حىنان ولكەسى انياڭ قالاسى «ءيت قابۋ وقيعاسىنا» قاتىستى بىرنەشە كادردى ءبىرجاقتى ەتتى
2021.11.24 13:08 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى فىڭ داپىڭ 11 – ايدىڭ 23 – كۇنى جىڭجوۋدان حابارلايدى. «ءيت قابۋ وقيعاسىنا» قاتىستى اڭىس جۇرت نازارىن اۋداردى، 11 – ايدىڭ 23 – كۇنى حىنان ولكەسى انياڭ قالاسى «ءيت قابۋ وقيعاسىنا» قاتىستى جاۋاپتى ورىن مەن جاۋاپتى ادامدى ءبىرجاقتى ەتۋ ۇيعارىمىن جاريالادى.
جالپى حابارلاندىرۋدا اتاپ كورسەتىلۋىنشە، انياڭ قالالىق پارتكوم مەن حالىق ۇكىمەتى انياڭ قالالىق قالانى باسقارۋ مەكەمەسى، قالالىق بازاردى باقىلاۋ – باسقارۋ مەكەمەسى، قالالىق قوعام حاۋىپسىزدىگى مەكەمەسى ۋىنفىڭ بولىمشەسى، ۋىنفىڭ رايونى جۇڭحۋا جولى ءمالى باسقارماسى سىندى ءتورت ورىندى ىشكەرىلەي ەگجەي – تەگجەيلى تەكسەرۋ جازۋعا بۇيىرعان ءارى بۇكىل قالا بويىنشا جالپى حابارلاندىرۋ شىعارىپ سىنداعان.
قاتىستى ادامداردى ءبىرجاقتى ەتۋ جاعدايى مىناداي: انياڭ قالاسى قالا باسقارۋ مەكەمەسى پارتگرۋپپاسىنىڭ مۇشەسى، 2 – دارەجەلى تەكسەرۋ – زەرتتەۋشى قىزمەتكەرى جاڭ جانفاڭمەن ەسكەرتۋ بەرۋ سيپاتىندا سويلەسكەن؛ انياڭ قالاسى قالا باسقارۋدا زاڭ اتقارۋ بولىمشە اترەتىنىڭ باقىلاۋ – تەكسەرۋگە جاۋاپتى ورىنباسار ءبولىم باستىعى ءارى قالا باسقارۋ مەكەمەسىنىڭ ارناۋلى جونگە سالۋ كەڭسەسىنىڭ ورىنباسار مەڭگەرۋشىسى گو شۋاڭجۇنگە پارتيا ىشىندە قاتاڭ ەسكەرتۋ بەرگەن، اۋىر كىنا جازعان ءارى مىندەتىنەن قالدىرعان؛ انياڭ قالاسى بازاردى باقىلاۋ – باسقارۋدا امبەباپ اكىمشىلىك زاڭ اتقارۋ بولىمشە اترەتىنىڭ جاۋاپتىسى، 2 – دارەجەلى جوعارى دارەجەلى باس ءىس ءبىتىرۋشى ساي گوچياڭمەن ەسكەرتۋ بەرۋ سيپاتىندا سويلەسكەن؛ انياڭ قالاسى ۋىنفىڭ رايونى قالا باسقارۋ مەكەمەسى زاڭ اتقارۋ ورتا اترەتىنىڭ ورىنباسار باستىعى فىڭ حايجۇنگە كىنا جازعان؛ انياڭ قالاسى ۋىنفىڭ رايونى جۇڭحۋا جولى ءمالى باسقارماسى حالىق قۇرىلتايى قىزمەت كوميتەتىنىڭ مەڭگەرۋشىسى ما يانفىڭعا اكىمشىلىك ىسكە قاتىستى ەسكەرتۋ بەرگەن؛ انياڭ قالالىق قوعام حاۋىپسىزدىگى مەكەمەسى ۋىنفىڭ بولىمشە مەكەمەسى جۇڭحۋا جولى ساقشى بولىمشەسىنىڭ باستىعى ياڭ جانشانمەن ەسكەرتۋ بەرۋ سيپاتىندا سويلەسكەن؛ وسى وقيعاعا تىكەلەي قاتىستى انياڭ قالالىق بازاردى باقىلاۋ – باسقارۋ مەكەمەسى امبەباپ اكىمشىلىك زاڭ اتقارۋ بولىمشە اترەتىنىڭ ءبولىم دارەجەلى تەكسەرۋشى قىزمەتكەرى ۋاڭ شينگاڭعا پارتيا ىشىندە قاتاڭ ەسكەرتۋ بەرىپ، مىندەتىنەن بوساتقان ءارى زاڭ اتقارۋ قىزمەت ورنىنان جوتكەگەن.
ۇعىسۋعا قاراعاندا، 11 – ايدىڭ 19 – كۇنى انياڭ قالاسى «قارتتى ءيت قابۋ وقيعاسىنا» قاتىستى قىزمەت گرۋپپاسىن قۇرعان. تەكسەرۋگە قاراعاندا، بۇل ىسكە قاتىستى ەكى ءيت جاتتىقتىرىلعان ءارى دەنەسىنە ءچيپ ورناتىلعان، جۇڭگو قىزمەت اۆچوركاسىن باسقارۋ بىرلەستىگى بۇل يتتەرگە «ءيتتى تىزىمگە الۋ كۋالىگىن» تاراتقان، الايدا اتالعان بىرلەستىكتىڭ تانىستىرۋىنشا، بۇل كۋالىك قىزمەت اۆچوركاسىن تۇراقتاندىرۋعا تولىق ىسپات بولا المايدى. قازىر انياڭ قالالىق قالا باسقارۋ مەكەمەسى بۇل ىسكە قاتىستى يتتەردى وتكىزىپ العان ءارى بۇل يتتەرگە قاتىستى «ءيت باعۋدى تىزىمدەۋ كۋالىگىن» كۇشىنەن قالدىرعان. سونىمەن بىرگە، انياڭ قالاسى قازىر بۇكىل قالا بويىنشا قاباعان يتتەرگە، دەنەلى يتتەرگە جالپى بەتتىك، ءبىر – بىرلەپ تەكسەرۋ جۇرگىزۋدى، جونگە سالۋدى ورىستەتىپ، وسى تەكتەس ىستەردىڭ قايتا تۋىلماۋىنا كەپىلدىك ەتۋگە قۇلشىنۋدا.
قىزمەت گرۋپپاسىنىڭ تەكسەرۋ بارىسىندا بايقاۋىنشا، 10 – ايدىڭ 9 – كۇنى انياڭ قالالىق قالانى باقىلاۋ – باسقارۋ امبەباپ اكىمشىلىك زاڭ اتقارۋ بولىمشە اترەتىنىڭ ەسىگىنىڭ الدىندا تۋىلعان قاقتىعىستا بىرەۋدىڭ قولىنداعى ۇزارتىپ – قىسقارتۋعا بولاتىن تاياقتا ساقشىنىڭ بەلگىسى بار ەكەنى بايقالعانىمەن، بۇل تاياق ساقشىلارعا ارناپ جاسالعان قۇرال ەمەس ەكەن. قاتىستى تاراۋلار ۇزارتىپ – قىسقارتۋعا بولاتىن تاياقتى الىپ جۇرگەن ادامعا ەسكەرتۋ بەرىپ، ونى جازالاعان، ۇزارتىپ – قىسقارتۋعا بولاتىن تاياقتى زاڭ بويىنشا ءمۇسادىرالاعان.
ينتەرنەتتە اڭىس ەتىلگەن لي شياۋيىڭ ميلليون يۋاندى الداپ العان دەپ كۇمان بىلدىرگەن ءىس جونىندە، قىزمەت گرۋپپاسى قالاداعى ساياسي – زاڭ ورىندارى مەن يىندۋ رايوندىق قوعام حاۋىپسىزدىگى مەكەمەسىن، پروكۋراتۋرا مەكەمەسىن انياڭ قالالىق پارتكومنىڭ ساياسي – زاڭ كوميتەتىنىڭ جەتەكشىلىگىندە اتالعان دەلوعا قايتا تەكسەرۋ جۇرگىزۋگە بۇيىرعان.
تانىستىرۋعا قاراعاندا، 11 – ايدىڭ 23 – كۇنى تۇستەن كەيىن، انياڭ قالاسى بۇكىل قالاداعى پارتيالى كادرلارعا «ستيلدە بۇرىلىس جاساپ، ونىمدىلىكتى جوعارىلاتۋ» تاقىرىبىنداعى ەسكەرتۋ بەرۋ، تاربيە جۇرگىزۋ، رەتكە سالۋ ءماجىلىسىن اشقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
