”قوعامنىڭ تىنىش، تۇرمىستىڭ باقىتتى بولۋى ەڭ ۇلكەن ادامدىق ۇقىق“
− شينجياڭنىڭ كوپ جەرى ”ەڭبەك تاماشا تۇرمىس جاراتادى“ تاقىرىبىندا جەلىلەس اڭگىمە ءماجىلىسىن وتكىزدى
□ انار بۇلت / شينجياڭ گازەتىنىڭ تىلشىلەرى جاۋ شييا، جاڭ يانفاڭ، پراكتيكانت لي جيڭ
2021.11.27 11:53 كەلۋ قاينارى : شينجياڭ گازەتى
11 - ايدىڭ 23 −، 24 - كۇنى اۆتونوميالى رايوندىق پارتكومعا توتە قاراستى ورگاندار قىزمەت كوميتەتى، بۇراتالا موڭعۇل اۆتونوميالى وبلىسى، سانجى حۇيزۋ اۆتونوميالى وبلىسى جانە شينجياڭ كوركەمونەر شۋەيۋانى، سانجى كاسىپتىك تەحنيكالىق شۋەيۋانى، شينجياڭ ساقشى شۋەيۋانى، شينجياڭ عىلىم - تەحنيكا شۋەيۋانى قاتارلى جوعارى مەكتەپتەر ”ەڭبەك تاماشا تۇرمىس جاراتادى“ تاقىرىبىندا جەلىلەس اڭگىمە ءماجىلىسىن وتكىزىپ، فاكت ارقىلى امەريكاداعى، باتىستاعى جۇڭگوعا قارسى كۇشتەر ويدان قيىستىرعان شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەن قۇيداي وتىرىككە تويتارىس بەردى.
”ايتىلمىس ’زورلىقپەن ەڭبەككە سالۋ‘ دەگەننىڭ شينجياڭدا ەشقانداي شىندىق نەگىزى جوق، ول جات نيەتپەن وسەك تاراتۋ جانە بارىپ تۇرعان وسەك - اياڭ“. اڭگىمە ماجىلىستە اۆتونوميالى رايوندىق ايەلدەر بىرلەستىگى ايەلدەر ىستەرىن دامىتۋ ءبولىمىنىڭ ءبىرىنشى دارەجەلى تەكسەرۋ - زەرتتەۋشىسى راناگۇل تۇرسىن ءوزىنىڭ كۇشتى كەگىن ءبىلدىردى. ول بىلاي دەدى: وسى بىرنەشە جىلدا شينجياڭ ايەلدەرىنىڭ جۇمىستانۋ كولەمى ۇزدىكسىز كەڭەيىپ، ءار ۇلت ايەلدەرى وزدەرىنىڭ قالاۋىنا ساي كاسىپ تاڭداپ، زاڭ بويىنشا ەڭبەك توقتامىنا قول قويىپ، ەڭبەك قاتىناسىن تۇراقتاندىردى، ەڭبەكاقى الۋ ۇقىعى، دەمالۋ، دەمالىس الۋ ۇقىعى سياقتى زاڭدىق ۇقىق - مۇددەلەرى تولىق قامتاماسىز ەتىلدى.
راناگۇل تانىستىرىپ بىلاي دەدى: تالاي جىلدان بەرى اۆتونوميالى رايوندىق ايەلدەر بىرلەستىگى اۋىل - قىستاقتاعى ايەلدەردىڭ جۇمىستانۋىن، شارۋاشىلىق قۇرۋىن جەبەۋدى ايەلدەر ىستەرىن دامىتۋ قىزمەتىنىڭ ءتۇيىنى ەتىپ، شەبەرلىككە تاربيەلەۋ، نىسان جالپىلاستىرۋ سياقتى جاقتاردان اۋىل - قىستاقتاعى ءتىپتى دە كوپ ايەلدەردىڭ جۇمىستانۋ، شارۋاشىلىق قۇرۋ ارمانىن جۇزەگە اسىرۋىنا كومەكتەستى. قازىر ”باقىت كۇرەستەن كەلەدى“ ۇستانىمى جۇرت كوڭىلىنە تەرەڭ ۇيالاپ، وت باسى - وشاق قاسىنان شىعىپ كاسىپورىنعا، زاۆودقا بارىپ، ەڭبەكشىل قوس قولدارى ارقىلى وتباسىنىڭ تۇرمىس دەڭگەيىن جوعارىلاتاتىن، وسى ارقىلى ءومىر قۇنىن دا جوعارىلاتاتىن ايەلدەر بارعان سايىن كوبەيدى.
اراسان اۋداندىق توسىن جاعدايلاردى مەڭگەرۋ مەكەمەسىنىڭ ورىنباسار باستىعى احات مىنالاردى ءبىلدىردى: ”امەريكاداعى، باتىستاعى جۇڭگوعا قارسى كۇشتەردىڭ شينجياڭعا كۇيە جاققان، جالا جاپقان ساندىراقتارى اق پەن قارانى شاتاستىرىپ، بۇيرەكتەن سيراق شىعارعاندىق!“. احات جاقسى دوسى پارحات سايدوللانى مىسال ەتىپ، دوسىنىڭ شوفەرلىك، رەمونتتاۋ تەحنيكاسىنا سۇيەنىپ 10 نەشە ادامدى باستاپ كران قىزمەت وتەۋ ۇجىمىن قۇرىپ، كوپشىلىكتىڭ كەدەيلىكتەن ارىلىپ بايۋىنا كومەكتەسكەن اڭگىمەسىن تانىستىردى. ”مەنىڭ ماڭايىمداعى وسى دوستارىمنىڭ قايسىسى قاجىرلى ەڭبەك ارقىلى باقىتتى تۇرمىسىن جاراتپاعان ەكەن؟“، − دەدى احات.
شينجياڭ جاقسى ما، جامان با دەگەنگە شينجياڭدا ءار كۇنى تۇرمىس كەشىرىپ جاتقان ءار ۇلت حالقى ەڭ ءسوز ايتۋ ۇقىعىنا يە. سانجى حۇيزۋ اۆتونوميالى وبلىستىق ەكولوگيالىق ورتا مەكەمەسىنىڭ قىزمەتكەرى ارزىگۇل روزى ءوزىنىڭ 10 جىلدىق قىزمەت كەشىرمەسىمەن ۇشتاستىرىپ بىلاي دەدى: ”مەن قۇلشىنا قىزمەت ىستەۋ ارقىلى مويىنداۋعا يە بولىپ، ءبىلىمىم مەن قابىلەتىمدى ءوسىرىپ، وتباسىم جانە قوعام ءۇشىن ءوز ۇلەسىمدى قوستىم، بۇل ەڭ قۇندى، ەڭ باقىتتى سەزىم“.
”امەريكاداعى، باتىستاعى جۇڭگوعا قارسى كۇشتەر، سىرتتاي قاراعاندا، ادامدىق ۇقىق ماسەلەسىنە كوڭىل بولگەن سياقتانعانىمەن، ءىس جۇزىندە، ادامدىق ۇقىقتى جەلەۋ ەتىپ ادامدىق ۇقىققا قارسى شىعىپ، شينجياڭداعى ءار ۇلت ەڭبەكشىلەرىن ۇقىق - مۇددەسىنەن ماقرۇم ەتپەكشى. شينجياڭداعى ءار ۇلت حالقى جونىنەن ايتقاندا، قوعامنىڭ تىنىش، تۇرمىستىڭ باقىتتى بولۋى ەڭ ۇلكەن ادامدىق ۇقىق!“، − دەدى شينجياڭ ساقشى شۋەيۋانى ساقشىلار دەنە تاربيەسى وقىتۋىن زەرتتەۋ ءبولىمىنىڭ وقىتۋشىسى چىن يافي كەكتەنە.
سانجى كاسىپتىك تەحنيكالىق شۋەيۋانىنداعى 8 وقىتۋشى - وقۋشىلار ۋاكىلى ءوز قىزمەت، تۇرمىس جانە وقۋ بارىسىمەن ۇشتاستىرىپ، مەكتەپتىڭ ءىشى - سىرتىنداعى شارۋاشىلىق قۇرۋ، كاسىپتەنۋ اڭگىمەلەرىن بايانداپ، امەريكاداعى، باتىستاعى جۇڭگوعا قارسى كۇشتەردىڭ ايتىلمىس ”زورلىقپەن ەڭبەككە سالۋ“ دەگەن ساندىراعىنا پارمەندى تويتارىس بەردى. كوپشىلىك مىنالاردى ءبىلدىردى: شينجياڭدا ءار ۇلت ەڭبەكشىلەرىنىڭ ءار تامشى تەرى، ءار بوداۋى تۇگەلدەي قۇرمەتتەلەدى، قۇنىن ايگىلەيدى، قارىمجىسىنا يە بولادى. امەريكاداعى، باتىستاعى جۇڭگوعا قارسى كۇشتەر مەيلى قالاي كۇيە جاقسىن، جالا جاپسىن، شينجياڭداعى ءار ۇلت حالقىنىڭ قاجىرلى ەڭبەگىمەن تاماشا تۇرمىس جاراتۋ بەكىمىن شايقالتا المايدى، شينجياڭداعى ءار ۇلت حالقىنىڭ ىنتىماقتى، بەرەكەلى بولىپ، ءوزارا كومەكتەسكەن، قارايلاسقان، بىرگە العا باسقان اسا تاماشا جاعدايىن دا وزگەرتە المايدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
