الدىڭعى 3 توقساندا اۋىل – قىستاق تورابىنىڭ بولشەك ساتىلۋ سوماسى سايكەس مەزگىلدەگىدەن %16.3 ارتتى (جاڭا ساندى مالىمەت، جاڭا ءتۇيىن)
«حالىق گازەتىنىڭ» تىلشىلەرى گاۋ يۇنساي، ۋاڭ كى، چاڭ چين
2021.12.10 16:35 كەلۋ قاينارى : حالىق تورابى
ءۇزۋ بارىسى تازا، قوراپتالعان سوڭ ساندىقتارعا سالىنادى، زات اينالىمى جۇك اۆتوموبيلدەرى تىنباي كەلىپ تۇرادى. جياڭشي ولكەسى رۇيجين قالاسى حۋاڭباي اۋىلى فۋشي قىستاعىنىڭ اپەلسين بازاسىندا جاڭا عانا ءۇزىپ الىنعان ساندىق - ساندىق اپەلسين ەلەكتروندىق ساۋدا تۇعىرى ارقىلى بۇكىل ەلدىڭ جەر - جەرىنە ساتىلادى. «ينتەرنەت دۇكەنى بولعان سوڭ، جىل سايىن جەمىس - جيدەك ساتۋدان تارىقپايتىن بولدىق، تۇرمىسىمىز ءتىپتى دە جاقساردى!» بازانىڭ جاۋاپتىسى ۋاڭ فۋجوۋ تانىستىرىپ بىلاي دەدى: بيىل تەرۋ مەزگىلىندە ءبىز ەشقايدا سابىلماي - اق ءار كۇنى مىڭ ساندىقتان استام اپەلسين ساتىپ، 300 دەن استام شارۋانىڭ ىرگەدە جۇمىستانۋىنا مۇمكىندىك جاراتتىق.
باس شۋجي شي جينپيڭ: «ەلەكتروندىق ساۋدا بۇقارانىڭ كەدەيلىكتەن ارىلۋىنا كومەكتەسىپ قانا قويماي، اۋىل - قىستاقتى كوركەيتۋگە دە دەم بەرەدى، بولاشاعى زور». «اۋىل - قىستاقتىڭ ەلەكتروندىق ساۋدا جانە جەدەل جەتكىزۋ كاسىبىن بەلسەنە دامىتىپ، اۋىل شارۋاشىلىق ونىمدەرىنىڭ ساتىلۋ ارناسىن كەڭەيتىپ، شارۋالاردىڭ كىرىسىن ارتتىرۋ كەرەك» دەپ اتاپ كورسەتكەن بولاتىن.
بيىل جىل باسىنان بەرى ەلىمىزدىڭ اۋىل - قىستاعىنداعى ەلەكتروندىق ساۋدادا جەدەل دامۋدىڭ جاڭا جاعدايى جارىققا شىقتى. ساۋدا مينيسترلىگى جاريالاعان ساۋدا ءىرى ساندى مالىمەتىندە كورسەتىلۋىنشە، الدىڭعى 3 توقساندا بۇكىل ەل بويىنشا اۋىل - قىستاق تورابىنىڭ بولشەك ساتىلۋ سوماسى ءبىر تريلليون 429 ميلليارد 310 ميلليون يۋان بولىپ، سايكەس مەزگىلدەگىدەن %16.3 ارتقان؛ بۇكىل ەل بويىنشا اۋىل شارۋاشىلىق ونىمدەرىنىڭ توراپتا بولشەك ساتىلۋ سوماسى 304 ميلليارد 390 ميلليون يۋان بولىپ، سايكەس مەزگىلدەگىدەن %1.5 ارتقان.
− توراپ جەلىسى قالا مەن اۋىل – قىستاقتى تۇتاستىردى، اۋىل - قىستاق ەلەكتروندىق ساۋداسى ءوندىرۋ مەن ساتۋدى ۇشتاستىرۋدىڭ جاڭا تۇعىرىنا اينالدى.
«اۋىلداستاردىڭ توراپتا زات ساتىپ الۋ ىنتاسى تاسقىندادى، ءار كۇنى زات جەتكىزۋمەن قاربالاس بولامىز». گانسۋ ولكەسى كاڭشيان اۋدانى پيڭلو قالاشىعى ليۋحى قىستاعىنىڭ ەلەكتروندىق ساۋدا قىزمەت وتەۋ پۋنكتىندە ليۋ چىڭحۇي تاڭەرتەڭ ەرتەمەن جەدەل جەتكىزۋ جۇمىسىن ءبولىسىپ الدى. بيىل بۇل اۋدان قىستاق دارەجەلى ەلەكتروندىق ساۋدادان قىزمەت وتەۋ پۋنكتىنىڭ ساپاسىن جوعارىلاتىپ، ەرەكشە ونىمدەردى ساتۋ، تىكە تاراتىلىم ارقىلى اۋىل شارۋاشىلىعىنا دەم بەرۋ سياقتى جاڭا كاسىپتەردى اشتى. قازىر ليۋ چىڭحۇيدىڭ دۇكەنى كۇنىنە 300 دەن استام تاپسىرىس قابىلداپ - جونەلتىپ، جىلىنا 150 مىڭ يۋان اينالاسىندا پايدا تابادى.
اۋىل - قىستاق ەلەكتروندىق ساۋداسىنىڭ جاقسارۋى − اۋىل - قىستاق توراپ نەگىزدىك قۇرىلعىلار قۇرىلىسىنىڭ جەدەل ىلگەرىلەتىلۋىنىڭ ارقاسى. بيىل 6 - ايعا دەيىن، اۋىل - قىستاق رايوندارىندا ينتەرنەتتىڭ جالپىلاسۋ شاماسى %59.2 كە جەتىپ، اكىمشىلىك قىستاقتاردا وپتيكالىق كابەل مەن 4G تورابىنىڭ سالىستىرماسى بىردەي %99 تەن اسىپ، اۋىلداستار سيفرلانۋدىڭ قولايلىلىعى مەن تيىمدىلىگىنەن كوپتەپ يگىلىكتەندى.
اۋىل - قىستاق ەلەكتروندىق ساۋداسىنىڭ جەدەل دامۋى اۋىل - قىستاق تۇتىنۋىن جانداندىردى. بيىل 10 - ايدا ەلىمىزدىڭ اۋىل - قىستاق بازارىنىڭ ساتۋ سوماسى سايكەس مەزگىلدەگىدەن %5.6 ارتىپ، ارتۋ قارقىنى الدىڭعى ايداعىدان 0.2 پايىز تەزدەدى. وتكەن جىلدىڭ سوڭىنا دەيىن اۋىل - قىستاق تۇتىنۋ بۇيىمدارىنىڭ بولشەك ساتىلۋ سوماسىنىڭ ارتۋ قارقىنى ءۇرتىس 8 جىل قالا - قالاشىقتاردىكىنەن تەز بولدى. «13 – بەسجىلدىق» مەزگىلىندە بۇكىل ەل بويىنشا اۋىل – قىستاق تورابىنىڭ بولشەك ساتۋ سوماسى 2016 – جىلعى 890 ميلليارد يۋاننان 2020 – جىلى ءبىر تريلليون 790 ميلليارد يۋانعا جەتىپ، جىلدىق ورتاشا ارتۋ شاماسى %19.1 بولدى.
− اتىز باسىنداعى ساپالى، باعاسى ۇيلەسىمدى ونىمدەر تۇتىنۋشىلارعا تىكەلەي جەتكىزىلىپ، اۋىل - قىستاقتاعى ەلەكتروندىق ساۋدا شارۋالاردىڭ كىرىسىن ارتتىرۋدىڭ جاڭا تىرەگىنە اينالدى.
«الدىڭعى ءبىر مەزگىلدە وراق باستاماي تۇرىپ كۇرىشتى ساتىپ الۋعا تاپسىرىس بەرىلدى». جياڭسۋ ولكەسى سۋچيان قالاسى سۋيۇي رايونى دۇڭدۇن قىستاعىنىڭ شياڭمي ەگىمشىلىك بازاسىنداعى لي شيانساي ەلەكتروندىق ساۋدا تاپسىرىسىنا سۇيەنىپ 600 مۋ جەردەگى ساپالى كۇرىشىن قينالماي ساتىپ، 35 شارۋا وتباسىسىنىڭ كىرىستى ارتتىرىپ، اۋقاتتانۋىنا باستاماشىلىق ەتتى. بيىل جىل باسىنان بەرى سۋيۇي رايونى جاڭادان جەلىگە شىعارىپ ساتقان ەرەكشەلىككە يە اۋىل شارۋاشىلىق ونىمدەرى 400 تۇردەن اسىپ، ايگىلى، ساپالى اۋىل شارۋاشىلىق ونىمدەرىنىڭ توراپتا ساتىلۋ سوماسى ءبىر ميلليارد يۋاننان استى.
حىبەي ولكەسىنىڭ جۇيلۋ اۋدانىندا اۋىلىنا قايتىپ يگىلىك جاراتقان جاس ما جيە بۇل كۇندە زاتتى تىكە تاراتۋمەن شۇعىلدانۋدا، تاپسىرىس مولشەرى ۇزدىكسىز جوعارىلاۋدا. «ءار كۇنى ۇشقاتتان 200 دەن استام تاپسىرىس وتكىزەمىن، جىلدىق ساتىلىم سوماسى ءبىر ميلليون يۋاننان اسادى». ما جيە بىلاي دەدى: ۇشقات − جۇيلۋ اۋدانىنىڭ ەرەكشە ءونىمى، توراپتا ساتىلعاننان كەيىن كوپتەگەن جاڭا الارمان تۇراقتى الارمانعا اينالدى.
توراپ اعىنى «جاڭا اۋىل شارۋاشىلىق ءوندىرىس قۇرال - جابدىقتارىنا»، تىكە تاراتۋ اۋىل – قىستاقتاعى جاڭاشا ىسكە، ەلەكتروندىق ساۋدا تۇعىرىمەن ساتۋ اۋىل شارۋاشىلىق ونىمدەرىن ساتۋدىڭ ماڭىزدى ارناسىنا اينالدى. وتكەن جىلدىڭ سوڭىنا دەيىن بۇكىل ەل بويىنشا اۋىل - قىستاق ينتەرنەت ساۋداگەرلەرى (دۇكەن) 15 ميلليون 205 مىڭعا جەتىپ، اۋىل - قىستاقتا ءوز جەرىندە يگىلىك جاراتۋ ارقىلى 36 ميلليون ادامدى جۇمىستاندىرۋعا جان - جاقتى ۇلگى كورسەتىلىپ، جەتەكشىلىك ەتىلىپ، كەدەيلىكتەن ارىلعان بۇقارادان جالپى 6 ميلليون 188 مىڭ ادامنىڭ كىرىسىن ارتتىرۋعا باستاماشىلىق ەتىلدى. بيىل جىل باسىنان بەرى جەر - جەردىڭ اۋىل - قىستاقتارىندا يگىلىك جاراتۋعا، جاڭالىق اشۋعا قولداۋ كورسەتۋ تەبىنى ۇزدىكسىز كۇشەيىپ، اۋىلعا قايتىپ، اۋىل - قىستاققا تۇسكەن كوپتەگەن ادام ينتەرنەت سياقتى وسى زامانعى تاسىلدەر ارقىلى اۋىلداستاردىڭ كىرىستى ارتتىرۋىنا باستاماشىلىق ەتتى.
− كاسىپتى نىعايتىپ، دارىندىلاردى تاربيەلەدى، اۋىل - قىستاقتارداعى ەلەكتروندىق ساۋدا اۋىل - قىستاقتى كوركەيتۋدىڭ تىڭ قوزعاۋشى كۇشىنە اينالدى.
«الما ەلەكتروندىق ساۋدا كاسىپ تىزبەگىنە جالعانىپ، زات جەتكىزۋ اقىسى كورنەكتى تومەندەدى». شانشي ولكەسى ي - جۇن اۋدانىنىڭ اۋىل شارۋاشىلىق ونىمدەرىن توراپتا ساتۋداعى باس جۇرگىزۋشىسى ياڭ تيڭنىڭ ءسوزى كىسىنى شاتتاندىرادى. بۇل اۋدان زات اينالىمى كاسىپورىندارىن ەنگىزىپ، اۋىل شارۋاشىلىق ونىمدەرىنىڭ قىستاقتان قالاعا كىرۋ ارناسىن ىركىلىسسىزدەندىرگەن. ول: «ي – جۇن اۋدانىنىڭ الماسى جەلىگە شىعارىلعاننان كەيىن باسەكەلىك قۋات بارعان سايىن كۇشەيدى، تاياۋدا اۋىلداستار مەنى ىزدەپ كەلىپ زات ساتىپ الدى» دەدى.
اۋىل - قىستاق ەلەكتروندىق ساۋداسى كەدەيلىكتەن ارىلتۋدىڭ كاسىپ تىزبەگىنە دەم بەردى. قازىر بۇكىل ەل بويىنشا كەدەيلىكتەن ارىلعان 832 اۋداندا ءتۇرلى ەلەكتروندىق ساۋدا قىزمەت وتەۋ تۇيىندەرى 100 مىڭنان اسىپ، اۋىل شارۋاشىلىق ونىمدەرىنىڭ جوعارىعا ساتىلۋ، ونەركاسىپ ونىمدەرى تومەنگە ساتىلۋ جولدارى اناعۇرلىم ىركىلىسسىزدەندى. ادام اينالىمى، زات اينالىمى، قارجى اينالىمى كەدەيلىكتەن ارىلعان وڭىرلەرگە قاراي كەڭەيىپ، ءاربىر وتباسىنىڭ شاعىن ءوندىرىسىنىڭ ءىرى بازارلارمەن ءونىمدى ۇشتاسۋىن جەبەپ، كەدەيلىكتەن ارىلعان وڭىرلەردىڭ اۋىل شارۋاشىلىعىنىڭ ونىمدىلىگىن ارتتىرۋىنا، شارۋالاردىڭ كىرىسىن ارتتىرۋىنا پارمەندى دەم بەردى.
اۋىل - قىستاق ەلەكتروندىق ساۋدا دارىندىلارىن جەتىلدىرۋدى جەدەلدەتىپ، اۋىل - قىستاق دارىندىلارىنىڭ گۇلدەنۋىن پارمەندى ىلگەرىلەتتى. 2019 - جىلدان بەرى ساۋدا مينيسترلىگى بۇكىل ەلدەگى ەلەكتروندىق ساۋدا الەۋمەتتىك قىزمەت وتەۋ تۇعىرى قۇرىلىسىنىڭ قولدانىلۋىن ىلگەرىلەتىپ، حالىققا تيىمدىلىك جاساۋ، كاسىپورىندارعا تيىمدىلىك جاساۋ ارەكەتىن ورىستەتىپ، ەلەكتروندىق ساۋدا تۇعىرى، كاسىپتىك تاربيەلەۋ قۇرىلىمى سياقتى كوپ ءتۇرلى قىزمەت وتەۋ بايلىعىن ءبىر تۇتاس جوسپارلاپ، اۋىل شارۋاشىلىعىنا ساياتىن نەگىزگى تۇلعالاردى قامتىعان قالىڭ ورتا، شاعىن كاسىپورىندار مەن جەكەلەردى اۋىل - قىستاق ەلەكتروندىق ساۋدا ساباعىمەن قاتىستى قىزمەت وتەۋمەن اقىسىز قامدادى.
اۋىل شارۋاشىلىق ونىمدەرىمەن قامداۋ تىزبەگى ونان ارى ساپالىلاندى. بيىل جىل باسىنان بەرى اۋىل - قىستاق ەلەكتروندىق ساۋداسى اۋىل شارۋاشىلىق ونىمدەرىنىڭ ءوندىرىلۋى مەن ساتىلۋىن ۇشتاستىرۋدى جەبەۋ، اۋىل شارۋاشىلىعىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتۋ، كەدەيلىكتەن ارىلتۋدان قامال الۋ مەن اۋىل - قىستاقتى گۇلدەندىرۋدى ءونىمدى ۇشتاستىرۋدى جەبەۋ، اۋىل - قىستاقتى گۇلدەندىرۋدى جاپپاي ىلگەرىلەتۋ سياقتى جاقتاردا كورنەكتى ونىمدىلىككە قول جەتكىزدى. اۋىل شارۋاشىلىعى، اۋىل - قىستاق مينيسترلىگى كەلەسى قادامدا «ينتەرنەت+» اۋىل شارۋاشىلىق ونىمدەرىن قىستاقتان شىعارىپ قالاعا جەتكىزۋ ينجەنەرياسىن تۇتقا ەتىپ، اۋىل شارۋاشىلىق ونىمدەرىن ءوندىرۋ مەن ساتۋدىڭ ىركىلىسسىز ۇشتاسۋىن، ساپالى، باعاسىنىڭ لايىقتى بولۋىن جەبەپ، اۋىل شارۋاشىلىعىنىڭ تيبىن وزگەرتىپ، دارەجەسىن جوعارىلاتۋعا، ساپاسىن جوعارىلاتىپ، ونىمدىلىگىن ارتتىرۋعا جەتەكشىلىك ەتىپ، شارۋالاردىڭ جۇمىستانىپ، كىرىسىن ارتتىرۋ ارناسىن كەڭەيتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن ىلگەرىلەتۋگە جاڭا قوزعاۋشى كۇش ازىرلەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
