ءار ۇلت حالقىنىڭ تاماشا تۇرمىسى ”زورلىقپەن ەڭبەككە سالدى“ دەگەن وسەك - اياڭنىڭ كۇلىن كوككە ۇشىرادى
− شينجياڭداعى كوپتەگەن جەرلەر ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى
انار بۇلت / شينجياڭ گازەتىنىڭ ءتىلشىسى جاۋ شييا
2021.12.02 17:02 كەلۋ قاينارى : شينجياڭ گازەتى
11 - ايدىڭ 27 -، 28 -، 29 - كۇندەرى بايىنعولين موڭعۇل اۆتونوميالى وبلىسى، تارباعاتاي ايماعى، التاي ايماعى، قارامايلى قالاسى، قاشقار داشۋەسى، شينجياڭ مەديتسينا داشۋەسى ىركەس - تىركەس ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى. اڭگىمە ماجىلىستە امەريكاداعى، باتىستاعى جۇڭگوعا قارسى كۇشتەر ويدان قۇراستىرعان شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەن وسەك - اياڭعا قاراتا كوپشىلىك قاتتى كەكتەنەتىندىكتەرىن جانە جازعىراتىندىقتارىن ءبىلدىردى ءارى فاكت ارقىلى تويتارىس بەردى.
”شينجياڭدا ءار ۇلت حالقى ەڭبەكپەن جۇمىستانۋ ۇقىعىنان تەڭ يگىلىكتەنىپ وتىر. امەريكاداعى، باتىستاعى جۇڭگوعا قارسى كۇشتەردىڭ ’زورلىقپەن ەڭبەككە سالدى‘ دەگەن وسەك - اياڭى اقيقاتقا اۋىر قايشى كەلگەن، اقيقاتتى اياققا تاپتاعان پاسىق قىلىق. مەن شينجياڭنىڭ ءتول تۋماسى رەتىندە، ءسوزسىز، كەۋدە كەرىپ شىعىپ، ساندىراقتاردى ايپاراداي اشىپ تاستايمىن!“. بايىنعولين وبلىسى اۋىل شارۋاشىلىعىن، اۋىل - قىستاقتى ماشينالاندىرۋ، دامىتۋ ورتالىعىنىڭ ينجەنەرى ادىل عالىپ بىلاي دەدى: قىزمەتكە قاتىناسىپ، اۋىل شارۋاشىلىق عىلىم - تەحنيكا قىزمەتكەرى بولعاننان بەرى، مەن ۇنەمى اتىز اراسىندا، ەگىس باسىندا ءجۇرىپ اعا بۋىنداردان ۇيرەندىم، قىزمەتتەستەرىممەن بىرگە جوبالاپ جاساعان قالدىق جارعاقتاردى جيىپ الاتىن اينالمالى تۇتىكتى ماشينا ەگىس اتىزدارىنداعى قالدىق جارعاقتاردى جيىپ الۋ مولشەرىن ءونىمدى جوعارىلاتتى. وسىناۋ جىلداردا مەن ءبىلىمىم مەن ماڭداي تەرىم ارقىلى نەگىزگى ساتىدا اۋىل شارۋاشىلىعىن دامىتۋعا قىزمەت ەتىپ، قاجىرلىلىقپەن كۇرەس جۇرگىزۋ بارىسىندا جاستىق كوكتەمىمدى گۇلدەي جايناتىپ، ءوز قۇنىمدى ۇزدىكسىز ايگىلەدىم.
كۇرەس جۇرگىزۋ بولماسا، جاستىق كوكتەمنىڭ ءسانى بولماس، تاماشا بولاشاق ەڭبەكپەن جاراتىلادى. التاي ايماقتىق جاستار وداعى كوميتەتى پارتيا باسشىلىق گرۋپپاسىنىڭ مۇشەسى، وداق كوميتەتىنىڭ ورىنباسار شۋجيى گۇلبارحان سىماعۇل: ”ءىس جۇزىندە، شينجياڭداعى ءار ۇلت حالقى، اسىرەسە، ءار ۇلت جاستارى تۇگەلدەي بەلسەنە ەڭبەك ەتىپ، جۇمىستانىپ، شارۋاشىلىق قۇرىپ كىرىستەرىن ارتتىرىپ، ومىردەگى ارماندارىن جۇزەگە اسىرۋدا“، - دەدى.
التاي ايماقتىق جاستار وداعى كوميتەتى جاستاردىڭ جۇمىستانۋىنا، شارۋاشىلىق قۇرۋىنا بەلسەنە تۇعىر ازىرلەپ بەردى، 2015 - جىلى ”كاريفور ەگىنشى - مالشىلاردى تەحنيكالىق شەبەرلىككە باۋلۋ جانە شارۋاشىلىق قۇرۋىن سۇيەمەلدەۋ“ ينجەنەرياسىن ەنگىزىپ، جيىنى 4 ميلليون 250 مىڭ يۋان قاراجات تاراتىپ، قارجى ارقىلى كومەكتەسۋ - سۇيەمەلدەۋ، تەحنيكالىق شەبەرلىككە باۋلۋ سياقتى تاسىلدەر ارقىلى توپ - توپ جاستاردى شارۋاشىلىق قۇرىپ بايۋدىڭ داڭعىل جولىنا باستادى.
