شارشاعان كەزدە اۆتولىك جۇرگىزۋگە بولمايدى!
ني ي
2021.12.02 15:07 كەلۋ قاينارى : حالىق تورابى
رەال ومىردە شوفەرلەردىڭ قاتتى شارشاعان كەزدە اۆتوكولىك جۇرگىزۋى سەبەپتى قاتىناس شىرعالاڭى ۇنەمى تۋىلادى. الايدا، شارشاعان كەزدە اۆتوكولىك جۇرگىزۋدىڭ زيانىن كوپ ادام تانىپ جەتە المايدى. شارشاعان كەزدە اۆتوكولىك جۇرگىزۋ دەگەنىمىز نە. ونىڭ قانداي زياندارى بار؟ شارشاعان كەزدە اۆتوكولىك جۇرگىزۋدەن قالاي ساقتانۋعا بولادى؟ بۇگىنگى ماقالادا وسى مازمۇندار تۋرالى ايتىلادى.
كۇندەلىكتى ءجۇرىس – تۇرىس بارىسىندا، شارشاعان كەزدە اۆتوكولىك جۇرگىزۋ دەگەنىمىز شوفەردىڭ كۇنىنە اۆتوكولىك جۇرگىزگەن ۋاقىتى 8 ساعاتتان اسىپ كەتكەن، نەمەسە ۇزدىكسىز اۆتوكولىك جۇرگىزۋ ۋاقىتى 4 ساعاتتان اسىپ كەتسە دە، اۆتوكولىكتى توقتاتىپ دەمالعان ۋاقىتى 20 مينۋتتان اسپاعان جاعدايدى كورسەتەدى. شارشاعان كەزدە اۆتوكولىك جۇرگىزۋدىڭ زالالى وتە كوپ.
ءبىرىنشى، سەزگىرلىك تومەندەيدى. شوفەر ادەتتە 2 – 4 ساعات ۇزدىكسىز اۆتوكولىك جۇرگىزگەن سوڭ، ورتالىق نەرۆ جۇيەسى شارشاپ، كورۋ، ەستۋ، سەزۋ قۋاتتارى السىرەيدى. قاتىناس بەلگىلەرىن پارىقتاۋ جانە تانۋ قۋاتى دا بارىنشا تومەندەيدى، ءتىپتى جاڭساق سەزىم تۋىنداۋى دا مۇمكىن، وسىنىڭ سالدارىنان الدىڭعى اۆتوكولىككە سوعىلۋ، سوعىلىسۋ سىندى شىرعالاڭدار وتە وڭاي تۋىلادى.
ەكىنشى، اۆتوكولىك جۇرگىزۋى يكەمسىز بولادى. ۇزاق ۋاقىت اۆتوكولىك جۇرگىزگەندە، شوفەردىڭ بۇلشىق ەتتەرىنىڭ جيىرىلۋدى رەتكە سالۋ رولى تومەندەپ، اۆتوكولىكتى جۇرگىزۋ ارەكەتىنىڭ ريتىمى بۇزىلادى، ارەكەتتەردىڭ وزدىگىنەن تەڭگەرىلۋ دەڭگەيى تومەندەيدى، دۇرىستىق دارەجەسى تومەندەيدى، كەيدە قالىپسىز اسەر تۋىندايدى. مىسالى، شۇعىل جاعدايعا جولىققان كەزدە، تورموزدى باسامىن دەپ ماي بەرگىشتى باسۋ قاتارلى جاعدايلار تۋىنداپ، جول ءجۇرۋ حاۋىپسىزدىگىنە اۋىر قاتەر توندىرەدى.
ءۇشىنشى، نازارى شوعىرلانبايدى. شارشاعان كەزدە شوفەردىڭ ويلاۋ قۋاتى كورنەكتى تومەندەيدى، اڭعارۋ كولەمى تارايادى، نازارىن ءبولۋى جانە نازارىن اۋدارۋى قيىنعا سوعادى، كەيدە اۆتوكولىك جۇرگىزۋ ەرەجەلەرىن ۇمىتىپ قالاتىن ءارى ماڭىزدى قاتىناس ينفورماتسيالارىن ۇنەمى بايقاماي قالاتىن جاعداي تۋىندايدى، ءتىپتى قاتە جولمەن ءجۇرىپ كەتۋى دە ىقتيمال.
ءتورتىنشى، تۇجىرىم جاساۋ مەن اۆتوكولىك جۇرگىزۋدە اعاتتىقتار كوبەيەدى. شارشاعان سوڭ، شوفەردىڭ تۇجىرىمداۋ جانە اۆتوكولىك جۇرگىزۋ جاعىنداعى اعاتتىقتارى ادەتتەگى كەزدەگىدەن كوپ بولادى، باستىسى رولدى مەڭگەرۋى، تورموزداۋى، جىلدامدىق اۋىستىرۋ سياقتى جاقتاردا بايقالادى. قاتتى شارشاعان كەزدە، ءتىپتى بىلەگى دىرىلدەۋ، بۇلشىق ەتى تارتىلۋ، ارەكەتى يكەمسىز بولۋ سياقتى جاعدايلار تۋىلادى، اۋەلى، شوفەردىڭ قالعىپ كەتۋى دە ىقتيمال، مۇنداي جاعدايدا قاتىناس شىرعالاڭىنىڭ تۋىلۋىنان ساقتانۋ قيىن.
شارشاعان كەزدە كولىك جۇرگىزۋدەن ساقتانۋ — اۆتوكولىك جۇرگىزۋدىڭ حاۋىپسىزدىگىنە كەپىلدىك ەتۋدىڭ ءونىمدى جولى، شارشاۋدى سەزىنگەن كەزدە بارىپ تەڭشەپ الامىن دەگەننەن گورى، الدىن الا ساقتانعاننىڭ ءونىمى كورنەكتى. شارشاعان كەزدە اۆتوكولىك جۇرگىزۋدەن ساقتانۋدا تومەندەگىدەي شارالاردى قولدانۋعا بولادى:
بىرىنشىدەن، ۇيىقتاعان ۋاقىتتىڭ جەتكىلىكتى بولۋىنا ءارى ۇيقىنىڭ جاقسى بولۋىنا كەپىلدىك ەتۋ كەرەك؛ ەكنشىدەن، جول ءجۇرۋ ۋاقىتىن عىلىمي ورنالاستىرىپ، جول ءجۇرۋ مەن دەمالىستى ۇشتاستىرۋعا ءمان بەرۋ كەرەك. جول ءجۇرۋ ۋاقىتى مەن جوسپارىن عىلىمي، ۇيلەسىمدى ورنالاستىرىپ، اۆتوكولىك جۇرگىزۋ بارىسىندا، جولدا توقتاپ دەمالۋعا كوڭىل ءبولۋ كەرەك؛ ۇزدىكسىز اۆتوكولىك جۇرگىزۋ ۋاقىتى 4 ساعاتقا تولعاندا، ءسوزسىز، اۆتوكولىكتى توقتاتىپ، 20 مينۋتتان استام دەمالۋ كەرەك؛ تۇندە اۆتوكولىك جۇرگىزگەندە، 2 ادام كەزەكتەسىپ جۇرگىزۋ، كەزەكتەسىپ دەمالۋ قاجەت، ءاربىر شوفەردىڭ كولىك جۇرگىزەتىن ۋاقىتى 2 ساعاتتان 4 ساعاتقا دەيىن بولسا بولادى، مۇمكىندىگىنشە ءتۇن ورتاسىندا كولىك جۇرگىزبەگەن ابزال.
ۇشىنشىدەن، دەمالىس ءتاسىلىن ۇيلەسىمدى ورنالاستىرۋعا كوڭىل بولگەن ءجون. اۆتوكولىك جۇرگىزگەندە ۇزاق ۋاقىت بويى ءبىر ءتۇرلى تۇراقتى قالىپتا وتىرا بەرۋدەن ساقتانۋ، شارشاۋ جاعدايىنا قاراي وتىرۋ قالپىن قايتا – قايتا وزگەرتۋ ءارى تەرەڭ تىنىستاۋ، وسى ارقىلى قان اينالىسىن ىلگەرىلەتۋ قاجەت؛ ەڭ جاقسىسى ءبىر مەزگىل اۆتوكولىك جۇرگىزگەن سوڭ، اۆتوكولىكتى توقتاتىپ دەمالۋ، اۆتوكولىكتەن ءتۇسىپ، بەلدى، اياقتى ارەكەتتەندىرۋ، بۇكىل دەنەدەگى بۇلشىق ەتتەردى دەمالتۋ، كولىك جۇرگىزگەندە شارشاپ كەتۋدەن ساقتانۋ قاجەت؛ جۇرگىزۋ بولمەسىنىڭ اۋاسىن الماستىرىپ، جىلۋلىعى مەن ىلعالدىعىن ۇيلەسىمدى ساقتاۋ، شۋىلدىڭ كەدەرگىلىگىن ازايتۋ قاجەت.
ايتۋعا تاتيتىنى، شارشاعان كەزدە كولىك جۇرگىزۋ تەك حاۋىپتى ارەكەت بولىپ قالماستان، قاتىناس زاڭ – تۇزىمدەرىنە دە قايشى ارەكەت سانالادى. تاس جول حاۋىپسىزدىگى زاڭىنىڭ اتقارىلاتىن ەرەجەسىندە بىلاي دەپ بەلگىلەنگەن: اۆتوكولىكتى ۇزدىكسىز جۇرگىزۋ ۋاقىتى 4 ساعاتتان اسىپ كەتسە دە، اۆتوكولىكتى توقتاتىپ دەمالماسا نەمەسە اۆتوكولىكتى توقتاتىپ دەمالعان ۋاقىتى 20 مينۋتقا جەتپەسە، شارشاعان كۇيدە اۆتوكولىك جۇرگىزۋگە جاتادى. تاس جول حاۋىپسىزدىگى زاڭىندا مىناداي بەلگىلەنگەن: شارشاعان كۇيدە كولىك جۇرگىزۋشىگە 150 – 200 يۋان اقشالاي ايىپ سالىنادى. تاس جولدا جولاۋشى تاسىمالدايتىن اۆتوكولىكتەردىڭ شوفەرى ۇزدىكسىز 4 ساعات بويى اۆتوكولىكتى توقتاتىپ دەمالماسا نەمەسە اۆتوكولىكتى توقتاتىپ دەمالعان ۋاقىتى 20 مينۋتقا جەتپەسە، 20 – 200 يۋان اقشالاي ايىپ سالىنادى، 6 ءنومىر تارتىلادى.
شارشاعان كۇيدە كولىك جۇرگىزۋگە بولمايدى! ول تەك حاۋىپتى ارەكەت بولىپ قالماستان، سايكەستى زاڭدىق جاۋاپكەرشىلىك ارقالايتىن ارەكەت. مەيلى، قانشا اسىعىس بولعان جاعدايدا دا، ءسوزسىز، قاتىناس تارتىبىنە بويسۇنۋ كەرەك، شارشاعان كۇيدە كولىك جۇرگىزبەۋدىڭ ءوزى — حاۋىپسىز ساپار، ۇيگە ەڭ تەز جەتكىزەتىن جول.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
