شي جينپيڭ رەسەيدىڭ زۇڭتۇڭى پۋتينمەن بەينە ەكران ارقىلى ديدارلاستى
2021.12.16 19:08 كەلۋ قاينارى : حالىق تورابى
 |
12 - ايدىڭ 15 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە رەسەيدىڭ زۇڭتۇڭى پۋتينمەن بەينە ەكران ارقىلى ديدارلاستى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
«حالىق گازەتى»، 12 - ايدىڭ 15 - كۇنى بەيجيڭ (ءتىلشى ۋاڭ دي). مەملەكەت ءتوراعاسى شي جينپيڭ 12 - ايدىڭ 15 – كۇنى تۇستەن كەيىن بەيجيڭدە رەسەيدىڭ زۇڭتۇڭى پۋتينمەن بەينە ەكران ارقىلى ديدارلاستى.
شي جينپيڭ بىلاي دەپ اتاپ كورسەتتى: جىل سوڭى قارساڭىندا سىزبەن بيىل 2 - رەت بەينە ەكران ارقىلى ديدارلاسقانىما وتە قۋانىشتىمىن، بۇل سونداي - اق 2013 - جىلدان بەرگى 37 - رەتكى ديدارلاسۋىمىز سانالادى. ءسىز كوپتەگەن ورىندا جۇڭگو - رەسەي قاتىناسىن «21 - عاسىرداعى مەملەكەتتەر اراسىنداعى سەلبەستىكتىڭ ۇلگىسى» دەپ القاپ، جۇڭگو جاقتىڭ ءوز ەلىنىڭ وزەكتى مۇددەسىن قورعاۋىن باتىل قولداپ، جۇڭگو - رەسەي قاتىناسىنا ىرتكى سالاتىن قاسكۇنەمدىككە قارسى تۇرىپ كەلەسىز. مەن مۇنى ايرىقشا القايمىن، سىزبەن بىرگە بيىلعى ەكى جاقتى قاتىناس دامۋىنىڭ جاڭا جەتىستىكتەرىن جان - جاقتى قورىتىندىلاپ، ءار سالاداعى سەلبەستىككە جاڭا جوبا جاساپ، ەكى ەل قاتىناسىنىڭ ءۇرتىس، ساپالى دامۋىن ىلگەرىلەتۋدى قالايمىن.
شي جينپيڭ بىلاي دەپ دارىپتەدى: قازىر دۇنيە جۇزىندەگى 100 جىلدىق وزگەرىس جاعدايى مەن عاسىرلىق ىندەت توعىسا ىقپال جاساپ، دۇنيە ءجۇزى اۋمالى - توكپەلى وزگەرىس كەزەڭىنە ءوتتى. جۇڭگو مەن رەسەي قاتىناسى ءتۇرلى داۋىلدى تولقىنداردىڭ سىنىنان ءوتىپ، تىڭ ومىرشەڭدىك كۇشىن ايگىلەدى. زۇڭتۇڭ مىرزا ەكەۋىمىز ءتۇرلى تاسىلدەر ارقىلى كەلەلى كەڭەستىك تاقىرىپتار جونىندە پىكىرلەسىپ، سايكەسىپ، جۇڭگو - رەسەي قاتىناسىنىڭ تىزگىنىن ۇستاپ، جول باستاپ وتىرمىز. ەكى جاق «جۇڭگو - رەسەي تاتۋ كورشى دوستىق سەلبەستىك شارتىنىڭ» ۋاقىتىن ۇزارتقانىن ءارى وعان جاڭا داۋىرلىك ءمان ۇستەگەنىن رەسمي جاريالاپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى باتىل قولداپ، ءوز ەلدەرىنىڭ ابىرويى مەن ەكى ەلدىڭ ورتاق مۇددەسىن قورعادى.
شي جينپيڭ بىلاي دەپ اتاپ كورسەتتى: جۇڭگو مەن رەسەيدىڭ جان - جاقتى ناقتى سەلبەستىگى وراسان زور ساياسي ابزالدىق پەن وراي ابزالدىعىن ايگىلەدى. ەكى جاقتى ساۋدا سوماسى الدىڭعى 3 توقساندا تۇڭعىش رەت 100 ميلليارد دوللارلىق وتكەلدەن ءوتتى، تۇتاس جىلدا تاعى دا تىڭ ورەگە كوتەرىلۋىنەن ءۇمىت بار. جۇڭگو مەن رەسەيدىڭ عىلىم - تەحنيكادا جاڭالىق اشۋ جىلى تابىسپەن جابىلىپ، ءبىرقىدىرۋ ستراتەگيالىق ءىرى نىسان ءساتتى اتقارىلىپ، «ءبىر بەلدەۋ، ءبىر جولدى» بىرگە قۇرۋ مەن ەۆروپا - ازيا ەكونوميكالىق وداعىن ۇشتاستىرۋ ءساتتى ىلگەرىلەتىلدى. ەكى ەل ءىرى ەلدەردىڭ جاۋاپكەرلىگىن بەلسەنە ايگىلەپ، حالىقارالىق قوعاممەن ىنتىماقتاسا وتىرىپ ىندەتكە قارسى اتتانىپ، دەموكراتيا مەن ادامدىق ۇقىقتىڭ دۇرىس ءمانىن پايىمداپ، ناعىز كوپ جاقتىلىقتى امالياتتا ايگىلەۋدىڭ، حالىقارالىق ادىلدىك پەن ادىلەتتىلىكتى قورعاۋدىڭ تىرەگىنە اينالدى.
شي جينپيڭ بىلاي دەپ اتاپ كورسەتتى: كەلەر جىلى جۇڭگو كوممۋنيستىك پارتياسى 20 – قۇرىلتايىن اشادى، رەسەي «2030 – جىلعا دەيىنگى مەملەكەتتىڭ دامۋ نىساناسىن» تياناقتاندىرۋدىڭ شەشۋشى كەزەڭىنە وتەدى. ەكى جاق ەسىك اشۋ ورايىنان ءوزارا يگىلىكتەنۋدە، دۇنيە ءجۇزىنىڭ دامۋ كۇن ءتارتىبىن ىلگەرىلەتۋدە تاباندى بولىپ، جاڭاشا حالىقارالىق قاتىناس ورناتۋدا، ادامزاتتىڭ تاعدىرلاس ورتاق تۇلعاسىن قۇرۋدا رولدارىن اتقارۋى كەرەك.
شي جينپيڭ مىنالاردى دارىپتەدى: تاعى ءبىر ايدان استام ۋاقىت وتكەن سوڭ جۇڭگوعا ساپارلاي كەلەسىز ءارى بەيجيڭ قىسقى وليمپيادا سپورت جارىسىنىڭ اشىلۋ سالتىنا قاتىناسىپ، ءىس جۇزىندىك ارەكەتىڭىز ارقىلى جۇڭگونىڭ وليمپيادا سپورت جارىسىن وتكىزۋىن قولدايتىنىڭىزدى بىلدىرمەكسىز. بەيجيڭ دۇنيە ءجۇزى بويىنشا جازعى وليمپيادا سپورت جارىسىن دا، قىسقى وليمپيادا سپورت جارىسىن دا وتكىزگەن تۇڭعىش قالاعا اينالۋ الدىندا تۇر. قازىر ءبىز «ۇنەمشىل، حاۋىپسىز، تارتىمدى بولۋ» پرينسيبى بويىنشا بار كۇشىمىزبەن دايىندالىپ جاتىرمىز، ءتۇرلى قىزمەتتەر نەگىزىنەن ورىندالىپ بولدى. ءبىز وليمپيادا سپورت جارىسىندا ءوزارا ساپاردا بولۋدى جۇزەگە اسىرامىز، كەلەر جىلى جانە ارعى جىلى جۇڭگو مەن رەسەي جۇڭگو مەن رەسەيدىڭ دەنەتاربيە اۋىس - كۇيىس جىلىن وتكىزەدى. وسىنى وراي ەتىپ، دەنەتاربيە اۋىس - كۇيىسىن ەكى ەل حالىقتارىنىڭ ءوزارا ءتۇسىنىسۋى مەن دوستىعىن نىعايتۋدىڭ كوپىرىنە جانە دانەكەرىنە اينالدىرۋ كەرەك. ءسىزدىڭ وسى رەتكى جۇڭگوعا ساپارلاي كەلۋىڭىز دە تاياۋداعى 2 جىلدان بەرگى تۇڭعىش رەتكى جەلىدەن تىس ديدارلاسۋىمىز بولماق. مەن سىزبەن سول كەزدە ەكى جاقتى قاتىناس، كەلەلى حالىقارالىق جانە وڭىرلىك ماسەلەلەر جونىندە ىشكەرىلەي اۋىس - كۇيىس جاساۋدى ءۇمىت ەتەمىن، ءبىزدىڭ ءتىپتى دە كوپ جاڭا، ماڭىزدى ورتاق تانىمعا كەلەتىنىمىزگە سەنەمىن. مەن ءبىزدىڭ «قىسقى وليمپياداداعى كەزدەسۋىمىزدى» اسىعا كۇتەمىن، سىزبەن قول ۇستاسا وتىرىپ «بولاشاققا بىرگە جول تارتىپ»، سوڭعى ىندەت مەزگىلىندەگى جۇڭگو - رەسەي قاتىناسىنىڭ شىت جاڭا تاراۋىن بىرگە جازۋدى قالايمىن.
شي جينپيڭ بىلاي دەپ اتاپ كورسەتتى: تاياۋدا ج ك پ 19 - كەزەكتى ورتالىق كوميتەتىنىڭ التىنشى جالپى ءماجىلىسى تابىسپەن اشىلدى، ءماجىلىس جاڭا تاريحي قاراردى ماقۇلداپ جانە جاريالاپ، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جاپپاي قورىتىندىلادى. مەن: «ءبىزدىڭ نىسانامىز وتە ۇلى ءارى قاراپايىم، سايىپ كەلگەندە، بۇكىل جۇڭگو حالقىن جاقسى تۇرمىسقا كەنەلتۋ ءۇشىن بولىپ تابىلادى» دەگەندى ۇنەمى ايتىپ وتىرامىن. حالىقتى وزەك ەتۋ − ءبىزدىڭ ءتۇبىرلى بيلىك جۇرگىزۋ تانىمىمىز. جۇڭگو مەن رەسەي − دۇنيە جۇزىلىك ىقپالعا يە ءىرى ەلدەر، سونداي - اق ءوز ەلىنىڭ مەملەكەت جاعدايىنا ۇيلەسەتىن دامۋ جولىن دا تاپتى. جۇڭگو جاق رەسەي جاقتىڭ مەملەكەتتىڭ باياندى تىنىشتىعىن قورعاۋ جولىنداعى قۇلشىنىستارىن بۇرىنعىداي تاباندىلىقپەن قولدايدى. مەن سىزبەن بىرگە ەل باسقارۋ تاجىريبەلەرى جونىندە بۇكپەسىز، ىشكەرىلەي اۋىس - كۇيىس جاساپ، جۇڭگو - رەسەي قاتىناسىنىڭ ءۇرتىس، جوعارى دەڭگەيدە دامۋىنا بىرگە جەتەكشىلىك ەتىپ، ەكى ەلدىڭ ۇلتتىڭ گۇلدەنۋىن جۇزەگە اسىرۋىنا جەتەكشىلىك ەتۋدى قالايمىن.
شي جينپيڭ بىلاي دەپ اتاپ كورسەتتى: قازىر حالىقاراداعى كەيبىر كۇشتەر «دەموكراتيا»، «ادامدىق ۇقىق» دەگەندى جەلەۋ ەتىپ جۇڭگو مەن رەسەيدىڭ ىشكى ىستەرىنە كيلىگىپ، حالىقارالىق زاڭ مەن جالپى مويىنداعان حالىقارالىق قاتىناس ولشەمىن دورەكىلىكپەن اياق استى ەتتى. جۇڭگو مەن رەسەي اناعۇرلىم كوپ بىرلەسكەن قيمىلداردى ورىستەتىپ، ەكى جاقتىڭ حاۋىپسىزدىك مۇددەسىن اناعۇرلىم ءونىمدى قورعاۋى كەرەك. ەكى جاق حالىقارالىق ىستەردەگى سايكەسۋ مەن سەلبەسۋدى كۇشەيتىپ، دۇنيە جۇزىلىك جونگە سالۋدا اناعۇرلىم اسقاق ءۇن قاتىپ، ىندەتكە قارسى اتتانۋ، كليمات وزگەرىسى سياقتى دۇنيە جۇزىلىك ماسەلەلەر جونىندە شىنايى اتقارۋعا بولاتىن جوبا جاساپ، حالىقارالىق جانە وڭىرلىك تولعاقتى ماسەلەلەردى شەشۋدە حالىقارالىق ادىلدىكتى، تۋراشىلدىقتى باتىل قورعاپ، «كوپ جاقتىلىق» پەن «ەرەجە» تونىن جامىلعان باسا بيلەۋشىلىك ارەكەت پەن قىرعي قاباقتىق وي جەلىسىنە باتىل قارسى تۇرۋى كەرەك.
شي جينپيڭ بىلاي دەپ اتاپ كورسەتتى: بىلتىردان بەرى جۇڭگو مەن رەسەي ىندەتكە قارسى اتتانۋ سەلبەستىگىن بەلسەنە ورىستەتىپ، ءبىر - بىرىنە قارايلاساتىن ەكى جاقتى قاتىناستىڭ ءمانىن جاندى ءتۇسىندىردى، سونداي - اق حالىقارالىق قوعامنىڭ ىنتىماقتاسا وتىرىپ ىندەتكە قارسى اتتانۋىن ىلگەرىلەتۋگە، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋعا بەلسەندى ۇلەس قوستى. ەكى جاق كوبىرەك ءادىس - امال قاراستىرىپ، ءبىر - بىرىنە بەيىمدەلىپ، ىندەتتىڭ شەكارا اتتاپ تارالۋىنان قاتاڭ ساقتانۋ العى شارتىندا، «بوگەلۋ ءتۇيىنىن» اناعۇرلىم كوپتەپ ىركىلىسسىزدەندىرۋدىڭ ءىس جۇزىندىك شارالارىن تياناقتاندىرۋى كەرەك. ءبىز رەسەي جاقپەن ۆيرۋستى تەكسەرۋ، ۆاكسينا جانە ءدارى - دارمەكتى زەرتتەۋ - اشۋ جاعىنداعى سەلبەستىكتى ۇشتاستىرۋدى كۇشەيتۋگە دە پەيىلمىز.
شي جينپيڭ مىنالاردى اتاپ كورسەتتى: جاڭا جاعدايدا ەكى جاق دامۋ ورايىنان بىرگە يگىلىكتەنىپ، سەلبەستىك بالكۇلشەسىن ۇلكەيتۋى كەرەك. جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسى ورايىن مىقتى يگەرىپ، الدىڭعى لەكتەگى عىلىم - تەحنيكا كاسىبى سەلبەستىگىن جەدەلدەتۋ كەرەك. جۇڭگو مەن رەسەيدىڭ ەنەرگيا سەلبەستىگىنىڭ نەگىزى بەرىك، ۇشتاسۋ ءتۇيىنى كوپ، ەكى جاق ءداستۇرلى ەنەرگيا سەلبەستىگىنىڭ قازىرگى مولشەرىن بەكەمدەپ، جاڭا ەنەرگيا سەلبەستىگىنىڭ ارتۋ مولشەرىن تولىقتاپ، يادرو ەنەرگياسى سالاسىنداعى ءبىرقىدىرۋ سەلبەستىكتى ىلگەرىلەتىپ، تۋىندامالى ەنەرگيا سياقتى جاڭا سەلبەستىك بەتالىسىن كەڭەيتۋ جونىندە ىزدەنىس جاساۋى كەرەك.
شي جينپيڭ بىلاي دەپ اتاپ كورسەتتى: بيىل 9 - ايدا مەن بىرلەسكەن مەملەكەتتەر ۇيىمىنىڭ 76 - كەزەكتى جينالىسىندا دۇنيە جۇزىلىك دامۋ باستاماسىن العا قويدىم. بۇل − جۇڭگو تاراپتىڭ ءار جاق، اسىرەسە، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەر ءدوپ كەلىپ وتىرعان بازار سايىسىن كوزدە ۇستاپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن ءتارتىبىن تياناقتاندىرۋعا كۇش سالۋداعى تاعى ءبىر دۇنيە جۇزىلىك الەۋمەتتىك ءونىمى. جۇڭگو جاق رەسەي جاقپەن سەلبەستىكتى كۇشەيتىپ، دۇنيە جۇزىلىك جونگە سالۋدى كەمەلدەندىرۋدە، دۇنيە جۇزىلىك دامۋ ىستەرىن ىلگەرىلەتۋدە رول اتقارۋدى قالايدى.
شي جينپيڭ بىلاي دەپ اتاپ كورسەتتى: شاڭحاي سەلبەستىك ۇيىمى قۇرىلعان 20 جىلدان بەرى جۇڭگو مەن رەسەي جوعارى دەڭگەيدەگى ستراتەگيالىق سەلبەستىكتى باستان - اياق ساقتاپ، باسقا مۇشە ەلدەرمەن بىرگە «شاڭحاي رۋحىنا» بۇلجىماستان بويسۇنىپ، ىنتىماقتى، ءوزارا سەنىمدىلىكتى ۇزدىكسىز كۇشەيتىپ، ءار سالاداعى سەلبەستىكتى ىشكەرىلەي ورىستەتتى. ەكى جاق وسى ۇيىمعا مۇشە ەلدەردىڭ ەل ىشىندەگى ماڭىزدى ساياسي كۇن تارتىپتەرىن ورنىقتى ىلگەرىلەتۋىنە قولداۋ كورسەتۋى، سىرتقى كۇشتەردىڭ ءارقانداي سىلتاۋمەن وڭىردەگى ەلدەردىڭ ىشكى ىستەرىنە كيلىگۋىنە، استە، جول بەرمەۋى كەرەك. شاڭحاي سەلبەستىك ۇيىمى دامۋىنىڭ دۇرىس بەتالىسىن مىقتاپ يگەرىپ، ىنتىماقتاسا سەلبەستىك جاساۋ، حاۋىپسىزدىك پەن حاۋىپ - قاتەردى تەڭ ارقالاۋ، ەسىك اشىپ توعىسۋ، ءوزارا ۇيرەنۋ - ۇلگى الۋ، ادىلدىك، تۋراشىلدىق جولىمەن ءجۇرۋ كەرەك. جۇڭگو جاق رەسەي جاقپەن جانە كوللەكتيۆ حاۋىپسىزدىك شارتى ۇيىمىنا مۇشە ەلدەرمەن ۇزدىكسىز يكەمدى، الۋان ءتۇرلى سەلبەستىك ورىستەتىپ، ءوڭىردىڭ حاۋىپسىزدىگى مەن ورنىقتىلىعىن قورعاۋعا پەيىل.
بريكس ەلدەرىنىڭ سەلبەستىگى جونىندە شي جينپيڭ بىلاي دەپ اتاپ كورسەتتى: جۇڭگو كەلەر جىلى بريكس ەلدەرىنىڭ ءتوراعا ەلى مىندەتىن اتقارىپ، باسشىلاردىڭ 14 - رەتكى ديدارلاسۋى سياقتى قيمىلداردى وتكىزەدى. ءبىز رەسەيمەن جوعارى دەڭگەيلى ستراتەگيالىق سەلبەستىكتى ساقتاپ، بريكس ەلدەرىنىڭ ءار سالاداعى سەلبەستىكتى جاپپاي تەرەڭدەتۋىن ىلگەرىلەتۋدى قالايمىز. ناعىز كوپ جاقتىلىقتى امالياتتا ايگىلەۋدى دارىپتەپ، كوپ جاقتى ساۋدا ءتۇزىلىسىن قولداپ، اشىق دۇنيە ءجۇزى ەكونوميكاسىن قۇرۋ كەرەك. بريكس ەلدەرىنىڭ ناقتى سەلبەستىگىن ويداعىداي يگەرىپ، الەۋمەتتىك دەنساۋلىق ساقتاۋ سەلبەستىگىن تەرەڭدەتىپ، «بريكس+» ۇلگىسىن كەڭەيتىپ، بريكس سەلبەستىگىنىڭ يگىلىككە كەنەلۋ كولەمىن ۇلعايتۋ كەرەك. مەن جۇڭگو مەن رەسەيدىڭ بىرگە قۇلشىنۋىندا كەلەر جىلعى بريكس سەلبەستىگىنىڭ، ءسوز جوق، بەلسەندى تابىستارعا قول جەتكىزەتىنىنە سەنەمىن.
ب م ۇ حاۋىپسىزدىك القالار كەڭەسىنىڭ سەلبەستىگى جونىندە شي جينپيڭ مىنالاردى اتاپ كورسەتتى: قازىرگى جاعدايدا حاۋىپسىزدىك القالار كەڭەسىندەگى 5 تۇراقتى القا مەملەكەت ىندەتكە قارسى اتتانۋ سەلبەستىگىن تەرەڭدەتۋ، حالىقارالىق بەيبىتشىلىك پەن حاۋىپسىزدىكتى قورعاۋ، ەكونوميكانىڭ قالپىنا كەلۋىن جەبەۋ جونىندە سايكەسۋدى كۇشەيتىپ، حالىقارالىق قوعامنىڭ جالپىلىق تىلەگىنە بەلسەنە جاۋاپ قايتارۋ قاجەت. جۇڭگو رەسەيمەن قويۋ قاتىناستى جالعاستىرۋعا پەيىل.
ەكى جاق قازىرگى ءىرى ەلدەر قاتىناسى جانە دەموكراتيا ماسەلەسى جونىندە پىكىر الماستىردى. شي جينپيڭ مىنالاردى دارىپتەدى: دەموكراتيا − بۇكىل ادامزاتتىڭ تاماشا تالپىنىسى جانە ورتاق قۇندىلىعى، سونداي - اق ءار ەل حالىقتارىنىڭ ۇقىعى. ءبىر مەملەكەتتىڭ دەموكراتيالى بولعان – بولماعانىنا، دەموكراتيانى قايتكەندە اناعۇرلىم ويداعىداي جۇزەگە اسىرۋىنا ءوز ەلىنىڭ حالقى عانا باعا بەرەدى. حالىقاراداعى ىستەردى ءار ەل بىرگە اقىلداسىپ ىستەۋى كەرەك، حالىقارالىق قاتىناستىڭ دەموكراتيالانۋىن جولعا قويۋ، ناعىز كوپ جاقتىلىقتى جۇزەگە اسىرۋ عانا جۇرت تىلەگى، جالپى جاعدايدىڭ بەتالىسى بولىپ تابىلادى. جۇڭگو رەسەيمەن پىكىرلەسۋدى، سايكەسۋدى كۇشەيتىپ، حالىقارالىق قوعامدى دۇرىس دەموكراتيالىق كوزقاراس ورناتۋعا جەتەكتەپ، ءار ەلدىڭ ورىندى دەموكراتيالىق ۇقىعىن قورعاۋعا پەيىل.
پۋتين بىلاي مىنانى ءبىلدىردى: قازىر رەسەي - جۇڭگو قاتىناسى بۇرىن - سوڭدى بولماعان ەڭ جاقسى تاريحي مەزگىلدە تۇر، وسكەلەڭ ستراتەگيالىق ءوزارا سەنىمدىلىكتى ايگىلەپ، ءبىر - ءبىرىنىڭ ىشكى ىسىنە ارالاسپاۋ، ءبىر - ءبىرىنىڭ مۇددەسىنە قۇرمەت ەتۋ نەگىزىندە ءوزارا پايدا جەتكىزىپ، تەڭ يگىلىككە كەنەلۋ ۇلگىسىن ورناتتى، بۇنى 21 - عاسىرداعى حالىقارالىق قاتىناستىڭ ۇلگىسى دەۋگە بولادى. بيىل − «رەسەي - جۇڭگو تاتۋ كورشى دوستىق سەلبەستىك شارتىنا» قول قويىلعانىنىڭ 20 جىلدىعى، رەسەي - جۇڭگو شارتتىڭ ۋاقىتىن ۇزارتۋدى رەسمي جاريالادى. ەكى جاق جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن جەڭىپ، قويۋ بارىس - كەلىستى جالعاستىرىپ، ەكونوميكا - ساۋدا، ەنەرگيا، عىلىم - تەحنيكا سياقتى سالالارداعى ناقتى سەلبەستىكتىڭ ورنىقتى دامۋىن بەلسەنە ىلگەرىلەتىپ، حالىقارالىق جانە وڭىرلىك ماسەلەلەر جونىندە پىكىرلەسىپ، سايكەسىپ وتىردى. رەسەي مەن جۇڭگونىڭ ستراتەگيالىق سەلبەستىگى ءتۇرلى حالىقارالىق قولامتالى ماسەلەلەردى ءونىمدى شەشۋدىڭ، حالىقارالىق بەيبىتشىلىكتى قورعاۋدىڭ ماڭىزدى بەلسەندى فاكتورىنا اينالىپ، حالىقارالىق زاڭدى نەگىز ەتكەن حالىقارالىق ءتارتىپتى بەكەمدەۋدە ماڭىزدى رول اتقاردى. مەن جۇڭگودا تەز ارادا ساپاردا بولۋدى ءارى بەيجيڭ قىسقى وليمپيادا سپورت جارىسىنىڭ اشىلۋ سالتىنا قاتىناسۋدى كۇتىپ وتىرمىن، رەسەي دەنەتاربيەنى ساياسيلاندىرۋ قاسكۇنەمدىگىنە باستان - اياق قارسى تۇرىپ كەلەدى. مەن سول كەزدە سىزبەن بىرگە كوڭىل ءبولىپ وتىرعان ماڭىزدى ماسەلەلەر جونىندە ىشكەرىلەي پىكىر الماستىرىپ، رەسەي - جۇڭگو قاتىناسىنىڭ ءۇرتىس، جوعارى دەڭگەيدە دامۋىن ىلگەرىلەتۋدى ءۇمىت ەتەمىن. رەسەي جۇڭگومەن ەكونوميكا - ساۋدا، مۇناي - گاز، فينانس، اۆياتسيا - عارىش سياقتى سالالارداعى، سونداي - اق ستراتەگيالىق ءىرى نىساندار سەلبەستىگىن ۇزدىكسىز كۇشەيتىپ، ەۆروپا - ازيا ەكونوميكالىق وداعىنىڭ «ءبىر بەلدەۋ، ءبىر جول» باستاماسىمەن اناعۇرلىم ۇشتاسۋىن ىلگەرىلەتۋدى قالايدى. ىندەتكە قارسى اتتانۋ سەلبەستىگىن كۇشەيتىپ، ىندەتتى ساياسيلاندىرۋعا قارسى تۇرۋ كەرەك. گۋمانيتارلىق اۋىس - كۇيىستى ونان ارى كۇشەيتىپ، كەلەسى 2 جىلداعى دەنەتاربيە اۋىس - كۇيىس جىلىن ويداعىداي وتكىزۋ كەرەك. رەسەي جاق جۇڭگو ۇكىمەتىنىڭ تايۋانعا ساياتىن ماسەلەلەردەگى ورىندى مايدانىن باتىل قولدايدى، ءارقانداي كۇشتىڭ تايۋانعا ساياتىن ماسەلەلەردەن پايدالانىپ جۇڭگونىڭ مۇددەسىنە زيان جەتكىزۋىنە باتىل قارسى تۇرادى، ازيا - تىنىق مۇحيت وڭىرىندە ءارقانداي فورماداعى «شاعىن شەڭبەر» قۇرۋعا باتىل قارسى تۇرادى، رەسەي - جۇڭگو قاتىناسىنا ىرتكى سالاتىن قاسكۇنەمدىكتىڭ قاندايى بولسا دا ىسكە اسپايدى. رەسەي جۇڭگومەن شاڭحاي سەلبەستىك ۇيىمى، بىرلەسكەن مەملەكەتتەر ۇيىمىنىڭ حاۋىپسىزدىك القالار كەڭەسى سياقتى كوپ جاقتى ورىنداردا تىعىز سەلبەستىكتى ۇزدىكسىز تەرەڭدەتۋدى قالايدى، جۇڭگونىڭ كەلەر جىلى بريكس ەلدەرىنىڭ ءتوراعا ەلى مىندەتىن وتەۋىن قولدايدى، رەسەي مەن جۇڭگونىڭ ىشكى ىستەرىنە كيلىگۋ جانە ەكى ەلدىڭ ورىندى دامۋ مۇددەسىن تەجەۋ قاسكۇنەمدىگىنە باتىل قارسى تۇرادى، حالىقارالىق ادىلدىك پەن تۋراشىلدىقتى قورعايدى، حالىقارالىق ستراتەگيالىق حاۋىپسىزدىك پەن ورنىقتىلىقتى قورعايدى. رەسەي جۇڭگومەن ءار ەلدىڭ ناعىز دەموكراتيالىق ۇقىعىن قورعاۋ ماسەلەسى جونىندە پىكىرلەسۋدى كۇشەيتۋگە پەيىل.
ەكى جاق تاعى ورتاق كوڭىل ءبولىپ وتىرعان باسقا دا حالىقارالىق جانە وڭىرلىك ماسەلەلەر جونىندە پىكىر اۋىستىردى.
ەكى ەلدىڭ مەملەكەت باسشىلارى كەلەر جىلى 2 - ايدا بەيجيڭدە جۇزدەسۋگە ۋاعدالاستى.
ديڭ شۋەشياڭ، ۋاڭ ي، حى ليفىڭ قاتارلىلار جوعارىداعى قيمىلعا قاتىناستى.
كەلۋ قاينارى: حالىق تورابى
 |
12 - ايدىڭ 15 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە رەسەيدىڭ زۇڭتۇڭى پۋتينمەن بەينە ەكران ارقىلى ديدارلاستى. سۋرەتتى شينحۋا اگەنتتىگىنىڭ ءتىلشىسى يىن بوگۋ فوتوسى
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
