بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ينتەرنەتتەگى ەلەكتروندى ساۋدا جارناماسىنا قولدانىلاتىن سوزدەردى جۇيەگە سالۋ قاجەت (حالىق تورابىنىڭ اعىمداعى ىستەرگە شولۋى)

ليۋ نيان

2021.12.15 13:18     كەلۋ قاينارى : حالىق تورابى

  ينتەرنەت تەكشەلەرىندەگى تاۋارلار پاراقشاسىن، تىكە تاراتىلىم پاراقشالارىن اشىپ قالساڭىز، «بۇكىل جەلىدە تەك وسى دۇكەندە عانا ساتىلادى»، «تاريحتاعى ەڭ ارزان باعا»، «ساتىلىم مولشەرى بويىنشا باس چەمپيون»، «وسى سالاداعى كوشباسشى» دەگەن سياقتى جارنامالاردان اياق الىپ جۇرگىسىز. كەيبىر تۇتىنۋشىلار وسىنداي جارنامالاردىڭ باۋراۋىندا تاۋاردى نەمەسە قىزمەت وتەۋدى ساتىپ العان سوڭ، اتىنا زاتى ساي ەمەس ەكەنىن بايقايدى، بۇل ساتىپ الۋشىنىڭ كوڭىل – كۇيىنە اسەر ەتىپ قويماي، ولاردىڭ ۇقىعىن قورعاۋى قيىنعا تۇسەدى.

  جارنامادا اسىرەلەۋ مانىندەگى سوزدەردى الباتى قولدانۋ زاڭعا قايشى ارەكەت ەسەپتەلەدى. ەلىمىزدىڭ جارناما زاڭىندا «مەملەكەت دارەجەلى»، «ەڭ جوعارى دارەجەلى»، «ەڭ ۇزدىك» دەگەن سياقتى سوزدەردى قولدانۋعا بولمايدى دەپ ايقىن بەلگىلەنگەن. سوزدىك قوردىڭ كۇردەلى بولاتىنى سەبەپتى، بارلىق اسىرەلەۋ مانىندەگى سوزدەردى ءتىزىپ شىعۋ مۇمكىن ەمەس، سوندىقتان ءىس جۇزىندىك اماليات بارىسىندا، بۇل زاڭدى جاساۋداعى ماقساتتى دۇرىس مەڭگەرۋ كەرەك. جارناما زاڭىنداعى جالعان جارناماعا قاتىستى انىقتاماعا نەگىزدەلگەندە، تاۋاردىڭ نەمەسە قىزمەت وتەۋدىڭ ساپاسى، باعاسى، ساتىلىم جاعدايى، بۇرىن قول جەتكىزگەن داڭقتارى قاتارلى ينفورماتسيالار ءىس جۇزىندىك جاعدايمەن ۇيلەسپەيتىن بولسا، بۇل زاڭعا قايشى ەسەپتەلەدى. قيت ەتسە «بىردەن – ءبىر»، «ەلدەن ەرەك»، «ەڭ ءبىرىنشى»، «شەگىنە جەتكەن» دەپ ماقتاعانمەن، كۇشىنە يە ىسپاتتى كورسەتە المايتىن ساۋداگەرلەردىڭ جارناماعا قولدانعان سوزدەرىنىڭ ۇيلەسىمسىز ەسەپتەلەتىنى ايقىن. كەيبىر ساۋداگەرلەر باقاي قۋلىق ىستەتىپ، قيالاي ەمەكسىتىپ، تۇلعالاس سوزدەردى، دىبىستاس سوزدەردى قولدانۋ قاتارلى تاسىلدەرمەن اسىرەلەۋ مانىندەگى سوزدەردى وزگەرگەن فورمادا قولدانادى، ءىس جۇزىندە، بۇل دا زاڭعا قايشى كۇمان قالىپتاستىرادى.

  اسىرەلەۋ مانىندەگى سوزدەردى الباتى قولدانعان جالعان جارنامالاردىڭ زالالىنان ساق بولۋىمىز قاجەت. ساۋداگەرلەر اسىرەلەۋ مانىندەگى سوزدەردى قولدانىپ جارناما جولداسا، ءىس جۇزىندە، ينفورماتسيانىڭ تەڭگەرىمدى بولماۋىنان پايدالانعان ەسەپتەلىپ، تۇتىنۋشىلاردىڭ ءبىلۋ ۇقىعىنا زيان جەتكىزگەن سانالادى. ۇزاق ۋاقىتتان الىپ قاراعاندا، مۇنداي ارەكەت الارمانداردىڭ ساۋداگەردىڭ تاۋارىنا بولعان سەنىمىن سەلگە كەتىرەدى، وزىنە – ءوزى ور قازعانمەن بىردەي. مۇنداي ارەكەتتەردىڭ كوبەيۋىنىڭ الدىن المايتىن بولسا، قىلمىستىق ىستەر تەورياسىندا ايتىلاتىن «شاعىلعان تەرەزە ەففەكتى» (ناشار قۇبىلىستار دەر كەزىندە جونگە سالىنباسا، بىرەۋگە بىرەۋ ەلىكتەپ، ونان ارى اسقىنا ءتۇسۋى مۇمكىن ەكەنىن بىلدىرەدى — اۋدارماشىدان) قالىپتاسىپ، «ساپاسىز تاۋاردىڭ ساپالى تاۋاردى ىعىستىرۋى» سىندى جاعدايعا دۋشار ەتەدى، ەڭ سوڭىندا بۇكىل كاسىپ سالاسىنىڭ قالىپتى دامۋىنا ىقپال جاسايدى. ءىس جۇزىندە، كەيبىر ساۋداگەرلەر ءوز ىستەگەنىنىڭ زيانىن ءوزى شەگەدى. اقپارات قۇرالدارىنىڭ حابارلاۋىنشا، بەلگىلى جەردەگى قوعام حاۋىپسىزدىگى تاراۋى ءبىر دەلونى انىقتاعان: زاڭعا قايشى ەلەمەنتتەر ەلەكتروندى ساۋدا تەكشەسى ارقىلى «ەڭ»، «ماڭگى» سياقتى سوزدەر قامتىلعان جارنامالاردى ىزدەپ، جارنامادا قولدانىلعان ءسوزدىڭ زاڭعا قايشى ەكەنىن العا تارتىپ، شاعىم ايتامىن نەمەسە اشكەرەلەيمىن دەپ قورقىتىپ، ساۋداگەرلەرگە قوقانلوقى جاساعان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار