جۇڭگو مۇناي حيميا ونەركاسىپ توبى شەكتى سەرىكتەستىگى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار باس مەڭگەرۋشىسى جاڭ حايچاۋ پارتيادان ايدالدى
2021.12.02 14:03 كەلۋ قاينارى : حالىق تورابى
ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى تورابىنىڭ حابارىنا قاراعاندا، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتىنىڭ مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىندە تۇراتىن ءتارتىپ تەكسەرۋ، باقىلاۋ ـ تەكسەرۋ گرۋپپاسى تاياۋدا جۇڭگو مۇناي ـ حيميا ونەركاسىپ توبى شەكتى سەرىكتەستىگىنىڭ بۇرىنعى پارتيا باسشىلىق گرۋپپاسىنىڭ مۇشەسى، ورىنباسار باس مەڭگەرۋشىسى جاڭ حايچاۋدىڭ تارتىپكە اۋىر قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزگەن؛ مەملەكەتتىك باقىلاۋ ـ تەكسەرۋ كوميتەتى، جىجياڭ ولكەلىك باقىلاۋ ـ تەكسەرۋ كوميتەتى قاراستىلعىن كورسەتۋ ارقىلى جينحۋا قالالىق باقىلاۋ ـ تەكسەرۋ كوميتەتى وعان باقىلاۋ ـ تەكسەرۋ جۇرگىزدى.
تەكسەرۋگە قاراعاندا، جاڭ حايچاۋ پارتيالى باسشى كادر، مەملەكەت مەنشىگىندەگى كاسىپورىننىڭ باسقارۋشىسى بولا تۇرا، پارتياعا ادال، شىنايى بولماعان، باسقالارمەن ءتىل بىرىكتىرىپ، دالەل - ىسپاتتى جوتكەگەن، جاسىرعان، تارتىپكە، زاڭعا قايشى فاكتتەردى بۇركەمەلەمەكشى بولعان، ۇيىمنىڭ تەكسەرۋىنە قارسى تۇرعان؛ ورتالىقتىڭ سەگىز تارماقتى بەلگىلەمەسىنىڭ رۋحىن ەلەپ - ەسكەرمەي، ۇزاق ۋاقىت بويى ۇكىمەت قىزمەتىن ءادىل اتقارۋعا ىقپال جاسايتىن تارتۋ - تارالعى، تۇتىنۋ كارتوچكاسىن كوپ رەت قابىلداعان؛ ۇيىمدىق كوزقاراسى سولعىنداپ، جەكە باسىنا قاتىستى ىستەردى بەلگىلەمە بويىنشا مالىمدەمەگەن؛ «كاسىپورىنعا سۇيەنىپ، كاسىپورىندى جەگەن»، قىزمەت ۇقىعىنان نەمەسە قىزمەت ىقپالىنان پايدالانىپ، تۋىس - تۋعاندارىنىڭ، ەرەكشە بايلانىسى بار ادامداردىڭ تيجارات قيمىلىن جۇرگىزۋىنە كومەك كورسەتكەن، ەرەكشە بايلانىستى ادامداردىڭ ءوزىنىڭ قىزمەت ۇقىعىنان نەمەسە قىزمەت ىقپالىنان پايدالانىپ باس پايداسىن كوزدەۋىنە جول بەرگەن، ىشتەي جول بەرگەن، ءارى زاڭسىز قوماقتى مال - مۇلىك العان؛ تۇرمىستا ءىرىپ - ءشىرىپ ازعىنداپ، ۇقىق - ءتان ساۋداسىمەن شۇعىلدانعان.
جاڭ حايچاۋ پارتيانىڭ ساياسي تارتىبىنە، ورتالىقتىڭ سەگىز تارماقتى بەلگىلەمەسىنىڭ رۋحىنا، ۇيىمدىق تارتىبىنە، پاكتىك تارتىبىنە، تۇرمىس تارتىبىنە اۋىر قايشىلىق جاساپ، قىزمەت مىندەتى جاعىنان زاڭعا قايشىلىق جاساعان ءارى پارا الۋ، ىقپال كۇشىنەن پايدالانىپ پارا الۋ قىلمىسىنا شاتىلعان، سوماسى ەرەكشە مول، ونى قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ ـ تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرى اكىمشىلىك جازا زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ ـ تەكسەرۋ كوميتەتىنىڭ مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىندە تۇراتىن ءتارتىپ تەكسەرۋ، باقىلاۋ ـ تەكسەرۋ گرۋپپاسىنىڭ اقىلداسۋى ارقىلى مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتى پارتكومى جاڭ چايچاۋعا پارتيادان ايداۋ جازاسىن بەرۋدى، بەلگىلەمە بويىنشا ونىڭ يگىلىكتەنەتىن مامىلەسىن كۇشىنەن قالدىرۋدى ۇيعاردى؛ ونىڭ تارتىپكە، زاڭعا قايشى تابىسىن تاركىلەۋدى ۇيعاردى. جىجياڭ ولكەسى جينحۋا قالالىق باقىلاۋ ـ تەكسەرۋ كوميتەتى ونىڭ قىلمىسقا ساياتىن ماسەلەلەرىن پروكۋراتۋرا ورگانىنىڭ زاڭ بويىنشا تەكسەرىپ ايىپتاۋىنا وتكىزىپ بەردى، ساياتىن مال ـ مۇلىكتى دەلومەن بىرگە وتكىزىپ بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
