ساياسي كەڭەس تۇراقتى كوميتەتىنىڭ 19 - رەتكى ءماجىلىسى ماجىلىستە سوزگە شىعۋ بارىسىن وتكىزدى
ۋاڭ ياڭ قاتىناستى
2021.11.24 16:32 كەلۋ قاينارى : حالىق تورابى
«حالىق گازەتى»، 11 - ايدىڭ 23 - كۇنى، بەيجيڭ (ءتىلشى ي شۋران). ساياسي كەڭەس مەملەكەتتىك 13 – كەزەكتى كوميتەتى تۇراقتى كوميتەتىنىڭ 19 – ءماجىلىسى 11 - ايدىڭ 23 - كۇنى تۇستەن كەيىن ماجىلىستە سوزگە شىعۋ بارىسىن وتكىزدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ قاتىناستى.
ياڭ باۋجيان، ۋاڭ گۋاڭچيان، ۋ شياۋچيڭ، جاڭ يۇيدۇڭ، جياۋ حۇڭ، جياڭ زوجۇن، لاي ميڭ، جىڭ جيانمين، يە چيڭ، يە شياۋگاڭ، ۋ چاڭدى، يۇي گوچۇن قاتارلى 12 تۇراقتى مۇشە دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە قاتىستى سالالار اتىنان ماجىلىستە سوزگە شىقتى.
كوپشىلىك سوزدەرىندە ءبىر اۋىزدان ج ك پ 19 - كەزەكتى ورتالىق كوميتەتىنىڭ التىنشى جالپى ماجىلىسىندە قاراپ ماقۇلدانعان «ج ك پ ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى جەتىستىكتەرى مەن تاريحي تاجىريبەلەرى جونىندەگى قارارىن» بۇكىلدەي قۇپتاپ، باتىل قولدايتىندارىن ءبىلدىرىپ، بىلاي دەپ قارادى: «قارار» شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ تاريحي زاڭدىلىقتى يگەرۋ، دامۋ اۋقىمىنا سايكەسۋ سىندى تاريحي ىرىقتىلىعىن تولىق ايگىلەدى، ءسوز جوق، بۇكىل پارتيانىڭ يدەيانى، ەرىك - جىگەردى، ارەكەتتى ونان ارى بىرلىككە كەلتىرۋىن پارمەندى ىلگەرىلەتىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، تاريحتى اينا ەتىپ، بولاشاققا جول اشىپ، قاجىرلىلىقپەن ىستەپ، ەرلىكپەن ىلگەرىلەيمىز. «قاراردا» «شي جينپيڭ جولداستىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى بولۋ ورنىن تۇراقتاندىرۋدىڭ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرۋدىڭ» ماڭىزدى ءمانى ىشكەرىلەي پايىمدالىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگى بەينەلەنگەن، «ەكىنى قورعاۋدى» ورىنداۋ يدەيالىق سانالىلىعىن، ارەكەت سانالىلىعىن ونان ارى كۇشەيتۋ كەرەك. «قاراردا» «وندا تاباندى بولۋ» ارقىلى جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ، عاسىرلىق كۇرەس جۇرگىزۋدەگى تاريحي تاجىريبەلەرى تەرەڭ قورىتىندىلاعان، ءسوز جوق، بارىنشا قاستەرلەپ، وندا ۇزاق ۋاقىت تاباندى بولامىز، سونداي - اق جاڭا ءداۋىر امالياتىندا ۇزدىكسىز بايىتامىز جانە دامىتامىز.
كوپشىلىك بىلاي دەستى: ج ك پ 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەستىڭ تاڭداۋلى ءداستۇرىن ساۋلەلەندىرىپ، جۇڭگو كوممۋنيستىك پارتياسىنىڭ 100 جىلدىق شۇعىلالى تاريحىنان سەلبەستىكتىڭ اۋەلگى ماقساتىن ۇمىتپاي، ۇزدىكسىز قول ۇستاسا العا باساتىن ەكپىندەي ىلگەرىلەيتىن كۇش قابىلداپ، جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزم جونىندەگى ساياسي تانىمدى، يدەيالىق تانىمدى، نازاريالىق تانىمدى، سەزىمدىك تانىمدى ۇزدىكسىز كۇشەيتىپ، يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن ج ك پ ورتالىق كوميتەتىمەن وسكەلەڭ ءبىر اۋىزدىلىقتى ساقتايمىز. ارناۋلى كەڭەس قۇرىلىمى قۇرىلىسىن كۇشەيتىپ، جالپى بارىستىق حالىق دەموكراتياسىن امالياتتا ايگىلەپ، ۇكىمەت ىسىنە اقىل - كەڭەس بەرۋ جانە ورتاق تانىم ۇيىستىرۋ سىندى قوس باعىتتا كۇش سالۋدىڭ ساپا دەڭگەيىن جوعارىلاتىپ، سوتسياليستىك كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ىلگەرىلەتۋگە، جاپپاي سوتسياليستىك وسىزاماندانعان مەملەكەت قۇرۋعا اقىل - پاراسات جانە كۇش - قۋات ارنايمىز.
كوپشىلىك بىلاي دەپ قارادى: ەڭ كەڭ كولەمدى بىرلىكساپ قۇرۋ − جۇڭگو كوممۋنيستىك پارتياسىنىڭ جاۋدى جەڭىپ، جەڭىسكە جەتۋىندەگى ماڭىزدى اسىلى ءارى جۇڭگو كوممۋنيستىك پارتياسىنىڭ بيلىك جۇرگىزىپ، مەملەكەتتى گۇلدەندىرۋدەگى ماڭىزدى اسىلى. حالىق ساياسي كەڭەسى بىرلىكساپتىڭ ۇيىمدىق فۋنكتسياسىن ساۋلەلەندىرىپ، ۇلى ىنتىماق پەن ۇلى بىرلەستىكتە تاباندى بولىپ، بىردەيلىك پەن الۋان تۇرلىلىكتىڭ بىرلىگىندە تاباندى بولىپ، بىرلىكساپ قىزمەتىن ورىستەتۋدىڭ جاۋاپكەرلىگىن، بورىشىن كۇشەيتىپ، پارتيالار قاتىناسىنىڭ، ۇلتتار قاتىناسىنىڭ، ءدىن قاتىناسىنىڭ، جىكتەر قاتىناسىنىڭ، ەل ءىشى - سىرتىنداعى باۋىرلاستار قاتىناسىنىڭ جاراسىمدىلىعىن جەبەۋ قىزمەتىن تەرەڭدەتىپ، ۇلتتىڭ گۇلدەنۋى سىندى ۇلى ىسكە بىرگە ات سالىساتىن قۇدىرەتتى كۇش توپتايمىز.
مەملەكەتتىك ساياسي كەڭەس ءتوراعاسىنىڭ ورىنباسارى گاۋ يۇنلۇڭ باسقاردى. جاڭ چيڭلي، ليۋ چيباۋ، حى حوۋحۋا، لۋ جانگۇڭ، ۋاڭ جىڭۋەي، ما بياۋ، چىن شياۋگۋاڭ، لياڭ جىنيىڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
