لي جانشۋ جۇڭگو - رەسەي پارلامەنتى سەلبەستىك كوميتەتىنىڭ 7 - رەتكى ءماجىلىسىنىڭ اشىلۋ سالتىنا قاتىناستى ءارى ءسوز سويلەدى
2021.11.24 16:30 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 23 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 11 - ايدىڭ 23 - كۇنى بەيجيڭدەگى حالىق سارايىندا جۇڭگو – رەسەي پارلامەنتى سەلبەستىك كوميتەتىنىڭ 7 – رەتكى ءماجىلىسىنىڭ بەينە – ەكران ءماجىلىسىنىڭ اشىلۋ سالتىنا قاتىناستى ءارى ءسوز سويلەدى.
لي جانشۋ بىلاي دەدى: بيىل − «جۇڭگو - رەسەي تاتۋ كورشى دوستىق سەلبەستىك شارتىنا» قول قويىلعانىنىڭ 20 جىلدىعى. ءتوراعا شي جينپيڭ مەن پۋتين زۇڭتۇڭنىڭ ستراتەگيالىق جەتەكشىلىگىندە، جۇڭگو - رەسەي قاتىناسى ءۇرتىس جوعارى دەڭگەيدە دامىپ، ءار سالاداعى سەلبەستىكتە سۇبەلى تابىستارعا قول جەتكىزىلدى، بۇل جۇڭگو مەن رەسەيدىڭ ءبىر - ءبىرىن باتىل قولداۋ جانە «ارقا سۇيەۋ» ستراتەگيالىق سەلبەستىگىنىڭ كەڭدىگى مەن تەرەڭدىگىن ايگىلەپ، ەكى جاقتىڭ ب م ۇ حاۋىپسىزدىك القالار كەڭەسىنىڭ تۇراقتى القا ەلى رەتىندەگى جاۋاپكەرلىگى مەن بورىشىن ايگىلەدى.
لي جانشۋ بىلاي دەدى: بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى. جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسى جۋىردا تابىسپەن اشىلىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جاپپاي قورىتىندىلاندى. ج ك پ ورتالىق كوميتەتى جاڭا جۇڭگو قۇرىلعاننان بەرگى تۇڭعىش رەتكى حالىق قۇرىلتايى قىزمەت ءماجىلىسىن اشتى. جۇڭگو جاق بىلاي دەپ قارايدى: دەموكراتيا قايسى ەلدىڭ پاتەنتى ەمەس، بۇكىل ادامزاتتىڭ ورتاق قۇنى، دەموكراتيا اشەكەي بۇيىم ەمەس، دەموكراتيانى جۇزەگە اسىرۋدىڭ الۋان ءتۇرلى ءتاسىلى بار، دۇنيە ءجۇزىنىڭ باي مازمۇندى ساياسي ءتۇزىمىن جالاڭ ولشەم ارقىلى ولشەپ، ادامزاتتىڭ الۋان ءتۇرلى ساياسي وركەنيەتىنە ءبىر سارىندى تۇرعىدان كوز جىبەرۋدىڭ ءوزى دەموكراتيا سانالمايدى. جۇڭگو كوممۋنيستىك پارتياسى مەن جۇڭگو حالقى ءوزى تاڭداعان ساياسي ءتۇزىم مەن دامۋ جولىنا تولىق سەنىم ارتىپ، ۇزدىكسىز كۇرەس جۇرگىزىپ، جۇڭحۋا حالىق رەسپۋبليكاسى قۇرىلعانىنىڭ 100 جىلدىعى كەزىندە جۇڭگونى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋعا قۇلشىنادى.
لي جانشۋ بىلاي دەپ اتاپ كورسەتتى: جۇڭگو مەن رەسەيدىڭ زاڭ شىعارۋ قۇرىلىمدارى ەكى ەل باسشىلارىنىڭ ماڭىزدى ورتاق تانىمىن ءتۇبىرلى تياناق ەتىپ، ەكى ەلدىڭ ساياسي جاقتاعى ءوزارا سەنىمدىلىگىن ارتتىرۋدا، ناقتى سەلبەستىكتى جەبەۋدە، حالىقتار دوستىعىن جالعاستىرۋدا ەرەكشە رول اتقاردى. جاڭا جاعدايدا جۇڭگو مەن رەسەيدىڭ زاڭ شىعارۋ قۇرىلىمدارى سەلبەستىكتى اناعۇرلىم كۇشەيتىپ، ەكى ەل قاتىناسىنىڭ دامۋىنا ۇلەس قوسۋى قاجەت. ءبىرىنشى، نازاردى ەكى ەلدىڭ ساياسي حاۋىپسىزدىگىن قورعاۋعا ۇزدىكسىز شوعىرلاندىرۋ كەرەك. باعىتتامالى زاڭ شىعارۋ ارقىلى ەكى جاقتىڭ ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءوزارا باتىل قولداۋىن ايگىلەپ، ەكى ەلدىڭ يەلىك ۇقىعىن، حاۋىپسىزدىگىن جانە دامۋ مۇددەسىن ويداعىداي قورعاۋ كەرەك. ەكىنشى، ەكى ەلدىڭ سەلبەستىگىن كۇشەيتۋدى زاڭدىق كەپىلمەن قامداۋ كەرەك. «ءبىر بەلدەۋ، ءبىر جول» قۇرىلىسىن ەۆروپا - ازيا ەكونوميكالىق وداعىمەن ۇشتاستىرۋ سەلبەستىگىن ىلگەرىلەتۋگە اناعۇرلىم كەمەلدى زاڭدىق تىرەك ازىرلەۋ كەرەك. ءۇشىنشى، جاڭا تيپتى ايدارشا ۆيرۋس وكپە قابىنۋ ىندەتىنە سوققى بەرۋگە دەم بەرۋ كەرەك. ىندەتتەن ساقتانۋ - تىزگىندەۋ، الەۋمەتتىك دەنساۋلىق ساقتاۋ سياقتى سالالارداعى زاڭ شىعارۋ اۋىس - كۇيىسىن كۇشەيتىپ، ۆيرۋستىڭ تەگىن انىقتاۋدى ساياسيلاندىرۋعا قارسى تۇرىپ، حالىقارالىق قوعامنىڭ ىندەتكە بىرگە قارسى تۇرۋىنا دەم بەرۋ كەرەك. ءتورتىنشى، حالىقارالىق كوپ جاقتى جۇلگەدەگى سەلبەستىكتى كۇشەيتۋ كەرەك. «جاڭا قىرعي قاباقتىق سوعىس» جۇرگىزۋگە، زورەكەرلىككە، باسقا ەلدەردىڭ ىشكى ىسىنە كيلىگۋگە قارسى تۇرىپ، ناعىز كوپ جاقتىلىقتى امالياتتا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى شىن يۋەيۋە ماجىلىسكە قاتىناستى.
رەسەي فەدەراتسيالىق كوميتەتىنىڭ ءتوراعاسى ماتۆيەنكو مەن مەملەكەتتىك دۋماسى ءتوراعاسىنىڭ ءبىرىنشى ورىنباسارى مەلينيكوۆ ماجىلىسكە قاتىناستى ءارى ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
