شي جينپيڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 22 - رەتكى ءماجىلىسىن باسقارىپ اشقاندا مىنانى دارىپتەدى
عىلىم - تەحنيكا ءتۇزىلىسى رەفورماسىنان قامال الۋدى جەدەلدەتۋ، بۇكىل ەل بويىنشا ءبىر تۇتاس ەلەكتر بازارى جۇيەسىن قۇرۋ، باستاۋىش، ورتا مەكتەپتەردە پارتيا ۇيىمدارى باسشىلىعىنداعى مەكتەپ باستىعى جاۋاپتى بولۋ ءتۇزىمىن ورناتۋ كەرەك
لي كىچياڭ، ۋاڭ حۋنيڭ، حان جىڭ ماجىلىسكە قاتىناستى
2021.11.25 15:25 كەلۋ قاينارى : حالىق تورابى
■ عىلىم - تەحنيكا ءتۇزىلىسى رەفورماسىنان قامال الۋداعى ماقسات − ءتۇزىلىس، مەحانيزم جاقتارىنان عىلىم - تەحنيكادا جاڭالىق اشۋ جانە شۇعىل جاعدايعا توتەپ بەرۋ، وزگەرىسكە توتەپ بەرۋ قابىلەتىن كۇشەيتىپ، نىسانانى، ماسەلەنى نىشان ەتۋدى كورنەكتىلەندىرىپ، ماڭىزدى ءتۇيىندى يگەرىپ، ولقىلىقتاردى تولىقتاپ، ءالسىز تۇرلەردى كۇشەيتىپ، نىسانانى كوزدەپ، دالمە - ءدال كۇش سالىپ، ەرتەرەك ونىمدىلىككە قول جەتكىزىپ، عىلىم - تەحنيكادا ءوز كۇشىنە سۇيەنىپ الۋەتتەنۋدى قامتاماسىز ەتۋدىڭ جوعارى دەڭگەيدەگى ءتۇزىم جۇيەسىن جەدەل ورناتىپ، عىلىم - تەحنيكادا جاڭالىق اشۋدىڭ جۇيەلىلەنۋ قۋاتىن جوعارىلاتۋ. ەلەكتر بازارىنىڭ اينالىم زاڭدىلىعى مەن بازار شارۋاشىلىعىنىڭ زاڭدىلىعىنا بويسۇنىپ، ەلەكتر بازارىنىڭ جالپى تۇلعالىق جوباسىن ساپالىلاندىرىپ، ەلەكتر بايلىعىنىڭ بۇكىل ەل بويىنشا اناعۇرلىم كەڭ كولەمدە ورتاق پايدالانىلۋىن، ءوزارا اۋىسىپ وتىرۋىن جانە ساپالى ورنالاستىرىلۋىن جۇزەگە اسىرىپ، ءبىر تۇتاس اشىق ۇستالاتىن، باسەكەسى ءتارتىپتى، حاۋىپسىز، جوعارى ءونىمدى، جونگە سالۋى كەمەلدى ەلەكتر بازارى جۇيەسىن جەدەل قالىپتاستىرۋ كەرەك. پارتيانىڭ وقۋ - اعارتۋ قىزمەتىنە جاپپاي باسشىلىعىن كۇشەيتۋ − وقۋ - اعارتۋدى ويداعىداي باسقارۋدىڭ ءتۇبىرلى كەپىلى، باستاۋىش، ورتا مەكتەپتەردە پارتيا ۇيىمدارى باسشىلىعىنداعى مەكتەپ باستىعى جاۋاپتى بولۋ ءتۇزىمىن ورناتىپ، ساياسي ولشەم مەن ساياسي تالاپتى مەكتەپ باسقارۋدىڭ، مەكتەپتى جونگە سالۋدىڭ، ءبىلىم بەرىپ، ادام تاربيەلەۋدىڭ جالپى بارىسىنا، بارلىق جاعىنا ءسىڭىرىپ، پارتيا ءۇشىن ادام تاربيەلەۋدە، مەملەكەت ءۇشىن دارىندى تاربيەلەۋدە تاباندى بولىپ، پارتيانىڭ وقۋ - اعارتۋ باعىتى مەن پارتيا ورتالىق كوميتەتىنىڭ شەشىم، ورنالاستىرۋلارىنىڭ باستاۋىش، ورتا مەكتەپتەردە دايەكتى تياناقتانۋىنا كەپىلدىك ەتۋ كەرەك. مادەني مۇرالاردى قورعاۋ - پايدالانۋدى جانە مادەني مۇرالاردى قورعاۋ - مۇراگەرلىك ەتۋدى كۇشەيتىپ، مادەني مۇرالاردى زەرتتەۋ، ءتۇسىندىرۋ جانە تاراتۋ ورەسىن جوعارىلاتىپ، مادەني مۇرالاردى شىن مانىندە جانداندىرىپ، سوتسياليستىك رۋحاني وركەنيەت قۇرىلىسىن كۇشەيتۋدىڭ قۇنارلى قورەكتىگىنە، جۇڭحۋا مادەنيەتىنىڭ حالىقارالىق ىقپالىن كەڭەيتۋدىڭ ماڭىزدى تانىسقىسىنا اينالدىرۋ كەرەك. جۇڭگۋانسۇن مەملەكەتتىك دەربەس جاڭالىق اشۋدان ۇلگى كورسەتۋ رايونىنىڭ عىلىم - تەحنيكا بايلىعى مەن تۇزىمدە جاڭالىق اشۋ ابزالدىعىن اناعۇرلىم ويداعىداي ساۋلەلەندىرۋىنە قولداۋ كورسەتىپ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ الۋەتتەنۋ، الدا ءجۇرىپ، الدىمەن سىناق ەتۋ رەفورماسىن ورىستەتۋ كەرەك
شينحۋا اگەنتتىگى، 11 - ايدىڭ 24 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىقتىڭ رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 11 - ايدىڭ 24 - كۇنى تۇستەن كەيىن ورتالىقتىڭ رەفورمانى جاپپاي تەرەڭدەتۋ كوميتەتىنىڭ 22 - رەتكى ءماجىلىسىن باسقارىپ اشتى، ءماجىلىس «عىلىم - تەحنيكا ءتۇزىلىسى رەفورماسىنىڭ 3 جىلدىق قامال الۋ جوباسىن (2021 − 2023 – جىلدار)»، «بۇكىل ەل بويىنشا ءبىر تۇتاس ەلەكتر بازارى جۇيەسىن جەدەل قۇرۋ جونىندەگى جەتەكشى پىكىردى»، «باستاۋىش، ورتا مەكتەپتەردە پارتيا ۇيىمدارى باسشىلىعىنداعى مەكتەپ باستىعى جاۋاپتى بولۋ ءتۇزىمىن ورناتۋ جونىندەگى پىكىردى (سىناق رەتىندە اتقارىلادى)»، «مادەني مۇرالاردى جانداندىرۋ، جۇڭحۋا مادەنيەتىنىڭ حالىقارالىق ىقپالىن كەڭەيتۋ جونىندەگى اتقارۋ پىكىرىن»، «جۇڭگۋانسۇن مەملەكەتتىك دەربەس جاڭالىق اشۋدان ۇلگى كورسەتۋ رايونىنىڭ جوعارى دەڭگەيلى عىلىم - تەحنيكادا ءوز كۇشىنە سۇيەنىپ الۋەتتەنۋ، الدا ءجۇرىپ، الدىمەن سىناق ەتۋ رەفورماسىن ورىستەتۋىن قولداۋ جونىندەگى شارالاردى» قاراپ ماقۇلدادى.
شي جينپيڭ ءماجىلىستى باسقارعاندا مىنالاردى دارىپتەدى: عىلىم - تەحنيكا ءتۇزىلىسى رەفورماسىنان قامال الۋداعى ماقسات − ءتۇزىلىس، مەحانيزم جاقتارىنان عىلىم - تەحنيكادا جاڭالىق اشۋ جانە شۇعىل جاعدايعا توتەپ بەرۋ، وزگەرىسكە توتەپ بەرۋ قابىلەتىن كۇشەيتىپ، نىسانانى، ماسەلەنى نىشان ەتۋدى كورنەكتىلەندىرىپ، ماڭىزدى ءتۇيىندى يگەرىپ، ولقىلىقتاردى تولىقتاپ، ءالسىز تۇرلەردى كۇشەيتىپ، نىسانانى كوزدەپ، دالمە - ءدال كۇش سالىپ، ەرتەرەك ونىمدىلىككە قول جەتكىزىپ، عىلىم - تەحنيكادا ءوز كۇشىنە سۇيەنىپ الۋەتتەنۋدى قامتاماسىز ەتۋدىڭ جوعارى دەڭگەيدەگى ءتۇزىم جۇيەسىن جەدەل ورناتىپ، عىلىم - تەحنيكادا جاڭالىق اشۋدىڭ جۇيەلىلەنۋ قۋاتىن جوعارىلاتۋ. ەلەكتر بازارىنىڭ اينالىم زاڭدىلىعى مەن بازار شارۋاشىلىعىنىڭ زاڭدىلىعىنا بويسۇنىپ، ەلەكتر بازارىنىڭ جالپى تۇلعالىق جوباسىن ساپالىلاندىرىپ، ەلەكتر بايلىعىنىڭ بۇكىل ەل بويىنشا اناعۇرلىم كەڭ كولەمدە ورتاق پايدالانىلۋىن، ءوزارا اۋىسىپ وتىرۋىن جانە ساپالى ورنالاستىرىلۋىن جۇزەگە اسىرىپ، ءبىر تۇتاس اشىق ۇستالاتىن، باسەكەسى ءتارتىپتى، حاۋىپسىز، جوعارى ءونىمدى، جونگە سالۋى كەمەلدى ەلەكتر بازارى جۇيەسىن جەدەل قالىپتاستىرۋ كەرەك. پارتيانىڭ وقۋ - اعارتۋ قىزمەتىنە جاپپاي باسشىلىعىن كۇشەيتۋ − وقۋ - اعارتۋدى ويداعىداي باسقارۋدىڭ ءتۇبىرلى كەپىلى، باستاۋىش، ورتا مەكتەپتەردە پارتيا ۇيىمدارى باسشىلىعىنداعى مەكتەپ باستىعى جاۋاپتى بولۋ ءتۇزىمىن ورناتىپ، ساياسي ولشەم مەن ساياسي تالاپتى مەكتەپ باسقارۋدىڭ، مەكتەپتى جونگە سالۋدىڭ، ءبىلىم بەرىپ، ادام تاربيەلەۋدىڭ جالپى بارىسىنا، بارلىق جاعىنا ءسىڭىرىپ، پارتيا ءۇشىن ادام تاربيەلەۋدە، مەملەكەت ءۇشىن دارىندى تاربيەلەۋدە تاباندى بولىپ، پارتيانىڭ وقۋ - اعارتۋ باعىتى مەن پارتيا ورتالىق كوميتەتىنىڭ شەشىم، ورنالاستىرۋلارىنىڭ باستاۋىش، ورتا مەكتەپتەردە دايەكتى تياناقتانۋىنا كەپىلدىك ەتۋ كەرەك. مادەني مۇرالاردى قورعاۋ - پايدالانۋدى جانە مادەني مۇرالاردى قورعاۋ - مۇراگەرلىك ەتۋدى كۇشەيتىپ، مادەني مۇرالاردى زەرتتەۋ، ءتۇسىندىرۋ جانە تاراتۋ ورەسىن جوعارىلاتىپ، مادەني مۇرالاردى شىن مانىندە جانداندىرىپ، سوتسياليستىك رۋحاني وركەنيەت قۇرىلىسىن كۇشەيتۋدىڭ قۇنارلى قورەكتىگىنە، جۇڭحۋا مادەنيەتىنىڭ حالىقارالىق ىقپالىن كەڭەيتۋدىڭ ماڭىزدى تانىسقىسىنا اينالدىرۋ كەرەك. جۇڭگۋانسۇن مەملەكەتتىك دەربەس جاڭالىق اشۋدان ۇلگى كورسەتۋ رايونىنىڭ عىلىم - تەحنيكا بايلىعى مەن تۇزىمدە جاڭالىق اشۋ ابزالدىعىن اناعۇرلىم ويداعىداي ساۋلەلەندىرۋىنە قولداۋ كورسەتىپ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ الۋەتتەنۋ، الدا ءجۇرىپ، الدىمەن سىناق ەتۋ رەفورماسىن ورىستەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتى مەڭگەرۋشىسىنىڭ ورىنباسارلارى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.
ءماجىلىس مىنالاردى اتاپ كورسەتتى: پارتيانىڭ 18 - قۇرىلتايىنان بەرى پارتيا ورتالىق كوميتەتى عىلىم - تەحنيكا ءتۇزىلىسى رەفورماسىن جۇيەلى ورنالاستىرىپ جانە جالپى تۇلعالىق ىلگەرىلەتىپ، عىلىم - تەحنيكا سالاسىنداعى نەگىزدىك تۇزىمدەردى نەگىزىنەن ورناتىپ، كەيبىر ماڭىزدى سالالار مەن شەشۋشى بۋىندارداعى رەفورمادا ماندىك ىلگەرىلەۋشىلىككە قول جەتكىزىپ، كوپتەگەن قيىن ماسەلەنى شەشتى. الايدا جاڭا جاعداي، جاڭا تالاپتارمەن سالىستىرعاندا، ەلىمىزدىڭ عىلىم – تەحنيكا تۇزىلىسىندە ءالى دە كەيبىر كورنەكتى ولقىلىقتار ورىن تەۋىپ وتىر، ءىشىنارا قات - قابات تۇزىلىستىك، مەحانيزمدىك كەدەرگىلەر ءالى تۇبەگەيلى الاستالعان جوق.
ءماجىلىس مىنالاردى دارىپتەدى: مەملەكەتتىڭ ستراتەگيالىق عىلىم - تەحنيكالىق كۇشىن نىعايتىپ، پارتيا مەن مەملەكەتتىڭ كەلەلى عىلىم - تەحنيكادا جاڭالىق اشۋدىڭ باسشىسى، ۇيىمداستىرۋشىسى بولۋ رولىن ساۋلەلەندىرىپ، شەشۋشى، وزەكتى تەحنيكالاردان قامال الۋدىڭ جوعارى ءونىمدى ۇيىمدىق جۇيەسىن ورناتىپ، بورىش ارقىلى دەم بەرەتىن، مىندەت ارقىلى جەتەكشىلىك ەتەتىن مەملەكەتتىك تاجىريبەحانا جۇيەسىن ورناتىپ، نەگىزدىك پاندەردى زەرتتەۋ ورتالىعىن قۇرىپ، كەلەلى عىلىم - تەحنيكا نىساندارىن جوسپارعا الۋ جانە ۇيىمدىق باسقارۋ تاسىلىنە رەفورما جاساپ، جاڭالىق اشىپ، جۇيەلىلەنگەن باسەكە كۇشىن نىعايتۋ كەرەك. عىلىم - تەحنيكا كۇشتەرىنىڭ قۇرىلىمىن ساپالىلاندىرىپ، كاسىپورىنداردىڭ عىلىم - تەحنيكادا جاڭالىق اشۋداعى تۇلعالىق رولىن ساۋلەلەندىرىپ، عىلىم - تەحنيكانىڭ، كاسىپتىڭ، فينانستىڭ ۇتىمدى اينالىسىن قالىپتاستىرۋدى ىلگەرىلەتىپ، عىلىم - تەحنيكا جەتىستىكتەرىنىڭ كادەگە جاراۋىن، قولدانىلۋىن جەدەل ىلگەرىلەتۋ كەرەك. عىلىم - تەحنيكا دارىندىلارىن تاربيەلەۋ، پايدالانۋ، باعالاۋ، قىزمەت وتەۋ، قولداۋ، شابىتتاندىرۋ سياقتى ءتۇزىلىس، مەحانيزمدەردى كەمەلدەندىرىپ، مەملەكەتتىڭ ستراتەگيالىق دارىندىلار كۇشىن جەدەل قۇرىپ، مەملەكەتتىڭ بورىشىن وتەۋ بارىسىندا دارىندىلاردى جەتىلدىرىپ، تۇلعالاردىڭ ومىرشەڭدىك كۇشىن قاۋلاتۋ كەرەك. ۇكىمەتتىڭ عىلىم - تەحنيكالىق باسقارۋ فۋنكتسياسىندا بۇرىلىس جاساۋدى اناعۇرلىم باتىلدىقپەن جەدەلدەتىپ، ستراتەگيانى يگەرۋ، رەفورمانى يگەرۋ، جوبانى يگەرۋ، قىزمەت وتەۋدى يگەرۋ ورنىندا تاباندى بولىپ، جوبا، ساياسات ارقىلى جەتەكشىلىك ەتۋدى كۇشەيتىپ، كەلەلى عىلمي زەرتتەۋ نىساندارىنا باسشىلىق ەتۋدى جانە جەتەكشىلىك ەتۋدى كۇشەيتىپ، كاسىپورىندارعا اناعۇرلىم دالمە - ءدال جەتەكشىلىك ەتۋ جانە قىزمەت وتەۋ كەرەك. مىندەتتىڭ قاجەتى مەن قىزمەتتىڭ ءىس جۇزىندىك جاعدايىنا قاراي عىلمي زەرتتەۋ ورىندارى مەن عىلمي زەرتتەۋ قىزمەتكەرلەرىنە جەتكىلىكتى ۇقىق بەرىپ، جاۋاپكەرلىك ءتۇزىمىن ورناتىپ، «اسكەري بۇيرىق كۋالىگىن» ءتۇزىمىن ورناتىپ، جاۋاپكەرلىكتىڭ، باسقارۋدىڭ، باقىلاۋدىڭ بار بولۋىن جۇزەگە اسىرىپ، ۇقىق بەرە الماعانداردىڭ، جاۋاپكەرلىگىن تولىق اتقارماعانداردىڭ جاۋاپكەرلىگىن قۋزاپ، تومەنگە بەرىلگەن ۇقىق شەگىنىڭ ويداعىداي جالعانۋىنا، ويداعىداي پايدالانىلۋىنا كەپىلدىك ەتۋ كەرەك.
ءماجىلىس بىلاي دەپ اتاپ كورسەتتى: تاياۋ جىلداردان بەرى ەلىمىزدىڭ ەلەكتر بازارى قۇرىلىسى ورنىقتى، ءتارتىپتى ىلگەرىلەپ، بازارلانعان ساۋدا ەلەكتر مولشەرىنىڭ سالىستىرماسى زور دارەجەدە جوعارىلادى. كوپ ساتىلى، ءبىر تۇتاس ەلەكتر بازارى جۇيەسىن اقاۋسىزداندىرىپ، مەملەكەتتىڭ ەلەكتر بازارىن جەدەل قۇرىپ، بۇكىل ەلدىڭ، ولكەلەردىڭ (اۆتونوميالى رايون، توتە قاراستى قالا)، وڭىرلەردىڭ ءار جىكتەگى ەلەكتر بازارىنىڭ سايكەستى اينالىمعا سالىنۋىنا، توعىسپالى دامۋىنا جەتەكشىلىك ەتىپ، ءبىر تۇتاس ساۋدا ەرەجەسى مەن تەحنيكالىق ولشەمدى ارناعا ءتۇسىرىپ، كوپ نەگىزدى باسەكەلى ەلەكتر بازارى جاعدايىنىڭ قالىپتاسۋىن ىلگەرىلەتۋ كەرەك. كومىر، ەلەكتر باعاسىن بازارلاندىرىپ قالىپتاستىرۋ مەحانيزمىنە رەفورما جاساپ جانە ونى كەمەلدەندىرىپ، ەلەكتر باعاسىن جەتكىزۋ مەحانيزمىن كەمەلدەندىرىپ، ەلەكتر جاعىنداعى قامداۋ مەن قاجەتسىنۋدى ۇتىمدى تەڭگەرۋ كەرەك. ەلەكتردى ءبىر تۇتاس جوسپارلاۋ، ساياسات، زاڭ - ەرەجە، عىلمي باقىلاۋ - تەكسەرۋ سياقتى قىزمەتتەردى كۇشەيتىپ، نەگىزگى الەۋمەتتىك قىزمەت وتەۋمەن قامداۋدىڭ ەڭ تومەنگى شەگىن ويداعىداي ىستەپ، تۇرعىندار، اۋىل شارۋاشىلىعى، الەۋمەتتىك ىستەر سياقتى جاقتارداعى ەلەكتردەن پايدالانۋ باعاسىنىڭ سالىستىرمالى ورنىقتىلىعىنا كەپىلدىك ەتۋ كەرەك. ەنەرگيا قۇرىلىمىنىڭ تيبىن وزگەرتۋگە ۇيلەسەتىن ەلەكتر بازارى مەحانيزمى قۇرىلىسىن ىلگەرىلەتىپ، جاڭا ەنەرگيانىڭ بازار ساۋداسىنا قاتىناسۋىن تارتىپپەن ىلگەرىلەتىپ، ەلەكتر جوبالاۋ مەن ءونىمدى قارجى قوسۋعا عىلمي جەتەكشىلىك ەتىپ، ەنەرگيانىڭ تازا، تومەن كومىرتەكتى بولۋعا، تيپتى وزگەرتۋگە بۇرىلىس جاساۋداعى ەلەكتر بازارىنىڭ تىرەكتىك رولىن ساۋلەلەندىرۋ كەرەك.
