ج ك پ ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ
نيە حايشىڭعا «1 - دارەجەلى عارىش ەڭبەك وردەنىن»، ليۋ بوميڭگە «2 - دارەجەلى عارىش ەڭبەك وردەنىن» تاراتۋ، تاڭ حۇڭبوعا «قاھارمان عارىشكەر» داڭقتى اتاعىن بەرۋ ءارى «3 - دارەجەلى عارىش ەڭبەك وردەنىن» تاراتۋ جونىندەگى قارارى
(2021 – جىلى 11 - ايدىڭ 23 - كۇنى)
2021.11.24 16:28 كەلۋ قاينارى : حالىق تورابى
2021 – جىلى 6 - ايدىڭ 17 - كۇنى ەلىمىز عارىشكەرى نيە حايشىڭ، ليۋ بوميڭ، تاڭ حۇڭبو شىنجوۋ 12 - ءنومىرلى عارىشكەرلى الەم كەمەسىنە وتىرىپ عارىشقا ءساتتى كىرىپ، تيانحى وزەكتى كابيناسىمەن دەربەس، تەز ءتۇيىلىسۋدى ءساتتى ورىندادى، سونداي - اق ءبىرقىدىرۋ جاڭالىق جاراتۋ، قامال الۋ سيپاتتى عىلمي سىناق جانە كەڭىستىك قولدانىسى مىندەتىن ورىستەتىپ، وربيتادا 3 اي تۇرىپ، 9 - ايدىڭ 17 - كۇنى ءساتتى ورالدى. شىنجوۋ 12 – ءنومىرلى الەم كەمەسىمەن عارىشقا ادام الىپ ۇشۋ مىندەتى − عارىشقا ادام الىپ ۇشۋ ينجەنەرياسىنىڭ «ءۇش قادامعا ءبولىپ جۇرگىزۋ» ستراتەگيالىق نىساناسىن جۇزەگە اسىرۋداعى توتەنشە ماڭىزدى مىندەت، جۇڭگولىقتار تۇڭعىش رەت ءوزىنىڭ كەڭىستىك بەكەتىنە كىرىپ، كوپتەگەن شەشۋشى، وزەكتى تەحنيكادا كەلەلى تابىستارعا قول جەتكىزدى، بۇل جۇڭگونىڭ عارىش ىستەرىنىڭ جوعارى دەڭگەيدەگى عىلىم - تەحنيكا ارقىلى ءوزىن الۋەتتەندىرۋدە تىڭ قادام تاستاعانىن، عىلىم - تەحنيكادا قۇدىرەتتى ەل، عارىش ىستەرىندە قۇدىرەتتى ەل قۇرۋدى جەدەلدەتۋدە ەڭ جاڭا ناتيجەگە قول جەتكىزگەنىن اڭعارتادى، ەلىمىزدىڭ جالپىلىق مەملەكەت قۋاتى مەن ۇلتتىڭ ۇيىسقىشتىعىن جوعارىلاتۋدا، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن تاباندىلىقپەن العا باسۋعا، ۇزدىكسىز كۇرەس جۇرگىزۋگە ىنتالاندىرۋدا، جاڭا داۋىردەگى جۇڭگوشا سوتسياليزم ىستەرىنىڭ جاڭا جاعدايىن ۇزدىكسىز اشۋدا ماڭىزدى مانگە يە.
شىنجوۋ 12 – ءنومىرلى الەم كەمەسىمەن عارىشقا ادام الىپ ۇشۋ مىندەتىنىڭ تولىق تابىستى بولۋىنا قالىڭ عىلىم - تەحنيكا قىزمەتكەرلەرىنىڭ، عارىشكەرلەردىڭ، كادر، جۇمىسشى - قىزمەتكەرلەردىڭ، ازاتتىق ارميا كوماندير - جاۋىنگەرلەرىنىڭ اقىل - پاراساتى مەن جۇرەك قانى سىڭگەن. نيە حايشىڭ، ليۋ بوميڭ، تاڭ حۇڭبو جولداستار − سولاردىڭ تاڭداۋلى ۋاكىلى، ولار بۇيرىقتى تىڭداپ، وتان ءۇمىتىن اقتاۋدى مۇرات ەتىپ، حاۋىپ - قاتەردەن تايسالماي، ىنتىماقتاسا سەلبەسىپ، دۇنيە جۇزىنە قۇدىرەتتى جۇڭگو رۋحىن، جۇڭگو كۇشىن ايگىلەدى. نيە حايشىڭ جولداس عارىشكەرلى ۇشۋ مىندەتىن 3 رەت اتقارىپ، 2 رەت كوماندير مىندەتىن اتقارىپ، وربيتادا 100 كۇن تۇرعان تۇڭعىش جۇڭگولىق عارىشكەرگە اينالدى. ليۋ بوميڭ جولداس 10 نەشە جىلدى ءبىر كۇندەي وتكىزىپ، ۇدەرە العا تارتىپ، 2 رەت ۇشۋ ارمانىن جۇزەگە اسىردى، وسى رەتكى مىندەتتە 2 رەت كابينادان شىعۋ قيمىلىن وتكىزدى. تاڭ حۇڭبو جولداس تىڭعىلىقتى جاتتىعۋ جاساپ، جاپالى شىڭدالىپ، 2 - توپتاعى عارىشكەرلەردىڭ اراسىندا تۇڭعىش رەت كابينادان شىعۋ قيمىلىن وتكىزدى. ولاردىڭ ەلىمىزدىڭ عارىشكەرلى ۇشۋ ىستەرىنە قوسقان ەرەن ەڭبەگىن ماداقتاۋ ءۇشىن، ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى نيە حايشىڭعا «1 - دارەجەلى عارىش ەڭبەك وردەنىن» تاراتۋدى، ليۋ بوميڭگە «2 - دارەجەلى عارىش ەڭبەك وردەنىن» تاراتۋدى، تاڭ حۇڭبوعا «قاھارمان عارىشكەر» داڭقتى اتاعىن بەرۋدى ءارى «3 - دارەجەلى عارىش ەڭبەك وردەنىن» تاراتۋدى ۇيعاردى.
نيە حايشىڭ، ليۋ بوميڭ، تاڭ حۇڭبو جولداستار − اۋەلگى ماقساتتى ۇمىتپاي، بورىشتى ەستە بەرىك ساقتاپ، وسكەلەڭ ىسكە ءوزىن ارناعان ءداۋىر اتويشىلارى، عارىشتى بارلاپ، الەم اياسى ارمانىن ىسكە اسىرىپ، عارىش ىستەرىندەگى قۇدىرەتتى ەل قۇرۋدىڭ وزات ۇلگىلەرى. پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ولاردى ۇلگى ەتىپ، ولاردىڭ پارتيانى ءسۇيۋ، وتان ءۇمىتىن اقتاۋ، بورىشقا ادال بولۋ بەرىك سەنىمىنەن، اۋىر مىندەتتى باتىلدىقپەن ارقالاۋ، بيىك شىڭعا ەرلىكپەن شىعۋ سىندى توڭكەرىستىك رۋحىنان، العان بەتىنەن قايتپايتىن، ۇزدىك بولۋعا تالپىناتىن وسكەلەڭ قاسيەتىنەن، قاتاڭ دا ەگجەي - تەگجەيلى، كەمەلدى ناقتى ستيلىنەن ۇيرەنىپ، باتىلدىقپەن ىزدەنىس جاساپ، باتىلدىقپەن جەڭىسكە جەتىپ، سەنىمدى بەكەمدەپ، ءوزىن الۋەتتەندىرىپ، دۇرىس جولدان جازباي، جاڭالىق اشىپ، پارتيا مەن مەملەكەت ىستەرىنىڭ دامۋىنا اناعۇرلىم كوپ اقىل - پاراسات، اناعۇرلىم زور كۇش - قۋات قوسۋعا ۇندەيدى.
شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ ، «ەكى بومبى، ءبىر جاساندى سەرىك» رۋحى مەن عارىشقا ادام الىپ ۇشۋ رۋحىن بارىنشا ساۋلەلەندىرىپ، قايراتتانا ۇمتىلىپ، قىزمەتتى تىڭعىلىقتى ىستەپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزەيىك!
شينحۋا اگەنتتىگى، 11 - ايدىڭ 23 - كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
