بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

15 - كەزەكتى قىسقى ساياحات كورمەسى اشىلدى

  بۇكىل شينجياڭنىڭ قىسقى ساياحاتىنىڭ شىمىلدىعى اشىلدى

2021.12.02 17:07     كەلۋ قاينارى : شينجياڭ گازەتى

  انار بۇلت/شينجياڭ گازەتىنىڭ تىلشىلەرى ياۋ گاڭ، رىن جياڭ، جاڭ تيڭ 11 - ايدىڭ 27 - كۇنى كوكتوعايدان حابارلايدى. 11 - ايدىڭ 27 - كۇنى 15 - كەزەكتى شينجياڭ قىسقى ساياحات كاسىبى ساۋدا كورمەسى (تومەندە قىسقارتىلىپ قىسقى ساياحات كورمەسى دەلىندى) جانە 2021 - جىلعى جۇڭگو باتىس سولتۇستىك ساياحات ساۋدا جينالىسى كوكتوعاي اۋدانىندا اشىلدى، باي مازمۇندى قار - مۇز ساياحاتى قيمىلدارى مەن قار - مۇز جارىس تۇرلەرى بۇكىل شينجياڭنىڭ قىسقى ساياحاتىنىڭ شىمىلدىعىن اشتى.

  اشىلۋ سالتىندا حيلۇڭجياڭ، جيلين ولكەلەرىنىڭ مادەنيەت، ساياحات تاراۋىنىڭ جاۋاپتىلارى، جيلين، شينجياڭ 2 ولكە، رايوننىڭ 10 ايماق، وبلىس، قالاسىنىڭ مادەنيەت، ساياحات تاراۋىنىڭ جاۋاپتىلارى بەينە ەكراندا سالەم جولداپ، قار - مۇز كاسىبىنىڭ دامۋىن تىلگە تيەك ەتتى.

  اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى حوۋ حانمين بىلاي دەدى: سوڭعى جىلدارى شينجياڭ ساپالى قار - مۇز بايلىعىنا سۇيەنىپ، كوپ ءتۇرلى شارانى قاتار قولدانىپ قىسقى ساياحاتتىڭ دامۋىن ىلگەرىلەتتى، بيىل جيلين، شينجياڭ 2 ولكە، رايون جۇڭگو (چاڭبايشان تاۋى سىلەمى − التاي تاۋى سىلەمى) قار - مۇز ەكونوميكاسىنىڭ جوعارى ساپالى دامۋى سىناق رايونىن بىرگە قۇرىپ، جيلين، شينجياڭ 2 ولكە، رايوننىڭ سەلبەستىكتى تەرەڭدەتۋىن، بايلىقتان ورتاق يگىلىكتەنۋىن، ءوزارا ۇيرەنىپ، ۇلگى الۋىن ىلگەرىلەتىپ، قار - مۇز ساياحاتى مەن قار - مۇز ەكونوميكاسىن بار كۇشپەن دامىتىپ، ساياحات كاسىبىنىڭ جوعارى ساپالى دامۋىنا تىڭ ومىرشەڭدىك كۇش قوستى.

  15 - كەزەكتى قىسقى ساياحات كورمەسى كوكتوعاي اۋدانىن نەگىزگى كورمە ورنى ەتىپ، كوكتوعاي، جياڭجۇن تاۋى، جىكبەلەڭ سىندى 3 ۇلكەن حالىقارالىق شاڭعى دەمالىس ءوڭىرى نەگىزگى كورمە ورنىمەن قاتار باستاپ، بۇكىل شينجياڭداعى 14 ايماق، وبلىس، قالانىڭ بيىلعى قىسقى شينجياڭنىڭ ساياحاتىنىڭ شىمىلدىعىن بىرگە اشۋعا جەتەكتەدى. وسىنىڭ سوڭىنان تاعى 10 تۇردەگى مادەنيەت، ساياحات مەرەكە قيمىلدارى مەن 19 تۇردەگى دەنە تاربيە جارىسىن وتكىزىپ، 2022 - جىلعى بەيجيڭ قىسقى وليمپيادا سپورت جارىسىنا دەم بەرەدى. كورمە اشىلعان كۇنى تاعى كوكتوعاي حالىقارالىق شاڭعى دەمالىس ءوڭىرىنىڭ تاۋ شاڭعى تەبۋ ويىنىن كورسەتۋ، كوكتوعاي قالاشىعى تاراتى قىستاعىنىڭ ەلەكتروندى مۋزيكا فەستيۆالى جانە قار - مۇز كيىم - كەشەگى سانگەرلىگى، مۇز دوپ ويىنى سياقتى قيمىلدار وتكىزىلدى.

  وسى كەزەكتى قىسقى ساياحات كورمەسى مەن باتىس سولتۇستىك ساياحات ساۋدا جينالىسى ءبىر ۋاقىتتا وتكىزىلىپ، تىكە تاراتۋ ارقىلى زات ساتۋ رايونى تۇڭعىش رەت قۇرىلدى ءارى ”تاڭعاجايىپ باتىس سولتۇستىك. ەڭ كوركەم جاڭا جىبەك جولىن“ نەگىزگى تاقىرىپ ەتىپ، 12 ساعاتتىق كولەمدى تىكە تاراتۋ قيمىلىن ۇيىمداستىرىپ كوپ ءتۇيىن بىرگە قيمىلداپ، باتىس سولتۇستىكتەگى 5 ولكە، رايوننىڭ ساياحات بايلىعى مەن ونىمدەرىن بىرىكتىرىپ ساتتى.

  اشىلۋ سالتىندا جۇڭگو ساياحات زەرتتەۋ مەكەمەسى «2020 - جىلدان 2021 - جىلعا دەيىنگى جۇڭگو قىسقى ساياحاتى ۇلكەن ساندى مالىمەتى بايانداماسىن» جاريالادى، اۆتونوميالى رايوندىق مادەنيەت جانە ساياحات مەڭگەرمەسى 2021 - جىلعى مەملەكەتتىك 4A دارەجەلى ساياحات كورىنىس اۋماقتارىنا جانە اۆتونوميالى رايون دارەجەلى تۇتاس وڭىرلىك ساياحاتتان ۇلگى كورسەتۋ وڭىرلەرىنە ماڭدايشالىق ۇسىندى.

  تۇڭعىش كەزەكتى شينجياڭ قىسقى ساياحات كورمەسى 2006 - جىلى وتكىزىلگەن، 15 جىلدان بەرى ءماجىلىس - كورمە كولەمى، قيمىل مازمۇنى جانە قاتىناسقان ادام سانى جىل سايىن ارتىپ، ىقپالى ۇزدىكسىز كەڭەيىپ، شينجياڭنىڭ قار - مۇز بايلىعى مەن قار - مۇز مادەنيەتىن ايگىلەيتىن تەرەزەگە اينالدى.

جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار