بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

«جۇڭگو، ءسوز جوق، باتىل قايتارما سوققى بەرەدى!»

2021.12.14 14:14     كەلۋ قاينارى : حالىق تورابى

  بۇگىن (12 - ايدىڭ 13 - كۇنى) تۇستەن كەيىن سىرتقى ىستەر مينيسترلىگى كەزەكتى تىلشىلەر جينالىسىن وتكىزدى. ءءبىر ءءتىلشى: ا ق ش مەملەكەتتىك كەڭەسى مەن قازىنا مينيسترلىگى شينجياڭنىڭ ادامدىق ۇقىق جاعدايىن سىلتاۋ ەتىپ، جۇڭگو جاقتىڭ قاتىستى قىزمەتكەرلەرى مەن ناقتى تۇلعالارىنا جازا قولداندى. جۇڭگو بۇعان قالاي جاۋاپ بەرەدى؟

  بۇل جونىندە مالىمدەمەشى ۋاڭ ۋىنبين بىلاي دەدى: ا ق ش وتىرىك پەن جالعان ينفورماتسيانى نەگىز ەتىپ، اتالمىش شينجياڭنىڭ ادامدىق ۇقىعىن سىلتاۋ ەتىپ، جۇڭگو جاقتىڭ قاتىستى ادامدارى مەن ناقتى تۇلعالارىنا تاعى دا جازا قولداندى، بۇل جۇڭگونىڭ ىشكى ىسىنە اۋىر دارەجەدە كيلىگىپ، حالىقارالىق قاتىناستىڭ نەگىزگى ولشەمىنە اۋىر دارەجەدە قايشىلىق جاساعاندىق ءارى جۇڭگو ـ ا ق ش قاتىناسىنا اۋىر زيان جەتكىزدى. جۇڭگو بۇعان باتىل قارسى تۇرادى، قاتاڭ جازعىرادى.

  ۋاڭ ۋىنبين مىنالاردى اتاپ كورسەتتى: شينجياڭنىڭ ىستەرى بۇكىلدەي جۇڭگونىڭ ىشكى ىسىنە جاتادى، شينجياڭنىڭ دامۋ جەتىستىكتەرى جۇرتقا ايان، جۇڭگونىڭ شينجياڭدى جونگە سالۋ ساياساتى جۇرت جۇرەگىنە تەرەڭ ۇيالادى، ا ق ش ـ تىڭ كوسەمسيتىن، كيلىگەتىن ەشقانداي ۇقىعى مەن تولىمدىلىعى جوق. ا ق ش – تىڭ جازالاۋى ا ق ش – تىڭ «شينجياڭ ارقىلى جۇڭگونى جازالاماقشى» بولعان سۇرقيا نيەتىن تولىق اشكەرەلەپ، ا ق ش – تىڭ جالعان دەموكراتياسىن، ناعىز وكتەمدىك ۇقىعىن، جالعان ادامدىق ۇقىعىن، ناعىز زورەكەرلىك سيپاتىن تولىق اشكەرەلەدى.

  ۋاڭ ۋىنبين مىنالاردى باسا دارىپتەدى: ءبىز ا ق ش ـ قا جۇڭگو ۇكىمەتى مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ بەكىمىنەن، زورلىقتى كۇشتەرگە، لاڭكەستىك كۇشتەرگە، بولشەكتەۋشى كۇشتەرگە، ءدىني ۇشقارى كۇشتەرگە سوققى بەرۋ بەكىمىنەن، ءارقانداي سىرتقى كۇشتىڭ شينجياڭ ىستەرىنە جانە جۇڭگونىڭ ىشكى ىستەرىنە كيلىگۋىنە قارسى تۇرۋ بەكىمىنەن اۋىتقىمايدى دەپ قاتاڭ ەسكەرتەمىز. ا ق ش ـ تىڭ تەرىس جولعا ءتۇسىپ، قارسى شارا قولدانۋى شينجياڭنىڭ دامۋ جالپى جاعدايىن بۇلدىرە المايدى، جۇڭگونىڭ العا باسۋ قادامىن بوگەي المايدى، تاريحتىڭ دامۋ اعىمىن وزگەرتە المايدى. ءبىز ا ق ش – تى قاتىستى قاتە قاۋلىلاردى دەرەۋ كۇشىنەن قالدىرىپ، جۇڭگونىڭ ىشكى ىسىنە كيلىگۋدى، جۇڭگونىڭ مۇددەسىنە زيان جەتكىزەتىن ءسوز – ارەكەتتەردى توقتاتۋعا قۋزايمىز. ەگەر ا ق ش جاق ويىنا كەلگەنىن ىستەيتىن بولسا، جۇڭگو جاق، ءسوز جوق، پارمەندى شارالار قولدانىپ، باتىل قايتارما سوققى بەرەدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار