ا ق ش الدىمەن شارتقا قاتىناسىپ، ونان سوڭ پىكىر ايتسىن!
2021.12.17 13:06 كەلۋ قاينارى : حالىق تورابى
12 - ايدىڭ 15 - كۇنى، سىرتقى ىستەر مينيسترلىگىنىڭ مالىمدەمەشىسى جاۋ ليجيان كەزەكتى تىلشىلەر جينالىسىن باسقاردى.
ءبىر ءتىلشى بىلاي دەپ سۇراق قويدى: 12 - ايدىڭ 14 - كۇنى، ا ق ش ـ تىڭ مەملەكەت ىستەر حاتشىسى بلينكەن يندونەزيادا ساپاردا بولعان كەزدە ءسوز سويلەپ، شىعىس سولتۇستىك ازيادان شىعىس وڭتۇستىك ازياعا، مەكونگ وزەنىنەن تىنىق مۇحيت ارالىنا دەيىن، كوپتەگەن ادامدار جۇڭگونىڭ «شاپقىنشىلىق سيپاتتى ارەكەتىنەن» الاڭدادى. ا ق ش نانحاي تەڭىزىندە قاتىناۋ ەركىندىگىنە «كەپىلدىك ەتۋگە» بەل بايلادى دەدى. بلينكەن سوزىندە «نانحاي تەڭىزىنە تورەلىك ايتۋ كەسىمىن» اۋىزعا الدى. جۇڭگو بۇعان قالاي قارايدى؟
«مەن الدىمەن بىرنەشە قاراپايىم شىندىقتى ايتقىم كەلەدى. ۇزاق ۋاقىتتان بەرى، «قاتىناۋ ەركىندىگىن» جەلەۋ ەتىپ، نانحاي تەڭىزىندە لاڭ سالىپ، ءوڭىردىڭ بەيبىتشىلىگى مەن ورنىقتىلىعىنا اۋىر قاتەر ءتوندىرىپ، اۋىر حاۋىپ - قاتەر تۋدىرعان جۇڭگو ەمەس. نانحاي تەڭىزى تالاس ـ تارتىسىن قاساقانا قوزعاپ، وڭىرلىك مەملەكەت قاتىناسىنا ىرتكى سالعان جۇڭگو ەمەس. قيت ەتسە كەڭ كولەمدى وزىق كەمە - ۇشاعىن نانحاي تەڭىزىنە اسكەري بارلاۋ، اسكەري مانەۆر جۇرگىزۋگە جىبەرىپ، قاتىستى ەلدەردىڭ تەڭىز ايدىنى، اۋە كەڭىستىگىنە جانە ارال مارجان قۇزدارىنىڭ ماڭىنداعى تەڭىز ايدىنىنا، اۋە كەڭىستىگىنە زاڭسىز باسىپ كىرگەن دە جۇڭگو ەمەس. جوعارىداعى ارەكەتتەردى قولدانۋعا ادەتتەنگەندەر قايسى مەملەكەت، وسىندا وتىرعانداردىڭ ءبارى ابدەن بىلەدى. ا ق ش ءمانساپتىلارىنىڭ اق پەن قارانى شاتاستىرماۋىن ءۇمىت ەتەمىن.» دەدى جاۋ ليجيان.
جاۋ ليجيان بىلاي دەپ اتاپ كورسەتتى: ا ق ش «ب م ۇ - نىڭ تەڭىز - مۇحيت زاڭى شارتى» مەن اتالمىش «نانحاي تەڭىزىنە تورەلىك ايتۋ كەسىمىن» اۋىزعا الۋدى ۇناتادى، ءوز تاريحىن ۇمىتىپ «ەرەجەنى نەگىز ەتكەن ءتارتىپ» دەيدى، وندا ا ق ش الدىمەن «شارتقا» قاتىناسىپ، ونان سوڭ پىكىر ايتسىن. «نانحاي تەڭىزىنە تورەلىك ايتۋ كەسىمى» مەملەكەتتىڭ قۇپتاۋ پرينسيبىنە اۋىر دارەجەدە قايشىلىق جاسادى، اتالمىش «كەسىم» «بىرلەسكەن مەملەكەتتەر ۇيىمىنىڭ تەڭىز - مۇحيت زاڭى شارتىن» قامتىعان حالىقارالىق زاڭعا اۋىر دارەجەدە قايشىلىق جاسادى، بۇل زاڭسىز، كۇشكە يە ەمەس. ا ق ش قيت ەتسە بولعانى حالىقارالىق زاڭنىڭ «قورعاۋشىسىمىن» دەپ بالسىنەدى، ا ق ش الدىمەن حالىقارالىق سوت مەكەمەسىنىڭ ۇكىمىن، اقىل - كەڭەس پىكىرىن جانە بىرلەسكەن مەملەكەتتەر ۇيىمى جينالىسىنىڭ قارارىن ويداعىداي اتقارىپ، ونان سوڭ سويلەۋى كەرەك. ا ق ش حالىقارالىق زاڭ مەن حالىقارالىق ەرەجەلەردى ۇيلەسىمدى بولسا قولدانادى، ۇيلەسىمسىز بولسا تاستاپ كەتەدى، بۇل وزىمشىلدىك پەن قوس ولشەمدىلىك ارەكەتى الدەقاشان سەنىمىنەن ايرىلىپ، بارعان سايىن ىسكە اسپايتىن بولادى.
ا ق ش ـ تىڭ ءوز تاريحىن ۇمىتىپ، نانحاي تەڭىزىندەگى «قاتىناۋ ەركىندىگىن» قورعايمىن دەۋى، بار بولعانى ا ق ش ـ تىڭ وزىق اسكەري ۇشاق، اسكەري كەمەسىنىڭ نانحاي تەڭىزىندە دوڭ ايبات تانىتىپ، جاڭجال شىعارىپ، سويقان تۋدىراتىن «باسبۇزارلىق ەركىندىگى» عانا. ا ق ش حالىقارادا زورلىق - زومبىلىق ىستەپ، قيت ەتسە ءبىر جاقتىلىقپەن جازالاپ، ءبارىن باسقارىپ، مەملەكەت حاۋىپسىزدىگى سىلتاۋىن بەتالدى پايدالانىپ، باسقا ەلدەردىڭ كاسىپورىندارىن جولسىزدىقپەن جانىشتاپ، ەكونوميكالىق قوقانلوقىمەن شۇعىلدانىپ، زورەكەرلىكتىڭ، وكتەمدىكتىڭ، الكەۋدەلىكتىڭ تيپىنە اينالدى.
ا ق ش جاق فاكتكە قۇرمەت ەتىپ، حالىقارالىق زاڭ مەن حالىقارالىق قاتىناستىڭ نەگىزگى ولشەمىنە قۇرمەت ەتىپ، نانحاي تەڭىزىنىڭ بەيبىتشىلىگى مەن ورنىقتىلىعىن بۇلدىرەتىن، وڭىردەگى ەلدەردىڭ ءوزارا سەنىمدىلىگىنە، سەلبەستىگىنە زيان جەتكىزەتىن قاتە ءسوز ـ ارەكەتتەردى توقتاتۋى كەرەك،- دەپ باسا دارىپتەدى جاۋ ليجيان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
