اۆتونوميالى رايون ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى
شىندىق ارقىلى اق پەن قارانى شاتىستىرعان وسەك - اياڭعا تويتارىس بەرەمىز
2021.12.13 17:33 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 12 - ايدىڭ 10 - كۇنى ۇرىمجىدەن حابارلايدى. 12 - ايدىڭ 10 - كۇنى اۆتونوميالى رايون 8 - مايدان ”ەڭبەك تاماشا تۇرمىس جاراتادى“ اتىندا اڭگىمە ءماجىلىس اشتى، ۇزاق ۋاقىت ءتىلشى - رەداكتورلىقپەن شۇعىلدانعان 8 اقپارات قىزمەتكەرى ۇزاق جىل ءبىرىنشى شەپتە تىلشىلىك ىستەۋ بارىسىندا كورگەن - بىلگەندەرى ارقىلى امەريكاداعى، باتىستاعى جۇڭگوعا قارسى كۇشتەر ويدان قيىستىرعان شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەن ساندىراققا تويتارىس بەردى.
”حالىق تۇرمىسى ەڭبەكشىلدىكپەن كەلەدى، ەڭبەكشىل بولسا تاپشىلىق كورمەيسىڭ“. شينجياڭ گازەتى مەكەمەسىنىڭ ورىنباسار باس رەداكتورى جين فىڭ بىلاي دەدى: كوپ جىلداردان بەرى مەن جانە قىزمەتتەستەرىم بىرلىكتە شينجياڭداعى ءار ۇلت حالىق بۇقاراسىنىڭ ەڭبەك ەتىپ، جۇمىستانىپ، تاماشا تۇرمىسقا قول جەتكىزگەن شىندىعىنا ءوز كوزىمىزبەن كۋا بولىپ كەلەمىز. اڭگىمە ماجىلىسىندە ول ەڭبەكتەنۋ ارقىلى بايىعان 3 حيكايامەن ءبولىستى. ”مۇنداي مىسالدار تيانشان الابىندا تولىپ جاتىر“. جين فىڭ بىلاي دەدى: ەڭبەك ادامنىڭ تۋادا بار ۇقىق - مۇددەسى، ەڭبەك ارقىلى تاماشا تۇرمىس جاراتۋ بارلىق ادامنىڭ قۇرمەتىنە بولەنەدى.
”باقىتتى تۇرمىس قايدان كەلەدى؟ ماڭدايدان سورعالاعان اشتى تەردەن كەلەدى“. ءۇرىمجى كەشكى گازەتى مەكەمەسىنىڭ ورىنباسار باس رەداكتورى جوۋ حاي بىلاي دەدى: ءبىر اقپارات قىزمەتكەرى رەتىندە، ءسوز جوق، العا شىعىپ شىندىق ارقىلى اق پەن قارانى شاتىستىرعان وسەك - اياڭعا تويتارىس بەرۋگە ءتيىستىمىن. شينجياڭداعى ءار ۇلت بۇقاراسى وزدەرىنىڭ تىلەگىنە ساي كاسىپ تاڭداپ، زاڭ بويىنشا ەڭبەك توقتامىنا قول قويىپ، ەڭبەك قاتىناسىن تۇراقتاندىرىپ، ءتۇرلى ۇقىق - مۇددەسى تولىق قامتاماسىز ەتىلدى.
ىلە گازەتى مەكەمەسى ۇيعۇر رەداكسيا ءبولىمىنىڭ مەڭگەرۋشىسى حالمۇرات قييۇم بۇكىل وبلىستاعى بارلىق قىستاقتى تۇگەل ارالاپ شىققان. ول بىلاي دەدى: بۇقارانىڭ سول جەردىڭ وزىندە، تاياۋ ماڭدا جۇمىستانۋ ارنالارىن كەڭەيتۋ ءۇشىن، جەر - جەردەگى ۇكىمەت زاۆود، بازالاردى قىستاقتاردا قۇردى، بۇقارا ءۇيىنىڭ ماڭىنان - اق ورنىقتى قىزمەت تاۋىپ، ۇيىنە قارايلاسۋمەن بىرگە، اقشا دا تاپتى.
بۇراتالا گازەتى مەكەمەسى رەداكسيا ورتالىعىنىڭ ورىنباسار مەڭگەرۋشىسى اۋكا مەملەكەت ساياساتىنىڭ قولداۋىندا ەڭبەكشىل ءار ۇلت بۇقاراسىنىڭ شينجياڭدى قۇرۋ، تاماشا تۇرمىس جاراتۋ بارىستارىن ءوز باسىنان وتكەردى. اۋكا بىلاي دەدى: وسەك - اياڭ شىندىقتىڭ ءبىر سوققىسىن دا كوتەرە المايدى . بۇدان بىلاي قالامىم جانە اپپارات كوزى ارقىلى شينجياڭداعى ءار ۇلت حالقىنىڭ باقىتتى تۇرمىسىن ەستەلىككە الىپ وتىرامىن.
شينجياڭ داشۋە عىلمي جۋرنالى رەداكسياسى ءبولىمىنىڭ ورىنباسار مەڭگەرۋشىسى ءاسىپجان تۇرسۇن ەڭبەك تاماشا تۇرمىس جاراتادى دەگەنگە قاتىستى 4 حيكايا ارقىلى شينجياڭداعى ءار ۇلت بۇقاراسىنىڭ كەدەيلىكتەن ارىلىپ، كىرىستى ارتتىرىپ بايۋ تىلەگىن، ىستەگەن قۇلشىنىسىن جانە يە بولعان قارىمجىسىن ەگجەي - تەگجەيلى اڭگىمەلەدى. شينجياڭ شىفان داشۋە عىلمي جۋرنالىنىڭ (جاراتىلىستىق عىلىمدار باسىلىمىنىڭ) ورىنباسار جاۋاپتى رەداكتورى ابدۇميجيت ءومار بىلاي دەدى: شينجياڭداعى ءار ۇلت حالقى ەشقاشان دا ءدال بۇگىنگىدەي تۇرمىسقا، بولاشاققا تولىق سەنىم ارتقان ەمەس.
ءاربىر جاندى حيكايالار دۇنيە جۇزىنە شينجياڭداعى ءار ۇلت حالقىنىڭ قوس قولىنا تايانىپ باقىتتى تۇرمىس جاراتقان ناقتى جاعدايىن جاريا ەتتى. قاشقار گازەتى مەكەمەسى 2 - رەداكسيا ءبولىمىنىڭ ورىنباسار مەڭگەرۋشىسى ابدۇراحمان وسمان مىنانى ءبىلدىردى: امەريكانىڭ ار جاعىنا ۇڭىلسەك، ەڭبەك ماسەلەسىندە ءسىڭىستى دەرت توتەنشە اۋىر، ەڭبەكتى قورعاۋ جاۋاپكەرشىلىگىنەن ادەيى قاشقالاقتاپ وتىر.
«شينجياڭ قوعامدىق عىلىمدار جۋرنالى» ۇيعۇر رەداكسيا ءبولىمىنىڭ تەتە اعا رەداكتورى ماينۇر يۇنۇس بىلاي دەدى: شينجياڭداعى ءار ۇلت بۇقاراسىنىڭ تۇرمىس ساپاسى بارعان سايىن جوعارىلاپ، تابىس سەزىمى، باقىت سەزىمى، حاۋىپسىزدىك سەزىمى كورنەكتى ارتتى. مۇحيتتىڭ ار جاعىنداعى ناسىلشىلدىكتەن جىكتەلۋ، زورلىقپەن ەڭبەككە سالۋ جاعدايى اۋىر بولعان امەريكانىڭ كىم جاقسى، كىم ناشار ەكەندىگى جونىندە بىلەرمەنسۋىنىڭ قاجەتى جوق.
اۆتونوميالى رايون باسشىلارىنان لي شۋەجۇن قاتارلىلار اڭگىمە ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
