جۇڭگونىڭ قازاقستاندا تۇراتىن باس ەلشىسى قازاقستانداعى شينجياڭدىق چياۋباۋلارعا پارتيا 19 – كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇگىتتەدى، تانىستىردى

2021.11.25 16:32   كەلۋ قاينارى : حالىق تورابى

　　سۋرەتتە: جۇڭگونىڭ قازاقستاندا تۇراتىن باس ەلشىسى جاڭ شياۋ قازاقستانداعى شينجياڭدىق چياۋباۋلارعا پارتيا 19 – كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇگىتتەپ، تانىستىرۋدا. جۇڭگونىڭ قازاقستاندا تۇراتىن باس ەلشىلىگى بەرگەن سۋرەت

　　حالىق تورابىنىڭ ءتىلشىسى جوۋ حانبو 11 – ايدىڭ 23 – كۇنى نۇر – سۇلتاننان حابارلايدى. جۋىردا شينجياڭ شەتەلدەرمەن دوستىق ورناتۋ بىرلەستىگى ۇيىمداستىرعان، جۇڭگونىڭ قازاقستانداعى باس ەلشىلىگى سايكەسىپ ۇيىمداستىرعان «قازاقستانداعى شينجياڭدىق چياۋباۋلارمەن، شينجياڭدىق وقۋشىلارمەن وتكىزىلگەن اڭگىمە ءماجىلىسى» ينتەرنەت ارقىلى وتكىزىلدى. جۇڭگونىڭ قازاقستاندا تۇراتىن باس ەلشىلىگىنىڭ پارتكوم شۋجيى، باس ەلشى جاڭ شياۋ قيمىلعا قاتىناسىپ، قازاقستانداعى حۋاچياۋ، حۋارىندارعا پارتيا 19 – كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ەگجەي – تەگجەيلى باياندادى.

　　جاڭ شياۋ مىنانى ءبىلدىردى: پارتيا قۇرىلعاندىعىنىڭ 100 جىلدىعىندا، پارتيا ورتالىق كوميتەتى التىنشى جالپى ءماجىلىستى اشىپ، پارتيانىڭ ءجۇز جىلدىق كۇرەسىنىڭ كەلەلى جەتىستىكتەرى مەن تاريحي تاجىريبەلەرىن جان – جاقتىلى قورىتىندىلادى، بۇل سالتاناتتى تاريحي، ستراتەگيالىق شەشىم، جۇڭگو كوممۋنيستىك پارتياسىنىڭ تاريح زاڭدىلىعىنا ءمان بەرەتىن، ونى پايدالانۋعا شەبەر وسكەلەڭ ساياسي سانالىلىعىن ايگىلەيدى، پارتيانىڭ اۋەلگى ماقسات پەن بورىشتى ەستە بەرىك ساقتاپ، بۇرىنعىعا مۇراگەر، كەيىنگىگە بۇيداگەر بولعان سەنىمى مەن ءتوزىمىن ايگىلەيدى. جالپى ءماجىلىستىڭ باستى جەتىستىگى — پارتيا تاريحىنداعى 3 – تاريحي قارادى قاراپ ماقۇلدادى، مۇندا جۇڭگو كوممۋنيستىك پارتياسىنىڭ ءجۇز جىلدان بەرى جۇڭگو حالقىنا باقىت جاراتۋ، جۇڭحۋا ۇلتىنىڭ ۇلى گۇلدەنۋىن ىسكە اسىرۋ بارىسىندا جۇرگىزگەن كۇرەستەرى، بەرگەن قۇرباندىقتارى جانە جاسامپازدىقتارى توعىستىرىلعان، جۇڭگو كوممۋنيستىك پارتياسىنىڭ بۇرىن نەلىكتەن ءساتتى بولا العانىن، بولاشاقتا قايتكەندە ۇزدىكسىز ءساتتى بولا الاتىنىن ىشكەرىلەي اشىپ كورسەتكەن.

　　جاڭ شياۋ قازاقستانداعى شينجياڭدىق چياۋباۋلاردىڭ جۇڭگو مەن قازاقستاننىڭ حالىق تىلەگىن توعىستىرۋ بارىسىندا اتقارعان بەلسەندى رولىن تولىق تۇراقتاندىرىپ، كوپشىلىكتىڭ جاڭا جۇڭگودا تۋىپ، قىزىل تۋ استىندا ەسەيىپ – ەرجەتكەنىن، پارتيا مەن مەملەكەتتىڭ ايالاۋى مەن تاربيەلەۋى بولماسا، كوپشىلىكتىڭ بۇگىنگىدەي باقىتتى تۇرمىسىنىڭ دا بولمايتىنىن باسا دارىپتەدى. قازاقستانداعى چياۋباۋلاردان تاريحي ورايدى مىقتى يگەرىپ، مەيلى، قاي جەردە جۇرسەدە، باستان – اياق وڭ ەنەرگيانى ساۋلەلەندىرىپ، جۇڭگو مەن قازاقستاننىڭ ءارقايسىنىڭ دامۋىن بۇلدىرمەك بولعان، جۇڭگو مەن قازاقستاننىڭ قارىم – قاتىناسىنىڭ دامۋىن بۇلدىرمەك بولعان جات نيەتتى كۇشتەرمەن باتىلدىقپەن كۇرەس جۇرگىزۋىن، ەكى ەلدىڭ ۇرپاقتان – ۇرپاققا جالعاسقان دوستىعىنىڭ كوپىرى، دانەكەرى بولۋ سىندى رولىن ويداعىداي ساۋلەلەندىرىپ، جۇڭگو مەن قازاقستاننىڭ قارىم – قاتىناسى ءۇشىن، شينجياڭنىڭ دامۋى ءۇشىن ۇزدىكسىز تىڭ ۇلەستەر قوسۋىن ءۇمىت ەتتى.

　　ماجىلىسكە قاتىناسقان چياۋباۋلار ۇگىتتەۋ – تانىستىرۋدى ەستىگەن سوڭ، ايرىقشا شابىتتاندى، بارلىعى دا جۇڭگو كوممۋنيستىك پارتياسىنىڭ ءجۇز جىلدىق ساپارىنا ءتانتى بولىپ، وتاننىڭ (مەكەننىڭ) ۇلى وزگەرىستەرىمەن ماقتانىپ، پارتيا مەن مەملەكەتتىڭ بولاشاعىنا تولىق سەنىم ءبىلدىردى.

　　شينجياڭ ۇيعۇر اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، ورىنباسار ءتوراعاسى نۇرىم سىمايىلحان، جۇڭگونىڭ الماتىدا تۇراتىن باس كونسۋلى جياڭ ۋەي جانە قازاقستانداعى شينجياڭداعى چياۋباۋلاردىڭ ۋاكىلدەرى بولىپ، 70 نەشە ادام وسى رەتكى قيمىلعا قاتىناستى.

　　كەلۋ قاينارى: حالىق تورابى