بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

بۇگىنگى شولۋ: ءيتتىڭ ادام قابۋى وقيعاسى تەك كەشىرىم سۇراۋمەن عانا تىندىم بولمايدى

ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى تورابى يىن جيان

2021.11.23 10:01     كەلۋ قاينارى : حالىق تورابى

  جۋىردا حىنان ولكەسى انياڭ قالاسىندا تۋىلعان ءيتتىڭ ادام قابۋى وقيعاسىن ءبىرجاقتى ەتۋدە تىڭ ىلگەرىلەۋشىلىك بولدى. 11 – ايدىڭ 19 – كۇنى انياڭ قالالىق بازاردى باقىلاۋ – باسقارۋ مەكەمەسى پارتگرۋپپاسىنىڭ زەرتتەپ ماقۇلداۋىمەن، بازاردى باقىلاۋ – باسقارۋدا جان – جاقتى زاڭ اتقارۋ بولىمشە اترەتى ازىق – تۇلىك، ءدارى – دارمەكتەردى تەكسەرۋ ارناۋلى قىزمەتكەرى ۋاڭ X گاڭ قىزمەتىنەن توقتاتىلىپ، ۇيىمنىڭ تەكسەرۋىنە سايكەسەتىن بولعان.

  ءيتتىڭ ادام قابۋى كۇندەلىكتى تۇرمىستا تاڭدانارلىق ءىس ەمەس، الايدا، بۇل وقيعانىڭ اقپارات قۇرالدارى مەن الەۋمەتتىڭ نازارىنا ىلىنگەن قولامتالى ىسكە اينالۋىنىڭ سەبەبى، ءيت باعۋشىنىڭ پوزيتسياسى مەن ونىڭ سالاۋاتى، سونىمەن بىرگە بۇل ءىستىڭ سوڭعى بارىسىنىڭ وزگەشە كۇردەلى بولۋى ەدى. ۋاڭ X گاڭ قاشقالاقتاپ كەزدەسپەي قويعان، زيانعا ۇشىراعان ادام ىلگەرىندى – كەيىندى 2 ايعا جۋىق ۋاقىت جۇمساپ، سول جەردەگى بىرنەشە تاراۋعا قايتا – قايتا ارىزدانسا دا، ءتىپتى سول جەردەگى اقپارات قۇرالى ۇزدىكسىز 10 رەت باعدارلاما دايىنداسا دا، ەشقانداي ناتيجە شىقپاعان.

  الەۋمەتكە كۇمان تۋدىرعان تۇيىندەردىڭ ءبىرى — ۋاڭ X گاڭنىڭ ۇكىمەت قىزمەتكەرى سىندى سالاۋاتى. پارتيالى كادر، ۇكىمەت قىزمەتكەرى بولعان ەكەن، مەملەكەتتىڭ زاڭ – تۇزىمدەرىنە باستاماشىلدىقپەن بويسۇنۋى ءارى كۇندەلىكتى قوعامدىق تۇرمىستا الەۋمەتتىك ءمورالعا بويسۇنۋى، تاماشا ءمورالدى ساۋلەلەندىرۋى، ادامدارعا جاراسىمدى مامىلە جاساۋى، سىپايى بولۋى قاجەت، ەگەر باسقالارمەن ونىڭ اراسىندا ازاماتتىق ىستەرگە ساياتىن داۋ – شار تۋىلسا، زاڭ بويىنشا ۇيلەسىمدى شەشۋى، بۇقارانىڭ ۇقىق – مۇددەسىنە زيان جەتكىزبەۋى، ءوزىنىڭ تاماشا وبىرازىن قورعاۋى كەرەك. اقپارات قۇرالدارى تۇسىرگەن باعدارلامالاردا ۋاڭ X گاڭنىڭ وسىنىڭ الدىنداعى سوزدەرى جۇرت كوڭىلىندەگى پارتيالى كادرلاردىڭ، ۇكىمەت قىزمەتكەرلەرىنىڭ وبىرازىنا ساي كەلمەيدى. ەگەر ۇكىمەت قىزمەتكەرىندىك سالاۋاتىنا ارقالانىپ، وسپادارلىقپەن جونسىزدىككە باسىپ، ارسىزدىق ىستەسە، الەۋمەتتىك ءتارتىپ پەن سالتتى كوزگە ىلمەسە، اينالىپ كەلىپ جۇرتتىڭ جازعىرۋىنا ۇشىرايدى، كوپتىڭ سوزىنە قالادى، ونىڭ ۇستىنە قىزمەت ورنىنىڭ ءبىرجاقتى ەتۋىنە، ءتارتىپ جازاسىنا ۇشىرايدى، اۋىر بولعاندا زاڭ بويىنشا جاۋاپكەرشىلىگى قۋزاستىرىلادى.

  جۇرتتى تەرەڭ ويعا باتىرعانى، زيانعا ۇشىراعان ادام ۇقىعىن قورعاۋ بارىسىندا جەرگىلىكتى ورىنداعى ءىشىنارا مەكەمەلەر مەن كادرلاردىڭ ستيلىندە ماسەلە بار ەكەنىن اشىققا شىعاردى. رەال ومىردە ءىشىنارا تاراۋلاردىڭ بۇقارانىڭ ۇيلەسىمدى تالابىن كۇش سالا شەشىم ەتكەننىڭ ورنىنا، جاۋاپكەرشىلىكتەن جالتارۋعا امال ىزدەيتىنىن كورەمىز، «بۇل ءبىزدىڭ باسقارۋىمىزداعى ءىس ەمەس، ونى ءبىز باسقارمايمىز، بولماسا سوتقا بارىپ ارىزدانىڭىز» ... دەپ قۇتىلادى، سىرتتاي قاراعاندا «اۋرەدەن» قۇتىلعانداي بولعانمەن، ءىس جۇزىندە تۇيمەدەي ءىستى تۇيەدەي ىسكە اينالدىرادى، مۇنان دا حاۋىپتىسى، پارتيا مەن ۇكىمەتتىڭ حالىق بۇقاراسىمەن بولعان ارالىعىن الىستاتىپ، بۇقارانىڭ كوڭىلىن سۋىتادى. مۇنداي تاراۋلار بۇقارا ءۇشىن بەلسەندىلىكپەن ناقتى ءىس ىستەپ بەرگەندى بىلاي قويىپ، قايتا بۇقارانىڭ ءوزى ىزدەپ كەلسە دە، «شۇعىل، قيىن، ۋايىمداعان، زارىققان» ماسەلەلەردى شەشىم ەتۋدەگى پوزيتسياسى سالعىرت، ارەكەتى كەمشىل بولادى. ستيل جاعىنداعى مۇنداي كورنەكتى ماسەلەلەر جونىندە، ءسوزسىز، قايتالاي وي جۇگىرتۋ ءارى ونى قاتاڭ ءبىرجاقتى ەتۋ قاجەت.

  ۇعىسۋعا قاراعاندا، بۇقارا مالىمدەگەن ءجىپ ۇشتارىن تەكسەرۋ ءۇشىن، انياڭ قالاسى ارناۋلى قىزمەت گرۋپپاسىن قۇرعان. بۇقارا اڭىس بىلدىرگەن تۇيىندەر، كوپشىلىك كوڭىلىندەگى تۇيتكىلدەر تەكسەرۋ قىزمەتىنىڭ كۇش سالاتىن ءتۇيىنى بولۋى قاجەت. شىندىقتى ءىس جۇزىنەن ىزدەۋ پرينسيپى بويىنشا، وبيەكتيۆ، ءادىل تۇردە تەكسەرۋ جۇرگىزۋ، ىسپات الۋ، ءىستىڭ شىن ءمانىن انىقتاپ شىعۋ، قاتىستى تاراۋلار مەن ادامداردى بەلگىلەمە، ءتارتىپ، زاڭ بويىنشا ءبىرجاقتى ەتۋ كەرەك، سوندا عانا بۇقارا كوڭىل ءبولىپ وتىرعان ماسەلەگە شىنايى جاۋاپ قايتارعان بولادى. بۇقارانىڭ مۇددەسىنە ساياتىن ىستەردىڭ بارلىعى ءىرى ىستەر. بۇقارا ءۇشىن دەن قويا، كۇش سالا ناقتى ىستەر تىندىرىپ، قيىنشىلىقتارىن شەشىىم ەتۋ — ءاربىر پارتيالى كادردىڭ قىزمەتتەگى جاۋاپكەرشىلىگى، پارتيانىڭ سيپاتى مەن ماقساتىنىڭ ناقتى تالابى. پارتيا ۇيىمى قاتاڭ باقىلاۋ جۇرگىزۋى، جاۋاپكەرشىلىگىن قۋزاستىرۋدى كۇشەيتۋى، جالتارىپ شىعا بەرىپ، ەزىپ – قىرتىپ، شالاعايلىق ىستەگەن، بۇقارانىڭ مۇددەسىنە نەمقۇرايدى قاراعان ورىندار مەن قىزمەتكەرلەردى قاتاڭ ءبىرجاقتى ەتۋ، ولار جونىندە جالپى حابارلاندىرۋ شىعارىپ، اشىق جاريالاۋ، بىرەۋىن ءبىرجاقتى ەتۋ ارقىلى باسقالارىنا ەسكەرتۋ بەرۋ قاجەت.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار