گۇيليندە ىندەتكە ساياتىن سەزىمتال ينفورماتسيا اشكەرەلەندى: ىسكە قاتىستى ادامدار اكىمشىلىك جازاعا تارتىلدى
2021.12.10 15:58 كەلۋ قاينارى : حالىق تورابى
شينحۋا اگەنتتىگىنىڭ 12 ـ ايدىڭ 8 ـ كۇنى ناننيڭنەن بەرگەن حابارى، گۋاڭشي ولكەسى گۇيلين قالالىق اۋرۋدى تىزگىندەۋ ورتالىعى 12 ـ ايدىڭ 6 ـ كۇنى شەكارادان زاڭسىز كىرگەن ءبىر ادامنىڭ جاڭا تيپتى ايدارشا ۆيرۋس وكپە قابىنۋ ىندەتىن تەكسەرگەندە بولىمدى بولعان، وسىدان كەيىن توراپتا ىندەتكە قاتىستى ادامنىڭ سالاۋاتى سياقتى سەزىمتال ينفورماتسيالار جارىققا شققان. 12 - ايدىڭ 8 - كۇنى گۇيلين قالالىق قوعام حاۋىپسىزدىك مەكەمەسى حابارلاندىرۋ شىعارىپ بىلاي دەدى: ىسكە قاتىستى ادامداردىڭ ارەكەتى ازاماتتاردىڭ جەكەلىك قۇپيالىعىنا قول سۇعۋعا جاتادى، زاڭ بويىنشا اكىمشىلىك جازا بەرىلدى.
گۇيلين قالالىق قوعام حاۋىپسىزدىك مەكەمەسى مىنانى انىقتادى: 12 - ايدىڭ 7 - كۇنى ۋي x ني ىندەتتەن ساقتانۋ تەكسەرۋ قىزمەتىنىڭ قاجەتى ءۇشىن، جوعارى دارەجەلى ورىن تاراتقان ەپيدەميولوگيالىق تەكسەرۋ كەستەسىن الادى، ءبىراق ول بەلگىلەمەگە قايشىلىق جاساپ، ەپيدەميولوگيالىق تەكسەرۋ كەستەسىن قىزمەتكە قاتىسسىز قىزمەتتەستەرىنىڭ ءۇنحات توبىنا تاراتادى؛ وسى قىزمەتتەستەر توبىنداعى حۋاڭ x پىڭ تاعى دا وسى ەپيدەميولوگيالىق تەكسەرۋ كەستەسىن سۋرەتكە اينالدىرىپ ساباقتاستارىنىڭ ءۇنحات توبىنا جولدايدى، بۇل ينفورماتسيانىڭ ۇزدىكسىز تارالۋىنا مۇرىندىق بولادى. گۇيلين قالالىق قوعام حاۋىپسىزدىك ورگانى «جۇڭحۋا حالىق رەسپۋبليكاسىنىڭ اماندىق باسقارۋعا قايشىلىق جاساعانداردى جازالاۋ زاڭىنداعى» قاتىستى بەلگىلەمەلەرگە ساي، زاڭ بويىنشا ۋي x ني مەن حۋاڭ x پىڭعا جەكە - جەكە اكىمشىلىك جازا قولدانادى.
قوعام حاۋىپسىزدىك ورگانى تەكسەرىپ دالەل الۋدى جالعاستى ورىستەتىپ، ىندەتكە ساياتىن ينفورماتسيالاردى تاراتقان، شىنايى بولماعان ينفورماتسيانى تاراتقان ازاماتتاردى، جەكە ادامنىڭ قۇپيالىعىنا قول سۇعىپ زاڭعا قايشىلىق جاساعان باسقا دا ادامداردى زاڭ - ەرەجە بويىنشا ءبىر جاقتى ەتەدى.
گۇيلين ساقشى جاعى مىنانى قاتاڭ ەسكەرتەدى: وسەك – اياڭ تۋدىرماۋ، وسەك - اياڭ تاراتپاۋ، وسەك - اياڭعا سەنبەۋ، بارلىق ىستە ۇكىمەت جاريالاعان ينفورماتسيالاردى ولشەم ەتۋ كەرەك. ازاماتتاردىڭ جەكەلىك قۇپيالىعى زاڭنىڭ قورعاۋىندا بولادى، اداقتالماعان ينفورماتسيالاردى جانە ازاماتتاردىڭ جەكەلىك ينفورماتسيالارىن بەتالدى تاراتپاۋ كەرەك.
گۇيلين ساقشى جاعى توراپ جاعدايىنا قاداعالاي نازار اۋدارىپ، ىندەتكە ساياتىن وسەك - اياڭ تۋدىرۋ، تاراتۋ جانە ازاماتتاردىڭ جەكەلىك قۇپيالىعىنا قول سۇعۋ سىندى زاڭعا قايشى ارەكەتتەردى زاڭ بويىنشا تەكسەرىپ ءبىر جاقتى ەتەدى؛ قىلمىسقا ساياتىندارىنىڭ قىلمىستىق ىستەر جاۋاپكەرشىلىگى زاڭ بويىنشا قۋزاستىرىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
