لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2021.12.02 16:18 كەلۋ قاينارى : حالىق تورابى
ورتا، شاعىن كاسىپورىنداردىڭ ەسەپ - قيسابىن كەشەۋىلدەتۋدى اداقتاۋ جانە شارۋا جۇمىسكەرلەردىڭ ەڭبەكاقىسىن دەركەزىندە تولىق بەرۋدى قامتاماسىزداندىرۋ شارالارىن ورنالاستىردى؛ «14 - بەسجىلدىق» كاسىپتىك شەبەرلىككە تاربيەلەۋ جوباسىن قاراپ ماقۇلداپ، ساپالى ەڭبەكشىلەر مەن تەحنيكالىق ونەر دارىندىلارىن جەدەل جەتىلدىرۋدى ۇيعاردى
شينحۋا اگەنتتىگى، 12 - ايدىڭ 1 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 12 - ايدىڭ 1 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ورتا، شاعىن كاسىپورىنداردىڭ ەسەپ - قيسابىن كەشەۋىلدەتۋدى اداقتاۋ جانە شارۋا جۇمىسكەرلەردىڭ ەڭبەكاقىسىن دەركەزىندە تولىق بەرۋدى قامتاماسىزداندىرۋ شارالارىن ورنالاستىردى؛ «14 - بەسجىلدىق» كاسىپتىك شەبەرلىككە تاربيەلەۋ جوباسىن قاراپ ماقۇلداپ، ساپالى ەڭبەكشىلەر مەن تەحنيكالىق ونەر دارىندىلارىن جەدەل جەتىلدىرۋدى ۇيعاردى.
ءماجىلىس بىلاي دەپ اتاپ كورسەتتى: ورتا، شاعىن كاسىپورىنداردىڭ ەسەبىن كەشەۋىلدەتۋدى جونگە سالۋ بازارلاندىرىلعان، زاڭمەن جونگە سالىناتىن، حالىقارالانعان تيجارات - ساۋدا ورتاسى قۇرىلىسىن ىلگەرىلەتۋگە تىكەلەي سايادى. بيىل جىل باسىنان بەرى ەل ءىشى - سىرتىنداعى كۇردەلى دە اۋىر ورتانىڭ جانە ىندەتتىڭ كوپ تۇيىندە بىتىراڭقى تارالۋى سياقتى فاكتورلاردىڭ ىقپالىنان ورتا، شاعىن كاسىپورىنداردىڭ الۋعا ءتيىستى ەسەپ - قيسابىنىڭ ارتۋى ءبىرشاما تەزدەپ، كەشەۋىلدەتىلۋ جاعدايى كوبەيدى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، بازار تۇلعالارىنىڭ تالابىنا ساي، ورتا، شاعىن كاسىپورىنداردىڭ كەشەۋىلدەتىلگەن ەسەبىن جونگە سالۋ تەبىنىن زاڭ، بەلگىلەمە بويىنشا ارتتىرۋ كەرەك. ءبىرىنشى، «ورتاشا، شاعىن كاسىپورىنداردىڭ اقشا تولەۋىن قامتاماسىز ەتۋ ەرەجەسىن» قاتاڭ اتقارىپ، بازاردىڭ ابزالدىعىنان الباتى پايدالانىپ ەسەپ - قيساپتى قاساقانا كەشەۋىلدەتۋ ارەكەتىن جونگە سالۋ كەرەك. ورگاندار، ءىسورىندار ورتا، شاعىن كاسىپورىنداردان زات، قۇرىلىس، قىزمەت وتەۋدى ساتىپ العاندا، زات، قۇرىلىس، قىزمەت وتەۋ تاپسىرىلعان كۇننەن باستاپ 30 كۇن ىشىندە اقشا تولەۋى كەرەك، ەڭ ۇزاعاندا 60 كۇننەن اسىرماۋى كەرەك. ورگانداردىڭ، ءىسورىنداردىڭ جانە ءىرى كاسىپورىنداردىڭ ورتاشا، شاعىن كاسىپورىنداردى ساۋدا پەرەۆود چەگى سياقتى ناق اقشاعا جاتپايتىن تولەۋ تاسىلدەرىن قابىلداۋعا زورلاۋىنا، ساۋدا پەرەۆود چەگىن بەتالدى پايدالانىپ ورتاشا، شاعىن كاسىپورىنداردىڭ قارجىسىن ءتۇسىن وزگەرتىپ يەمدەنىپ الۋىنا بولمايدى. ءىرى كاسىپورىندار جىلدىق بايانداماسىندا مەرزىمى اسىپ كەتسە دە تولەنبەگەن ورتا، شاعىن كاسىپورىنداردىڭ اقشاسىن قوعامعا جاريالاۋى كەرەك. ەكىنشى، جەرگىلىكتى ورىنداردىڭ قاراستى جەرلەرى مەن تاراۋلاردىڭ باقىلاۋ - باسقارۋ جاۋاپكەرلىگىن ناقتىلاندىرىپ، قازىنالىق باقىلاۋدى كۇشەيتىپ، ورگانداردىڭ، ءىسورىنداردىڭ، مەملەكەت مەنشىگىندەگى ءىرى كاسىپورىنداردىڭ ورتا، شاعىن كاسىپورىنداردىڭ ەسەبىن كەشەۋىلدەتىن زاڭ بويىنشا تەكسەرىپ ءبىر جاقتى ەتۋ ءارى قاتاڭ جاۋاپقا تارتۋ، اۋىر سەنىمسىزدىك ىستەگەندەردى اشىق جاريالاۋ كەرەك. ءۇشىنشى، باياندى مەحانيزم قۇرىلىسىن كۇشەيتىپ، قۇرىلىس ينجەنەرياسىنداعى باعا ەسەبىن جابۋعا قاتىستى تۇزىمدەردى اقاۋسىزداندىرىپ، قۇرىلىس قارقىنىنداعى اقشا تولەۋ سالىستىرماسىن جوعارىلاتۋ كەرەك. كەپىلدىك حاتتىڭ (قامسىزداندىرۋدىڭ) ورنىن باساتىن كەپىلدىك اقشانى جاپپاي اتقارۋ كەرەك. ءماجىلىس مىنالاردى دارىپتەدى: «ساۋدا ورتاسىن جاقسارتۋ ەرەجەسى» سياقتى زاڭ - ەرەجەلەرگە قاتىستى سايكەستى ساياساتتاردى جاساۋدى، كەمەلدەندىرۋدى مىقتى يگەرىپ، ەسەپ - قيساپتى كەشەۋىلدەتۋ ماسەلەسىن تۇبىرىنەن ازايتۋ جانە ودان ساقتانۋ كەرەك.
ءماجىلىس مىنالاردى اتاپ كورسەتتى: شارۋا جۇمىسكەرلەردىڭ ەڭبەكاقىسىن دەر كەزىندە تولىق الۋىن قامتاماسىزداندىرۋ − شارۋا جۇمىسكەرلەر وتباسىلارىنىڭ نەگىزگى تۇرمىسىنا ساياتىن ءىرى ءىس. جىل ءولاراسى − ءار ءتۇرلى نىسان، ينجەنەريا قارجىسىنداعى ەسەپ جابۋ مەزگىلى، قىسقى ارناۋلى قيمىلدى ورىستەتىپ، شارۋا جۇمىسكەرلەردىڭ ەڭبەكاقىسىن كەشەۋىلدەتۋ جونىندەگى جونگە سالۋ تەبىنىن ارتتىرىپ، ينجەنەريا قۇرىلىسىن، اسىرەسە، ۇكىمەتتىك قارجى قوسۋدى جانە مەملەكەت مەنشىگىندەگى كاسىپورىن نىساندارىن ءتۇيىن ەتىپ، شارۋا جۇمىسكەرلەردىڭ ەڭبەكاقىسىن ارناۋلى تولەۋ، قۇرىلىستى جالپىلاي كوتەرمەگە العان ورىندار ۋاكىلدىك تاراتۋ سياقتى قامتاماسىزداندىرۋ ءتۇزىمىنىڭ تياناقتانۋ جاعدايىن جاپپاي تەكسەرىپ، بازاردى باقىلاۋ - باسقارۋدى جانە قازىنالىق باقىلاۋدى كۇشەيتۋ كەرەك. ەڭبەكاقىنى تولەمەۋ ارەكەتتەرىن زاڭ بويىنشا، بەلگىلەمە بويىنشا قاتاڭ جازالاپ، مىندەتىن، جاۋاپكەرلىگىن وتەمەگەن ۇكىمەت قىزمەتكەرلەرىن حابارلاندىرىپ سىنداۋ جانە جاۋاپقا تارتۋ كەرەك. شارۋا جۇمىسكەرلەردىڭ زاڭدى ۇقىق - مۇددەسىن شىنايى قورعاۋ كەرەك.