ءماجىلىس مىنالاردى دارىپتەدى: پارتيانىڭ باستاۋىش، ورتا مەكتەپتەرگە جاپپاي باسشىلىعىندا تاباندى بولۋدا جانە ونى كۇشەيتۋدە سىناق ءتۇيىنى قىزمەتىن ىشكەرىلەي قورىتىندىلاۋ نەگىزىندە، باستاۋىش، ورتا مەكتەپ پارتيا ۇيىمدارىنىڭ باسشىلىق رولىن ساۋلەلەندىرەتىن ءتۇزىلىس، مەحانيزمدى اقاۋسىزداندىرىپ، پارتيا ۇيىمىنىڭ بەتالىستى يگەرۋ، جالپى جاعدايدى باسقارۋ، شەشىم جاساۋ، القانى يگەرۋ، قوسىنعا جەتەكشىلىك ەتۋ، تياناقتاندىرۋعا كەپىلدىك ەتۋ سىندى باسشىلىق مىندەتىن ويداعىداي اتقارۋىنا كەپىلدىك ەتۋ كەرەك. پارتيا قۇرىلىسى قىزمەتىن مەكتەپ باسقارۋدىڭ، مەكتەپتى جونگە سالۋدىڭ ماڭىزدى مىندەتى ەتىپ، نەگىزگى ساتى پارتيا ۇيىمدارىنىڭ رولىن ساۋلەلەندىرىپ، پارتيا مۇشەلەرى قوسىنى قۇرىلىسىن كۇشەيتىپ، نەگىزگى ساتى پارتيا ۇيىمدارىن مەكتەپتەردىڭ ءبىلىم بەرىپ، ادام تاربيەلەۋىنىڭ بەرىك جاۋىنگەرلىك قامالىنا اينالدىرۋ كەرەك. يدەيالىق - ساياسي قىزمەتتى مىقتاپ يگەرىپ، سوتسياليستىك وزەكتى قۇن كوزقاراسى تاربيەسىن ىشكەرىلەي ورىستەتىپ، وقۋشىلاردىڭ ءمورال تاربيەسى قىزمەتىن ويداعىداي يگەرىپ، توڭكەرىستىك ءداستۇردى ساۋلەلەندىرۋدى، قىزىل گەندى جالعاستىرۋدى مەكتەپ تاربيەسىنە تەرەڭ ءسىڭىرىپ، پارتيانى، وتاندى، حالىقتى، سوتسياليزمدى ءسۇيۋ سەزىمىن نىعايتىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن قۇلشىنا جەتىلدىرۋ كەرەك. تۇرگە ءبولىپ جەتەكشىلىك ەتۋدى، قادامعا ءبولىپ اتقارۋدى كۇشەيتىپ، تۇرلىشە تيپتەگى، تۇرلىشە كولەمدەگى مەكتەپتەرگە باعىتتاي وتىرىپ، يدەيالىق دايىندىقتى، ۇيىمدىق دايىندىقتى، قىزمەت دايىندىعىن ويداعىداي ىستەۋ العى شارتىندا، پىسىپ - جەتىلگەندەرىن شەتىنەن رەتتەپ، رەفورمانىڭ ناقتى تياناقتانۋىن ىلگەرىلەتۋ كەرەك.
ءماجىلىس بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى ەلىمىزدىڭ مادەني مۇرالار ىستەرى بارىنشا دامىپ، مادەني مۇرالاردى قورعاۋ، باسقارۋ جانە پايدالانۋ دەڭگەيى ۇزدىكسىز جوعارىلادى. مادەني مۇرالاردى قورعاۋدىڭ جالپى تۇلعالىق جوباسىن كۇشەيتىپ، قۇتقارۋ سيپاتتى قورعاۋ مەن ساقتانۋ سيپاتتى قورعاۋدى، ءوز تۇلعاسىن قورعاۋدى جانە اينالاسىن قورعاۋدى، جەكە ءتۇيىندى قورعاۋدى جانە شوعىرلى قورعاۋدى ءبىر تۇتاس جوسپارلاپ، مادەني مۇرالار بايلىعىنىڭ تاريحي شىنايىلىعىن، بەت - بەينەسىنىڭ كەمەلدىلىگىن، مادەنيەت جاعىنداعى ۇلاسپالىلىعىن قورعاپ، مادەني مۇرالار حاۋىپسىزدىگىنىڭ تومەنگى شەگىن بەكەمدەۋ كەرەك. جۇڭحۋانىڭ تاڭداۋلى ءداستۇرلى مادەنيەتىنىڭ رۋحاني بەلگىلەرىن دۇرىس سۇرىپتاپ جانە ايگىلەپ، مادەني مۇرالاردىڭ تاريحي قۇنىن، مادەنيەت قۇنىن، ەستەتيكالىق قۇنىن، عىلىم - تەحنيكالىق قۇنىن، داۋىرلىك قۇنىن اناعۇرلىم ويداعىداي ايگىلەۋ كەرەك. تاسىلدە جاڭالىق اشىپ، تۇعىر قۇرىلىسىن كۇشەيتىپ، دارىندىلار نەگىزىن بەكەمدەپ، ءتۇزىلىس، مەحانيزمدى كەمەلدەندىرىپ، كەلەلى نىسانداردى اتقارۋدى جەتەكشى ەتىپ، مادەني ەسكەرتكىشتەردىڭ عىلىم - تەحنيكادا جاڭالىق اشۋ قۋاتى مەن ءتۇرلى قىزمەتتەردى قامتاماسىز ەتۋ دەڭگەيىن جوعارىلاتۋ كەرەك. جاڭالىق اشۋعا قىزمەت وتەۋدى ورىستەتىپ، مادەني ەسكەرتكىشتەردىڭ تۇرمىسپەن اناعۇرلىم جاقسى توعىسۋىنا، حالىققا قىزمەت ەتۋىنە مۇمكىندىك جاساپ، مادەني ەسكەرتكىشتەر جاعىندا شەتەلدەرمەن اۋىس - كۇيىس جاساۋ تۇعىرىن بەلسەنە كەڭەيتىپ، جۇڭحۋا مادەنيەتىنىڭ حالىقارالىق تاراتۋ قابىلەتىن كوپ ارنامەن جوعارىلاتۋ كەرەك.
ءماجىلىس مىنالاردى اتاپ كورسەتتى: جۇڭگۋانسۇن مەملەكەتتىك دەربەس جاڭالىق اشۋدان ۇلگى كورسەتۋ رايونىنىڭ جوعارى دەڭگەيلى عىلىم - تەحنيكادا ءوز كۇشىنە سۇيەنىپ الۋەتتەنۋ، الدا ءجۇرىپ، الدىمەن سىناق ەتۋ رەفورماسىن ورىستەتۋىن قولداپ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ الۋەتتەنۋدەگى ەڭ كورنەكتى ولقىلىقتى تولىقتاپ، ەڭ كوكەي تەستى مىندەتتى جۇزەگە اسىرۋدى كوزدەپ، جاڭالىق اشۋ تۇلعالارىن كۇشەيتۋ، جاڭالىق اشۋ فاكتورلارىن شوعىرلاندىرۋ، جاڭالىق اشۋ مەحانيزمىن ساپالىلاندىرۋ جاقتارىندا قامال الىپ، جاڭالىق اشۋدى كوزدەپ، دۇنيە ءجۇزى بويىنشا وزىق عىلىم - تەحنيكا باقشا رايونى مەن جاڭالىق اشۋ بەلەسىن جەدەل قالىپتاستىرۋ كەرەك. رەفورمادا اناعۇرلىم كوپ ناقتى شارا قولدانىپ، سىناق تۇيىندەرىندە قامال الۋ جانە قىسىمدى ولشەۋ رولىن اتقارىپ، قيىن ماسەلەلەردى شەشۋدىڭ رەال جولىن بەلسەنە قاراستىرىپ، حاۋىپ - قاتەردەن ساقتانۋ - تىزگىندەۋ تاجىريبەلەرىن توپتاۋعا نازار اۋدارۋ كەرەك.
ورتالىقتىڭ رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