”شينجياڭداعى ءار ۇلت حالقىنىڭ تاماشا تۇرمىسى ’زورلىقپەن ەڭبەككە سالدى‘ دەگەن وسەك - اياڭنىڭ كۇلىن كوككە ۇشىرادى! شىندىققا تالاس جۇرمەيدى، مەيلى امەريكاداعى، باتىستاعى جۇڭگوعا قارسى كۇشتەر ويدارىنان قانداي وسەك - اياڭ ويدىرىپ شىعارسا دا، شينجياڭنىڭ ءار ۇلت حالقىنىڭ باقىتتى تۇرمىسىن ىلگەرىلەتۋ ءۇشىن ىستەگەن وراسان زور قۇلشىنىستارى مەن قولعا كەلتىرگەن زور جەتىستىكتەرىن تەرىسكە شىعارا المايدى جانە جويا المايدى“، - دەدى قارامايلى قالالىق حالىق قۇرىلتايى تۇراقتى كوميتەتى ۇلت، ءدىن، چياۋمين ىستەرى قىزمەت كوميتەتىنىڭ مەڭگەرۋشىسى ءدىلشات كەكتەنە. ول مىنالاردى ءبىلدىردى: شينجياڭ باستان - اياق ەڭبەكپەن جۇمىستاندىرۋدى جەبەۋدى ەڭ ۇلكەن حالىق تۇرمىسى ينجەنەرياسى، حالىق قالاۋى ينجەنەرياسى، نەگىزدىك ينجەنەريا ەتتى، ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ شەشىمدەرى مەن ورنالاستىرۋىن باتىل دايەكتىلەندىرىپ، جۇمىستاندىرۋدى جەبەۋدى ويداعىداي مىقتى يگەرۋدى حالىق تۇرمىسىن قامتاماسىز ەتۋدەگى جانە جاقسارتۋداعى ماڭداي الدى زورءىس ەتتى، بۇقارانىڭ تابىس سەزىمى، باقىت سەزىمى ۇزدىكسىز كۇشەيدى.
”امەريكاداعى، باتىستاعى جۇڭگوعا قارسى كۇشتەر جۇڭگونىڭ وبرازىنا كۇيە جاعۋ، ەلىمىزدەگى ۇلتتار قاتىناسىنا ىرتكى سالۋ، جۇڭگونىڭ دامۋىنا كەدەرگى بولۋ ءۇشىن قاساقانا ەل - جۇرتتى الجاستىرۋدا. ءبىز دۇنيە ءجۇزىنىڭ جەر - جەرىندەگى دوستاردىڭ شينجياڭعا كەلۋىن، بۇل اراداعى ءار ۇلت حالقىنىڭ ەڭبەكشىلدىكپەن بايىعان شىنايى باقىت كۇلكىسىن كوزدەرىمەن كورۋىن قارسى الامىز“. اڭگىمە ماجىلىسىندە ءدوربىلجىن اۋدانى شاڭحۋ قالاشىق پارتكومىنىڭ مۇشەسى، ۇگىت القاسى ءمۇنيرا بولانقان: ۇكىمەتتىڭ قولدانعان جۇمىستاندىرۋعا كومەكتەسۋ، سۇيەمەلدەۋ شارالارى باستان - اياق ەرىكتى بولۋدى العى شارت ەتىپ كەلەدى، ايتىلمىس ”زورلىقپەن ەڭبەككە سالۋ“ مۇلدە ءومىر سۇرگەن ەمەس، - دەدى.
قاشقار داشۋەسى، شينجياڭ مەديتسينا داشۋەسى اشقان اڭگىمە ماجىلىستە وقىتۋشى - وقۋشىلار ۋاكىلدەرى جابال مىنانى ءبىلدىردى: شينجياڭنىڭ ەڭبەكپەن جۇمىستانۋدى قامتاماسىز ەتۋ ساياساتى مەن ونىڭ امالياتى جۇڭگونىڭ نەگىزگى زاڭىنىڭ رۋحىنا ۇيلەسەدى، حالىقارالىق ەڭبەكشىلەر جانە ادامدىق ۇقىق ولشەمىنە ۇيلەسەدى، شينجياڭداعى ءار ۇلت حالقىنىڭ تاماشا تۇرمىس كەشىرۋ كۇشتى تىلەگىنە، حالىق تۇرمىسىنا پايدا جەتكىزۋگە، حالىق قالاۋىنان شىعۋعا، حالىقتىڭ كوڭىلىن تابۋعا ءتىپتى دە ۇيلەسەدى. شينجياڭعا ساياتىن ماسەلەدە قاسكۇنەمدىك ويدا بولعان، قارالاعان بارلىق پاسىق قىلىقتار تۇبىندە ناتيجەسىز قالا بەرەدى! شينجياڭعا ساياتىن ماسەلەدەن پايدالانىپ ساياسي ويىنمەن اينالىسقان، جۇڭگونىڭ ىشكى ىسىنە كيلىگەتىن ءارقانداي ارەكەت تۇبىندە، ءسوز جوق، جەڭىلىسپەن تىنادى!
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
