بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

− باس شۋجي شي جينپيڭنىڭ 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ماجىلىسىندە سويلەگەن ماڭىزدى ءسوزى رايونىمىزدا قىزۋ اڭىس قوزعادى

”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋگە شينجياڭنىڭ ۇلەسىن قوسامىز

□ انار بۇلت / شينجياڭ گازەتىنىڭ تىلشىلەرى

2021.11.25 17:28     كەلۋ قاينارى : شينجياڭ گازەتى

  11 - ايدىڭ 19 - كۇنى 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ءماجىلىسى بەيجيڭدە اشىلدى. باس شۋجي شي جينپيڭنىڭ اڭگىمە ماجىلىستە سويلەگەن ماڭىزدى ءسوزى رايونىمىزدا قوعامنىڭ ءار سالاسىندا قىزۋ اڭىس قوزعادى. كوپشىلىك مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جوعارى ولشەمدى، باياندى، حالىق تۇرمىسىنا ءتيىمدى بولۋدى نىسانا ەتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋگە شينجياڭنىڭ ۇلەسىن قوسامىز.

  ”باس شۋجي شي جينپيڭنىڭ ءسوزى بيىكتە تۇرىپ الىستى بولجاعان، جالپى جاعدايدى ءبىر تۇتاس مەڭگەرگەن، يدەياسى تەرەڭ، مازمۇنى باي، ’ءبىر بەلدەۋ، ءبىر جولدى‘ بىرگە قۇرۋدىڭ جوعارى ساپالى دامۋىن تاباندىلىقپەن ىلگەرىلەتۋگە ءتۇبىرلى بويسۇنۋ ولشەمىن ازىرلەپ، ’ءبىر بەلدەۋ، ءبىر جولدى‘ بىرگە قۇرۋدى ىلگەرىلەتىپ ءار ەل حالقىن اناعۇرلىم باقىتقا كەنەلتۋگە ايقىن العا باسۋ بەتالىسىن كورسەتتى“. اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى حى گوچيڭ باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ، شينجياڭنىڭ جىبەك جولى ەكونوميكالىق بەلدەۋى وزەكتى رايونى بولۋ ورنىن تياناق ەتىپ، ساۋدا، زات اينالىمى ورتالىعى قۇرىلىسىن ۇزدىكسىز ىلگەرىلەتەتىندىكتەرىن ءبىلدىردى.

  ”كەلەسى قادامدا ءبىز ’ءبىر بەلدەۋ، ءبىر جولعا‘ قاتىستى جوبا جۇيەسىن، اسىرەسە، ساۋدا، زات اينالىمى ورتالىعى قۇرىلىسىنا قاتىستى جوبا جۇيەسىن ۇزدىكسىز كەمەلدەندىرەمىز. وسى نەگىزدە، شەكارا اتتاعان ەلەكتروندى ساۋدانىڭ ساپاسى مەن ورەسىن كۇش سالا جەتىلدىرىپ جانە جوعارىلاتىپ، سىرتقا قارجى قوسۋ جانە شەتەل قارجىسىن باۋراۋ تەبىنىن ارتتىرىپ، شەكارا وتكەلىنەن ءوتۋ ونىمدىلىگىن جوعارىلاتىپ، زات اينالىمىنىڭ وزىندىك قۇنىن تومەندەتىپ، جۇڭگو (شينجياڭ) ەركىن ساۋدا سىناق رايونى جونىندەگى ءوتىنىشى جانە ونى قۇرۋدى ونان ارى ىلگەرىلەتىپ، ’ءبىر پورت‘، ’ەكى رايون‘، ’بەس ءىرى ورتالىق‘، ’شەكارا وتكەلى ەكونوميكالىق بەلدەۋىن‘ قۇرۋ، قۇرىلعىلاردى تۇتاستىرۋ دەڭگەيىن جوعارىلاتۋ، سىرتقى ساۋدانىڭ جاڭا كاسىپ كۇيىن جەتىلدىرۋ جاعىندا بەلسەندى ىلگەرىلەۋشىلىككە قول جەتكىزەمىز“، - دەدى حى گوچيڭ.

  ءۇرىمجى حالىقارالىق قۇرلىقتىق پورت رايونى − اۆتونوميالى رايوننىڭ جىبەك جولى ەكونوميكالىق بەلدەۋى وزەكتى رايونىن قۇرۋدا كۇش سالا تۇلعالاعان بەلگى سيپاتتى ينجەنەريا. قۇرلىقتىق پورت رايونىن دامىتۋعا قىزمەت وتەۋ ورتالىعىنىڭ ورىنباسار مەڭگەرۋشىسى جۇڭ حىحۋا بىلاي دەدى: باس شۋجي شي جينپيڭنىڭ ماڭىزدى ءسوزى ءبىزدى ايرىقشا جەلپىندىردى، ايرىقشا شابىتتاندىردى. كەلەسى قادامدا ءبىز ”زات توپتاۋ، باقشا قۇرۋ، كاسىپ سالاسىن شوعىرلاندىرۋ“ سىندى جالپى تۇلعالىق دامۋ وي جەلىسىن ارقاۋ ەتىپ، اۆتونوميالى رايوننىڭ جىبەك جولى ەكونوميكالىق بەلدەۋى وزەكتى رايون قۇرىلىسى جونىندەگى ءتۇرلى ورنالاستىرۋلارىن جەدەل تياناقتاندىرىپ، ”زات توپتاۋ“ ونىمدىلىگىن ۇزدىكسىز جوعارىلاتىپ، ”باقشا قۇرۋ“ اياق الىسىن ۇزدىكسىز جەدەلدەتىپ، ”كاسىپ سالاسىن شوعىرلاندىرۋ“ قابىلەتىن كۇش سالا كۇشەيتىپ، قۇرلىقتىق پورت رايونىنىڭ جوعارى ساپالى دامۋىن ۇزدىكسىز ىلگەرىلەتەمىز.

  قورعاس ەكونوميكالىق اشۋ رايونى ”ەكى رايوننىڭ“ ءبىرى رەتىندە، ەلىمىزدىڭ باتىسقا ەسىك اشۋداعى ماڭىزدى تەرەزەسى بولىپ تۇراقتاندى، ول وزەكتى رايون قۇرىلىسىنىڭ ماڭىزدى ءتۇيىنى. قورعاس ەكونوميكالىق اشۋ رايونى شەكارا وتكەلىن باسقارۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى گۇلباھار جانعازى مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى ءبىزدىڭ ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن تاباندىلىقپەن ىلگەرىلەتۋ سەنىمىمىزدى نىعايتتى. سوڭعى جىلدارى شينجياڭداعى ءار ۇلت كادرلارى مەن بۇقاراسى جوعارىدان تومەنگە دەيىن ءبىر نيەت، ءبىر تىلەكتە بولىپ، ”ءبىر پورت“، ”ەكى رايون“، ”بەس ءىرى ورتالىق“، ”شەكارا وتكەلى ەكونوميكالىق بەلدەۋى“ قۇرىلىسىندا ناقتى ناتيجەلەرگە قول جەتكىزدى. سوڭعى جىلدارى قورعاس مەملەكەت بەرگەن ءبىر قىدىرۋ ەرەكشە مەحانيزمدەر مەن ەرەكشە ساياساتتاردى مىقتى يگەرىپ، وزگەشە وڭىرلىك باسىمدىعىن ساۋلەلەندىرىپ، حالىقارالىق سەلبەستىكتە، سىرتقا باعىتتالعان ەكونوميكانى دامىتۋدا زور ىلگەرىلەۋشىلىككە قول جەتكىزدى. كەلەسى قادامدا، ءبىز توڭىرەكتەگى ەلدەرمەن ستراتەگيالىق بايلىق ءوندىرىس قۋاتى سەلبەستىگىن ورناتۋ جونىندە بەلسەنە ىزدەنىس جاساپ، كەدەننەن ءوتۋ بارىسىن باسقارۋدى كۇشەيتىپ، حالىقارالىق ساۋداداعى ”ءبىر تەرەزەدەن“ پايدالانۋدى جالپىلاستىرۋ مەن قورعاۋدى تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋگە ۇلەس قوسامىز.

  الاتاۋ ساعاسى كەشەندى باجىسىز رايونى پارتيا قىزمەتى كوميتەتىنىڭ مۇشەسى، باسقارۋ كوميتەتىنىڭ ورىنباسار مەڭگەرۋشىسى ساي حۋ بىلاي دەدى: باس شۋجي شي جينپيڭنىڭ ماڭىزدى ءسوزى ءبىزدىڭ بولاشاقتاعى قىزمەتىمىزگە ايقىن باعدار كورسەتتى. ءبىز ”شەكارا وتكەلى ارقىلى وبلىستى قۋاتتاندىرۋ“ وڭىرلىك ەكونوميكالىق شەڭبەر قۇرىلىسىن جەدەل ىلگەرىلەتىپ، شەكارا وتكەلى مەن بۇراتالا قالاسىنىڭ، شۋاڭحى قالاسىنىڭ، جىڭ اۋدانىنىڭ ءبىر تۇلعالى ىقپالداسىپ دامۋىن جۇزەگە اسىرىپ، ”ءبىر بەلدەۋ ، ءبىر جول“ قۇرىلىسىنىڭ شىعىس پەن باتىستى ۇلاستىرۋ، قوس باعىتتا تۇتاستىرۋ، ۇيىمدىق قىزمەت وتەۋ، جاڭالىق اشۋ ارقىلى جەتەكشىلىك ەتۋ بورىشى مەن جاۋاپكەرشىلىگىن سانالى تۇردە ارقالايمىز.

  جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى سىرتپەن سەلبەستىك جاساۋ ءبولىمىنىڭ مەڭگەرۋشىسى ليۋ شۋچىڭ مىنالاردى ءبىلدىردى: سوڭعى جىلدارى شينجياڭنىڭ تەمىر جول تاراۋلارى ”ءبىر بەلدەۋ، ءبىر جول“ قۇرىلىسىنا بەلسەنە دەم بەرىپ، تاسىمال كومەسكى كۇشىن اشىپ، قۋاتىن كەڭەيتىپ، جاڭالاپ، تاسىمال قۋاتىنا بەيىمدەلۋ تەبىنىن ارتتىرىپ، شەكارا وتكەلىنىڭ وتكىزۋ قابىلەتىن ۇزدىكسىز جوعارىلاتىپ، كەزەكشى پويەزداردىڭ قاتىناۋ سانىن، ساپاسىن ۇزدىكسىز جوعارىلاتىپ، شينجياڭنىڭ وڭىرلىك ەكونوميكاسىنىڭ دامۋىن پارمەندى جەبەدى. الداعى جەردە باس شۋجي شي جينپيڭنىڭ ماڭىزدى ءسوزىنىڭ رۋحىن جەتەكشى ەتىپ، شەكارا وتكەلىنىڭ قۋاتىن كەڭەيتۋدى، جاڭالاۋدى اناعۇرلىم ىلگەرىلەتىپ، تاسىمالدى ۇيىمداستىرۋدى ساپالىلاندىرۋ، جۇڭگو - قازاقستان تەمىر جول تاراۋلارىنىڭ سەلبەستىگىن كۇشەيتۋ جاعىندا ۇزدىكسىز كۇش سالىپ، كەزەكشى پويەزداردىڭ قاتىناۋ ونىمدىلىگىن جوعارىلاتىپ، ”ءبىر بەلدەۋ، ءبىر جولدى“ جوعارى ساپالى بىرگە قۇرۋعا قوزعاۋشى كۇش ۇستەيمىز.

  (ءتىلشى شى شين، جازۋعا قاتىناسقان تىلشىلەر حي حۇڭۋي، چىن چياڭۋي، ميھرگۇل عوپۇر، لۋ فىڭباۋ)

جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار