شينحۋا اگەنتتىگىنىڭ ءتىلشىسى شۇي جيڭ 12 – ايدىڭ 12 – كۇنى چيكاكودان حابارلايدى. جۇڭگونىڭ ا ق ش – ندا تۇراتىن باس ەلشىلىگىنىڭ، جۇڭگونىڭ چيكاگودا تۇراتىن باس كونسۋلدىعىنىڭ 12 – ايدىڭ 12 – كۇنى تۇراقتاندىرۋىنشا، سول كۇنى تاڭ سارىدە، ا ق ش – نىڭ ورتا بولىگىندەگى 6 شتاتتا قۇيىن سوققان، جۇڭگو ازاماتتارىنىڭ جارالانعانى، قازا بولعانى جونىندە مالىمەت بەرىلمەگەن.
ا ق ش اقپارات قۇرالدارىنىڭ 12 – ايدىڭ 11 – كۇنى حابارلاۋىنشا، 12 – ايدىڭ 10 – كۇنى كەشتەن 11 كۇنى تاڭ سارىدە، ا ق ش – نىڭ ورتا بولىگىندەگى 6 شتاتتا كەمىندە 30 رەت قۇيىن سوققان، بۇل 6 شتات: اركانساس شتاتى، ميسسيسيپي شتاتى، يلينويس شتاتى، كەنتاكي شتاتى، تەننەسي شتاتى جانە ميسسۋري شتاتى. قازىرگە دەيىن، وسى رەتكى قۇيىندا 80 نەشە ادام قازا بولعان. قۇتقارۋ قىزمەتىنىڭ ورىستەتىلۋىنە بايلانىستى، قازا بولعانداردىڭ سانى ءالى دە ارتۋى مۇمكىن.
كەنتاكي شتاتى وسى رەتكى قۇيىندا ەڭ اۋىر زيانعا ۇشىراعان. قۇيىن سوققان كەزدە بۇل شتاتتاعى بالاۋىز وندىرەتىن ءبىر زاۆودتا 110 داي جۇمىسشى جۇمىس ىستەپ جاتقان، ولاردىڭ 70 نەشەسى قازا بولعان، تاعى 40 نەشە جۇمىسكەردىڭ دەرەگى بەلگىسىز، ەڭ سوڭىندا قازا بولعانداردىڭ سانى 100 ادامنان اسىپ كەتۋى مۇمكىن. كەنتاكي شتاتىنىڭ باستىعى اندي بەشەر 12 – ايدىڭ 11 – كۇنى بۇل شتاتتىڭ شۇعىل كۇيگە وتكەنىن جاريالادى. ا ق ش زۇڭتۇڭى بايدەن فەدەراتسيالىق ۇكىمەتتىڭ كەنتاكيگە كومەك بەرەتىنىن ايتقان.
كەلۋ قاينارى: حالىق تورابى