گۋاڭجوۋ ساقشى جاعى ايگىلى ماركالارعا ەلىكتەپ جاسالعان جالعان تەمەكىلەردەن ءبىر ميلليون 380 مىڭ تالىن انىقتاپ قولعا ءتۇسىردى

دەلوعا قاتىستى سوما 10 ميلليون يۋاننان اسقان

2021.11.25 16:25   كەلۋ قاينارى : حالىق تورابى

　　گۋاڭجوۋ حۋادۋ ساقشى جاعى جالعان تەمەكى وندىرەتىن جانە ساقتايتىن اپاندى تالقاندادى. (گۋاڭجوۋ ساقشى جاعى بەرگەن سۋرەت)

　　جۇڭگو اقپارات تورابىنىڭ11 – ايدىڭ 24 – كۇنى گۋاڭجوۋدان بەرگەن حابارى (فاڭ ۋەيبين، چىن يان، چىن يۇييىڭ) گۋاڭجوۋ قالالىق قوعام حاۋىپسىزدىگى مەكەمەسى 11 – ايدىڭ 24 – كۇنى حابارلاندىرۋ شىعاردى، «داۋىل 2021» اتىنداعى ازىق – تۇلىك، ءدارى – دارمەككە، ورتاعا ساياتىن ارناۋلى ارەكەتتى ىشكەرىلەي ورىستەتىپ، جالعان تەمەكى جاساۋ، ساتۋ سىندى زاڭعا قايشى قىلمىستىق ارەكەتتەرگە ءونىمدى سوققى بەرۋ ءۇشىن، گۋاڭجوۋ حۋادۋ ساقشى جاعى جۋىردا جالعان تەمەكى وندىرەتىن، ساتاتىن ەرەكشە ءىرى توپتى تالقانداپ، دەلوعا قاتىستى 12 ادامدى ۇستاپ، ايگىلى ماركالارعا ەلىكتەپ جاسالعان جالعان تەمەكىلەر مەن ونى جاسايتىن قۇرالداردان ءبىر توبىن انىقتاپ قولعا تۇسىرگەن، بۇل دەلوعا قاتىستى قاراجات سوماسى 10 ميلليون يۋاننان اسقان.

　　10 – ايدىڭ سوڭعى شەنىندە، حۋادۋ ساقشى جاعى مالىمدەۋدى تاپسىرىپ العان، مالىمدەۋشى شينحۋا كوشەسىندەگى ءمالىم قىستاقتا بىرەۋلەردىڭ جالعان تەمەكى ءوندىرىپ جاتقانىن ايتقان. حۋادۋ رايونى قوعام حاۋىپسىزدىگى مەكەمەسى ازىق – تۇلىك، ءدارى - دارمەككە، ورتاعا قاتىستى بارلاۋ ۇلكەن اترەتى ياياۋ ساقشى بولىمشەسىندەگى الىمدى ساقشى كۇشتەرىمەن بىرگە ارناۋلى دەلو گرۋپپاسىن قۇرىپ، ءجىپ ۇشتارىنا ءبىر – بىرلەپ اداقتاۋ جۇرگىزىپ، ەڭ سوڭىندا بۇل توپتىڭ ءوندىرىس ورنى مەن ساقتاۋ ورنىن تۇراقتاندىرىپ، تەمەكى تالشىعىن ءوندىرۋ، تەمەكىنى مانەرلەۋ، ءونىمدى قوراپتاۋ، ساقتاۋ سىندى تۇتاس تىزبەك بويىنشا جالعان تەمەكى ءوندىرۋ، ساتۋعا ساياتىن قىلمىستىق توپتى ىشكەرىلەي انىقتاپ شىققان.

　　11 – ايدىڭ 12 – كۇنى تۇستەن كەيىن، حۋادۋ رايوندىق قوعام حاۋىپسىزدىگى بولىمشەسى رايوندىق تەمەكىنى ارناۋلى ساتۋ مەكەمەسىمەن بىرگە ءبىرتۇتاس تور جيناۋ ارەكەتىن ورىستەتكەن. حالىق ساقشىلارى جەكە – جەكە شينحۋا كوشەسىندەگى ءمالىم قىستاقتاعى ءمالىم جاتاقحانا جانە ءمالىم تۇرعىندار تۇراعىنىڭ اربىرەۋىنەن بىردەن جالعان تەمەكى وندىرەتىن جانە ساقتايتىن اپاندى تالقانداپ، حۋاڭ X، فاڭ X، چىن X قاتارلى قىلمىس كۇماندىلارىنان 12 ادامدى تۇتقىنداعان، ايگىلى ماركالارعا ەلىكتەپ جاسالعان جالعان تەمەكىلەردىڭ 12 تۇرلىسىنەن ءبىر ميلليون 380 مىڭ داناسىن، ماركا قاعازىنان 300 كيلوگرامىن جانە قاراپايىم قوراپتاۋ ماشيناسىنان 27 ماشينانى انىقتاپ قولعا تۇسىرگەن، دەلوعا قاتىستى سوما 10 ميلليون يۋاننان اسقان.

　　دەلو بىتىرگەن حالىق ساقشىلارىنىڭ ايتۋىنشا، جالعان تەمەكى جاساۋ اپاندارىنىڭ ىشكى جاعىندا اۋانىڭ الماسۋى وتە ناشار بولىپ، تەمەكىنىڭ ءيىسى مۇرىندى جارادى؛ جاي اعاش تاقتالار مەن قاعاز جاشىكتەردەن قۇراستىرىلعان ۇستەلگە قوراپتالماعان تەمەكىلەر ۇيىلگەن، تەمەكى تالشىقتارى جەرگە شاشىلعان، تازالىق جاعدايى وتە ناشار، ورتتەن ساقتانۋ جاعىنداعى كومەسكى قاتەر وتە زور ەكەن.

　　دەلو بىتىرگەن حالىق ساقشىلارى دەلوعا قاتىستى زاتتاردى اداقتاعان كەزدە بىلاي دەپ تانىستىردى: «ولاردىڭ تيجارات كولەمى ءبىرشاما زور، قوراپتاۋ ماشيناسىنىڭ وزىنەن 27 ماشينا بار ەكەن، مەجەمەن كۇنىنە وندىرەتىن مولشەرى مەن بازارعا شىعاراتىن مولشەرى 5000 قوراپتان اسۋى مۇمكىن، مۇنىڭ بارلىعى جاسالىپ بولعان سوڭ قويماعا قويىلىپ، تەك تۇراقتى الارماندارعا عانا ساتىلادى ەكەن، الارماندار زات قابىلداۋ تۋرالى حابار بەرسە بولعانى، شاعىن اۆتوموبيلمەن جەتكىزىپ بەرەدى».

　　تەرگەۋ بارىسىندا، 12 قىلمىس كۇماندىسىنىڭ بارلىعى جالعان تەمەكى جاساۋ، ساتۋ ارەكەتىن جاسىرماي مويىندادى، حۋادۋ ساقشى جاعى ولاردى قىلمىستىق ىستەر بويىنشا قاماۋعا الدى، دەلو قازىر ىشكەرىلەي تەكسەرىلۋدە.

　　كەلۋ قاينارى: حالىق تورابى