لي جانشۋ فينلانديانىڭ پارلامەنت باستىعى ۋەحۆيلەنينمەن كەڭەس وتكىزدى
2021.12.10 16:34 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 9 – كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 12 - ايدىڭ 9 – كۇنى بەيجيڭدەگى حالىق سارايىندا بەينە ەكران تاسىلىمەن فينلانديانىڭ پارلامەنت باستىعى ۋەحۆيلەنينمەن كەڭەس وتكىزدى.
لي جانشۋ بىلاي دەدى: ءتوراعا شي جينپيڭ مەن نينيستو زۇڭتۇڭنىڭ ستراتەگيالىق جەتەكشىلىگى مەن جەبەۋىندە، جۇڭگو مەن فينلانديا بولاشاققا بەت العان جاڭاشا سەلبەستىك سەرىكتەستىك قاتىناسىن ورناتتى. ەكى ەل باسشىلارى قويۋ بارىس - كەلىستى جالعاستىرىپ، جاڭا جاعدايداعى ەكى جاقتى قاتىناس پەن دوستىق سەلبەستىككە ايقىن باعدار كورسەتتى. جۇڭگو فينلانديامەن بىرگە قۇلشىنىپ، اۋىس - كۇيىستى، سەلبەستىكتى ۇزدىكسىز كۇشەيتىپ، جۇڭگو - فينلانديا قاتىناسىنىڭ ۇزدىكسىز دامۋىن ىلگەرىلەتۋدى قالايدى.
لي جانشۋ بىلاي دەپ اتاپ كورسەتتى: تولىسقان جانە ورنىقتى جۇڭگو - فينلانديا قاتىناسى ەكى ەل حالىقتارىنىڭ ورتاق مۇددەسى مەن تىلەگىنە ۇيلەسەدى. ەكى جاقتىڭ ساياسي جاقتاعى ءوزارا سەنىمدىلىكتى ۇزدىكسىز كۇشەيتىپ، ءوزارا قۇرمەت ەتۋ، تەڭ تۇرعىدا مامىلە جاساۋ، پارىقتاردى ساقتاپ، ورتاقتىققا ۇمتىلۋ، سەلبەسىپ تەڭ يگىلىككە كەنەلۋ سىندى جۇڭگو مەن فينلانديانىڭ ديپلوماتيالىق قاتىناس ورناتۋ پرينسيبىندە باستان - اياق تاباندى بولىپ، ەكى جاقتى قاتىناستىڭ اقاۋسىز دامۋىنىڭ ساياسي نەگىزىن بەكەمدەۋىن ءۇمىت ەتەمىن. ءار سالاداعى ناقتى سەلبەستىكتى كەڭەيتىپ، ساۋداعا قارجى قوسۋ، ينفورماتسيا - حابارلاسۋ، ەنەرگيا ۇنەمدەپ، قورشاعان ورتانى قورعاۋ، ىندەتكە قارسى اتتانۋ سياقتى جاقتارداعى سەلبەستىكتى كەڭەيتىپ، ءوزارا بايلانىستى ورنىقتى ىلگەرىلەتىپ، «ءبىر بەلدەۋ، ءبىر جولدى» بىرگە قۇرۋدى جەبەۋ كەرەك. گۋمانيتارلىق اۋىس - كۇيىستى تەرەڭدەتىپ، ەكى ەل حالىقتارى اراسىنداعى دوستىق سۇيىسپەنشىلىكتى بەكەمدەۋ كەرەك. قىسقى سپورت سەلبەستىگى − جۇڭگو مەن فينلانديانىڭ گۋمانيتارلىق سەلبەستىگىنىڭ ماڭىزدى جاعى، كەلەر جىلى جاڭا جۇڭگو ۋاكىلدەر ۇيىرمەسىنىڭ فينلانديادا وليمپيادا سپورت جارىسىنا تۇڭعىش رەت قاتىناسقانىنىڭ 70 جىلدىعى، فينلانديا ۋاكىلدەر ۇيىرمەسىنىڭ جۇڭگوعا كەلىپ بەيجيڭ قىسقى وليمپيادا سپورت جارىسىنا قاتىناسۋىن قارسى الامىز.
لي جانشۋ بىلاي دەپ دارىپتەدى: ۇزاق ۋاقىتتان بەرى جۇڭگو مەن فينلانديانىڭ زاڭ شىعارۋ قۇرىلىمدارى قويۋ دوستىق بارىس - كەلىستى جالعاستىردى. جۇڭگو مەملەكەتتىك حالىق قۇرىلتايى فينلانديا پارلامەنتىمەن بىرگە اۋىس - كۇيىستى، سەلبەستىكتى كۇشەيتىپ، ەكى ەل قاتىناسىنىڭ باياندى، اقاۋسىز دامۋىنا بەلسەندى ۇلەس قوسۋدى قالايدى. جوعارى جىكتەگىلەردىڭ بارىس - كەلىسىن جالعاستىرىپ، ارناۋلى كوميتەتتەر، دوستىق گرۋپپالار، ۋاكىلدەر مەن پارلامەنت مۇشەلەرى اراسىنداعى قارىم - قاتىناستى، اۋىس - كۇيىستى تەرەڭدەتۋ كەرەك. زاڭ شىعارۋ، باقىلاۋ جانە ەل باسقارۋ تاجىريبەلەرىن ءوزارا ۇيرەنىپ، ۇلگى الىپ، ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتىپ، وزگەرىس ەنگىزىپ نەمەسە شىعارىپ، ناقتى سەلبەستىكتى زاڭمەن جونگە سالۋ جاعىنان قامتاماسىز ەتۋ كەرەك. كوپ جاقتى ورىنداردا سايكەسۋدى، سەلبەسۋدى كۇشەيتىپ، بىرگە دامۋدى جەبەۋ كەرەك.
لي جانشۋ جۇڭگونىڭ حالىق قۇرىلتايى تۇزىمىنە قاتىستى جاعدايلاردى تانىستىردى. ول بىلاي دەدى: دەموكراتيا − بۇكىل ادامزاتتىڭ ورتاق قۇندىلىعى، حالىق شەشۋگە ءتيىستى ماسەلەلەردى شەشۋگە ىستەتىلەدى، دەموكراتيانى جۇزەگە اسىرۋدىڭ الۋان ءتۇرلى ءتاسىلى بار، ءبىر سارىندى بولۋ مۇمكىن ەمەس. جۇڭگو حالىق قۇرىلتايى تۇزىمىندە تاباندى بولىپ جانە ونى كەمەلدەندىرىپ، جالپى بارىستىق حالىق دەموكراتياسىن ۇزدىكسىز دامىتىپ، ەل باسقارۋدىڭ ءتۇرلى ساياساتتارى مەن قىزمەت امالياتىندا حالىقتىڭ وزىنە - ءوزى قوجا بولۋىن ناقتى، رەال تۇردە ايگىلەيدى.
ۋەحۆيلەنين مىنانى ءبىلدىردى: فينلانديا مەن جۇڭگونىڭ ۇزاق ۋاقىتتىق دوستىق بارىس - كەلىس تاريحى بار، ەكى ەل 2017 - جىلى بولاشاققا بەت العان جاڭاشا سەلبەستىك سەرىكتەستىك قاتىناسىن ورناتتى. بىلتىر ەكى جاق ديپلوماتيالىق قاتىناس ورناتۋدىڭ 70 جىلدىعىن بىرگە قۇتتىقتادى. فينلانديا بەيجيڭ قىسقى وليمپياداسىنا بەلسەنە قاتىناسادى ءارى جاقسى ناتيجەگە قول جەتكىزۋدى ءۇمىت ەتەدى. فينلانديا پارلامەنتى جۇڭگو مەملەكەتتىك حالىق قۇرىلتايىمەن اۋىس - كۇيىستى كۇشەيتىپ، ەكى ەلدىڭ ەكونوميكانى دامىتۋ، ەركىن ساۋدا، ىندەتكە سوققى بەرۋ، جاسىل تيپكە بۇرىلىس جاساۋ، كليمات وزگەرىسى، قىسقى سپورت سياقتى سالالارداعى ناقتى سەلبەستىگىن جەبەۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
