اۆتونوميالى رايون ”زورلىقپەن ەڭبەككە سالدى“ دەگەنگە تويتارىس بەرۋ جونىندە ارناۋلى اقپار جاريالاۋ ءماجىلىسىن اشتى
ءوز قالاۋى بويىنشا جۇمىستانۋ، ابىرويلى ەڭبەك تاماشا تۇرمىس جاراتتى
2021.12.14 17:21 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋاڭ نا 12 - ايدىڭ 10 - كۇنى ۇرىمجىدەن حابارلايدى. 12 - ايدىڭ 10 - كۇنى شينجياڭ ۇيعۇر اۆتونوميالى رايونى ارناۋلى اقپار جاريالاۋ ءماجىلىسىن اشىپ، جەرگىلىكتى ورىنداعى ءار ۇلت بۇقاراسىنىڭ ءوز قالاۋى بويىنشا جۇمىستانۋى، ورنىقتى جۇمىستانۋى، كەدەيلىكتەن ارىلىپ، بايۋى سياقتى جاعدايلاردى تانىستىرىپ، امەريكاداعى، باتىستاعى جۇڭگوعا قارسى كۇشتەر ويدان قۇراستىرعان شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەن وسەك - اياڭعا تويتارىس بەردى.
اقپار جاريالاۋ ءماجىلىسىن باسقارۋشى قايرات تانىستىرىپ بىلاي دەدى: كەزەكتە شينجياڭ تاريحتاعى ەڭ تاماشا گۇلدەنۋ، دامۋ مەزگىلىندە تۇر، ەكونوميكانىڭ، قوعامنىڭ دامۋى جانە حالىق تۇرمىسىنىڭ جاقسارۋى بۇرىن بولىپ كورمەگەن تابىستارعا قول جەتكىزىپ، تيانشان الابىندا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. شينجياڭنىڭ جۇمىستاندىرۋ ساياساتى ەڭبەكشىلەردىڭ قالاۋىنا تولىق قۇرمەت ەتىپ، ءار ۇلت حالقىنىڭ تاماشا تۇرمىس جاراتۋىنا كومەكتەستى.
اقپار جاريالاۋ ماجىلىسىندە ءبىرقانشا قىسقا بەينەكەسكىندەر قويىلىپ، شينجياڭداعى از ۇلت بۇقاراسىنىڭ ”ءوز قالاۋىمەن جۇمىستانعانى“ ”ابىرويلى ەڭبەك ىستەگەنى“، ۇكىمەت تاراۋلارىنىڭ ەڭبەكشىلەردىڭ نەگىزگى ۇقىق - مۇددەسىن زاڭ بويىنشا قامتاماسىزداندىرعانى سياقتى ناقتى جاعدايلار كورسەتىلدى.
جۇڭگوداعى ماقتا وندىرىلەتىن نەگىزگى ءوڭىر رەتىندە، جۋىق جىلداردان بەرى شينجياڭنىڭ ماقتا ءوندىرىسى جەر جىرتۋ، تۇقىم ءسىڭىرۋ، باپتاۋ، تەرۋ - جيناۋ، رەتتەۋ سياقتى بۋىنداردىڭ تۇتاس بارىسى ماشينالاسۋ، زەردەلىلەنۋ بەتالىسىنا قاراي قادام تاستادى. اۋات اۋدانىنىڭ ماقتاشىسى ابدۇسامەت توحتى بيىل 500 مۋ جەرگە ماقتا ەكتى، ماشينامەن 2 دە 3 كۇندە تەرىپ بولىپ، مۋ باسىندىق ءونىم مولشەرى 350 كيلوگرامعا جەتتى. ول: ”اپپاق ماقتا ءبىزدى تاماشا تۇرمىسقا كەنەلتتى“، - دەدى.
ءماردانجان وسمان توقسۇن اۋدانىنىڭ ديقانى، 120 نەشە مۋ جەرگە ورىك اعاشىن ەگىپ، 300 قويان باعىپ، ءبىر ۇيدەگى 4 جان جىل بويى قاربالاس ىستەپ 100 مىڭ يۋاننان استام كىرىس تاپتى. ”ءبىز جاپا شەگۋدەن قورىقپايمىز، استە زورلىقپەن ىستەپ وتىرعامىز جوق، قۇلشىنا ەڭبەكتەنۋىمىز اناعۇرلىم تاماشا تۇرمىسقا كەنەلۋ ءۇشىن“، - دەدى ءماردانجان.
مۇقادداس ءمۇتالىپ بيىل 22 جاستا، كۇنەس اۋدانىنىڭ تۇرعىن اۋىلىندا تۇرادى. ەمىن - ەركىن، كەڭ تۇرمىس كەشىرۋدى ۇناتاتىن ول جۋىردا ورنىقتى قىزمەتىنەن شەگىنىپ، شارۋاشىلىق قۇرىپ، ءبىر قولايلى دۇكەن اشىپ، اي سايىنعى كىرىسى 5000 يۋانعا جەتتى. بۇدان سىرت، ول تاعى الەۋمەتتىك جەلىدە زات ساتىپ، اقشا تابۋمەن بىرگە، تاعى كوپتەگەن دوستارمەن تانىستى. ”مەن ءوزىم كوكسەگەن تۇرمىسقا قول جەتكىزدىم“، - دەدى مۇقادداس.
جۋىق جىلداردان بەرى شينجياڭنىڭ ءار دارەجەلى ۇكىمەتتەرى ءبىر قىدىرۋ تيىمدىلىك جەتكىزۋ ساياساتتىق شارالاردى اتقارىپ، كيىم - كەشەك كاسىپ سالاسىنىڭ دامۋىن قولداپ، ەڭبەكپەن جۇمىستانۋ ورنىن ارتتىرىپ، اۋىل - قىستاقتاعى ارتىق ەڭبەككۇشتەردىڭ سول جەردىڭ وزىندە، جاقىن ماڭدا ءوز كۇشىنە سۇيەنىپ جۇمىستانۋىنا، تارتىپپەن قالاعا كىرىپ جۇمىستانۋىنا كومەكتەستى. ءماريا راحمان حالىققا تيىمدىلىك جەتكىزەتىن وسى ساياساتتىڭ يگىلىگىن كورۋشىلەردىڭ ءبىرى، 2020 - جىلى ول جۇمىسقا شاقىرىلىپ، كيىم - كەشەك زاۆودىنىڭ ءبىر قىزمەتكەرىنە اينالادى، ول: ”زاۆودتا وتە ەمىن - ەركىن ءارى كوڭىلدىمىن“، - دەدى.
اقپار جاريالاۋ ماجىلىسىندە تاعى شينجياڭنىڭ نەگىزگى ساتىسىنداعى كوپتەگەن ەڭبەكشىلەر بەينەكەسكىندەر جولداپ، امەريكاداعى، باتىستاعى جۇڭگوعا قارسى كۇشتەردىڭ شينجياڭعا جالا جاپقاندىعىن، كۇيە جاققاندىعىن قاتتى ايىپتادى ءارى مۇنداي ارەكەتكە سوڭىنا دەيىن باتىل قارسى تۇراتىندىقتارىن ءبىلدىردى. كوپشىلىك تۇس - تۇستان باستان كەشكەندەرىن سويلەپ، وزدەرىنىڭ باقىتتى تۇرمىسى ارقىلى وسەك - اياڭعا قايتارما سوققى بەردى.
شينجياڭ داشۋەسى زاڭ شۋەيۋانىنىڭ لەكتورى گۇلينا ىدىرىس كەزىندەگى كوپتەگەن ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ پارتيا مەن ۇكىمەتتىڭ قامقورلىعىندا، قولداۋىندا جاڭا شەبەرلىك يگەرىپ، كوڭىلدەگىدەي قىزمەت تاۋىپ، كەدەيلىكتەن ارىلىپ، تاماشا تۇرمىسقا قول جەتكىزگەن حيكاياسىن تانىستىردى. گۇلينا بىلاي دەدى: شينجياڭ اتقارعان ەڭبەكپەن جۇمىستاندىرۋدى قامتاماسىز ەتۋ ساياساتى مەن امالياتى جۇڭگونىڭ نەگىزگى زاڭى مەن قاتىستى زاڭ - بەلگىلەمەلەرىنە بۇكىلدەي ۇيلەسەدى، حالىقارالىق ەڭبەكشىلەر جانە ادامدىق ۇقىق ولشەمىنە دە بۇكىلدەي ۇيلەسەدى، شينجياڭداعى ءار ۇلت حالقىنىڭ تاماشا تۇرمىس كەشىرۋ كۇشتى تىلەگىنە ءتىپتى دە ساي كەلەدى، حالىق تۇرمىسىنا تيىمدىلىك جەتكىزەتىن، جۇرت قالاۋىنا ۇيلەسەتىن، جۇرت تىلەگىنە باپ كەلەتىن ادىلەتتى شارا بولىپ تابىلادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
