جاي تۇزدى شيپا بولمايتىن اۋرۋى جوق «قاسيەتتى تۇز» دەپ ماقتاعان
جالعامالى ساتۋ توبىنىڭ قاتارعا تارتقان ادام سانى 30 ساتى بويىنشا 1900 ادامنان اسقان، دەلوعا قاتىستى قاراجات سوماسى 4 ميلليون 500 مىڭ يۋاننان اسقان
ۋاڭ شياۋدان
2021.12.03 13:15 كەلۋ قاينارى : حالىق تورابى
پروكۋراتۋرا گازەتىنىڭ ەرىكتى ءتىلشىسى ۋاڭ شياۋدان حابارلايدى. شيپا بولمايتىن اۋرۋى جوق دەپ جارنامالانعان كۇلگىن بامبۇك تۇزى (زىجۋيان)، شىنىن قۋىپ كەلگەندە، ءار قالتاسىنىڭ قۇنى 1.5 يۋان كەلەتىن جاي تۇز بولىپ شىقتى. جۋىردا شاڭحاي قالاسى پۋتو رايوندىق پروكۋراتۋرا مەكەمەسى زاڭ بويىنشا ايىپتاما كوتەرىپ، ما X جالعامالى ساتۋدى ۇيىمداستىرۋ، جەتەكشىلىك ەتۋ قىلمىسى بويىنشا 6 جىلدىق مەرزىمدى قاماق جازاسىنا ۇكىم ەتىلدى ءارى وعان 100 مىڭ يۋان اقشالاي ايىپ سالىندى.
2018 – جىلى ما X يۇيچۋان حالىقارالىق سەرىكتەستىگى اتىنداعى قۇر اتى عانا بار سەرىكتەستىكتى تىزىمگە الدىرىپ، قول استىنا 4 قولقانات جيناعان: 95 – جىلدىڭ تۇلەگى چىن X باس ديرەكتور بولىپ، سەرىكتەستىكتىڭ مۇشەلەرىن باسقارعان؛ جاۋ X ساۋدا شۋەيۋانىنىڭ مەڭگەرۋشىسى بولىپ، ساباق وتۋشىلەردى تاربيەلەۋگە جاۋاپتى بولعان؛ ينتەرنەت تەحنيكاسىمەن شۇعىلداناتىن ۋاڭ X ينتەرنەتتەگى جالعامالى ساتۋ تەكشەسىن قۇرۋعا جاۋاپتى بولىپ، تەكشەنى جۇرگىزگەن؛ شۇي X شىعىس جۇڭگو رايونىنداعى باس ديرەكتور بولىپ، شىعىس جۇڭگو رايونىنداعى جالعامالى ساتۋ قيمىلدارىن ءبىرتۇتاس جوسپارلاعان. بۇل تورتەۋى ءوز مىندەتتەرىن اتقارىپ، جۇمىس ءبولىسى ايقىن بولىپ، جالعامالى ساتۋ توبىنىڭ ۇيىمدىق قۇرىلىمى مەن جۇمىس جۇرگىزۋ فورماسىن العاشقى قادامدا قالىپتاستىرعان.
وسىدان سوڭ، ما X قاتارلىلار چۇڭچيڭدا يۇيچۋان حالىقارالىق سەرىكتەستىگىنىڭ ينتەرنەتتەن تىس كەڭسەسىن قۇرىپ، «ينتەرنەتتە مەيىر جەتكىزۋ، وي ورتاقتاسۋ + ينتەرنەتتەن تىس تىزبەكتى دۇكەن قۇرۋ» دەگەن جەلەۋمەن، تىكە ساتۋ رۇقسات كۋالىگىن الماعان جاعدايدا، ۋيچات تەكشەسى ارقىلى جالعان ۇگىت جۇرگىزۋمەن قويماي، اشىق ساباق ءوتۋ، ۇگىت ماتەريالدارىن، داڭق كۋالىگىن جاساۋ قاتارلى تاسىلدەرمەن كۇلگىن بامبۇك شايىن راكتى، قانتتى نەسەپ اۋرۋىن ەمدەيتىن، ءتىپتى جاڭا تيپتى ايدارشا ۆيرۋستىڭ الدىن الاتىن كوپتەگەن رولدارى بار دەپ جارنامالاعان. جاۋ X ۇگىت جينالىسىندا: «سۇيەك راگىنا شالدىققان ءبىر ناۋقاس ەمحانادا 3 جىل ەمدەلسە دە ءونىمى بولماعان، ءبىزدىڭ كۇلگىن بامبۇك تۇزىن 2 اي تۇتىنعان سوڭ، ناۋقاسى جاقساردى ءارى تىزگىندەلدى»، — دەپ وتىرىكتى سوققان.
سەرىكتەستىكتىڭ ءتۇزىمى بويىنشا، تۇتىنۋشىلار 1200 يۋان، 3600 يۋان، 9600 يۋان قاتارلى ءتۇرلى باعادا سايكەستى قۇنعا يە كۇلگىن بامبۇك تۇزى ءونىمىن ساتىپ العان سوڭ، ۇقساماعان ءۇش دارەجەدەگى مۇشەگە اينالادى. وسىدان سوڭ، سەرىكتەستىك تىكە تانىستىرۋ سيلىعى، نىساناعا جەتۋ سيلىعى، باسشىلىق سيلىعى قاتارلىلاردى شىرعا ەتىپ، مۇشەلەرىن قول استىنا مۇشە شاقىرۋعا جەلىكتىرىپ، جوعارى – تومەن دارەجەلىك قارىم – قاتىناس قالىپتاستىرادى ءارى ۇقساماعان دارەجەدەگىلەر ءتۇرلى سالىستىرمادا قارىمجىعا يە بولادى، وسى ارقىلى مۇشەلەرىنىڭ سانىن ەسەلەپ ارتتىرادى.
ءىس جۇزىندە، اتالعان سەرىكتەستىك ۇگىتتەگەن اتالمىش كۇلگىن بامبۇك تۇزى اتتى «عاجايىپ» ءونىم تەك ءبىر قالتاسىنىڭ قۇنى 1.5 يۋانعا تۇراتىن اس تۇزى، سىرتقا ساتىلاتىن كۇلگىن بامبۇك تۇزىنىڭ ساۋعالىق قورابىنىڭ (ءبىر قورابىندا 36 قالتا بار) قۇنى تەك 50 – 60 يۋان عانا، ال، جوعارىدا اتالعان سەرىكتەستىك بۇل تۇزدىڭ ءار قورابىن 600 يۋاننان ساتقان، دەمەك، زاۆودتان شىعۋ قۇنىنان 10 ەسە جوعارى بولعان، بۇل ونىڭ ءىس جۇزىندىك قۇنىنان اۋىر دارەجەدە اۋىتقىعان.
سونىمەن بىرگە، ما X دىڭ بايانداۋىنشا، بۇل سەرىكتەستىكتە ساتۋعا جاۋاپتى ءبولىم جوق، ونىڭ ۇستىنە، ساتىلعان ءونىمدى قايتارۋعا بولمايدى، وسىدان – اق، بۇل سەرىكتەستىكتىڭ تاۋار ساتۋدى باعدار ەتپەگەنىن كورۋگە بولادى، كۇلگىن بامبۇك تۇزى تەك قانا ساپاسى ناشار، باعاسى قىمبات «جابدىق تاۋار» سانالادى. سەرىكتەستىكتىڭ دامۋداعى ماقساتى، ءىس جۇزىندە، مۇشە تارتۋ، ەگەر مۇشە ەمەستەر كۇلگىن بامبۇك تۇزىن ساتىپ الماق بولسا، تەك اسىلگى باعاسى بويىنشا ءار قورابىن 600 يۋاندىق جوعارى باعامەن ساتىپ الادى، مۇشە بولسا، ءتيىمدى باعادان يگىلىكتەنەدى، الايدا، سەرىكتەستىك تاعى مۇشەلەردىڭ ايىنا ساتىپ الاتىن مولشەرىنە شەك قويعان، مۇنداي جاعدايدا، ءوزى مۇشە بولۋ اقىسىن تاپسىرىپ مۇشە بولعان سوڭ، باسقالاردى دا مۇشەلىككە تارتۋ ارقىلى پايداعا كەنەلۋ ەڭ ۇتىمدى ءتاسىل سانالادى، مىنە، بۇل جالعامالى ساتۋمەن شۇعىلداناتىنداردىڭ تيپتىك ءتاسىلى.
تەكسەرۋگە قاراعاندا، 2019 – جىلى 9 – ايدان، دەلو انىقتالعانعا دەيىن، سەرىكتەستىكتىڭ مۇشەلەرى 30 ساتى بويىنشا 1900 دەن استام ادامعا جەتكەن، تاپسىرىس بەرۋ جالپى سوماسى 4 ميلليون 500 مىڭ يۋان بولعان. 2020 – جىلى 8 – ايدا، ما X قاتارلىلار قولعا ءتۇسىپ، دەلو انىقتالعان. جۋىردا پۋتو رايوندىق پروكۋراتۋرا مەكەمەسى زاڭ بويىنشا الەۋمەتتىك ايىپتاما كوتەرىپ، سوت مەكەمەسى تەرگەۋ جاساعان سوڭ، پروكۋراتۋرا ورگانىنىڭ جازا ۇكىم ەتۋ جونىندەگى ۇسىنىسىن قابىلداعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