ءماجىلىس مىنالاردى اتاپ كورسەتتى: «13 – بەسجىلدىق» جوبا مەزگىلىندە كاسىپتىك شەبەرلىككە تاربيەلەۋدە باياندى ىلگەرىلەۋشىلىككە قول جەتكىزىلىپ، جۇمىسشى - قىزمەتكەرلەر، شارۋا جۇمىسكەرلەر، كەدەي ەڭبەككۇشتەر قاتارلىلار قوسىمشا قاراجات بەرۋ نەگىزىندە 100 ميلليون ادام - رەتكە جۋىق تاربيەلەندى، اسىرەسە، جۇمىسسىزداردى قامسىزداندىرۋ قورىنان پايدالانىپ كاسىپتىك شەبەرلىكتى جوعارىلاتۋ 3 جىلدىق ارەكەتىنىڭ اتقارىلۋى جۇمىس ورنىن ورنىقتىرۋدا، جۇمىستاندىرۋدى جەبەۋدە ماڭىزدى رول اتقاردى. «14 – بەسجىلدىق» جوبا مەزگىلىندە جۇمىستاندىرۋ بەتالىسىندا تاباندى بولىپ، بازار قاجەتىنە سايكەسىپ، كاسىپتىك شەبەرلىككە باۋلۋدىڭ كولەمىن كەڭەيتىپ، ساپاسىن جوعارىلاتۋدى ىلگەرىلەتۋ كەرەك. ءبىرىنشى، ءتۇرلى كاسىپتىك مەكتەپتەر مەن كاسىپتىك كۋرستان وتكىزۋ قۇرىلىمدارىنىڭ كۋرستان وتكىزۋىنە قولداۋ كورسەتىپ، كاسىپورىنداردىڭ كۋرستان وتكىزۋدەگى نەگىزگى تۇلعالىق رولىن ساۋلەلەندىرىپ، جۇمىس ورنىن ورنىقتىرىپ كۋرستان وتكىزۋدى كۇشەيتىپ، جۇمىسشى - قىزمەتكەرلەردى تەحنيكالىق جاقتان كۋرستان وتكىزۋ مەحانيزمىن اقاۋسىزداندىرۋ كەرەك. ەكىنشى، ورتالىقتىڭ مەجە ەسەبىندەگى قارجىنىڭ الەۋمەتتىك جاتتىعۋ بازاسى قۇرىلىسى سياقتىلاردى قولداۋىن كۇشەيتۋ كەرەك. تاربيەلەۋ قاراجاتىن سالىقتان بۇرىن تارتىپ قالۋ ساياساتىن تياناقتاندىرۋ كەرەك. كۋرستان وتكىزۋگە پايدالانىلاتىن قاتىستى جابدىقتاردى ساتىپ الۋعا سالىق جاعىنان قولداۋ كورسەتۋ كەرەك. جۇمىسسىزداردى قامسىزداندىرۋ قورىنان ۇزدىكسىز پايدالانىپ، قىزمەت ورنىن ورنىقتىرۋ جانە كاسىپتىك شەبەرلىككە تاربيەلەۋ قىزمەتىن ورىستەتۋدى زەرتتەۋ كەرەك. ءۇشىنشى، وزىق جاساۋ كاسىبى، وسى زامانعى قىزمەت وتەۋ كاسىبى سياقتى جوعارى تەحنيكالىق دارىندىلاردى تاربيەلەۋدى كۇشەيتۋ كەرەك. جوعارى مەكتەپ بىتىرگەن وقۋشىلار قاتارلى ءتۇيىندى قاۋىمنىڭ جۇمىستانۋ، يگىلىك جاراتۋ قابىلەتىن جوعارىلاتىپ، 30 ميلليون ادام - رەتتەن استام شارۋا جۇمىسكەرلەردى تاربيەلەۋ كەرەك. جۇمىستانۋعا، يگىلىك جاراتۋعا باعىتتالعان كاسىپتىك وقۋ - اعارتۋ مەن كۋرستان وتكىزۋ ساپاسىن جوعارىلاتۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
