جۇڭگو ۋاكىلدەرى ادىلدىككە، ادىلەتتىلىككە تاباندى بولىپ، شىرىكتەسۋگە قارسى تۇرۋ حالىقارالىق سەلبەستىگىن كۇشەيتۋگە ۇندەدى
2021.12.15 15:13 كەلۋ قاينارى : حالىق تورابى
شينحۋا اگەنتتىگىنىڭ 12 ـ ايدىڭ 14 ـ كۇنى بەيجيڭنەن بەرگەن حابارى، 12 ـ ايدىڭ 13 ـ كۇنى «ب م ۇ شىرىكتەسۋگە قارسى تۇرۋ شارتىنىڭ» 9 ـ كەزەكتى شارتتاسۋشى ەلدەر ءماجىلىسى ەگيپەتتىڭ شارم-ەل-شايح قالاسىندا جەلىدە جانە جەلىدەن تىس ارالاس فورمامەن اشىلدى. ورتالىق ءتارتىپ تەكسەرۋ كوميتەتىنىڭ ورىنباسار شۋجيى، مەملەكەتتىك باقىلاۋ ـ تەكسەرۋ كوميتەتىنىڭ ورىنباسار مەڭگەرۋشىسى فۋ كۇي جەلىدە ماجىلىسكە قاتىناستى ءارى ءسوز سويلەپ، جۇڭگونىڭ قاتىستى مايدانىن بايىمدادى.
فۋ كۇي ب م ۇ جينالىسىنىڭ شىرىكتەسۋگە قارسى تۇرۋ ماسەلەسى جونىندەگى ەرەكشە ءماجىلىسىنىڭ بۇكىل جەر شارىنداعى شىرىكتەسۋگە قارسى تۇرۋدى جونگە سالۋداعى ماڭىزدى ءمانىن تۇراقتاندىردى، جۇڭگو كوممۋنيستىك پارتياسىنىڭ عاسىرلىق ءىرى پارتيا رەتىندە پارتيانى جاپپاي قاتاڭ باسقارۋ جانە شىرىكتەسۋگە قارسى تۇرۋ كۇرەسىنىڭ تاجىريبەسىن تانىستىرىپ، جۇڭگونىڭ «ب م ۇ – شىرىكتەسۋگە قارسى تۇرۋ شارتىنىڭ» بورىشىن مۇقيات اتقاراتىندىعىن ءبىلدىردى. كوپ جاقتىلىق تۋىن بيىك ۇستاپ، شىرىكتەسۋگە قارسى تۇرۋداعى حالىقارالىق سەلبەستىككە باسا ءمان بەرىپ، شەكارا اتتاعان شىرىكتەسۋدى جونگە سالۋ جانە حالىقارالىق قاشقىنداردى قۋعىنداۋ، ارام ولجانى قايتارىپ الۋدى بەلسەنە ورىستەتەدى دەدى، ءار ەلدى – شىرىكتەسكەن ەلەمەنتتەر مەن – شىرىكتەسۋدەن تۇسكەن مال - مۇلىكتەردىڭ «پانالايتىن پورتى» بولۋدان باس تارتۋعا، شىرىكتەسۋگە قارسى زاڭ اتقارۋ سەلبەستىگىندە توپ قۇرۋمەن اينالىسپاۋ، «ب م ۇ شىرىكتەسۋگە قارسى تۇرۋ شارتىن» نەگىز ەتكەن الەمدىك شىرىكتەسۋگە قارسى تۇرۋدى جونگە سالۋ ەرەجەسى جۇيەسىن قورعاۋعا جانە دامىتۋعا، قاشقىنداردى قۋعىنداۋ، ارام ولجانى قايتارىپ الۋدىڭ ءتۇرلى كەدەرگىلەرىن شىن مانىندە جويۋعا ۇندەدى. جۇڭگو ءار ەلمەن بىرگە قۇلشىنىپ، جۇڭگو العا قويعان شىرىكتەسۋگە قارسى تۇرۋ حالىقارالىق سەلبەستىگىنىڭ «ءتورت ءتۇرلى قۋاتتاماسىن» جەتەكشى ەتۋگە، ادىلدىك پەن ادىلەتتىلىككە، سۇرقيالىقتى جازالاپ، ىزگىلىكتى دارىپتەۋگە، پارىقتارعا قۇرمەت ەتۋگە، تەڭ تۇرعىدا ءوزارا ۇلگى الۋعا، سەلبەسىپ تەڭ يگىلىككە كەنەلۋگە، بىرگە اقىلداسىپ، بىرگە قۇرۋعا، ۋادەسىندە تۇرۋعا، ارەكەتتى الدىمەن ەسكەرۋگە تاباندى بولىپ، ادامزاتتىڭ تاعدىرلاس ورتاق تۇلعاسىن قۇرۋعا ۇلەس قوسۋدى قالايدى دەدى.
ءماجىلىس كەزىندە، جۇڭگو جاق ب م ۇ ـ نىڭ ەسىرتكى جانە قىلمىس ماسەلەسى كەڭسەسىمەن بىرگە «ءبىر بەلدەۋ، ءبىر جول» شىرىكتەسۋگە قارسى تۇرۋ نىساندارىنا ات سالىسۋشى تاراپتاردىڭ جالپى ءماجىلىسىن جانە «ۋادەسىندە تۇرىپ، شىرىكتەسۋشىلەر پانالايتىن پورت بولۋدان باس تارتۋ» ءماجىلىسىن اشتى.
«ب م ۇ شىرىكتەسۋگە قارسى تۇرۋ شارتى » − شىرىكتەسۋگە قارسى تۇرۋ سالاسىنداعى ەڭ بەدەلدى جانە ىقپالدى الەمدىك زاڭدىق حۇجات، قازىر 188 شارتتاسۋشى ەل بار. وسى كەزەكتى شارتتاسۋشى ەلدەر ءماجىلىسى «ب م ۇ شىرىكتەسۋگە قارسى تۇرۋ شارتىن» اتقارۋ، شىرىكتەسۋگە قارسى تۇرۋ حالىقارالىق سەلبەستىگى، مال - مۇلىكتى قايتارىپ الۋ، شىرىكتەسۋدەن ساقتانۋ، تەحنيكالىق كومەك سياقتى ماڭىزدى تاقىرىپتاردى قارايدى جانە كەڭەس وتكىزەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
