بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭ نانشان: وميكرون ۆيرۋسى دۇنيە جۇزىنە جۇڭگونىڭ قولدانعان ءادىسىنىڭ دۇرىس ەكەنىن بىرتىندەپ اڭعارتۋدا

2021.12.13 15:57     كەلۋ قاينارى : حالىق تورابى


  قازىر وميكرون وزگەرگەن ۆيرۋس تۇبىرشىگى بايقالعاندىقتان، كوپ ەلدەردە ناۋقاسقا شالدىقتى دەپ دياگنوز قويىلعانداردىڭ سانى كورنەكتى ارتتى، بۇل ەلىمىزدىڭ «اۋرۋدىڭ سىرتتان ەنۋىنەن، ىشكى جاقتا قايتا تارالۋىنان ساقتانۋ» قىسىمىن ۇزدىكسىز ارتتىردى. ىندەتتىڭ جاعدايى تۋرالى، جۇڭ نانشان ەڭ جاڭا پىكىر ءبىلدىردى.

  جۇڭ نانشان: وميكرون دۇنيە جۇزىنە جۇڭگونىڭ قولدانعان ءادىسىنىڭ دۇرىس ەكەنىن بىرتىندەپ اڭعارتۋدا

  «ءبىر بەلدەۋ، ءبىر جول» حالىقارالىق عىلىمي ۇيىم بىرلەستىگى ۇيىمداستىرعان تۇڭعىش كەزەكتى ءىرى شىعاناق رايونى عىلىمي تالقى مىنبەرى 12 – ايدىڭ 11 – كۇنى گۋاڭجوۋدا اشىلدى. جۇڭگو ينجەنەريا اكادەمياسىنىڭ اكادەميگى جۇڭ نانشان تالقى مىنبەرىندە مىنانى ءبىلدىردى: وميكرون وزگەرگەن ۆيرۋس تۇبىرشىگىنە باعىتتاي وتىرىپ، كوپتەگەن ەلدەر ەرتە باستان بۇل ماسەلەگە نازار اۋدارىپ، ون نەشە ناۋقاس بايقالعان كەزدە – اق شارا قولدانعان، ونىڭ ۇستىنە، كەيبىر ەلدەردىڭ باسقارۋ – مەڭگەرۋ شارالارى ءبىرشاما قاتاڭ بولعان، بۇل وسى ءبىر – ەكى جىل ىشىندە، دۇنيە ءجۇزىنىڭ جۇڭگونىڭ قولدانعان ءادىسىنىڭ دۇرىس ەكەنىن بىرتىندەپ سەزىنگەنىن تۇسىندىرەدى.

  جۇڭ نانشان بىلاي دەپ قارادى: قازىر ىندەتتى اناعۇرلىم تەز تىزگىندەۋ ءۇشىن، مىناداي ءۇش ءتۇرلى كەزەك كۇتتىرمەيتىن مىندەتتى ورىنداۋ كەرەك: ءبىرىنشى، ۆاكسينا ەگۋ ارقىلى توپتىق يممۋنيتەتتى قالىپتاستىرۋ قاجەت، يممۋنيتەتتى كۇشەيتۋ ۆاكسيناسىن ەگۋ ارقىلى انتيدەنەلەردىڭ ورەسىن جوعارىلاتۋ قاجەت؛ ەكىنشى، ءدارى – دارمەكتەردى زەرتتەۋدى ۇزدىكسىز كۇشەيتۋ قاجەت؛ ءۇشىنشى، دۇنيە ءجۇزىن سەلبەستىك جاساۋعا، عىلىم – تەحنيكا ارقىلى ىندەتتى جەڭىپ شىعۋعا ۇندەۋ قاجەت.

  جۇڭ نانشان: بيىل جىل سوڭىنا دەيىن توپتىق يممۋنيتەت قالىپتاستىرىپ بولۋعا سەنىمدىمىز

  جۇڭ نانشان مىنانى اتاپ كورسەتتى: جۇڭگو توپتىق يممۋنيتەتتى قالىپتاستىرىپ بولۋ ءۇشىن، نازاريالىق جاقتان ايتقاندا، ۆاكسينا ەكتىرگەن ادام سانى جالپى جان سانىنىڭ %83 ىن ۇستاۋى قاجەت. جۇڭگونىڭ قازىرگى ۆاكسينا ەگۋ قارقىنىنان الىپ قاراعاندا، جىل سوڭىنان بۇرىن توپتىق يممۋنيتەت قالىپتاستىرىپ بولۋعا سەنىمدىمىز.

  جاڭا تيپتى ايدارشا ۆيرۋس ۆاكسيناسى 2 ميلليارد 600 ميلليون دوزا ەگىلدى

  مەملەكەتتىك دەنساۋلىق ساقتاۋ جانە سالاماتتىق كوميتەتىنىڭ بۇگىن جاريالاعان مالىمەتىنە قاراعاندا، 12 – ايدىڭ 11 – كۇنىنە دەيىن، 31 ولكەدە (اۆتونوميالى رايون، توتە قاراستى قالا) جانە شينجياڭ ءوندىرىس – قۇرىلىس بيڭتۋانىندا جاڭا تيپتى ايدارشا ۆيرۋس ۆاكسيناسىن ەگۋ مولشەرى جيىنى 2 ميلليارد 602 ميلليون 703 مىڭ دوزاعا جەتكەن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار