شينجياڭ ۇيعۇر اۆتونوميالى رايون كۇشار قالاسىنا ارنالعان اقپار جاريالاۋ ءماجىلىسىن اشتى
بۇقارانىڭ باقىت حيكاياسىن دەن قويا تىڭداپ، مايەكتى كۇسان مادەنيەتىن سەزىندى
2021.11.27 11:49 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي شيڭ 11 - ايدىڭ 25 - كۇنى ۇرىمجىدەن حابارلايدى. 11 - ايدىڭ 25 - كۇنى اۆتونوميالى رايون كۇشار قالاسىنا ارنالعان اقپار جاريالاۋ ءماجىلىسىن اشىپ، بۇقارادان 6 ادامدى جانە ءبىر مادەنيەت قىزمەتكەرىن وزدەرىنىڭ باستان كەشكەندەرىن اڭگىمەلەۋگە ۇسىنىس ەتىپ، شينجياڭنىڭ قازىرگى ەكونوميكالىق دامۋى مەن حالىق تۇرمىسىن جاقسارتۋدا قول جەتكىزگەن تابىستارىن بەينەلەپ، امەريكاداعى، باتىستاعى جۇڭگوعا قارسى كۇشتەردىڭ شينجياڭدا ايتىلمىس ”زورلىقپەن ەڭبەككە سالۋ“، ”مادەنيەت جويۋ“ ءومىر ءسۇرىپ وتىر دەگەن سياقتى جالا جاپقان وسەك - اياڭدارى مەن ساندىراقتارىنا فاكتتەر ارقىلى پارمەندى تويتارىس بەردى.
كۇشار قالاسى ىشقىلا قالاشىعىنان كەلگەن نۇرمامەت توحتىنىڭ ءبىر ۇل، ءبىر قىزى بار. قىزى تولىق ورتا مەكتەپتە وقىپ جاتقاندا، نۇرمامەت مەكتەپتىڭ ۇيىنەن الىستىعىن، تولىق ورتا ساتىسىنداعى ۇيرەنۋ مىندەتىنىڭ اۋىرلىعىن، قىسىمنىڭ زورلىعىن، ءوزىنىڭ شارۋا بولعاندىقتان قىزىنىڭ تاپسىرما ورىنداۋىنا كومەكتەسە المايتىندىعىن ويلاستىرىپ، ونى مەكتەپتە جاتقىزىپ وقىتادى. قىزى جاتاقتى مەكتەپتە تەگىن جاتادى، جاتاق عيماراتىندا تەلەفون، سۋ جىلىتقىش، اۋىز سۋ جابدىعى بار، شارت - جاعداي وتە جاقسى ەكەن.
”بيىل قىزىم شاندۇڭ داشۋەسىنە ءوتىپ، ارمانىن ىسكە اسىردى، بارلىعىمىز قاتتى قۋاندىق“. نۇرمامەت بىلاي دەدى: بالامىزدى جاتاقتى مەكتەپتە وقىتۋ ءبىزدىڭ ءوز تاڭداۋىمىز، امەريكاداعى، باتىستاعى جۇڭگوعا قارسى كۇشتەردىڭ قيسىنسىز وسەك تاراتىپ، جالا جابۋى بارىپ تۇرعان ۇياتسىزدىق.
”سەلبەستىك كووپەراتيۆىمىزدىڭ قۇرعاق جەمىس ونىمدەرىنەن ءدام تاتىڭىز“، − دەدى كۇشار قالاسى اق وستەڭ اۋىلى بوستان جاڭعاق كاسىپتىك سەلبەستىك كووپەراتيۆىنىڭ جاۋاپتىسى ابدۇراحمان كيبير ماجىلىسكە قاتىناسۋعا كەلگەندەرگە ىقىلاسپەن تانىستىرىپ. باستاپتاعى 12 ادامنان 287 ادامعا مولايعان سەلبەستىك كووپەراتيۆىنە بۇل كۇندەرى قىستاقتان مۇشە بولاتىندار بارعان سايىن كوبەيىپ كەلەدى. بىلتىر سەلبەستىك كووپەراتيۆى ينتەرنەت جەلىسىندە، جەلىدەن تىس 2200 توننا وڭدەلگەن جاڭعاق ساتىپ، ساتۋ سوماسىن 28 ميلليون 100 مىڭ يۋانعا جەتكىزىپ، 3 ميلليون يۋان پايدا تاۋىپ، بارلىق ادامدى پايداعا كەنەلتتى. ابدۇراحمان بىلاي دەدى: امەريكاداعى، باتىستاعى جۇڭگوعا قارسى كۇشتەردىڭ وسەك − اياڭ تاراتىپ، شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەنى ناعىز ساندىراق، مەن جانە كووپەراتيۆ مۇشەلەرى ءبارىمىز ءوز قۇلشىنىسىمىز ارقىلى اقشا تاۋىپ، جاقسى تۇرمىس كەشىرىپ وتىرمىز، بۇل قالاي زورلىق بولماق؟
دۋماندى مۋزيكا اۋەنىنە ىلەسە، كۇشار قالاسى كۇسان مۇراجايىنىڭ باستىعى ما ليلي كۇشار ءسانامىن بيلەدى. جاقىنداعى جىلداردان بەرى كۇشار قالاسى بەيزاتتىق مادەنيەت مۇرالارىن قورعاۋدى جانە جالعاستىرۋدى زور كۇشپەن ىلگەرىلەتىپ، جيىنى 146 بەيزاتتىق مۇرا ءتۇرىن اشتى، مۇنىڭ ىشىندە ەكەۋى مەملەكەت دارەجەلى بەيزاتتىق مادەنيەت مۇرالارىنىڭ ۋاكىلدىك سيپاتقا يە ءتۇر تىزىمدىگىنە، جەتەۋى اۆتونوميالى رايون دارەجەلى بەيزاتتىق مادەنيەت مۇرالارى تىزىمدىگىنە كىردى، كۇشار ءسانامى سياقتى ءبىر توپ جۇڭحۋا مادەنيەتىنىڭ تاريحي سيپاتى، ۇلتتىق سيپاتى، كوركەمونەرلىك سيپاتى، داۋىرلىك سيپاتى بار تاڭداۋلى ءداستۇرلى مادەنيەت ءونىمدى تۇردە قورعالدى جانە جالعاستىرىلدى.
”وسەك - اياڭدا ءبىزدى ’مادەنيەتتى جويدى‘ دەلىنگەن، بۇل بارىپ تۇرعان ساندىراق!“. ما ليلي بىلاي دەدى: ءبىزدىڭ مادەنيەتىمىز زەر سالا قورعالۋدا جانە دامىپ كوركەيۋدە، بۇيرەكتەن سيراق شىعارعان امەريكاداعى، باتىستاعى جۇڭگوعا قارسى كۇشتەر اۋىزدارىڭدى جابىڭدار!
اقپار جاريالاۋ ماجىلىسىندە كۇشار قالاسىنىڭ قالا باستىعى مامەت تۇراپ بىلاي دەدى: قازىرگى كۇشاردا قوعام جاراسىمدى، حالىق باقىتتى، مادەنيەت مايەگى بار، ومىرشەڭدىك كۇش بار، تاريحتاعى ەڭ جاقسى دامۋ مەزگىلىندە تۇر. بولاشاقتاعى كۇشار ۇمىتكە تولى، كەلەشەگى نۇرلى، ارمانى، الۋەتى بار. دۇنيە ءجۇزىنىڭ ءار جەرىندەگى، قوعامنىڭ ءار سالاسىنداعى دوستاردى كۇشارعا كەلىپ، كۇشاردىڭ مايەكتى تاريحي مادەنيەتىن ۇعىنۋعا، كۇشاردىڭ دامۋىن، وزگەرىسىن جانە ءار ۇلت بۇقاراسىنىڭ باقىتتى تۇرمىسىن سەزىنۋگە شىنايى ىقىلاسپەن شاقىرامىن.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
