سىرتقى ىستەر مينيسترلىگى: وليمپيادا جارىسىن ساياسيلاندىرۋ وليمپيادا رۋحىن قورلاعاندىق
2021.12.15 15:28 كەلۋ قاينارى : حالىق تورابى
شينحۋا اگەنتتىگىنىڭ 12 - ايدىڭ 14 - كۇنى بەيجيڭنەن بەرگەن حابارى. تاياۋدا كوپ ەلدىڭ باسشىلارى نەمەسە جوعارى دارەجەلى ءمانساپتىلارى وليمپيادا سپورتىن ساياسيلاندىرماي، بەيجيڭ قىسقى وليمپيادا سپورت جارىسىنىڭ ءساتتى وتكىزىلۋىن قولدايتىندىقتارىن ءبىلدىرىستى. بۇل جونىندە سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 12 - ايدىڭ 14 - كۇنى بىلاي دەدى: جۇڭگو جاق قاتىستى پوزيتسيا بىلدىرگەندىكتەرىن القايدى، وليمپيادا سپورت جارىسىن ساياسيلاندىراتىن ءسوز ـ ارەكەت سپورتشىلاردىڭ ادامدىق ۇقىعىن ءبۇلدىرۋ عانا ەمەس، ونان دا ماڭىزدىسى، وليمپيادا رۋحىن اياق استى ەتۋ، ىنتىماق پەن سەلبەستىك سىندى ءداۋىر اعىمىنا قايشى كەلگەندىك.
سول كۇنگى كەزەكتى تىلشىلەر جينالىسىندا ءبىر ءتىلشى بىلاي دەپ سۇرادى: بىرنەشە كۇننىڭ الدىندا، ۆەنەسۋەلانىڭ سىرتقى ىستەر مينيسترلىگى حابارلاندىرۋ شىعارىپ، ا ق ش - تىڭ ۇكىمەت ءمانساپتىلارىن بەيجيڭ قىسقى وليمپيادا سپورت جارىسىنا قاتىناسۋعا جىبەرمەگەندىگىنە نارازىلىق ءبىلدىرىپ، بۇل از ساندى ەلدەردىڭ جۇڭگونىڭ دامۋىنا شابۋىل جاساعان ساياسي ارەكەتى دەدى؛ كۋبا وليمپيادا كوميتەتى دە قاتىستى ەلدەردىڭ بەيجيڭ قىسقى وليمپيادا سپورت جارىسىنا كەدەرگىلىك جاساۋدى دەن قويا جوسپارلاۋ ارەكەتىن جازعىردى. مالىمدەمەشى بۇعان قالاي قارايدى؟
ۋاڭ ۋىنبين بىلاي دەدى: وليمپيادا سپورتىنىڭ ساياسيدا بەيتاراپ بولۋ پرينسيبىنە قۇرمەت ەتىپ، سپورتتى ساياسيلاندىرۋدان ساقتانۋ حالىقارالىق قوعامنىڭ، اسىرەسە، ءار ەل وليمپيادا كوميتەتتەرى مەن سپورتشىلارىنىڭ ورتاق ءۇنى. ۆەنەسۋەلا، كۋبادان سىرت، تاياۋدا تاعى ءبىر توپ مەملەكەتتىڭ باسشىلارى نەمەسە جوعارى دارەجەلى ءمانساپتىلارى وليمپيادا سپورتىن ساياسيلاندىرماۋ، بەيجيڭ قىسقى وليمپيادا سپورت جارىسىنىڭ ءساتتى وتكىزىلۋىن قولداۋ كەرەك دەستى. تاياۋدا حالىقارالىق وليمپيادا كوميتەتى 10 ـ كەزەكتى وليمپيادا باسشىلار ءماجىلىسىن اشتى ءارى جارناما جاريالاپ، وليمپيادا سپورتى مەن سپورتتى ساياسيلاندىرۋ ارەكەتىنە باتىل قارسى تۇردى. «ءبىز قاتىستى ەلدەر مەن حالىقارالىق وليمپيادا كوميتەتىنىڭ لەبىزىن القايمىز.»
ول بىلاي دەدى: «وليمپيادا ەرەجەسى» دەنە تاربيە قيمىلىنىڭ ادامدىق ۇقىق ەكەندىگىن ايقىن اتاپ كورسەتتى. وليمپيادا سپورت جارىسىن ساياسيلاندىراتىن ءسوز ـ ارەكەت سپورتشىلاردىڭ ادامدىق ۇقىعىن ءبۇلدىرۋ عانا ەمەس، ونان دا ماڭىزدىسى، وليمپيادا رۋحىن اياق استى ەتۋ، ىنتىماق پەن سەلبەستىك سىندى ءداۋىر اعىمىنا قايشى كەلگەندىك. ءار جاقتىڭ بىرگە قۇلشىنۋىندا، بەيجيڭ قىسقى وليمپياداسىنىڭ، ءسوز جوق، «اناعۇرلىم تەز، اناعۇرلىم جوعارى، اناعۇرلىم كۇشتى − اناعۇرلىم ىنتىماقتى بولۋ» سىندى وليمپيادا تاعىلىمىن ايگىلەيتىن تاماشا ساحناعا اينالىپ، 300 ميلليون ادامدى قار ـ مۇز سپورتىنا ات سالىسۋعا جەتەكتەۋ نىساناسىن جۇزەگە اسىرىپ، بەيبىت، اناعۇرلىم كوركەم دۇنيە قۇرۋدى ىلگەرىلەتۋگە بەلسەندى ۇلەس قوساتىندىعىنا سەنەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
