بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حالىق اراسىنداعى ەم – دومدى قولدانعاندا ابايلاڭىز!

اجەسى حالىق اراسىنداعى ەم – دومدى قولدانامىن دەپ، نەمەرەسى اجال اۋزىنان قالدى

2021.12.01 16:17     كەلۋ قاينارى : حالىق تورابى

  حالىق اراسىنداعى ەم – دوممەن سالماقتى اۋرۋدى ەمدەۋگە بولادى دەسە سەنەسىز بە؟ حىنان ولكەلىك بالالار ەمحاناسىنىڭ باس دارىگەرى جاڭ مياۋدىڭ تىلشىگە ايتۋىنشا، ولار جۋىردا ءبىر بالانى ەمدەگەن، بالانىڭ وتباسىنداعىلار حالىق اراسىنداعى ەم – دومعا سەنگەندىكتەن، بالانىڭ كۇيىپ قالعان تەرىسىنە حايۋاناتتىڭ مايىن جاعىپ داۋالاماق بولعان، ناتيجەدە بالانىڭ جاراسى اسقىنىپ، سالماقتى ناۋقاستاردى باقىلاۋ – كۇتىمدەۋ بولمەسىنەن ءبىراق شىققان. بالا باستابىندا تەك كۇيىپ جاراقاتتانعان بولسا، سوڭىنان سالماقتى ناۋقاستاردى باقىلاۋ – كۇتىمدەۋ بولمەسىنە كىرگىزىلگەن. ۇلكەندەر بالانىڭ جاراقاتىن ەمدەيمىز دەگەن جاقسى ويدا بولعانىمەن، كوزسىزدىكپەن حالىق اراسىنداعى ەم – دومعا سەنىپ، كەرىسىنشە بالانى ازاپتاعان.

  بالا كۇيىپ قالسا قايتۋ كەرەك؟

  بالانىڭ كۇيىپ قالۋى ۇنەمى تۋىلاتىن جاعداي. ءسابي ءار نارسەگە تاڭىرقاعىش كەلەدى، قولى جەتەتىن جەردەگىنىڭ بارلىعىن ۇستاپ كورۋگە تالپىنادى، نەنىڭ حاۋىپتى ەكەنىن ءالى تانىپ جەتپەگەن، ونىڭ ۇستىنە قول – اياعى دا يكەمسىز كەلەدى، قاتەردەن وڭاي جالتارا المايدى، سوندىقتان، ءسابيدىڭ ابايسىزدا كۇيىپ قالۋى وڭاي.

  ءسابي كۇيىپ قالعان سوڭ، اتا – انالاردىڭ كوبى نە ىستەرىن بىلمەي كەتەدى، كەيبىرەۋى دەرەۋ ەم – دوم جاساۋعا كىرىسەدى، بۇلاي ىستەۋدىڭ ءونىمى جاقسى بولماعانىمەن قويماي، وڭاي تىرتىق قالاي، ءتىپتى حاۋىپتى بولۋى دا ىقتيمال. كۇيىكتى ەمدەۋدىڭ بەس سوزگە جيناقتالعان ءتاسىلىن ەستە بەرىك ساقتاپ الىڭىز:

  سۋىق سۋمەن شايۋ: كۇيىپ قالعان جاعدايدا، كۇيىكتىڭ ورنىن دەرەۋ تازا، سۋىق سۋمەن (قۇبىر سۋى) 30 مينۋت اينالاسىندا شايۋ كەرەك، وسىلاي ىستەگەندە كۇيىكتىڭ ورنىنداعى قىزۋدى تاراتىپ، جاراقاتتىڭ اۋىرعانىن باسەڭدەتۋگە بولادى (سۋ ىسىراپ بولادى دەپ الاڭداماڭىز، جاراقاتقا تىكە مۇز باسۋدان استە اباي بولىڭىز).

  كيىمدى شەشۋ: ەگەر كۇيگەن ورىن كيىمنىڭ ىشىندە بولسا، كۇيگەن ورىندى كيىمنىڭ سىرتىنان سۋىق سۋعا مالىپ تۇرىپ، كيىمدى ەپپەن شەشۋ كەرەك، قاجەت بولسا قايشىمەن كيىمدى قيىپ تاستاۋعا بولادى، استە، كيىمدى قاتتى تارتىپ شەشپەڭىز (استە، كۇيىك بورتپەسىنىڭ اۋزىن ءوز بىلگەنىڭىزشە تىرناپ اشپاڭىز)؛

   سۋىق سۋعا مالۋ: كۇيىكتىڭ اۋىرعانى كۇشەيگەن كەزدە، جارالانعان ورىندى تازا سۋىق سۋعا 10 – 30 مينۋت مالىپ وتىرسا، جاراقاتتىڭ اۋىرعانى باسەڭدەپ، جاراقاتتى جەڭىلدەتەدى.

  جابۋ: ءدارىحانالاردا ساتىلاتىن تازا، زارارسىزداندىرىلعان داكىلەردى (نەمەسە ماقتا داكىلەر) قولدانىپ، كۇيگەن ورىندى جاۋىپ قويۋ، كۇيگەن ورىندى تازا ۇستاۋ، سىرتقى الەمدەگى لاس زاتتاردىڭ تىتىركەندىرۋىن ازايتۋ، اسقىندىرىپ الۋدان ساقتانۋ كەرەك؛

  ەمحاناعا جەتكىزۋ: جوعارىداعى باسقىشتاردى ورىنداپ بولعان سوڭ، ەگەر جاراقات اۋىر بولسا، ءسوزسىز، دەر كەزىندە ەمحاناعا جەتكىزۋ قاجەت. ەمحاناعا بارا جاتقان جولدا، مۇز سالىنعان قالتانى كۇيىككە باسىپ، سۋىق وتكىزىپ وتىرۋ كەرەك. كۇيىككە ءتىس پاراشوگى، شيكى جۇمىرتقا قاتارلىلاردى جاعۋ سىندى ەم – دوم ىستەتۋدەن اباي بولۋ كەرەك، ۇيتپەگەندە، شيپاگەردىڭ دياگنوز قويۋىنا ىقپال جاساۋى، ياكي، جاراقاتتى اسقىندىرۋى مۇمكىن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار