋەسىندەگى شەتەلدىك وقىتۋشىلار مەن جۇڭگودا وقىپ جاتقان شەتەلدىك وقۋشىلاردىڭ شينجياڭنىڭ شىنايى جاعدايىنا بولعان تۇسىنىگىن اناعۇرلىم تەرەڭدەتىندىگىنە سەنەمىن.
شىنايى كورىنىستى جەلىگە جالعاۋ بۋىنىندا، قاشقار بايىرعى قالاسىنىڭ وزگەشە تاريحي مادەنيەتى جانە سان الۋان ۇلتتىق سالت - ساناسى ساياحاتشىلاردى ”ءسوزسىز بارۋعا“ باۋرادى، بەيجيڭ شەتەل تىلدەرى داشۋەسىندەگى شەتەلدىك وقىتۋشىلار مەن جۇڭگودا وقىپ جاتقان شەتەلدىك وقۋشىلاردى دا قاباعات باۋرادى؛ جىبەك جولى حالىقارالىق دەمالىس ورنىنىڭ شاڭعى الاڭىندا، وقىتۋشىلار مەن وقۋشىلار تانىستىرۋدى تىڭداۋ ارقىلى شينجياڭنىڭ قىسقى قار - مۇز ساياحاتىنىڭ قارىشتاپ دامۋ جاعدايىن ءتۇسىندى؛ شينجياڭ ءىسلام ءدىنى شۋەيۋانىندا كوپشىلىك شينجياڭنىڭ ءدىني سەنىم ەركىندىگىن قامتاماسىز ەتۋ جاعدايىن تاپتەشتەي ۇعىستى.
وقىتۋشىلار مەن وقۋشىلار تاعى بەينە ەكران بايلانىسى ارقىلى التايعا بارىپ، 2009 - جىلدىق ”جۇڭگونى اسەرلەندىرگەن 10 ءىرى تۇلعا“ انيپا ءالىماحۇن وتباسىنا ”كەلىپ“، وسى كوپ ۇلتتى ۇلكەن شاڭىراقتىڭ شات - شادىمان تۇرمىس رايىن سەزىندى؛ سانجى حۇيزۋ اۆتونوميالى وبلىسىندا، اقسۋ ايماعىندا جانە ءۇرىمجى قالاسىندا بەيتيڭ بايىرعى قالا جۇرتىن، قىزىل مىڭ ءۇيدى، ءۇرىمجى قالاسىنىڭ نان مادەنيەتى كاسىپ سالاسى باقشاسىن ەكسكۋرسيالاپ، شينجياڭنىڭ تاريحي مادەنيەتىنىڭ تارتىمدىلىعىن، ەكونوميكاسىنىڭ دامۋ تىنىسىن سەزىندى ءارى ەكرانعا ىلەسە تۇرپانعا جانە كوپتەگەن جوعارى مەكتەپتەرگە بارىپ، تاربيەلەۋ - باۋلۋ بويىنشا وقۋ تاۋىسقان تاربيەلەنۋشىلەردىڭ تاربيەلەۋ - باۋلۋعا قاتىناسۋ ارقىلى يدەيالارىندا بۇرىلىس بولىپ جانە جۇمىستانۋ شەبەرلىگىن يگەرىپ، وقۋ تاۋىسقاننان كەيىن ەلەكتروندى ساۋدامەن شۇعىلدانىپ باقىتتى تۇرمىس كەشىرگەندىگىن بايانداعان حيكايالارىن دەن قويا تىڭدادى، بەيجيڭ شەتەل تىلدەرى داشۋەسىنىڭ شينجياڭعا كومەككە كەلگەن وقىتۋشىلارىنىڭ شينجياڭعا كومەكتەسۋ قىزمەتى مەن شينجياڭنىڭ وقۋ - اعارتۋىنىڭ دامۋ جاعدايى جونىندەگى بايانداۋلارىن تىڭدادى.
بەينە ەكران اۋىس - كۇيىس ءماجىلىسى 2 ساعاتتان اسا ۋاقىتقا جالعاستى، شەتەلدىك وقىتۋشىلار مەن جۇڭگودا وقىپ جاتقان شەتەلدىك وقۋشىلار ءبىر اۋىزدان مىنالاردى ءبىلدىردى: وسى رەتكى بەينە ەكران اۋىس - كۇيىس ءماجىلىسى ەرەكشە ءماندى بولدى، اۋىس - كۇيىس جاساۋ ارقىلى جەرگىلىكتى ورىنداعى ادامداردىڭ باقىتتى، شۋاقتى، سەنىمدى تۇرمىس كەشىرىپ جاتقاندىعىن كوردىك، الۋان ءتۇرلى مادەنيەت جاراسىمدى قاتار ءومىر سۇرگەن، قايراتتانا العا ىلگەرىلەگەن، قارىشتاپ دامىعان شىنايى شينجياڭدى كوردىك، بۇل باتىستاعى اقپارات قۇرالدارىنىڭ شينجياڭ جونىندەگى بۇرمالانعان حابارلارىن ايپاراداي اشىپ تاستادى. وقىتۋشىلار مەن وقۋشىلار تاعى شينجياڭنىڭ از ۇلت مادەنيەتىنىڭ، ساياحات كاسىپ سالاسىنىڭ، وقۋ - اعارتۋ ىستەرىنىڭ دامۋى سياقتى قاتىستى جاعدايلار جونىندە سۇراۋ قويىپ، پىكىر اۋىستىردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي شۋەجۇن، اۆتونوميالى رايوندىق ساياسي كەڭەستىڭ ورىنباسار ءتوراعاسى، شينجياڭ ءىسلام ءدىنى شۋەيۋانىنىڭ باستىعى ابدۇرىقىپ ءتومۇرنياز بەينە ەكران اۋىس - كۇيىس ماجىلىسىنە قاتىناستى.
وسى رەتكى بەينە ەكران اۋىس - كۇيىس ءماجىلىسىن شينجياڭ ۇيعۇر اۆتونوميالى رايونى مەن بەيجيڭ شەتەل تىلدەرى داشۋەسى بىرلەسىپ وتكىزدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
