حى جۇڭيوۋ ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
وزەكتى رايون قۇرىلىسىن جوعارى ساپامەن ىلگەرىلەتۋ كەرەك
2021.11.22 16:33 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لياڭ ليحۋا 11 - ايدىڭ 19 - كۇنى ۇرىمجىدەن حابارلايدى. 11 - ايدىڭ 18 - كۇنى اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - دال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جوعارى ساپامەن ىلگەرىلەتۋ كەرەك.
حى جۇڭيوۋ ىلگەرىندى - كەيىندى ءۇرىمجى قالاسىنىڭ قالا جوباسى كورمە سارايىنا، ءۇرىمجى جالپىلىق باجىسىز اۋماعىنا، ءۇرىمجى حالىقارالىق قۇرلىقتىق پورت اۋماعىنا بارىپ، جىبەك جولى ەكونوميكالىق بەلدەۋى وزەكتى رايون قۇرىلىسى، كاسىپ سالاسىنىڭ دامۋى، كاسىپورىنداردىڭ ءوندىرىسى، تيجاراتى سياقتى جاعدايلاردى ۇعىستى. ول بىلاي دەدى: ”ءبىر بەلدەۋ، ءبىر جول“ دامۋ ورايىن مىقتاپ يگەرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتۋ كەرەك. باتىلدىقپەن رەفورما جاساپ، جاڭالىق اشىپ، ءۇرىمجى حالىقارالىق قۇرلىقتىق پورت اۋماعى تورابىنىڭ زات توپتاۋ قۋاتىن جوعارىلاتىپ، تاماشا شارت - جاعداي ازىرلەپ، ءتىپتى دە كوپ كاسىپورىندى ىرگە تەبۋگە، شوعىرلانۋعا باۋراۋ كەرەك.
ءۇرىمجى قالاسىنىڭ نان كاسىپ سالاسى باقشاسىندا ەرەكشە ونىمدەر كوزدىڭ جاۋىن الادى. حى جۇڭيوۋ باقشا اۋماعىنىڭ قۇرىلىس جۇمىسى، كاسىپورىنداردىڭ ءوندىرۋ، ساتۋ، جۇمىسقا قابىلداۋى سياقتى جاعدايلاردى ۇعىستى. ول بىلاي دەدى: ونىمدەردى زەرتتەپ اشۋعا باسا ءمان بەرىپ، ونىمدەردىڭ ۇستەمە قۇنىن جوعارىلاتىپ، كاسىپ سالاسى تىزبەگىن ۇزارتىپ، ساپالى ماركالاردى جەتىلدىرىپ جانە قالىپتاستىرىپ، رايونىمىزدىڭ نان كاسىپ سالاسىنىڭ ساپالىلانۋىن، زورايۋىن، كۇشەيۋىن جەبەۋ كەرەك.
حى جۇڭيوۋ شينجياڭ جەمىس - جيدەك توبى شەكتى سەرىكتەستىگىندە كاسىپورىننىڭ ونىمدەردى اشۋ، بازاردا ساتۋ، بۇقارانى جۇمىستانۋعا جەتەكتەۋ سياقتى جاعدايلاردى ەگجەي - تەگجەيلى ۇعىستى. ول بىلاي دەدى: شينجياڭنىڭ بايلىق باسىمدىعىن، ءونىم باسىمدىعىن تياناق ەتىپ، باستاماشى كاسىپورىنداردىڭ جەتەكشىلىك ەتۋ رولىن تولىق ساۋلەلەندىرىپ، شارۋالاردىڭ ەگىس جۇمىستارىن عىلمي، جۇيەلى جۇرگىزۋىنە قولداۋ كورسەتۋ، جەتەكتەۋ كەرەك. وسىزاماندانعان تۇقىم شارۋاشىلىعىن دامىتىپ، ونىمدەردىڭ ساپاسىن ۇزدىكسىز جوعارىلاتىپ، ماركا اسەرىن ارتتىرۋ كەرەك.
شينجياڭ جۇمساق بولشەك باقشاسىندا قازىر 580 كاسىپورىن تىركەلىپ، 8500دەن استام ادامدى جۇمىستاندىرىپ وتىر. حى جۇڭيوۋ باقشاداعى كاسىپورىنداردىڭ تەحنيكادا جاڭالىق اشۋ، ونىمدەردى زەرتتەپ اشۋ جانە ءوندىرۋ، اينالىمعا سالۋ سياقتى جاعدايلارىن ەگجەي - تەگجەيلى ۇعىستى. ول بىلاي دەپ اتاپ كورسەتتى: عىلىم - تەحنيكادا جاڭالىق اشۋ − كاسىپورىننىڭ وزەكتى باسەكەلىك قۋاتى، عىلىم - تەحنيكادا جاڭالىق اشۋدى كۇشەيتىپ، سيفرلى ەكونوميكانى بار كۇشپەن دامىتىپ، سيفرلى ەكونوميكا مەن ناقتى ەكونوميكانىڭ ىشكەرىلەي توعىسۋىن ىلگەرىلەتىپ، عىلىم - تەحنيكادا جاڭالىق اشۋ ارقىلى رايونىمىز ەكونوميكاسىنىڭ جوعارى ساپالى دامۋىن ىلگەرىلەتۋ كەرەك.
حى جۇڭيوۋ تەكسەرۋ - زەرتتەۋ بارىسىندا بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ” ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى وراي، قوزعاۋشى كۇش ەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋ كەرەك. جالپى ءماجىلىستىڭ رۋحىن ويداعىداي ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭىزدى ساياسي مىندەت ەتىپ، جالپى ءماجىلىس رۋحىنىڭ نەگىزگى ساتىعا ىشكەرىلەي ەنۋىن، جۇرت جۇرەگىنە تەرەڭ ۇيالاۋىن ىلگەرىلەتۋ كەرەك. اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شينجياڭنىڭ ءوزىنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىنا ەنگىزىپ، شارۋاشىلىق - ساۋدا ورتاسىن ساپالىلاندىرىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن قالىپتاستىرۋ كەرەك. جاڭالىق اشۋ ارقىلى دامۋعا دەم بەرۋدى كورنەكتىلەندىرىپ، ەرەكشە، باسىمدىققا يە كاسىپتەردى زورايتىپ، 1 -، 2 -، 3 - كاسىپتەردىڭ توعىسا دامۋىن جەبەپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
