شينجياڭ ۇيعۇر اۆتونوميالى رايونى ءار ۇلت بۇقاراسىنىڭ باقىتتى تۇرمىسى جونىندە ارناۋلى اقپار جاريالاۋ ءماجىلىسىن وتكىزدى
”ءبىز كۇن شۋاعى استىندا الاڭسىز دوپ تەبۋدەمىز“
2021.11.27 11:51 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 11 - ايدىڭ 24 - كۇنى ۇرىمجىدەن حابارلايدى. 20 مەترلىك الىستان تەۋىپ، فۋتبولدى قاقپاعا ءدال كىرگىزدى. 21 جاستاعى قاشقارلىق جىگىت نۇرمامەت ءشارىپتىڭ فۋتبول ارمانىنا تالپىنعان حيكاياسى بۇكىل ەلدەگى توراپتاستاردى اسەرلەندىردى. قازىر ول ءبىر كاسىپتىك فۋتبولشىعا اينالىپ، ارمانىن ورىندادى.
11 - ايدىڭ 24 - كۇنى شينجياڭ ۇيعۇر اۆتونوميالى رايونى ءار ۇلت بۇقاراسىنىڭ باقىتتى تۇرمىسى جونىندە ارناۋلى اقپار جاريالاۋ ءماجىلىسىن وتكىزدى، فۋتبولدى قىزۋ سۇيەتىن شينجياڭداعى ءار ۇلت بۇقاراسىنىڭ ۋاكىلدەرىنەن جانە جاستار مەن وسپىرىمدەردەن 9 ادام بەينە ەكران ارقىلى فۋتبول حيكايالارىن باياندادى.
مەيلى اتىزداعى الاڭقى جەر بولسىن، الدە جاسىل الاڭ بولسىن، نۇرمامەت بار زەيىنىمەن دوپ تەبەدى. ونىڭ بارلىق ارمانى دوۋيىن نومىرىندەگى ”فۋتبولدى قىزۋ سۇيەتىن شينجياڭدىق جىگىت“ اتتى ەسىمىنە جاسىرىنعان بولاتىن.
نۇرمامەتتىڭ ءۇيى كونەءشار اۋدانى سايباق اۋىلى جوعارى قاپا قىستاعىندا. جايشىلىقتا ول ءوزىنىڭ بالا كەزدەگى جاتتىقتىرۋشىسىمەن بىرگە اۋىلدىق باستاۋىش مەكتەپ فۋتبول كومانداسىنىڭ دوپ تەبۋىنە جەتەكشىلىك ەتەدى. ونىڭ اسەرى مەن جەتەكشىلىگىندە، قىستاقتاعى بالالاردىڭ ءبارى فۋتبول تەبۋگە قىزىعاتىن بولدى.
”شينجياڭدا فۋتبولدى سۇيەتىن بالالاردىڭ ءبارى ارماندارىنا تالپىنا الادى“. ەلزات سابىر بۇرىن شينجياڭ اتىنان مەملەكەتتىك سپورت جارىسىنا قاتىناسقان. جارىستان شەگىنگەننەن كەيىن، ول سەرىكتەرىمەن بىرگە ءۇرىمجى قالاسىندا جاس وسپىرىمدەر فۋتبول كۋرسىن اشىپ، ءوزىنىڭ فۋتبول ارمانىن جالعاستىردى. ءار رەت جاتتىعۋ الاڭىنداعى بالالاردىڭ كوڭىلدى بەينەسىن كورگەندە ەلزات ايرىقشا ءسۇيىنىپ: ”ولار ەرجەتكەننەن كەيىن، ءسوز جوق، وتان ءۇشىن داڭق اپەرەتىن بولادى“، - دەيدى.
”مەن كەيىن فۋتبول تەبۋگە قۇمار ’جاينان‘ بولامىن. ءبىراق جاينان نە دەگەن ءسوز؟“. شاۋەشەك قالاسىنداعى 6 جاستاعى ەر بالا ارسىلان ايقىننىڭ ءسابي ءتىلى اقپار جاريالاۋ ءماجىلىسى الاڭىن كۇلكىگە شومدىردى. ارسىلان فۋتبول تەبۋدى ەرەكشە ۇناتادى، قالىڭ قار قاپالاقتاپ تۇرسا دا، وسى قاعىلەز بالانىڭ دوپ تەبۋ ىنتاسىنا كەدەرگى بولا المايدى ەكەن. مەكتەپتە فۋتبول، ۆولەيبول، باسكەتبول بار ەكەنىن ەستگەندە، ارسىلان بولاشاقتاعى مەكتەپ ءومىرىن ارمانداي باستادى.
ءمامات ءعايرات كورلا قالاسى جاڭا ءشار اۋىلى سەنترلى باستاۋىش مەكتەبىنىڭ وقۋشىسى، سونداي - اق مەكتەپ فۋتبول كومانداسىندا ارتقى قورعاۋشى دوپشى. بەينە ەكراندا ءماماتتىڭ ولشەمدى پلاستىماسسا جول مەن فۋتبول الاڭىندا الاڭسىز جۇگىرىپ جۇرگەنى كورسەتىلدى. مەكتەپتە ول مۇعالىمنىڭ دەن قويا جەتەكشىلىك ەتۋى مەن جۇيەلى جاتتىقتىرۋىن قابىلدادى. ”بۇل جەردە مەن سياقتى فۋتبولدى جاقسى كورەتىن ءبىر توپ كىشكەنتاي سەرىكتەرىم بار، ءبىز بىرگە دوپ تەۋىپ، وتە كوڭىلدى بولامىز“، - دەدى ءمامات.
”ءبىز ءبارىمىز كۇن شۋاعى استىندا الاڭسىز دوپ تەبۋدەمىز“، − دەگەن اتۇش قالاسىنىڭ تۇرعىنى ءانزارجان اسقار ءوزىنىڭ كىشكەنتايىنان فۋتبولدى ارمانداعاندىعىن، ۇزاق ۋاقىتتىق جاپالى جاتتىعۋدان كەيىن، سوڭىندا كاسىپتىك دوپشى بولىپ جەتىلگەندىگىن ايتىپ، وتان مەن وتباسىنىڭ ءوزىنىڭ فۋتبول جولىنداعى بەرىك سۇيەنىشى ەكەندىگىن جەتكىزدى.
اقپار جاريالاۋ ماجىلىسىندەگى كوپتەگەن قىسقا بەينە كەسكىندەر قاراپايىم بۇقارانىڭ دەنە تاربيە قيمىلدارىن قىزۋ سۇيەتىن كورىنىسىن ايگىلەدى، بۇل شينجياڭداعى ءار ۇلت بۇقاراسىنىڭ باقىتتى تۇرمىسىنىڭ ىقشام كارتيناسى. اقپار جاريالاۋ ءماجىلىسىنىڭ جۇرگىزۋشىسى قايرات مىنالاردى ءبىلدىردى: ”شينجياڭ ءار ۇلت بۇقاراسىنىڭ نەگىزگى ادامدىق ۇقىعىن بار كۇشپەن قامتاماسىز ەتەدى، اسىرەسە، ءار ۇلت بۇقاراسىنىڭ نەگىزگى الەۋمەتتىك مادەنيەت، دەنە تاربيە ىستەرىن دامىتۋ ۇقىعىنان يگىلىكتەنۋىن شىنايى قامتاماسىز ەتەدى. سوڭعى جىلدارى شينجياڭ جالپى حالىقتىق دەنە شىنىقتىرۋ دەنە تاربيە قۇرىلعىلارىنا زور كۇشپەن قارجى قوسىپ، بۇقارالىق دەنە تاربيە، سپورت الاڭ - سارايلارىنان ءبىر توبىن قۇرىپ، ءار ۇلت بۇقاراسىنىڭ ەسىك الدىندا دەنە شىنىقتىرۋىنا شىنايى قولايلىلىق تۋدىردى“.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
